صدفة ساقها ربي وقلت لها هلا
من حوالي عام فات والخاطر ذبيح
وابتلاني الشوق ياريم الفلا
ماهدا قلبي وعيا فوادي يستريح
ان سمعته زاد شوقي من غرامه واعتلا
وان تكدر ضاق بالي وانا عيني تصيح
مايعافك خافقي يابعد روحي ولا
يوم يجرح ويتعدى حدود ويستبيح
يعلم الله ماهويتك غير من زود الغلا
صابني حبك على صدفة وخلاني طريح
لك معزة واضحة بين الخلايق والملا
ماقدرت أخفي غرام قبل بونس والمسيح
الحياة بعيد عنك كنها صحرا خلا
موحشة خلت حياتي شمعة في وجه ريح
ماعشقت الا حنانك والحلا وانتي حلا
وان عشقتيني دخيلك ارحمي قلبي الجريح