بخصوص البلاي ستيشن بروتبل!!

[بودعيج]

السلام عليكم شباب بخصوص البلاي ستيشن بروتبل وصل عندنا فالسوق باربعة الاف

ريال قطري :shock22: :shock22:

تتوقعون متى بينزل سعرة فالسوق؟؟

المشكله انه ينحط فالجيب وباربعة الاف والله بطرة !!

بس تبون الصراحة عندي انا يسوى ما شفت فيه أي عيب الصورة واضحــــــــــــــة

وضوح الشمس وانا متردد اشتريه ولا لا تنصحوني فيه يالي عندكم هذا الجهاز الصغير؟؟...

[Travis]

وجدت الجهاز من ثلاثة ايام بــ 2400 ريال JPN

لاتستعجل انتظر وبينزل سعره

[DREX]

يااا ولد الحلال .. شو4000 ... شو متخبلين اللي عندكم ... بعد نحن يوم نزل .. يلست اتهازب وياهم
يوم قالوا بـ 2000 .. شوف إذا مستعجل ... مر علينا الامارات .. و إبوظبي مهب بعيدة عليك و إشترها من اي مركز .. بعد يمكن تحصلها بـ 1900 أو 1800 ...


وإاذا تبى النصيحة اصبر الين شهر 3 (( مارس )) ... وبينزل الجهاز الامريكي .. وبيكون ارخص بوااايد


شوف الحين الدولار سعره نازل .. فطبيعي الين مرتفع وهذا له تاثير على أرتفاع اسعار الواردات اليابانية
فلا تستعجل

يالله سلااااامش

[saihat99]

يا شباب ترى سعرة مو كذا ترى أهوه رخيص أرخص من 1500
بس جابوه البحرين من اليابان وقامو يبيعونه 2500
والله غالين ومغلينه واااااااااااااااااااجد
أنتظر كم من شهر ويجيك

[The Shark]

أنتظر كم شهر و بينزل سعره..أفضل حل ..أو شوف لك واسطة

[kbamgli1]

اصبر بعد شهر بينزل الأمريكي في janurary وبينزل في الخليج كله أما الإصدار الأوربي في شهر march

[ميلاني]

شباب بالكويت صارت ب175 دينار

[BlueTooth]

في البحرين بـ280 دينار..

[FoxDie]

شوف الحين الدولار سعره نازل .. فطبيعي الين مرتفع وهذا له تاثير على أرتفاع اسعار الواردات اليابانية
فلا تستعجل

سعر الجهاز ماله خص بالدولار

شباب علشان التصحيح الشي اللي مخلي سعر PSP واصل حدود 2000 درهم او اكثر هو انه الجهاز ينباع في السوق السوداء

لانه سعر الجهاز اصلا 300 دولار في اليابان يعني 1100 تقريبا بس السوق السوداء خلت سعره 600 دولار يعني ضعف المبلغ الاصلي

اما هذيلا اللي يبيعون هني فوق 2500 درهم ترا هذيلا حراميه يعني يريدون الربح

انا اعرف محل شاري الجهاز من محل ثاني ب 2200 درهم تعرفون كم يبيعها ؟؟؟ يبيعها ب3000 درهم يعني 800 درهم فايدة وكم مرة تغير سعر الجاز وهو ما يغير السعر ماله

انا شارنها مع لعبتين ب 2650 درهم اول ما نزلت بالامارات عندنا يوم 14
يعني اول عربي لعب PSP

[NINTENDO GC]

السلام عليكم شباب بخصوص البلاي ستيشن بروتبل وصل عندنا فالسوق باربعة الاف

ريال قطري :shock22: :shock22:

تتوقعون متى بينزل سعرة فالسوق؟؟

المشكله انه ينحط فالجيب وباربعة الاف والله بطرة !!

بس تبون الصراحة عندي انا يسوى ما شفت فيه أي عيب الصورة واضحــــــــــــــة

وضوح الشمس وانا متردد اشتريه ولا لا تنصحوني فيه يالي عندكم هذا الجهاز الصغير؟؟...

===============================================================
اسف بس في قطر عندنا اغله محل 2500 الي هو الرعايه التقنيه والباقي اقل بـ50 ريال او بـ3 ريال فأسف اقولك انهم يكذبون عليك او العكس مادري بس انت من اي محل بتشتريه (4000 ريال وين قاعدين احنا قلنا انهم نصابين بس مب لهدرجه خ خخخ خ )