حسبي الله عليك
فضحتني قدام الله وخلقه ...
(انت اصلا يا فهودي من يوم دخلت المنتدى وانت طالع من فضحية وداخل في الثانية .... يعني مو شيء جديد عليك) .....
لا .... بس اليوم ... نواف سوى فيني الي ماينتسوى .....
ناشب لي في حلقي .. الا ابغى اقابلك اليوم ....
ومطلعني من الاستراحة والشباب ومعسل الفراولة وساعة الصدر ... عشان اشوف وجهه
قلنا معليش .. ولد جيراننا ويستاهل ...
مواعدني في بندة الي على طريق الملك عبدالعزيز ..... عند محل القهوه .. بعد صلاة العشاء ...
انا جيت من الاستراحة .. ودخلت البيت .. ولقيت اخوي الصغير (عمره اربع سنوات) ..... قلت اخذه معي عشان يتعرف على ولد جيراننا ..
ونصف ساعة كاملة .... قدام محل القهوه انتظر نواف .....
وكل ما قال اخوي الصغير شيء ....... شربته قهوه عشان يسكت....
فجاءة كذا بدون مقدمات .........
لقيت كل الناس يناظروني رجال ونساء.. بنات و أولاد....
(وانا طبعا متعود اني محط انظار واعجاب الجميع) .. بس هالمره النظرات مختلفة ...
وكلهم يأشرون علي .. ويضحكون ... او يتحمدون ربي
ناظرت نفسي .. مالقيت شيء ...
التفتت على اخوي ... وياليتني ماالتفتت ....
الرجال مستلم الأجاصه ...... ومنزل بنطلونه ..... ومستعد للشغل ....
كله بسبب القهوه الي مليانه سكر
انا جاتني صدمة نفسيه على طول .... وبغيت اخليه واطلع واسوي نفسي مااعرفه .. (بس ايش يفكني من امي وقتها) ..
فهد \ يا حيوان .. البس ملابسك ...
اخوي \ بس فيني بول ...
فهد \ الله يرحم والديك البس .. تكفى البس .. قسم بالله لأشتري لك اي شيء تبغاه ..
وربي ستر .. ولبس اخوي بنطلونه ....
وانحشنا انا واياه للسيارة ...
بس وين اودي وجهي من الناس ... ولا الهندي الي يشتغل في محل القهوه ...
بس انا اعرف شغلي معاك زين يا نواف .....
والله لأخليك تندم .... مثل مافشلتني قدام الله وخلقه ...
