عضو جديد
السلام عليكم اخواني خواتي امانه انا احب الرسم ولكني ارسم بالرصاص وموعارفه
شسم الالوان الاحسن يعني الحلوه مو ام طقه
امانه ابي اسماء الوان زيتيه حلوة او مائيه ولما تكتبون اسمها اذكروان كانت مائيه او زيتيه جزاكم الله الف خير
بس لاتطولون علي انا عضوة يديده وان شاللله استمرر معاكم واذكركم بخير
ساعدووني
عضو نشيط
اخت لورا لا تشيلين هم الألوان كثير , لأنه مافي ألوان احسن من غيرها , المسألة تعتمد على اللي يستخدم هالألوان وكيف يقدر يستخدمها ويسخرها لصالحه ويستفيد من امكانياتها
عشان كذا كل الألوان مثل بعض في رايي , خشبية , مائية , زيتية , باستيل , جواش ... الخ
اذا كنتي تقدرين تجربينهم كلهم جربيهم !! وبعدها راح تميلين لبعض الألوان أكثر من غيرها لأنك راح تحسين انها تعبر عنك بشكل أفضل , مثلا أنا ألواني المفضلة هي الألوان المائية , لأني احس انها ألوان خيالية وانسيابية و أقدر اسوي فيها اشياء مااقدر اسويها بالالوان الخشبية مثلا , بس هذا مايعني ان الالوان الخشبية سيئة او ان مستواها اقل , لأنه حتى الألوان الخشبية لها مزايا خاصة , مثلا .. التحكم فيها اسهل بكثير من التحكم بالالوان المائية , عشان كذا اذا كنت راح ارسم بسرعة وابغى نتايج سريعة الوّن بالخشبي
اذا كنتي مهتمة بالالوان المائية وناوية تجربينها فأنصحك تبدأين بالنوع اللي يكون داخل علبة ويكون فيها معظم الألوان المهمة والاساسية ( أزرق , أصفر , أحمر , أخضر , أسود , ... الخ ) , النوع اللي عندي هو FABER-CASTELL واشتريته بـ 35 ريال تقريبا , بالنسبة لي اشوفه غالي طبعاعشان كذا اذا لقيتي غيره بسعر ارخص فلا تترددي وخذيه لأنه مافي فرق كبير بينهم .. كلهم ألوان !! :icon6:
في نوع ثاني من الالوان المائية ينباع كل لون فيه لوحده , ماجربت هالالوان لكن اللي اعرفه ان معظم المحترفين يستخدمونها , بس المشكلة سعرها غالي بشكل مرعب !! يمكن اللون الواحد يوصل سعره 7 ريال !!!
ولا تنسين الفرش واوراق المائي الخاصة .. النوعيات الجيدة دائما اسعارها مرتفعة عشان كذا ابدئي مع الارخص واذا حسيتي انك تمكنتي من الألوان تقدرين تشترين الوان من نوعية افضل
أو تقدرين تبدأين مع الالوان الخشبية وسعرها راح يكون ارخص وبصراحة هي الانسب للمبتدئين
.... وبس !
لا تحاولين تعطين الموضوع اهمية كبيرة لأنه حتى افضل الألوان في العالم ماراح تخلي مستوانا افضل في التلوين , مستوانا راح يكون افضل لما نمارس التلوين اكثر , وهذا شي نقدر نسويه حتى بأرخص وأسوأ الألوان .
عضو متواصل النشاط
اختي هذا المووضووع يمكن يفيدج
http://www.montada.com/showthread.php?t=314414
اما بالنسبه للالوان الزيتيه انا استخد رووني
اما الالوان المائيه انا استخدم ديلر
وهذا يمكن يفيدج
http://www.montada.com/showthread.php?t=305112
اتمنى اني قد افدتج
و لا تزعل و لا تتعب شعورك .. و لا تاخذ على خاطرك مني
أبتأسف الين أرضي غرورك .. و بقول اني مقصر غصب عني ..
ضوابط المشاركة
