طريقة للحصول على جهاز التخفي مجربة100%

[f o x]

السلام عليكم

شخبار الضفادع ال64 نصيحة مني لا تضربونهم

عندي طريقة أسهل علشان أطلع جهاز التخفي

هي كالتالي:-



أنك تختم اللعبة بدون إنذار(الأحمر فقط)

أنك لا تموت ولا مرة

أنك تختم اللعبة في أقل من 5ساعات

ما تبدل ملابسك أو تصبغ وجهك

بس.



أما الضفادع أنك تصيب 64 ضفدع هاذي صعبة خصوصاً وأنت

في الدباب مع EVA طريقتي سهلة مجربة100%

جربوها ما تندمون ولآب خسرانين



تحياتي,,,,

[Fire * Blue]

مشكور حبيبي علي الطريقه الرائعه ويا ريت تضعها هنا للاستفاده وشكرا ..

اسرار الاسطورة ((متيل قير 3 )).....^___^ ( 1 2 3 4 5 )

[CQC]

السلام عليكم ورحمة الله وبركاتة

اخوي F o x

عندي جم سؤال بسألك ولو سمحت ابي رد وعلى قد معلوماتك يكون صحيح

1- بالنسبه للأنذار في جنديين (رجلين) 2 يجونك بعد المعركه بين ذا بوس وبيغ بوس(سنيك) بعد ماتحطم مركبتة الصغير وتحطم المسدس وتركب حصانها الأبيض وتمشي يجون هالرجلين الثنين
اهني يصير إنذار اصفر بس مادري انت كتبت بين قوسين (الأذنار الأحمر فقط)
يعني مايأثر هالأنذار بكيفية حصولي على الجهاز ؟

2- وبالنسبه انك ماتموت ولا مره راح يطيح او يقع سنيك بالمستنقع او البحيرة الصغيره بعد لحاق او متابعه اوسيلوت لأكل الثعابين(سنيك) واهو بالبحيره يغمى عليه ويحلم بذا سورو وتمشي معاه لأخر المشوار او الطريق .. وبعدين لازم تموت ؟؟؟!!! وتاكل الحبه اللي على شكل سن او ضرس إنسان

فهل هذا يأثر على كيفيه حصولي على الجهاز ؟؟

3- أول ماينزل سنيك بالباراشوت من طيارة الـCIA جماعته بأول اللعبه او المهمه وبعدين يفقد الباك بك (حقيبه ادواته) تكون صبغه سوده على وجه سنيك ولبسه المعتاد الأخضر غامق

يعني مانغير الصبغه ولا اللبس هذولي ؟؟

ارجو الأجابه تكون واضحه ومملة وهم ارجو اني ماثقلت عليك ولا طولت عليك بالأسئلة

مجرد بعض المعلومات الصغيره من بحر معلوماتك الواسعه والكبيرة

اشكرك شكر جزيلً على الموضوع الجميل

تـشــاااوو

[VEETO]

عني انا مو متاكد من موضوع تبديل الثياب لاني سمعت من كم واحد انه عادي
بس بجاوبك اخوي CQC

1. المقصود الانذار الاحمر (( ALERT )) اللي يصير بهالمقطع هو (( CAUTION )) ...
وهذا عادي مثل مقطع اللي يجونك الاوسيلوت يونيت بعد ما تشوف ايفا !!

2. مقطع ذا سورو هذا انت ما مت المقصود بانك ما تموت ولا مرة انك ما تستعمل ولا كونتينيو !

اما عن الطريقة فبصراحة انا اشوفها اصعب من الضفادع
وانا ختمتها بالضفادع وكانت نوعا ما صعبة
بس هذي انا اشوفها اصعب وخصوصا بمقطع ايفا الاخيري مثلا !
لما تكون معاها بالغابة او مقطع الاوسيلوت يونيت لازم تحفظ اماكنهم واحد واحد

[CQC]

ياهلا ومرحبا بالأخ VEETO اسفرت وانورت

بالنسبه للأنذار وجماعه الأوسيلوت هذولي تنفع معاهم طريقه وحده على شان مايكشفونك ويطلع الأنذار ( الأحمر) واللي اهو الحفظ التخزين (Save) ؟

على شان إذا خزنت تكون ضامن نفسك حتى لو كشفوك ترد مره ثانيه عن طريق التخزين

يعني السؤال يطرح نفسه هل استطيح أن أحفظ وانا اريد الحصول على الجهاز ؟ وهذا موجه للي يعرف وواثق ومجرب؟

وسؤال ثاني معلش للأخ العزيز فيتو ( VEETO) ؟

هل حصلت على جهاز التخفي أم لا ؟

ومشكور على ردك على وبصراحه ردك شرف كبير لي ووسام اضعُه على صدري ( ناحية القلب)

[f o x]

أخويCQCكلام VEETOصح وشكراً له
بالمناسبة للحفظ يمكنك أن تحفظ
وعن إيفا أعتقد أنه يمكنك إستخدام قنابل الغاز
علشان يوقفون

تحياتي,,,,

[VEETO]

اخوي CQC شكرا لكل هالكلمات الرقيقة جدا

عن جهاز التخفي حصلت عليه بس بالطريقة الثانية بطريقة الضفادع ...
وحصلت عليه وعلى IFP (( طلاء الذخيرة التي لا تنتهي )) ..
من لعبة واحدة وعندي الصور بس كيبل الكاميرا مو عندي لما يوصل احط ليك الصور

[abood525]

انا طلعت جهاز التخفي بدون تعب
حملت تخزينه من الانترنت وحملتها في المومري كارد باستخدام وصله شارك بورت وكان موجود فيها كل الملابس وجهاز التخفي والباتريوت بدون ضفادع ولا تعب
وش رايكم توفير وقت وجهد بس خسارة اهم شي وهو المتعه

[CQC]

أخوي F o x مشكور على المعلومه وبجربها وانا حافظ عند جماعه الأوسيلوت وقاعد احاول فيهم بالمخدر بس بجرب قمبله الغاز وشوف انا بمشي للأخر وبحاول بطريقة لأنها حلوه ومو متعبه إذا ماصارت ولا ماقدرت انحاش من الجنود أمري لله اجرب طريقه الضفادع والله يعيني ..


وبالنسبه للأخ VEETO هنيالك بجهاز التخفي وعؤبالنا إن شاءالله ..

ومشكورين ياشباب على الردود

[mazinkaizer]

أنا خلصت اللعبه بدون ولا انذار و مكيجت (حطيت مكياج) سنيك عدل و خليته عارضه ازياء كثر ما بدلت ملابسه
و فوق هذا كله انهيت اللعبه بـ7 ساعات
ممكن انت ظغطت على نفسك عدل عشان تحصل رانك شغل عدل بس انا انشقيت كثر ما بدلت الملابس
عا\دي بس اهم شي ما تموت ولا تنكشف

[أرسطوالعرب]

ممكن الأكواد الخاصة بجهاز التخفي للجيم شارك

علماً بإن نسخة الجيم شارك اللي عندي 4

شوفولي حل في المشكلة يا أخوان

[*Jin Kazama *]

لتفادي فرقة اوسلوت :

-ازحف اسفل السرير واستخدم سلاح كاتم و يفضل المخدر الانهائي انتضر حتى يفتح الجنود الباب ثم اضربهم في وجوههم وهم حوالي 4 او 5 .

الأن انزل من الفتحة الي نزلت منها ايفا و راقب من الفتحات الموجوده في الأسفل و بحث عن الجنود الباقين واذا في واحد ما استطعت اصابته اطلعله وانت تزحف واطلق عليه .. اخر واحد بيكون فوق المبنى اما انك تطلق عليه من مكانك او تصعد له بدون ما يشوفك....

[PCgamer]

فرقة اوسلوت انزل من تحت السرير واطلع من فتحة ثانية واستلمهم XD

[النجم الهولندي]

يا عمي الطيقتين فالهوا سوا

الله يرحم متل جير 1

خلص اللعبة يطلعلك

أما 2 3 ولا عمري شميت ريحة جهاز التخفي ولا اعتقد اني بشمها

[f o x]

أسف عى التأخير تعرفون السبب

مشكورين على الردود كلها وأحاول أجيب أشياء أفضل
بإذن الله

تحياتي,,,,