بسم الله الرحمن الرحيم
بالبدايه…احب اقول ان هذا الموضوع جاء بعد تفكير مستفيض و كان بيني انا و الاخ الصديق العزيز انسبكتر،و كان هذا الموضوع لمده (top secret) ،انا ماني متأكد من الاملاء مع اني ادرس باللغات و الترجمه الله يخلف على امي،و الله يخليها ليو الله انها حبيبة ونيسه، اذكر مره….و مسكت خط مع سالفه الوالده…انتهيت
بداية…ناس كثيرين قالوا وش فيه مياموتو هذا ؟ خرف؟ طبعا انا ما ادافع عنه و والله انه مهوب ولد عمي.لكن انا و شريكي انسبكتر نبغى نوضح وجهة نظرنا من الموضوع.يعني يا سلام كل واحد يقول وجهة نظره الا حنا؟.
طبعا طرحت بموضوعي السابق عن زيلدا التطورات اللي صارت…و ما يحتاج اعيدها هنا…و لا راح اقول انها هي دليلي فقط الوحيد على ان مياموتو انسان منتج بشكل فريد…و لا راح اتحجج بطريقة الرسم الفريده…لكن بتكلم عن كل اللي صار بزيلدا و غيرها…كل الاشياء اللي تفرض نفسها على واقعنا…مثلا: نبداء بأسلوب زيلدا الجديد الواضح من الان…طبعا اللي شاف العرض راح يلاحظ اكثر من مجرد انها شبيهه بافلام الكرتون و انها تنعرض و كأنها فيلم مرسوم باليد . بطريقه مسطحه غالبا عشان زيادة الاحساس…راح يلاحظ انها تعرض الاحداث نفسها(مهو فقط الرسوم)بطريقه الافلام،تقنيه فتحت ابواب الابداع على مصراعيها فقط لانها استخدمت بالمكان الصحيح بالطريقه الصحيحه.الان تجربه جديده من كل النواحي…اخراج اللعب و اسلوب الكاميرا اللي لاحظته كان يهيء لك الاحداث بقالب فيلم انت مخرجه اللي تتحكم به…بحدود ذكائك و مع الاعتبار بذكاء الاعداء و تفاعل الخلفيات.من كان يطري بباله لعبه مثل كذا؟بس و لا كلمه!لحد يقول انا!لانكم تقريبا كلكم انصدمتوا
و ننتندو…اللي هي تغيير الاسلوب بحد ذاته و بشكل جذري و كذا تتجدد بشكل مختلف عن غيرها.الجزء الجاي كرتوني و اللي بعده يمكن دموي و اللي بعده ما ندري؟نلعب على انفسنا و احنا ما ندري اصلا الجزء اللي بعده هو دموي و الالا؟ هنا الجمال المفروض في الالعاب…المفاجئات.و كانت ماريو مفاجئه نوعا ما لانه ما احد توقع انه بيشيل اداة على ظهره مثلا،و مع اننا شفنا منها عرض جيد و طويل نوعا ما الا اننا ما نقدر نعطي الكلام الاكيد عن افكار اللعبه او نتخيل حدود الهناية لخيالها.
نتكلم عن شيء اخر:يعني تتوقعون انكم تعرفون كل شيء ؟انا اراهن بان مياموتو عنده لعبه جاده وخياليه من الالعاب الثلاثين اللي قاعد يشرف عليها او يسويها! ممكن تسيطر على السوق اكثر من زيلدا و فاينل او اكثر من رزدنت ايفل و سايلنت هيل او حتى متل قير…ممكن تكون شيء جديد يثور على عالم الالعاب و يشكله من جديد…يمكن لا؟و يمكن بعد! مهو الحكي ببلاش!(امزح
و بالنسبه لي راح اثق باللي قاعد يسويه هذا الرجال اللي قدم لعالم الالعاب اشياء كثيره و صارت من الاسس اللي يبنى عليها.و اتوقع انه مهو عاجز يسوي العاب نهائيه و يعيد الكره مثل اول لانه نفس العقل اللي ابدع اول و جاب كل الابتكارات اللي نعرفها هو اللي برأس هذا الرجال الياباني اللي نناظره و هو يبدو دائما توه قايم من النوم على قولة احد الاصدقاء بالمنتدى.
المهم ما اطول عليكم …و اتمنى الموضوع يعجبكم انشاء الله.بس اذا ما اعجبكم ترى كان فكرة انسبكتر هاوشوه هو...اما اذا اعجبكم تعرفون من تمدحون
و السلام خير ختام.
) وفاة هذا الانسان المبدع والذي يعتبر مصدر الدخل الاول لهذه الشركة!!!?:
) ..