مانجا >> جـو نـكــر ضد مـاز نـجـــر ...... قتال حتى الموت

[MazingerZ]

هذي أول مانجا لي في المنتدى , انشاء الله تحوز على اعجابكم

تفضلوا الحلقة .......

[MazingerZ]

....
و انتهت القصة


و هذي المانجا هدية مني للأعضاء الحلوين و خاصة لمحبين جونكر و مازنجر وجريندايزر بعد و لمحبين الانمي القديم عامة


أنا في أنتظار آراؤكم حول قصتي ( جونكر ضد مازنجر ) هل أنفع أكمل في القصص و لا مستواي في الرسم و التأليف سىء .
و أسمحوا لي لي اذا في أي تقصير بدر مني .

[Kud]

عجيب عجيييييييييييب صج صج عجيب ابدعت الصراحة !!
عجبتني وايد النهاية الغير متوقعة ..

بس عندي لك كم نصيحة (حق القصص الياية ان شاءالله)
1- انك تزيد من جودة الصور شوي حاس انك حاط على أقل جودة ممكنة
2- انك تظلل شوي في التلوين أو التدريج في الألوان.
3- انك تحط المؤثرات الصوتية أو SFX مثل صوت طراخ وطاخ وغيره .. راح تعطي إثارة أكثر
بس ..

ان شاءالله في الأعداد الياية يظهر معاهم خماسي ورعد العملاق (عشان تكتمل الشلة )
والله يعطيك العافية

سلام

[***ASTRO***]

السلام عليكم

واخيرن واحد تكلم عن جونكر
تبي الصراحه رسمك وايد حلو وبخصوص مازنجر
بس
عندك جونكر انا ودي اساعدك بخصوص جونكر انا واحد اعرف ارسم جونكر احله من الرسوم المتحركه
بس ودي في الحلقه القادمه من مازنجر وجونكر ودي ارسم جونكر واعطيكياها
مع السلامه

[Gatts]

حلووووووة و الله حلوووووة جدا

أبدعت و أحسنت فيها

و السيناريو جميل

أستمر في رسم القصص الشبيهة لها

خاصتا قصص السوبر روبت و جونكر

[MazingerZ]

مشكور اخوي Kud على الرد و أنا سعيد أن المانجا عجبتك

و مشكور بخصوص النصيحة و منكم نستفيد
انا أستخدم الفوتوشوب بس من 3 أشهر يعني ما عندي خبرة فيه
و بخصوص جودة الصورة يا ريت لو تشرح لي كيف اخلي الصورة أكثر جودة لأني الصراحة ما أعرف ؟؟!!
و اكون شاكر لك

________________________________

أهلا أخوي
***ASTRO*** مشكوور على مرورك , أنا من أكثر الناس اللي يحبون الرسوم القديم خصوصا جونكر و مازنجر و غرندايزر

و أنا في أنتظار رسمتك على احر من الجمر , شوقتني وايد لأشوفها لا تطول أنا أنتظر

___________________________________

مشكوور أخوي Gatts كلامك حلو و مشجع

و انتظر المفاجئات القادمة

[The Black Sad]

واااااااااو مشكور اخوي على الكوميكس الحلو واااااااااايد
وانا من اشد المعجبين بشخصيات الكرتون القديم
واحب الربوتات بس ما ارسمهم
تحيه لك وننتظر كومكس ثاني

[MazingerZ]

هلا اخوي ***ASTRO*** مرة ثانية

بخصوص شكل جونكر اللي قلتلي عنه انا شفت لك هالرسمة في المنتدى

هل كنت تقصد هذا الشكل ؟؟

الصراحة مبين عليك من خلال الرسمة محترف في الرسم و تستطيع الابتكار بشكل عجيب

.

.

.

بس المشكلة اذا كنت انا رسمته بهالاسلوب كان ما طلع جونكر كان طلع جونكايسر ضد مازنجر هههههههههههههههههه

فعشان هالسبب أنا رسمته بنفس أسلوب الرسوم نفسه

الصراحة أنت فنان و مبدع وودي أشوف لك رسمات اكثر , ما أدريليش أنت مقل في أعمالك ؟؟

يالله شد حيلك يا فنان و أتحفنا بأبداعاتك

[MazingerZ]

مشكوووووور أخوي The Black Sad على الرد

و انتظر الجديد دايما من MazingerZ

[***ASTRO***]

السلام عليكم



هلا باخوي MazingerZ اشلونك
والله بخصوص روسوماتي مشكله عندي انه سكنر مالي خربان لازم اشتري واحد يديد بس انشالله اشتريه بسرعه او اذا ماشريتها راح اعتمد على تلفوني بس ودي اعرف انا فوتو شوب سهل ترى ماعمري جربته بس جربت برنامج الرسم عادي
مع السلامه

[MazingerZ]

أهلين أخوي ***ASTRO***

أنا الصراحة من بعد ما شفت رسمك صرت متشوق أشوف لك رسمات جديدة أما بالنسبة لي لو تحط رسماتك من التلفون أعتقد هذا ما راح يأثر على جودة رسمك لأنك فنان كبير الصراحة و عندي لك رأي ليش ما تسوي مانجا لجونكر , أنا متأكد أنها راح تطلع تحفة

أما بالنسبة للفوتوشوب فأنا عن نفسي أستخدمه من ثلاث أشهر بس و الحمدلله صرت متمكن منه , و أنصحك فيه لانه يجعل الرسمات أحلى و أحلى .

و لا تطول علينا تراني أنتظر ابداعاتك

[weldbayan]

ياا فناان صح الرسم بسيط لكن جيد فعلا الله يوفقك

[-][HaNa Sun][-]

ماشالله عليك أخ مازنجر زيد...رسمك لجونكر و مازنجر رهييب...خاصة جونكر...والله ذكريات .. حتى نحن البنات عشقنا الآليات أيام زمان رعد العملاق و خماسي و الرجل الحديدي وغيره ..لكن وين رسوم ألحين ..الواحد يمل بسرعة من القتال اللآلي :sleeping1

رسمك للمانجا رهيب و عندك إتقان في الحركات الأكشن..أنا ما قريت المانجا لين ألحين بس ألقيت نظرة عليه..مبين إنه حماسي واايد..إنشالله بقراه جريب


شد حيلك(جامباريه)

[MazingerZ]

مشكوور أخوي weldbayan على مرورك و الكلام الحلو

__________________________________________

و مشكورة أختي -][HaNa Sun][- على الكلام الجميل و المشجع

[Yamato]

السلام عليكم اخوي...
رسمك رائع.. وخصوصا لما ترسم الاليين في وضعيات مختلفة..
ونتمنى نشوف مانجا ثانية بين اليات ثانية..

ان شاءالله في الأعداد الياية يظهر معاهم خماسي ورعد العملاق (عشان تكتمل الشلة )

خصوصا رعد العملاق..

والله يعطيك العافية على جهدك..