اخيرا ولله الحمد والشكر انهيت هذا الجزء بنجاح وانا الان بانتظار النسخة الامريكية من اللعبة لاتم النواقص التي علي في اللعبة وبمناسبة اني انهيتها رايح اعطي تقرير كامل عنها حسب مشاهداتي وعسا ان شاء الله ان الفائدة تعم
اولا احب اتكلم عن اللعبة ذي ومقارنتها بالاجزاء السابقة والله وبصراحة انا ماخش قلبي الا 3 اجزاء السابع والتاسع والعاشر وافضلها هو السابع ثم التاسع ويحل العاشر كثالثهم بتقولون ليه لاني حسيت ان الجزء ذا فيه اقتباسات كثيرة من الجزء الثامن الذي لااحبه لانه بارد جدا وقصته سخيفة
رسوم اللعبة صراحة مانقول الا ممتازة لكنها لاتتفوق فاللعبة تحتل الصدارة فقط في رسوم الCGI اما في رسوم اللعبة فبعض العاب البلاي ستيشن2 تفوقت عليها مثل ميتال جير2 ولعلي في هذه النقطة احب ان اوضح شئ قاله الاخ تـايدوس عن ان رسم فاينل فانتسي 10 يتفوق على ميتال جير2 في اسلوب الدمج الحي وتعابير الوجه احب اقوله فاينل فانتسي10 لاتستخدم اسلوب تعابير الوجه باستثناءفي المشاهد او العروض فقط اما اثناء اللعب فوجه البطل تايدوس مصمت تماما حتى ان شكله مضحك بينما ميتال جير2 تجد ان وجه سوليد سنيك يتحرك باستمرار طوال اللعب ويعطس ويقوم بحركات كثيرة كل هذا وانت تمشي به فقط من غير المشاهد والعروض بالنسبة للدمج الحي فهو في المشاهد فقط وليس في الCGI كما قال تايدوس وايضا فيه بعض الاخطاء مثل عرض مدينة زاناكارد وهم جالسين حول النار تفاجأت بهم يضعون صورة لسيف تايدوس المائي بينما انا مركب له السيف الذهبي ذو هجمة الكاونتر والAPx2 ابيلتي يعني ماسلم من العيوب ايضا من عيوب الرسم ظهور حواف سوداء حول شعر تايدوس اثناء المشي به ناتجة عن تركيب الشخصية مع الباك جراوند ايضا يواصل المشي عند وصوله للحواف وتظل اقدامه تتحرك انا استغربت هذا الشئ ففي اجزاء البلاي ستيشن1 لايوجد هذا العيب وبينما البلاي ستيشن2 وهو جهاز اقوى يظهر عيب كهذا ؟!!
ايضا خلينا نتكلم عن الصوت بالفعل رائع لكن الموسيقى المرة ذي نقدر نقول عنها حلوة بس مو مرة الجزء التاسع يثبت تفوقه في مجال الموسيقى ايضا الصوت ماتقدر تلاحظ جودته بدون نظام دولبي للاحاطة الفعلية وللعلم اللعبة تستخدم نظام الDOLBY 5.1 يعني النظام الجديد من دولبي انا ولله الحمد التلفزيون عندي يدعم هذا النظام وبالفعل الصوت كان اكثر من رائع واكثر موسيقى عجبتني هو موسيقى عرض البليتزبول اللي في اول اللعبة الللي راح تكون هي نفس الموسيقى للزعيم الاخير (تبون اخرب عليكم اللي مايبي تخرب عليه المتعة لايقرأ السطر ذا الزعيم الاخير للعبة شخص ماتتوقعه وهو ........ ابو تــــايدوس واسمه جيكتومعليش )
خلوني اتكلم الحين عن نظام المعارك الذي يعتبر في هذا الجزء اروع نظام مر على سلسلة فاينل فانتسي فالكاميرا تفاعلية معك الشخصيات تتحدث وتقول عبارات تشجيعية اثناء المعركة تستطيع تبديل السلاح والدرع في اثناء المعركة نفسها وايضا كلكم تعرفون انه يمكن تبديل الشخصيات واللعبة بالAeons اللي هي السمونز في هذا الجزء ولهم ضربات خارقة كما للشخصيات والضربة الخارقة للشخصية لاتتم الا بعد عمل حركة معينة مثلا تايدوس يجب عليك ضغط دائرة عندما تصل النقطة المتحركة لمنطقة معينة وارون بضغط ازرار مختلفة يونا حركتها الخارقة هي وحش استدعاء لولو لاتضحكوا علي لكن من يوم لعبت اللعبة الين خلصتها ماعرفت وشولن تتم ضربتها الخارقة يطلع لي قائمة بالاسحار السوداء وبعدها اختار ويطلع عداد فيه خط اصفر ماعرفت وشولون اقدر اعبيه
اوكي ماراح اتكلم كثير عن اللعبة لاني ماابغى اخرب عليكم انتظروا الامريكية والعبوها وانا باذن الله راح العب الامريكية وامسترها بالكامل اليابانية مسترت حاجات بسيطة فيها وفهمت حوالي 60% من القصة طبعا راح تسألوني كيف واللعبة يابانية راح اقولكم ان فيه مواقع كثيرة مترجمة اجزاء من الحوارات اللي باللعبة وانا تقول كأني بصف اولى ابتدائي هم يتكلمون وانا قاعد اتبع في الورقة
اوكي اليكم وش سويت باللعبة انهيتها في مدة سبعة ايام ورا بعض بمقدار يصل الى 51 ساعة قمت باتمام اشياء كثيرة فيها واصبحت خبير بها مثل الاسلحة والدروع وطريقة اضافة المميزات المختلفة الى الاسلحة اللي معاك ايضا نظام الطاولة واللي هو احلى نظام لتطوير الشخصية في سلسلة فاينل فانتسي كلها الممت به تماما ولله الحمد يعني الحين اقول عن نفسي صرت خبير بقائمة الخيارات كاملة وكل اللي فيها واكثر شئ اخرني فيها هو تطوير الشخصيات اللي انا مفروض انهيها على 41 ساعة ونص لاني موصل على معركة الزعيم الاخير بهذا الوقت لكني رجعت لورا لكي اتم بعض الاشياء اللي مااخذتها
واها نسيت مااتكلم عن اسوأ شئ باللعبة وهو ملامح الشخصيات اسيوية على كيف كيفك تايدوس لما تشوفه بالعرض تقول سواق فلبيني معتبر وريكو شغالة شقرا وحركة الشفاه في العروض مضبوطة على الكلام الياباني يعني مدري وشلون بيتصرفوا في الانجليزي ?:
وحوش الاستدعاء الاضافية اللي اخذتها : واحد بس هو يوجينبو الساموراي كلفني 300000 جيل ومعركة لين حصلته ( فالفور وعفريت ووحش كانه حصان وشيفا وباهموت هاذول اساسيين يعني لازم بتاخذهم)
تقدير اللعبة اللي اعطيها : 97% بعد انهائها وباذن الله لما تصدر امريكية يرتفع التقدير لاعلى
وشكرا ومعليش على الازعاج
مبروووووك...
