(( هل تقبل ، تقبلي ؟) ولماذا؟

[leopard_1]

بسم الله الرحمن الرحيم

بسبب تفكيري بالزواج حاليا
واختيار الفتاه اللي تتناسب مع وسامتي وذكائي <<<<(اسولف بعدني صغير )

قررت احط هذا الموضوع
للنقاش فقط .... محد يفهمني غلط
يلا بخش بالوضوع

سؤال للشباب
هل تقبل الزواج من فتاة كانت مخطوبة او سبق لها الزواج اذا كانت الاجابة لا فما الاسباب وما هي وجهة نظر المجتمع اتجاهها؟؟

سؤال للبنات
هل تقبلي الزواج من رجل !<<<<(خخخخخ لا تروحون بعيد )

أولا : متزوج و لديه أولاد ؟
ثانيا : مطلق زوجته ؟
ثالثا : هل تقبلي ان يتزوج عليك زوجك ؟


ووووووو بس
بس اهم شي يا حلوين الصراحه ثم الصراحه
وابغي تفاعل ... مب واحد يمر على الموضوع وما يرد عليه
تشااااااااااااو

[Angel whisper]

سؤال للبنات
هل تقبلي الزواج من رجل !<<<<(خخخخخ لا تروحون بعيد )

أولا : متزوج و لديه أولاد ؟
اممم لا ><
هو عنده مرته وعياله انا شو يبغي فيني؟ ما ابغي عايله كامله تتشتت وتضيع وتحقد علي ..

ثانيا : مطلق زوجته ؟
اذا هو كان غلطان في حقها ... او انه واحد تعبان ومب مال زواج ومسؤولية ما بتزوجه .. لكن لو كان مثلا مطلقنها لسبب وجيه فانا ممكن اتزوجه..

ثالثا : هل تقبلي ان يتزوج عليك زوجك ؟
هيه بس لو كان عنده سبب.. يعني لا سمح الله ما قدرت اييبله عيال .. فله الحق ان يتزوج علي ..

ومشكور عالموضوع ^^

[MeMoirs]

بسبب تفكيري بالزواج حاليا
واختيار الفتاه اللي تتناسب مع وسامتي وذكائي

قررت احط هذا الموضوع

مبروووووك يادنجر

انا اقول ليه مختفي اتاريك بتتزوج ومغير النيك نيم

سؤال للبنات
هل تقبلي الزواج من رجل !<<<<(خخخخخ لا تروحون بعيد )

دنا فهمااااااك يارااااجل

أولا : متزوج و لديه أولاد ؟

اذا كان الي متزوجته وحده مسكينة طيببة ماراح اتزوجه

بس لو زوجته تقهرني وراعية مشاكل نو بربلم موااااافقة

بس اولا واخيرا الاخلاق الرجال

ثانيا : مطلق زوجته ؟

لا هذا متعود يطلق يدور غيري

ثالثا : هل تقبلي ان يتزوج عليك زوجك ؟

ما بقي الاهذا يتزوج هو وجهه

اصلا من يوم يتزوج يطلقني ويطلقها لأني بأنكد حياتهم

بس اهم شي يا حلوين الصراحه ثم الصراحه
وابغي تفاعل ... مب واحد يمر على الموضوع وما يرد عليه

من كثر تفاعلي في الموضوووع ارتفع الضغط عندي وقررت عدم الزواج

لان الرجاااال مالهم امااااان

وتشكراااات

[leopard_1]

خخخخخ ... الموضوع جذب البنات
والله ما كنت فاهمنكم يا بنات المنتدى ههههه

والله وطلعتي يا مراقبتنا العزيزه طيبه ... وتحبين الخير ... ومتفهمه العلاقه بين الرجل والمرأه
شي طيب ...يو آر

يعني انتي من النوع اللي يبغي يتزوج وخلاص ..علشان ما تعنسين

[leopard_1]

نجديه عن 100 راقل

مجاراتا ً لموضة تغيير النكات ... غيرت نكي
بس شو رايج في النك اليديد؟؟ ... مب جنه بطل لمسلسل مكسيكي (ليوبارد)
وبعدين خليني اخلص دراستي بعدين افكر اتزوج (شو رايج فيني نياهاااا )

طلعتي شرانيه ... حتى ابليس ما يقدر عليج

[moon girl]

أولا : متزوج و لديه أولاد ؟

لا مستحيل الله لايقوله

ثانيا : مطلق زوجته ؟

اذا تطلقت عادي اما وانا بنت فالله لا يقوله

ثالثا : هل تقبلي ان يتزوج عليك زوجك ؟

لااااااا طبعا الله لايقوله علطول اطلب الطلاق انا لي كرامه حتى لو كان فيني عيب فيه شيء اسمه وفاء

وشكراا

[leopard_1]

مووون جيرل

انتي لازم تبغين الريال مب متزوج ومب مطلق ولا حتى يتزوج عليج (الشرع حلل اربعه يا بنت)
اضمنلج العنوسه من الحين خخخخخخ <<<<(يفاول على البنت)

[Chad]

الموضوع شوي ويصير كله للبنات

سؤال للشباب
هل تقبل الزواج من فتاة كانت مخطوبة او سبق لها الزواج اذا كانت الاجابة لا فما الاسباب وما هي وجهة نظر المجتمع اتجاهها؟؟ [/CENTER]

لو كان الأمر بإختياري

فالإجابة لا

لكن الواحد ما يدري على الظروف

في النهاية البنت قد تكون قد تطلقت أو فسخت خطوبتها بسبب خارج عن إرداتها

أما بالنسبة لنظرة المجتمع فهي للأسف بتكون ظالمة للمرأة المطلقة بالذات

[leopard_1]

الموضوع شوي ويصير كله للبنات

تعرف انته البنات ما يهمهم اللي هاذي المواضيع ...فاضيين والله

واباركلك لانك اول ولد يرد على هالموضوع

[Justine]

هل تقبل الزواج من فتاة كانت مخطوبة او سبق لها الزواج اذا كانت الاجابة لا فما الاسباب وما هي وجهة نظر المجتمع اتجاهها؟؟

امممم .. يعتمد .. طبعا راح أسأل و أتقصى أكثر من أول.. يمكن ما يكون ذنبها .. اتفق مع خيو تشاد على نظرة المجتمع..

و نظرا لاني مزاجي فراح أجاوب على أسئلة البنات بعد .. يمكن اصير بنت في حياتي الجاية << متأثر بالمسيحية

أولا : متزوج و لديه أولاد ؟
ثانيا : مطلق زوجته ؟
ثالثا : هل تقبلي ان يتزوج عليك زوجك ؟

أولا : لااااع .. لكن اذا وصلت الثلاثين مو مشكلة لو كنت الرابعة ..

ثانيا : إذا هي طلبت مو مشكلة .. بس راح اسال عنه الين تطلع عيوني ..

ثالثا : راح امنع عنه المصروف ..

و شكرا ^^

[Lena]

أولا : متزوج و لديه أولاد ؟
لا..والف لا ><
لاني ماحب ان زوجي يتزوج علي وانا مستقره معاه ولي عيال فكيف ارضاها لبنت الناس..احب لاخيك ماتحب لنفسك..
وبعدين كذا بصراحه بيني وبينكم..احمل "ازدراء" شوية لهالرجال..يعني المرة جايبه لك عيال وش تبي اكثر؟
اي عيب اخر فهو امر دنيوي يمكن اصلاحه او يمكن احتساب الاجر لماتجي الاخرة الي فيها كل شي كامل..



ثانيا : مطلق زوجته ؟
هممم على حسب الظروف
يمكن مسكين ماله ذنب وكانت زوجته هي السبب افكر فيه ليش لا..
بس عموما افضل الرجال الfresh عليه ولكني لا ارفضه تماما



ثالثا : هل تقبلي ان يتزوج عليك زوجك ؟
; ;
وش اقول يعني؟ كابوس اغلب الحريم هالشي
اذا ماجيب له عيال اقدر اتحمل
..بس غير كذا ; ; ليه وانا انشالله ابملا حياته واكون له بدل الزوج اربع؟ ; ;



صراحه موضوع فانتاستيك وواقعي حلو والله كذا..
بس اتمنى اشوف ردود اكثر رجاليه كلنا نساء ماغير تشاد

[leopard_1]

أولا : لااااع .. لكن اذا وصلت الثلاثين مو مشكلة لو كنت الرابعة ..

ثانيا : إذا هي طلبت مو مشكلة .. بس راح اسال عنه الين تطلع عيوني ..

ثالثا : راح امنع عنه المصروف ..

و شكرا ^^

الحين انته باي صيغه تتكلم ..المؤنث ام المذكر!!!!!

وبعدين انته منو سمحلك ترد على الاسئله المخصصه للبنات؟؟؟
بس ادري انك ملان ... يلا شفقة بك راح اعفو عنك

[asf4ever]

كلنا نساء ماغير تشاد

هههههههههه
Justine طلع بنت وأنا ما أدري

احم نجاوب مع انه صندوق الزواج بعده ما بيعطيني Money لو تزوجت لأنه لازم أكون 18 سنة على الأقل
وأنا باقيلي كمن شهر للـ18 سنة >>>>>قاري كل قوانين صندوق الزواج (مستعد)

سؤال للشباب
هل تقبل الزواج من فتاة كانت مخطوبة او سبق لها الزواج اذا كانت الاجابة لا فما الاسباب وما هي وجهة نظر المجتمع اتجاهها؟؟

نعم أقبل بس الأفضل ما يكون عندها عيال ولو تكون fresh على قولة لينا يكون بعد أحسن
ولكن الأهم من هذا وذاك أن متفهمة لي ووجود قواسم مشتركة>>>(قواسم مشتركة)لازم أخذ من برع البلاد-_-
وأما نظرة المجتمع لها فمعظمهم ينظر نظرة سيئ والبعض يتقيد بالأسباب (إذا عرف السبب بطل العجب)


أقول إن شاء بتعزمنا على العرس ترانا من الإمارات وانت ما تقصر ._.

[leopard_1]

لينا

امممممم
اجوبه مكرره
مافي بنيه وتحط اجوبه تكسر هالبرووود

وطانكيو على المرور

[leopard_1]

اسف فور ايفر

تصدق كنت اتحراك بنت

أقول إن شاء بتعزمنا على العرس ترانا من الإمارات وانت ما تقصر ._.

فالك طيب ... كل شي بتحصل رزيف.. عياله ... ليوا .. بتستانس

بس انشاءالله خيماوي .. علشان ما تعطيها خط