.. بحبك حب الشباك للبرداية
.. بحبك حب الأرنبيط للكوساية
.. بحبك حب الشلمونة للكولاية !
.. لك بحبك حب الطشت للكبجاية
... يا ريت تكوني شخبرة... وكون أنا المحاية...!
... يا ريت تكوني بريات... وكون أنا البراية...
... بحب ضحكتك يللي متل صوت المعزاية
... بحبك حب الدؤونية لللهاية
... بحبك حب المألمة للشنتاية
... يا ريت تكوني عوجا وكون أنا العرباية
... يا ريت تكوني طربيزة... وكون أنا كنباية
... يا مدلوئة حياتي وشعيبيات عمري ووربات بئشطة روحي ... يا أحلى
زبدية محلاية
.. بحبك حب الريموت للتلفزيون
... بحبك حب درفة الباب للمندلون
... بحبك حب بنت اختي الفصعونة لسبيس تون .....
... بحبك حب أبو السوم للطابة
.. بحبك إذا كنتي متنحة أو حبابة
.. بحبك حتى لو كان صوتك متل موتور الدبابة...
سمعيني شوي لحتى احكيلك الأصة
.. يا ريت تكوني حنفية مي عم تشرشر ... وأنا بعصها
.. نشالله ما يبلا هلطول ... متل عرئ الفصة
.. لك يا ريت تكون معي هيكة كمشة بزر وأعطيكي نصا
... بحبك حب منير الجبان لكلمة صباح الخير
.. بحبك حب جهاد سعد لبرنامج خبرني يا طير
... لك بتسدئي ؟؟
* بحبك حب جورج بوش لتوني بلير
* !! .... شه........!
... بحبك حب الآرمة للعامود
* .. بحبك حب الزلائط للمعؤوود
* ..... بحبك حب السعادين للقرود
... بحبك إذا كنتي ساكتة أو عم تحاكينا...
بحبك حب ابن اختي الفصعون لبوظة كاري
... بحبك حب البردآن .. للكرمنتينا
! ... حاجة بأة
... جننتينا
منــــــــقووووول
إش رايكم بهل غزل الشامي؟
هذا الموضوع لساند ر مشان يعرف كيف يتغزل بالشامي
أختكم:همس الحنين
صراحة حتى اني بكيت..وانهمرت الدموع من انفي..قصدي عيوني 
المشاركة الأصلية كتبت بواسطة fly_batman
Laugh the Dereshishishishi way