,',',','حقوق للمنتدى.....ابداعات و جهود.....موضوع للنقاش بجديه,',',','

[Majid Ali]

السلام عليكم ^_^

لا تخافون ما هنا جديه من قلب لكن بصراحه هالموضوع من مده وهو طاريلي...



الموضوع ومافيه على بلاطه.....انه هناك مشاركات ومواضيع و و و...مميزه فعلا...لكن يمر عليه الوقت وتغبر بهالمنتدى الحبيب...

انا ويمكن اخرين فكرو هالفكره...انه ليش مايكون هناك زاوية بالمنتدى او موقع ( انا داري من يوم جا طاري موقع....اغلب اللي يقرون سحبو السيفون...)
فارجو اللي ناوين يسحبون السيفون ان لا يسحبونه...

يعني....حرام والله...المنتدى كله درر و و و و......لكن مع الوقت تروح....لييييييييييييه؟!!!!!
لو كان فيه زاويه هنا او موقع يحفظ الاشياء المميزه و المشاركات كالتصاميم الخ.......مايكون احسن!!

تقولون لي فيه شي اسمه تثبيت...لكن اقول فيه اشياء ومشاركات مهب مواضيع صعب تثبتها...و مو كل شي يثبت للابد...راس ماله كم اسبوع بعدين ينشال التثبيت...

اما بالنسبه للمميزه....فقليل اللي يدخلها...وعناوين بعضها ماهي واضحه ولا تعبر عن الموجود بداخلها....
ويبقى مقصدي...ان اللي يبي يتصفح المنتدى يمكن يشوف جزء من الاف الاشياء (ركز لي على الاشياء...لان فيه مواضيع...وبرضو مشاركات...و و و...) المميزه جدا بالمنتدى...

يعني بالانجليزي....المشاراكت والتفاعلات اللي ساهمت بنهوض المنتدى في الست سنوات...يروح أغلبها هباء...وتغبر...واذا سبحان الله رفعت...مايصير لها طعم لانها قديمه...الخ



ندخل بالديتيلز.....

المنتدى فيه اشياء مميزه مثل: مواضيع متعوب عليها وقيمه بكافة المنتديات...مواضيع حلوه مقتبسه من مواقع اخرى عربيه او اجنبيه...مشاركات وتفاعلات مع بعض المواضيع ممتازه كالتصاميم بمختلف انواعه من تعديل السيارات والتصاميم الشخصيه و البطاقات...او الرسومات او الاشعار او القصص والابداعات الاخرى اللي مالها حصر هنا (اتكلم من جد)....هذا ولا ننسى بعض الدروس القويه في المنتدى ومواضيع الترفيه الممتازه....

المطلوب :
ان اي واحد امرا لا طلبا " معليش تحملوني لاني اخذ الموضوع بجديه T_T..."
يتفضل مشكورا يزين لنا زاويه بعد موافقة صاحب المنتدى طبعا (وانشالله مافيه رفض) او موقع او.........

علشان اشيل فكرة موقع وتعقيداتها......نشوف في بعض المنتديات العربية او الاجنبيه في قسم ورابط في المنتدى يوصل الى زاويه بالمنتدى يكون فيها :
مشاركات و مواضيع الاعضاء المميزه..... ايضا يكون فيها امكانية فتح مكتبة صغيره خاصة باي عضو يحط فيه تصاميمه او قصصه او اشعاره او رسوماته...الخ....وتكون مقصوره على هذا فقط....علشان يعني تبقى واضحه....يعني مثلا دخلت انا هالزاويه راح اشوف قدامي مثلا قسم لمكتبات الاعضاء...وقسم للمواضيع الممتازه المختاره من قبل المنتدى...وقسم لوصلات مهمه وجيده...و و و....عد واغلط.....


انا بالنسبه لي ماعرف اصمم موقع او شي من هالقبيل صراحه لكن ادري انه سهل على اللي يعرفون انهم يصممون مواقع بسيطه....اصلا هو مايحتاج شي...زي ما قلت...انه يكون زاويه ضمن المنتدى (افضل) او موقع تابع للمنتدى....

اما بالنسبه لترتيبه...مو مشكله...اي واحد يقدر...وانا جاهز طبعا بمساعدة البعض...


النتيجه :
المشاركات والاشياء المميزه بالمنتدى والابداعات تكون في مكان واضح لاي واحد يشوفها ومرتبه وليست مبعثره كما هي احال الان...وايضا يسهل النظر الى ابداعات المنتدى في مختلف المجالات...

ولا ننسى شي مهم...ان هذا له عائد على الاعضاء اللي يتعبون و تروع اتعابهم مع الوقت وتغبر..........

انا ماطرحت هالموضوع الا لانه فعلا حرام تروح الجهود والاتعاب بلا ذكر....وعلشان تذكر وتكون واضحه لاي واحد يشوف المنتدى ويبغى يناظر منجزاته...




انا طرحت رأيي في هالموضوع وهو شبه اقتراح لكن ابغى تفاعلات....ومعادلات كيميائيه...الخ

الموضوع مطروح للمناقشه بجديه.....ولازم نوصل لقرار...بين الاعضاء والمدراء انه يتم او لايتم....
بعدين يطرح على القائمين على المنتدى الغالي...


ودمتم.. ^_^

[الموهوب]

الاقتراح حلو والفكره جميله لكن................

ومابعد لكن تأتي الدواهي!

انه يكون موقع خاص او صفحه ((خارجيه))

هذي اعتقد ان مالها داعي

ليش مايكون: من وفي المنتدى؟

[Majid Ali]

هذي اعتقد ان مالها داعي

ههههه الله يقطع بليسك...

زي ماقلت.....افضل شي انه يكون زاويه بالمنتدى...يعني موجوده من تحت موقع المنتدى....

يعني مثلا...اول مايدخل شخص ما للمنتدى...وسبحان الله وتقفل معه ويقعد يحقد على المنتدى....لا تشره..

.......
يكون فيه وصله بجانب الوصلات اللي فوق في المنتدى...

حاليا نشوف:
الملف الشخصي...البحث...س و ج....الاعضاء....
تكون هالزاويه الجديده معهن....وتكون طبعا واضحه لانها مهمة...

مثلا يكون اسمها.....مممم....."درة المنتدى".....لاتضحك انت وياه...ادري الاسم بايخ لكن...اكيد فيه احسن وانسب...

وفيه فايده نسيت اقولها....اللي يبي يحملون مرفقات ولا شي...يروح يحط المرفق بالمكتبة حقته بعدين يجيب الرابط لموضوعه بالمنتدى....


ماودي امسك خط انا والسيالات العصبية اللي تدهر عندي....لكن زي مايكون شبيه لهالاقتراح في منتديات اخرى...ليه مايكون عندنا....


ومشكور اخوي الموهوب على النفاعل اللي ماله داعي


بانتظار بقية المعاريض وسلامتكم...

[الموهوب]

معهن....

ايقنت انك قصيمي

[Angel whisper]

والله الفكرة حلوة .. واتوقع انه الاغلبه بيوافقون عليها ..
بس هي المسألة مسألة اذا الادارة بتقبل هالشي ولا لا .. خاصة وان هذا معناه انهم لازم يدورون على مواضيع قديمة مميزة ..
بس في نقطة ما فهمتها: اللي هي عن الزاوية الخاصة بالاعضاء..
عموما .. الفكرة جيدة .. وان شاء الله نشوف حد من الكبار راد هني ^^

[Majid Ali]

ايقنت انك قصيمي

والله الفكرة حلوة .. واتوقع انه الاغلبه بيوافقون عليها ..
بس هي المسألة مسألة اذا الادارة بتقبل هالشي ولا لا .. خاصة وان هذا معناه انهم لازم يدورون على مواضيع قديمة مميزة ..

مشكوره على الرد اختي انجل ^_^
طبعا الموضوع يحتاج وقت...علشان يكتمل كليا... لكن :

بداية... يتم تصميم الزاويه...بحيث تكون جاهزة لوضع الملفات فيها.....علشان المشاركات الجديده والحاليه المميزه يتم تحويله كموضوع هناك....علشان تكون واضحه للجميع......
اما بالنسبة لتحميلات الاعضاء وابداعاتهم الشخصيه...فهذا في ركن خاص...يكون لكل عضو مساحة معينة فيه (او بدون) يحط فيه مرفقاته او ابداعاته...الخ...

والمواضيع القديمه يتم البحث عنها من قبل مجموعة من الاعضاء او المراقبين تختارهم الاداره يبحثون....او مو لازم يبحثون....يكفي المواضيع الموجوده حاليا والواضح انها مميزه...والمعروفه سابقا انها مميزة برضو.....واذا شاف عضو او اي شخص موضوع قديم او شي من هالقبيل...يرسل رساله للاداره...بان هالموضوع يستحق وضعه في ركن المواضيع المميزه في هالزاويه...

اما بالنسبه للاعضاء ومكتباتهم...اي عضو بعد اقرار الاقتراح هذا...راح يحط تلقائيا كل او اغلب المرفقات الخاصة به بالمساحة حقته...راح يكون هذا معرض له وبنفس الوقت يكون لتحميل مرفقاته فيه...

بس في نقطة ما فهمتها: اللي هي عن الزاوية الخاصة بالاعضاء..

طبعا زي ماقلت قبل...الزاوية تتكون من اقسام اللي هي:

1- قسم المواضيع والمشاركات والابداعات المميزه........هذا يكون التحكم فيه من قبل الاداره...
يحطون فيه اللي فعلا يحسون انه يستحق من ابداعات...تصاميم...او مواضيع قويه....دروس...مواضيع ترفيه (نكت، الغاز) الخ...طبعا يكون هذا كله ماخوذ من المنتدى....

2- قسم مساحات للاعضاء....لكل عضو مساحة معينه...تكون عبارة عن ملف أولي...العضو ينشئ تحته ملفات اخرى ويسميها على كيفه....بحيث يكون جاهز للتصفح....والنظر الى منتجاته...

(مثلا...مجلد يسميه "تصاميمي" واخر "رواياتي"...الخ)

وايضا بامكان العضو انشاء ملف...يحط فيه مرفقاته علشان تعرض بالمنتدى (طبعا مع هالخاصية...يتم الغاء ارفاق الملفات المعتاد...او يتم تعديله بحيث يتم ربطه مع ملف للمرفقات يخصص لكل مساحة عضو...يعني يكون الملف موجود في المساحة حقتك لكنه مرتبط بالمرفقات في المنتدى...)

3- قسم مثلا لمواضيع تحس الاداره انها جيده من مواقع اخرى...على سبيل المثال دروس في شي معين او نصائح...الخ.......

وبرضو ممكن يكون فيه قسم اخر لوصلات مهمه وممتازه لمواقع...

عموما .. الفكرة جيدة .. وان شاء الله نشوف حد من الكبار راد هني ^^

انشالله...مع الشكر اختي ^^

بانتظار البقيه...

[asf4ever]

ليس هنالك أشخاص يعترضون على هذه الفكرة
ولكن لا أعتقد أنه يوجد (هاك) لهذا الفكرة بما يعني أنه يجب برمجتها وبذلك دفع شيء لها
بما يعني الله يعينك على رد الإدارة
لا أعتقد أنه هناك أحد لا يوافق منهم لكن أعتقد سيخرجون مجموعة من الأعذار (إذا عرف السبب بطل العجب)
ولكني أتمنى أن يقوموا بهذه الفكرة
ولكن لمذا لا تضع وصلة لهذا الموضوع في منتدى الشكاوي والإقتراحات؟؟؟
وشكرا على الموضوع والفكرة الأكثر من رائعة

[Majid Ali]

ولكن لا أعتقد أنه يوجد (هاك) لهذا الفكرة بما يعني أنه يجب برمجتها وبذلك دفع شيء لها

الا فيه كثييييير وانا شايف كثير...ناسي والله بالضبط لكن بحاول اشوفلكم موقع فيه مثل هالنوع من الزوايا....يمكن يبغالها شوية تعديل وتزبيط.....ما اعتقد انها بتكون معقده ابدا....ولا يمكن تكون غير فعاله....الا اذا كان النقاش يبي يروح هباء T_T فهذا شي ثاني...

لا أعتقد أنه هناك أحد لا يوافق منهم لكن أعتقد سيخرجون مجموعة من الأعذار (إذا عرف السبب بطل العجب)

هممم....والله عاد وش نسوي...انا وانتم نبي بصراحة انه يتم حفظ الكنوز في هالمنتدى....لكن... لعلهم باذن الله يتفهمون خطورة الموضوع والفايده منه...

ولكن لمذا لا تضع وصلة لهذا الموضوع في منتدى الشكاوي والإقتراحات؟؟؟

انا ابغى نقاش متبادل مع الكل علشان تصير الفكره واضحة وتاخذ حجمها الطبيعي وبجديه...
اما ان كنت تقصد اني احط وصله تؤدي للموضوع هنا... والله مادري...احس انها مالها داعي بحكم ان اغلب الاعضاء اللي لهم مدة في المنتدى متواجدين هنا...

وشكرا على الموضوع والفكرة الأكثر من رائعة

العفووو...وشكرا على مرورك اخوي ^_^

[Majid Ali]

طبعا السيفونات كاثره هالايام.....مع الاخذ بالاعتبار وجود السيفون المطور...بدون سلسله....وهو فقط بالاشاره....نحن في عصر التكنولوجيا السريعة التقدم....سحب السيفون الان مايحتاج مجهود عضلي....


الا اقول وشخباركم... ....شكل الأغلبيه ماعجبهم العنوان او انهم ماتصوروا الفايده من هالموضوع.....

اتمنى ارى اراء اكثر.....ان كان يدعم الفكره...يقول اوصي بوضعها ضمن منتدى الاقتراحات....سواءا عضو او مراقب...
واذا كان ماعجبته الفكره فيعطينا الاسباب.....
يعني ابي تتضح صورة الموضوع الحقيقيه بهالنقاش....يمكن فيه اراء ثانيه غير متوقعه!!.....


عموما هذي وصله لهاك عن الفكره (يعني مشابه لها لحد ما) :
http://www.arabscastle.com/web/download.php
اسمه : هاك معرض الصور الشخصيه....
فيه على ما اظن انواع كثيره مثل هالشكل....بس مادورت زين عليها...

وهذا وصله لموقع صديق فيها الهاك هذا على ما اعتقد (مو متاكد)...فكرته زي ماقلت فيها تشابه كبير لفكرتي....
حتى ولو ماحصل تطبيق الفكره بحذافيره....ممكن نستعين بهالهاك مبدئيا....لين مايتم توفير الهاك المناسب...

المهم نبدأ XD
الوصله :
http://www.shaheenart.com/vb/gallery/


تذكروا اني ماحطيت هالموضوع الا لانه كان شاغلني من زمان وفكرت فيه كثير.....
طبعا العمده على المراقبين و الاداره....لكن بنقاشنا...تتضح الرؤية وتبين جدية الموضوع....
بعدين الادارة تنفذه بجديه....


و دمــــــــــــــتم...

[Dark Watch]

شكرا على المشاركة القيمة

[RPG_master]

I give you my blessing


انحلت المشكله .

[snorlax]

طيب الحين ايش سار على الموضوع ... حطيتوا القسم هذا ولا لا ؟

[Angel whisper]

طيب الحين ايش سار على الموضوع ... حطيتوا القسم هذا ولا لا ؟

yeah .. in your dreams XD XD
للاسف لا .. المشرفين ما سمعو الظاهر -.-

[snorlax]

yeah .. in your dreams XD XD
للاسف لا .. المشرفين ما سمعو الظاهر -.-

هذا المنتدى ما يتغير ... السيناريو كما هو ..
عضو يجي بفكره ذكية .. يعرضها .. يقولو لا .. لكن بعد سنتين ممكن تتنفذ .. يزعم كانها تحت الدراسة ...
مشي حالك يا رجال ..

[Majid Ali]

ولا


مشكورين اخواني
النــورس الحــزين RPG_master snorlax Angel whisper
على الردود.... T_T


any one of the administrators?!!