للي يحبون رسم الوحوش اللي من إبتكارهم !!

[kilwa]

للي يحبون رسم الوحوش اللي من إبتكارهم !!
إذا كنت تحب رسم الوحوش والمخلوقات الغريبة وحسّيت باليأس من تكرار نفس الأشكال والرسوم فخلّيني أعطيك أفكار أكثرعشان ترسمها ..
مثلا : أنا أقول ( وحش له لباس مشقق وله جسم ضخم و يمسك سلسلة بيده و وجهه مليان جروح وله أذن مقطوعة ) .




ثم ترسم وحشاً بهذه المواصفات ...

[kilwa]

طيب : ببدأ بأول فكرة وحش ..
جسمه : ضعيف جداً وطويل
شخصيته : عجوز
مواصفات أخرى : أعمى - طويل الشعر - له أنياب ومخالب
سلاحه : عصا في طرفها عين واحدة







أرجو : إنكم تخلونا نشوف الوحوش اللي رسمتوها
عشان أفكر إذا بستمر بالأفكار أو لا !!!!!!!!!!!!!

[yuki-babe]

( أف أف أف يا الخط , يا خي إحنا نجوف و الله P: )

إي آنا أرسم وحوش و من تصميمي , لأني أحب الأرجنال و ما أحب التقليد , و لكني ما أقول إني

ما أحب الفان آرت ( طبعا أموت فيه , و ما يمر يوم إلا و راسمة فان آرت )

و لكن القصد إن ما أحب إني أبوق التصاميم ,,

المهم .. طريقتك حلوة أخ كيلوا .. إنت قصدك إن قبل لا نيي نرسم الوحش

نروح نحط جميع مواصفاته , و بعدين نبدي الرسم ,, خوش فكرة !!!

و شكرا عالموضوع !

[الملاك الأبيض]

فكرة روووووووووووووووووووووووووعة أخوي

ان شاء الله أحاول أشارك في الموضوع

[kilwa]

أنا أشكركم على آرائكم وملاحظاتكم
وانا آسف على الخط الكبييييييييييييييييييييييييييييييييير

[لاعبة الخيال]

السلام عليكم

مشكووووووووور أخوي كيلوا على الموضوع إلي أكثر أكثر أكثر من روعة ... ورح أشارك فيه 1000,000 % ، ورح أرسم الوحوش إلي قلت عنهم وأحطهم ... واكتب في أي حجم للخط ، مادام السالفة فيها وحوش خَل الخط أكبر وأكبر

[لاعبة الخيال]

السلااااااااااام مرة ثانية ...

أخوي كيلوا ... هذا أول وحوشي في موضوعك ، ضعيف وشعره طويل وأنياب ومخالب ... إلخ
والشخصية الثانية انشالله بالطريج ، وانشالله الوحش يعجبك ويعجب باجي الأعضاء

[hunter37]

تحب القناص؟

انا بعد احب القناص لكني احب جيني ريودان و هيسوكا

[kilwa]

مشكورين عالمشاركات والإقتراحات في الموضوع .

وشكرا يا لاعبة الخيال عالوحش
أنا عجبني مررررررررة
وأتمنى من الجميع المشاركة

[لاعبة الخيال]

السلام عليكم ...
شكرا أخوي كيلوا وأحمد الله إن الوحش اعجبك .... وأنا مستعدة أرسم المزيد من الوحوش ... بس قول المواصفات ، وأنا أرسم ... وانشالله باجي الأعضاء يشاركون لإن الموضوع يستاهل

[kilwa]

وحش جديد :
له رأس ديناصور ، وجسم عنكبوت ، وذيل ثعلب .
الرأس : ذو أنياب حادة ، أذنان كبيرتان مثل أذنا الأرنب ، عينان بشكل غريب .
الجسم : له ثمانية أرجل + يدان ، يمسك فأس في يده ، ومدفع في يده الثانية .

[لاعبة الخيال]

السلاااااااااام ...

الوحش موجود عندي أنا وبس ...
لكني حطيتله 6 أرجل ... مادري والله شلون طلعوا 6 وأنا أرسم ... إظاهر سرحت ونسيت ...

[---<(_نصور_)==|]

لا عبه الخيال الوحش روعه وما يخرع لانه رسمه

توقعت انه الوحش شكله راح يضحك ........ طلعت موهوبه في رسم الوحوش .... خيال واسع واكبر من نسبه تخيلي من خيالي

بس سالفه المدفع مو مضبوطه بالرسمه ولا حتى بالمواصفات (هذا رأيي)

عينان بشكل غريب

وينهم ؟؟؟

شكرا على هذا الموضوع .... وَحْش (لحد يقراها وِحِشْ)

[لاعبة الخيال]

السلام عليكم ...

شكرا لك أخوي ---<(_نصور_)==| على كلامك ، وأكيد الوحش ما رح يخرع لإن رسمه ولو كان حقيقي كان فزيت من مكاني هههههههه

أنا أعرف إن المدفع شكله أي شي ... لإني ما أحب أرسم مدافع وسوالف المعادن هذي ، وأنا مو دايما أرسم مدافع وما شابها إلا وين وين ... فأكيد رسم المدفع عندي ما رح يكون مضبوط لكن للمدافع أنواع كثيرة ويمكن يكون شكلها ما يدل على إنها مدافع ، مثل بعض الأنميات إلي تعتمد على الأكشن والخيال العلمي (( شوف مدافعها )) !!!
أما عن العيون فهي الدوائر إلي على الراس ... أنا رسمت له 9 عيون ، 3 على الجنب و3 بالويه ، والـ 3 الباجي في الجانب الآخر من الويه ... أنا سويتها جذي لإن الأخ كيلوا قال يبيه جسم (( عنكبوت )) وعيون العنكبوت صايرة مثل ما رسمت أنا لهذا الوحش ... وأتمنى إن الأخ كيلوا يشوفه ويعجبه ... وشكرا :icon6: :icon6:

[kilwa]

صراحه .. الوحش روعه يا لاعبة الخيال
وهذا وحش جديد لكم :
الرأس : له أسنان سنجاب ،خشم مهرج ، أذان فيل
الجسم : قزم ، يمسك في يده عصا لاعب خفة ، لابس ملابس مهرج



تقدرون تضيفون أشياء ثانيه غير اللي كتبتها أنا