ليل وفانوس

[عسـوله]

ليل وفانوس

اعشق ترابٍ فوقـه يـدوس

...........واحـب دربٍ عانـق خْطـــــــــاه

ظبيٍ بوسط الزين مغمـوس

...........كـن الحـلا يسكـن مـــــــــحيـاه

حسنه غدى للزيـن قامـوس

...........شامل وكـل النـاس تــــــقـراه

وجهه كمـا ليـلٍ وفانـوس

...........الشعـر ليـل وخـده ضْــــــــيـاه

لامن مشى وهب الهوى كوس

...........شـلال شعــــــــــره ينتثـر مـاه

كن العسل بالريق مدسـوس

...........والشهد يقْطـر مـــــــن ثنايـاه

له ثغرٍ احمر وابيض ضروس

...........ولون الشفق نايم على شفـاه

عينه سهم واهدابـه القـوس

...........والسهم بـي سـوى ســـوايـاه

قلبي لبس له درع وتـروس

...........وسهم المحبه صـاب مرمــاه

نيران حبـه بـرد فـردوس

...........وقلبي حلف مـا ينطـق الآه

ان راح عني صرت متعوس

...........وان زارني افـرح بــرويـاه

[فقير]

روعه روعه


اذا انتي كاتبتها وربي انج سحر في الشعر وارق بنت بالشعر

روووووووووعه وانتظر الجديد بفارق الصبر

اخوج
فقير