في ناس وايد , يحبون انهم يتكلمون بأي شي يمر عليهم , حتى لو ما عندهم خلفية او اي فكرة عن هالشي , حتى ساعات الامور الي تحتاج ممارسة او دراسة وخبرة , هم بعد يتكلمون فيها كانه ما في مثلهم فيها وهم اصلا مو فاهمين راسهم من ريولهم,
هالسلوك والتفكير الي نلحظه ومنتشر بمجتمعنا العربي الاسلامي بشكل واضح , ما تعتقدون انه هو سبب من الاسباب المهمة الي وصلتنا لهذا الحال المتدني الحالي بين العالم ؟
كل ما الواحد فهم وتعلم له كم شغلة عليها القيمة , خلاص صار ما في مثله وشاف عمره على الناس , وخذه كفايته من التفكير والجهد واستكسل وتفرعن على العالم
احنا نقول اعدائنا الامريكان واعدائنا الكفرة وبسبتهم صرنا جذي و .. و ..و... وناسين اكبر عدو بينهم , الا وهو انفسنا
شلون نقدر نغير هذه السلوكيات ونقتل الافكار الهدامة الي ترسخت في اي مجتمع عربي اسلامي بهذا الشكل الغير مباشر ؟
هالاسئلة الي قبل انطرحت وايد وانطرح غيرها من نفس القالب الي ناتج عن ضعف الايمان الاسلامي لمن خلاص ملينا منها , والكل جاوب عليها ومن زمااان اوي
بمعنى آخر الجواب طبعا شبه معدوم ,
منو عاجبه حال امته العربية الاسلامية ؟ كثير اكيد
منو راضي ؟ هم كثير بعد
شنو السؤال الي ودك تسأله , وانت تعرف كل هذه الحقائق ؟
هذا الي خطر على بالي بالتو وكتبته وودي اعرف سؤال كل من قرى الي توني كتبته <<< ادري اني تفلسفت وخبصت وايد تحملونا هذا اسلوبي التلقائي ترى ما اقصد
