تـــــــــــــــــــعـــــــــــــالـــــــــــــــي
تعــــــــــــــــــالي
تعالي إجمعي همي تعالـي إجلـي أحزانـي
تعالي مابقى عندي صبر قلبي نفـذ صبـره
أبيك بقربي ياعمري أبـي أبيـع حرمانـي
أبي أشري فرح هالناس أبيها تضيع هالعبره
تعالي يابعد روحي تعالـي والعمـر فانـي
تعالي نوري ليلي وتكسف لأجلـك القمـره
تايه في وسط قلبك غريب مضيـع أوطانـي
أدل الدرب وماأدله أبيـك تحلـي هالشفـره
لقيتك ياهنا عمري حفظتك وسـط أعيانـي
غزالٍ صاد صيـاده وقلبـي حـرة الحـره
تعالي وإفهمي إنـك ملكتـي كـل أركانـي
ملكتي فكري وروحي ملكتي القلب من صغره
نسيتي من فدا عمره نسيتي حتـى عنوانـي
ترا رقمي مثل ماهو وزادوا صفر بالنمـره
تعالي لعنبـو حـبٍ يشكـي منـه ديوانـي
تعالي هالقلم يشكي بقى نبضه وقضى حبـره
تعالي إسمعي إسمـك أجـره بكـل ألحانـي
تعالي علميني الحب ماعندي قبلك أي خبـره
تعالي ياأمل دنيـاي وأميـرة كـل خلانـي
تعالي سلمـي قلبـك أبيـه بخيـره وشـره
تعالي وإحيي الميت بضربه من طرف ضاني
يعيش ويشتكي ظلمك وبعدك عنـه ياسمـره
وسلامـــــة قلوبكم
أخوكم / الــــــ2006ـــــــاوي
مشاركة: تـــــــــــــــــــعـــــــــــــالـــــــــــــــي