السلام عليكم ورحمة الله وبركاته ...
a brief explaination about the history of our forum !
أخوتي و أخواتي .... أحب أول شي أعرفكم على نفسي .. انا عضو قديييييييييييييييييييييييم
قديم قديم قديم ... مره ... ثاني ثانوي قطعت المنتدى الحين تقريبا سرت ثاني جامعة .. أدرس بالخارج ..
مهما أحاول ابعد عنكم .. اشتاقلكم أكثر .. لانكم سرتوا جزء مني ...
انتم أسرتي (تحس نصاب)... طيب بلاش حركات روميو وجولييت وخليني أدخل في صلب الموضوع ...
أول شي أحب أبدأ أعرفكم على أبو غتره .. كلكم تعرفوه ... أول شعار لمنتدانا العزيز !
أبو شماغ هذا دائما كان يذكرني بمجلة ماجد نوعا ما .. مع اني كنت من اللي يحبوا يقروا مجلة ميكي بطوط وعم دهب وهكزا حركات ...
طبعا كلكم متشوقين لأبو غترة ...
انزل تحت شوي !
هاكرا كادابرا هازا هو !
شوفو الوسامه بس ... ما يمديكم صح !؟
طيب بعد ما شفتوا .. شعار منتدانا الغالي ... اللي سار جزء من حياتنا اليومية ...
طيب بشرحلكم قصة اسمي هذا ... أكيد له دخل في البوكيمون ... كان أخوي الصغير مسجل بهذا الاسم و أتذكر شاركت في كم موضوع والله والشباب أعطوني وجه .. فقعدت معاه .. ولا انا مو من طقة البوكيمون والجيم بوي !
على أية حال نرجع للموضوع ... أول شي ... منتدانا هذا ينقسم الى 5 مراحل ...
العصر الحجري :كان هذا الشعار ما زال محببا لدينا جميعا واليكم نظرة على شكل منتدانا القديم ... والله لو انه ما زال على هذه الحالة محد كان شارك .. بس شوفوا واحكموا بنفسكم !
هذا موضوع قديم شاركت فيه لقيته في الارشيف .. كان شكل المنتدى كذا تقريبا !
وهذا كان شكل موقعنا موقع الالعاب العربي ... !
لو دققت قليلا .. سوف تجد أبو غتره أو الشعار القديم في البانر العلوي !
في هذه الآونة كان الجهل منتشرا ... مثال .. كانت في مواضيع كثير مثل (كيف أحط صورة في موضوع !)
أسئلة كثيرة عن الايميل واستخدامه .. وكان الخاص لسه مو موجود !
كان في عضو اسمه سيلفر يحب يسب ومهجد الاعضاء ... لسانه قذر جدا .. لكنه كان محبوب نوعا ما !
كان له وفد .. اتذكر كان صديقي ذاك الوقت ميلسي !
عصر سكوال :
طبعا كلكم مستغربين .. ليش اسمه عصر سكوال ... بكل بساطة ... كان في عضو اسمه سكوال محبوب مره .. كل الاعضاء يحبوه لخفة دمه ومواضيعه المشكلة ... كان على طبيعته الولد .. كان طالب جامعي على ما اعتقد ...
كان العضو اللي ذكرت اسمه سابقا سيلفر يغار منه لانه الاخ كان له حصيلته من مؤيدينه البنات .. وكان يحب يحتك في سكوال .. لكن سكوال يعجبك يعطيه أشكل ... كان سكوال واحد من احسن اصدقائي الوهميين على النت !
في يوم من أيام الشتاء البارد .. سكوال زهق ورحل ... وبعد ذلك مر المنتدى بمرحلة فتور ... سار زهق والكل اصيب بخيبة أمل لان سكوال تركنا
في هذا الوقت كذا كان شكل موقعنا .. الالعاب العربي !
شكل المنتدى !
عصر سنور :احم احم .. طبعا انا المؤرخ هنا .. لازم احط عصر باسمي ... سرت مراقب ... كن فرحان .. هذا اللي اتذكره .. كانت المراقبة زهق .. كانت فترة متوسطة .. كنت اكذب اقول اني 18 او 16 اكبر نفسي و انا كنت 14 أو 15 ما اتذكر .. ولكن اعتقد انه الحيلة انطلت عليهم ! ... لأن عقلي أكبر من جسمي :icon6: ... أحس انه واحد يقرا ووده يضربني بس مفيش مشاكل ... في تلك الآونة كان في واحد اسمه (يازكسي) ... كان يملئ المنتدى بالسب وصور الهينتاي ! ... وكنت انا وراح امسح واعدل ردوده ... وكانت عبارتي الشهيرة ..."تم تعديل المشاركة سنور ... "
كنت في وقتها متعلم فلاش .. ازعط اسوي حوارات مضحكة "في رأيي" بين أعضاء المنتدى بس بي الفلاش أرسمهم حسب ما اتخيلهم ... كانت أيام حلوة ..
بعد تلك الفترة قطعت المنتدى لأسبابي الخاصة ...
الوقت اللي انا كنت فيه ... لم تطرأ أية تغيرات على أي من المنتدى أو الموقع ...كان وقتي بعد ما راح سكول بسنة !
عصر داج 1111 :كما ظهر سكوال و انا >> يلعن أم الثقة يشيخ !
في تلك الآونة مع اني كنت قاطع المنتدى لأسباب الخاصة .. كنت اتابع المنتدى بين الحين و الآخر .. العضو داج كان الأكثر فرفشة وحيوية ونشاط >> سار شراب طاقة ...
كان العضو داج يكتب مواضيع من مخيلته الفذة ... الصراحة كان مضحكة .. كنت أحب أقراها ...
كانوا الأعضاء يحبونه لدرجة انهم يفتحون موضوع كامل عشان يهدونه توقيع .. مع انه الخاص كان موجود .. كانت اهداء التواقيع في ذلك الوقت طريقة لاظهار الحب والمودة .. اعتقد مازال الى الآن بين اعضاء المنتدى ...
شكل المنتدى في ذلك الوقت نفس هذا الشكل .. بس الحين ممكن اتطور حبتين ...
شكل الموقع تغير الى الحالة اللي هو عيلها الآن ..
بعد تلك الفترة بدأت الخرافات والخزعبلات تنتشر في المنتدى ... وبدأ يسير سخيف صراحة
والأنمي بدأ يسير محبوب من عضوة اسمها انمي جيرل وبعض المساعدات من لينك بي ...انجيل وسبر تتذكر !
عصر خوباج وشوشه :العصر اللي نحن فيه حاليا أسميه عصر خوباج الحكيم وشوشه أخوه الأصغر ...
قام خوباج بازالة الجهل والسخافة التي عمت في المنتدى ! ... اتذكر له موضوع قديم قصة كتبها ..نسيت اسمها بس كان تحفة .. يليت اذا رد يحط وصلة لها ... شوشه كان صديق عزيز لي .. ما يبين هالأيام لو أحد يعرف أخباره يقولي
هذا اللي أعرفه للآن ... ملاحظة اذا كان في بعض الأخطاء يا ليت تصححوني ... الهدف من كتابة الموضةع هو اننا نتكلم عن ذكرياتنا سعيدة او حزينة كانت !
انتظر مشاركاتكم
(ملاحظة ... كمبيوتري الكيبورد حقته مو كتوب عليها الحروف العربية ياليت أحد عنده صورة فيها صورة كيبورد عربي)
يعنوا حسوا تراني تقريبا حافظ مكان الحروف
....
)
المشاركة الأصلية كتبت بواسطة asf4ever
هو بيفهم