تحدي .... Nürburgring Nordschleife

[أبو الغضب]

[CENTER]تحيه طيبه وبعد .....


أول أحب ابارك لكم بنزول النسخه الامريكيه لـ GT4 واللي أنا أشوفها أحسن من النسخه اليابانيه بسبب فرق اللغه
ثانيا بما أنه كل اللي يدخلون هنا هم عشاق هالعبه الأكثر من روووووعه أحب أسوي شوية أكشن دام انه مافيها لعب أون لاين وهذا الشيء اللي كنت اتمنى انهم يحطونه فيها بس للأسف ماتحقق ...

على العموم التحدي راح يكون بشروط معينه علشان يكون فيه حماس وطعم للتحدي وأيضا تجنبا للظلم اللي ممكن يحصل لو انه فيه أحد أخذ سياره أقوى من غيره هذي الفكره جاتني بالصدفه اليوم وحبيت انزلها لكم ونشوف مشاركاتكم


أوكي خلونا نتكلم عن التحدي ....
التحدي راح يكون في حلبة Nürburgring Nordschleife ... طبعا كلكم تعرفون انها حلبه صعبه جدا جدا ومعروفه عن غيرها من الحلبات بشوارعها الضيقه ومنعطفاتها الحاده , وطبعا لا تنسوا المنحدرات والمرتفعات
نبغى نشوف من يجيب أسرع وقت في هذي المرحله الصعبه والطويله.
الحلبه هذي طولها 20 كم وتصل بعض مرتفعاتها إلى 300 متر


الشروط
أول شيء لازم قوة السياره ماتتعدى الـ 200 حصان .... يعني تقدر تاخذ أي سياره في بالك سواء كانت دفع امامي/ خلفي / رباعي .... بس أهم شيء انها ماتكون أكثر من 200 حصان .
مثال : لو أخذت سياره قوتها 150 فهذا معناته انك تقدر تزيدها 50 حصان كحد أقصى سواء كان بإضافة تيربو أو اقزوز سيستم أو أي قطعة تزويد تعجبك وبالشكل هذا تصير 200 حصان.

ثانيا ممنوع استخدام الغاز بشكل نهائي لان استخدامه يعني انك تعديت حاجز الـ 200 حصان

ثالثا ممنوع تغير تواير السياره (( العجلات )) أي انها لازم تكون شد وكاله

رابعا يحق لك تختار مابين الجير العادي أو التماتيك (( اللي أشوف نفسك فيه تسوق أسرع ))

خامسا يجوز تعديل خيار الـ Driving Aids على كيفك واللي وظيفته انه يثبت السياره ومايخليها تحوس (( بالنسبه لي أنا مخليه على الـ OFF لاني تعودت على المسابق بدونه ))

سادسا تخفيف وزن السياره ... يحق للمتسابق انه يستخدم Stage 1 فقط في تخفيف وزن السياره

سابعا نسب الجير ..... لا يجوز التعديل عليها بحيث انها تكون شد وكاله ... لاكن يجوز للمتسابق انه يركب كلش Sport أو Semi-racing بس كلش racing ممنوع ... وبالنسبه للقطع الباقيه فهي مسموحه مثل الـ LSD وعمود الشفت

شروط كثيره بس على الاقل بنكون كلنا متساووين (( ورجاء خاص لحد يخترق الشروط علشان يجيب أحسن وقت لانه كلنا بنتسابق على نفس الشوروط ونفس قوة المحرك ))
ولاتنسوا تحطون توقيتكم بالضبط مع كتابة نوع السياره وعدد احصنتها بالضبط


يله .. انشالله الليله أحط توقيتي اللي بجيبه وانشالله يكون توقيت قوي ويصمد فتره (( أويلي على الفلوس اللحين لاني توني بادي اللعبه ومامعاي إلا سياره واحده فقط مع 1300 دولار ماتكفي تعديل جامد ))

وعلى فكره ترى يجوز المشاركه أكثر من مره إذا كان توقيتك أحسن من التوقيت الماضي

[أبو الغضب]

19 شخص و ولا واحد فيهم شارك ؟؟ شدعوه كلكم ماتعرفون تسوقون في جي تي 4 ؟؟

يله انا بكون أول واحد

أنا جبت 8 دقايق و 47 ثانيه و 314 جزء من الالف من الثانيه يعني الرقم كامل 8:47:314

والسياره تويوتا تورينو (( AE86 )) بقوة 169 حصان همممم لو عندي فلوس أكثر كان وصلتها الـ 200 بالضبط
طبعا التواير شد وكاله وهذا تضبيطي

إقزوز سيستم (( Race ))
كامات محرك Stage 1
كلج (( Stage 2 (( semi-racing
فل suspinssion system
مع كمبيوتر ريس (( وطبعا هذا كله مثل ماقلت 169 حصان ))

على فكره ترى الـ Driving Aids كله على الصفر يعني أي حركه خطأ يحووووووس على الموتر بس مثل ماقلت لكم تعودت أوزن السياره بدونه



يله شباب ... ترى انشالله أجيب رقم أحسن بكره ولا اللي بعده متى مافضيت

[أبو الغضب]

يله ... أنا جبت 8:46:009


:icon6: رقم جديد وعلى نفس السياره وبنفس القوه (( 169 حصان ))

[أبو الغضب]

شدعوه ؟؟ 55 واحد اللي شافوا الموضوع و ولا واحد فيهم رد ؟؟ شباب شدعوه ؟؟ قسم كامل لـ GT4 و ولا واحد فيكم يبي يتحداني ؟

[أبو الغضب]

:vereymad: خلاص ماله داعي تشاركون لاني حصلت موقع انجليزي قبل شويء وحاطين تحدي في الحلبه اللي ذكرتها في الموضوع هذا وأنا بشارك هناك ولاني بمشارك هنا لانه شكلكم ماتحبون التحدي على شوارع صعبه مثل هالشارع .....




سلام

[نهر الكوثر]

اهلا اخوي أبو الغضب،

الفكرة جميلة، وانا معاك لكن راح استنى النسخة الامريكية توصل عندنا منسوخة، وبعدين انا افضل ان التحدي يكون:

السيارة الاصلية وكالة من غير اي تعبيث الا تغيير الزيت.

او انه يكون بتعبيث على كيفك، يعني في نوعين من التحدي.

واحد مع تعبيث والثاني من غير اي تعبيث ابداً الا تغيير الزيت (لا يعتبر تعبيث)


نهر الكوثر

[نصرصر]

السلام عليكم
كيف الحاااال شباب السعودية خاصة الريااض وخاصة اللي ساكنين في السويدي الابراج البديعة اي شئ حووووول هاذي المناطق ؟؟؟؟؟؟
علموني وين القى جي تي 4 امريكي انا اروح محل دايم كلش اشتريه منه ثمن كل ما اروح له يقول النسخة اللي عندي خربانة في الاسبوع اروح له اربع مرات وهذه هي الحال لمدة 4 اسابيع حتى اليابانية

لا تقولون كذاب ما نزلت النسخة الامريكية الا قبل اسبوعين لا كلهم في الاربع اسابيع ياباني امريكي

[الضلالم الكادم]

لوسمحت ابو الغضب

ممكن تسهل عليناالطريج عشان عفت الطريق من اليسن الرابع
ما احب هذا الطريج
عندي وايد سياير
منهم الي عندي اشتريتهااليوم عندي الـTVRقوتها 1058:shock22:
يعني انا ما اجذب عليك يمكن ما فهمت
اقو وحده منهم:shock22:في شركت الـTVR
ممكن تسهل الدرب و قوت السياره تكون اقوى
باي

[(OPEL)]

يعطيك الف عافيه اخوي ابو الغضب على الفكره الحلوه



وبصراحه اعجبتني مره بس الحين الشريط مهب عندي يبيلي اسبوع بالكثير ان شاء الله وراح يكون عندي وراح اشارك في هالمسابقه الروووووعه



ارجوا من الاخوه عدم الغش واللعب على النظام واللي بيغش والا يكذب ما راح يحس بطعم الفوز او النصر



تحياتي وارجوا انكم تتنافسون بقوووه وان شاء الله راح اجيكم الاسبوع الجاي برقم

[FCR900]

السلام عليكم..

اليوم جربت الطريق وزبط والله اني تذكرت الرخص (الرابعه) طيب رقمي :
8:51:54.
رقم كويس صح .
اعطوا التعلقات على رقمي...
ويا الله شاركوا في المسابقه ....
بسياره الlncer الرائعه. بقوق 169 حصان..

[أبو الغضب]

أوكي شباب ....
تعديل عل الموضوع ....
بنقسم السباق إلى 4 مجموعات

المجموعه الاولى : فئة الاقل من 200 حصان .
المجموعه الثانيه : فئة مابين الـ 200 إلى 400 حصان .
المجموعه الثالثه : فئة مابين الـ 400 إلى 600 حصان .
المجموعه الرابعه : فئة الـ 600 حصان فما فوق .

(( طبعا انا عدلت على الشروط حيث انه الكل يقدر يشارك على حسب الفئة اللي هو يبيها ))

المهم اللحين بقول النتايج الموجوده حاليا ....

بالنسبه للمجموعه الاولى.....



الاول : أنا (( أبو الغضب )) والسياره تويوتا تورينو (( AE86 )) بقوة 169 حصان
التضبيط :
طبعا التواير شد وكاله
مع .....
إقزوز سيستم (( Race ))
كامات محرك Stage 1
كلج (( Stage 2 (( semi-racing
فل suspinssion system
مع كمبيوتر ريس (( وطبعا هذا كله مثل ماقلت 169 حصان ))
الـ Driving Aids كله على الصفر

التوقيت هو.......................8:46:009


الثاني : أخونا العزيز FCR900 والسياره ميتسوبيشي لانسر بقوة 169 حصان
التظبيط : ؟؟؟؟؟ (( ياليت لو أخونا FCR900 يتكرم ويذكر لنا وش التضبيط اللي على موتره ))
تعليقي : الصراحه توقيت رووووووعه وصار عندي شعور انه لو تتمرن أكثر راح تجيب وقت أحسن من هالوقت هذا وممكن تجيب توقيت أحسن من توقيتي بس انا انشالله الاسبوع هذا بوصل سيارتي 200 حصان وبحقق رقم أفضل ...... عاد انت شد حيلك وانشالله بعد نشوف الشباب هنا يحطون ارقامهم

التوقيت هو.......................8:51:054
--------------------------------------------------------------------------------------------------------------------------------------------------------------------------------------------------------------------------------------------------------
المجموعه الثانيه............................ لاتوجد ارقام حاليا
--------------------------------------------------------------------------------------------------------------------------------------------------------------------------------------------------------------------------------------------------------
المجموعه الثالثه ...........................

الأول : أنا (( أبو الغضب )) والسياره Opel Astra Touring Car بقوة 544 حصان
التظبيط : كل شيء فيها بس انها بدون NOS

التوقيت هو ..................... 6 دقائق و 22 ثانيه و 202 جزء من الثانيه

--------------------------------------------------------------------------------------------------------------------------------------------------------------------------------------------------------------------------------------------------------
المجموعه الرابعه ......................... لاتوجد أرقام حاليا


يله شباب اللحين مالكم حق انك تقولون الشروط صعبه لاني سهلتها لكم ..... انا كان قصدي بالـ 200 حصان انه تكون منافسه قويه حيث انه مانعتمد على قوة السياره وانما على القياده بس الظاهر مافيه ناس قياده غيري انا واخونا FCR900 ..... على العموم انا سأظل أنافس اي واحد يبغي يتحداني في المجموعه الاولى لانها بالنسبه لي هي التحدي الاكثر إثاره من بين باقي المجموعات

[Mr_Bright_MOON]

طيب انتظر رقمي قريبا بال
Toyota Minolta

[FCR900]

هلا وغلا بزيدان طولت الغيبه يا اخوي وينك ؟؟؟
المهم عدل كلمه مسافر في توقيعك لانك رجعت .
وننتظر رقمك ...
_______________
_______________
؟؟؟؟؟؟؟؟؟؟؟؟؟؟؟؟؟؟؟؟؟؟
...............................

[Mr_Bright_MOON]

هلا وغلا بزيدان طولت الغيبه يا اخوي وينك ؟؟؟
المهم عدل كلمه مسافر في توقيعك لانك رجعت .
وننتظر رقمك ...
_______________
_______________
؟؟؟؟؟؟؟؟؟؟؟؟؟؟؟؟؟؟؟؟؟؟
...............................

ياهلا والله ياخوي وانا فعلا كنت مسافر بس من الكسل ماامداني اشيل الكلمة

انا خربتها من البداية واخترت المنيلوتا نويوتا ريس كار
قوتها 1162
الرقم كان
609467
لو ركزت اكثر كان جبت افضل بس يالله نعوضها المره الجاية

هاذي المرفقات

[King James]

اما انا سويت تحدي مع اخوي بعد ما قريت الموضوع وسويناه في المجموعه الاولى .

السياره LUTUS ELISE
القوه 191 حصان
التضبيط : فيه ثلاث قطع مركبها واحده ب500 الاف وواحده ب16 الف واول واحده في ال ENGINE اعذروني ما اعرف اساميها.
الوقت: انا 8.28.925 واخوي الصغير 8.25.701 .

وانشاء الله اجيب لكم التوقيت في المستويات الباقيه.