Toys

[Trapped Inside]

Oi !


اخبار .. عساكم طيبين ^_^ ..


تذكرون موضوعي عن الالعاب الي كنا نلعبها من اول وحنا صغار .. مثل الحبشه والمدرسه وغيرها ؟ ..

Well .. نفس الشي هنا .. بس بذاك الموضوع كانت الالعاب حركيه .. هنا اقصد الالعاب الي كنا نلعبها بايادينا ( دمى الخخخ ) ..

Watashi

- Action Man .. احد قد سمع بها ؟ .. يووووووه كنت اموت فيها .. شركه العاب تنتج مجسمات لفريق انقاذ .. وطبعا اكسسورات لهم وحاله .. انواع الفله .. كنت اشتريهم من هنا .. محل اسمه بلاد الالعاب الظاهر .. غالي كان >< .. وكنت متابع لاخر اخبار الفريق .. ويوم رحنا بريطانيا .. ورحت محل العاب لقيت اشياء خياليه لهم .. ما صدقت على الله " للحين اذكر فرحتي ذاك اليوم " .. وشريت سياره بنت كلب لهم .. وجيب .. وكم شخصيه زياده .. " الله يخليك لي يا مامي ..

سويت بحت بجوجل ولقيت صور لهم !!!!!!! ..

شوفوا :



ولله العضيم اني ذا الرجال كان عندي .. يوه كنت اموت فيه .. ولله ذكريات




هذا بعد XD .. كنت اذا قعدت اتروش بالبانيو اخذه معي .. واذكر كانت معه بدله غوص ^^ ..



وهذا هو الجيب ^^ .. خخخخخخخ .. ياما لعبت فيه بالحوش .. .. تغريز وتطعيس وتفحيط وفله


هذا الي لقيته من الصور ..

بصعوبه بصراحه تركت هذا الفريق .. يمكن اخر مره لعبت فيهم بثاني متوسط -_- .. كنت العب يوميا مع ولد خالتي .. وكان بالثانوي !! .. يوه .. دايم نسوي مدينه وتخطيط وحاله .. كانه فلم .. او بالاحرى مسلسل .. لاننا كل يوم اذا رجعنا بالمدرسه نكمل الاحداث .. خخخخخخخخ .. ولله فله ..


- Buzz Lighter .. ببيرطانيا .. كنت بذاك المحل .. واحوس بالكتلوج .. وتنهبل عيوني على باز .. كان شي خيال .. وكانت غاليه بعد >< .. امممم الظاهر كانت بـ60 باوند او شي من ذا القبيل .. ترجيت امي وجابت لي اياها ..

قعدت احوس بغرفة اخواني الصغار ادور عليها ما لقيتها -_- .. وبيني وبينكم متعيجز الحين ادور زين .. ان شاء الله بكره ادور عليها زين واصورها لكم مع كم لعبه من الماضي ^^ ..


- مجسمات البوكيمون الصغيره .. انوااااااااع الادمان .. بس هذي كانت قريب مو بعيد مره .. على وقت كروت البوكيمون بعد .. عندي تقريبا 12 بوكيمون بس -__- .. ومجسم لميستي .. الحين موجودات بغرفة اختي .. اجيب لكم الصور بكره ان شاء الله ^^ ..

كنا نلعب فيها انا وعيال عمي .. يقالنا طولات وزحمه -__- .. خخخخخخخخخ .. يعني اللعب كله تخيل .. " Use Ur Fire Beam Charmander " .. Says Mohammed .. تحسنا ملاحيس T_T ..


- ايام الابتدائي .. كل نهاية سنه .. نروح بريطانيا .. وامي تجيب لي لابتوب .. بس مو صدق طبعا .. كان فيها اشياء كثيره .. اسئله .. وهي الشي الاساسي الي فيه .. كثير كنت العب انا وامي .. وكلمات متقاطعه .. والعاب كثير غيرها .. اغلبها نلعبها انا وامي .. وهذي اللابتوبات ساعدتني على تحسين الانجليزيه عندي كثير ^^ ..


- وطبعا الالعاب الرياضيه .. اذكر شرينا جولف .. وكنا نلعب بالـBack Yard ببريطانيا -__- .. كانت كلها عشب .. وكنا نلعب انا واختي .. بس من دون فتحه بكاس ..

وشرينا كركت " لها شعبيه كبيره ببريطانيا " .. وكنا نلعب مع الجيران .. بس كنا من جمبها >< .. انواع التلحيط الي يجينا ..

وتنس ريشه .. كانت فله .. بس اختي كانت زلابه من جد -___- .. نتهاوش كثير وحنا نلعبها .. دايم اعصب لانها ما ترد كور كثير >< ..


اي صح تذكرت شي .. بس ماله دخل بالالعاب الي مثل كذا .. اذكر مره كنا رايحين لمدينه اسمها BlackBol " مو متاكد من السبلينق " .. وهي مشهوره بكثرة الملاهي الظاهر .. والاماكن الترفيهي .. قعدنا فيها اسبوع ..

وبالفندق كانت فيه العاب بنت كلب .. العاب طرزانيه .. يعني تنقز على حبل وتتسلق .. من جد كانت حلوه ..
وهناك تعرفت على اول صديق واخر صديق بريطاني عالطبيعه :icon6: .. كان اسمه Jack .. اشقر " طبعا " .. وحنا نلعب كانت فيه لعبه ( تركض وتنقز وتمسك زي البكره على حبل .. وكانك تطير .. وتطيع على كور مطاطيه كثيره ) .. وكان هو دوره .. وجت اختي الدلخه اخذت دوره -__- .. وخرتها وتاسفت له ومن هنا تعرفت عليه ..

حتى اني سلمت على اهله .. وابوه كلم ابوي .. وعطاني بعد ايميله وبريدهم .. بس ابوي الله يهديه ضيعه -_- .. قهر ودي اسلم عليه ولله ..


- نرجع للالعاب .. Ummmm .. اي صح .. هدايا الـKids Meal .. من مكدونالدز .. يوه كانت شي من جد .. اذكر دايم تكون لـSnoopy .. الكلب الابيض .. انواع الفله ذاك .. دايم مهاوش عليه انا واختي ..



- Ummmm .. I Think That's Enough .. مثل ما تلاحظون ما كان عندي اهتمامات بالدمى القطنيه ابداً


That's it .. مثل ما قلت الصور ان شاء الله احاول بكره " ان ما تعيجزت بعد بكره -_- " ..

Last But Not Least : What About U

[ODIN]

رهيب والله الموضوع

وقت حلو للذكريات




بالنسبة لي انا العاب الاكشن مان هذي ما كنت اطيقها من وانا صغير ماذكر ان كان عندي شي منها أبد


شي واحد اذكره للحين وللحين محتفظ فيه .. هو نمر قطني كبير ... عطيته خليفتي ولد اخوي الله يخليه ... ووصيته ترجعه لي بليلة عرسي ...

ههه جد ماامزح موصيه كذا ..



الالعاب القطنية ضرورية للأطفال سواء الاولاد والا البنات ..

[Mada Mada Dane]

موضوع حلو , مشكور عليه


انا من ناحيه تاريخي مع الالعاب , طويل جاد ... كنت متوحش وقليل إهتمامي بالدمى , هع هع مدمن فيديو جيمز من يوم انا بزر , يوم انا كبرك كنا نلعب NES لعبة Home Alone او ننجا ترتلز ... عندي العاب كثيره وكثير منها للحين موجود احاول اجيب لكم صورها قريب ...

بس لو تبي الصراحه طفولتكم بريئه احنا اذا اجتمعت انا وعيال خالتي نخرب بلد اول
مره لحقني حرامي وركض للبيت يوم انا صغير , ومره بالنسما ضعت انا و اثنين من الشباب من الصبح مارجعنا إلا الليل , رحنا نغامر رقينا تل كبير مايرقونه إلا بالقطار مشي ! هع هع ذكريات حلوه

الحين تعبااان لازم انام لي تعقيب على الموضوع وياده بكره

[Yamato]

يا زينكم وذكرياتكم القريبة..
بالنسبة لي كانت عندي مثل هالالعاب خصوصا اللي يسمونها الليغو على ما اظن.. مب قطع التركيب لكن الشخصيات.. كنت انا واخوي الاصغر عني نقعد نلعبها.. ونسوي قصص ومواقف واحنا نلعبها.. حتى احيانا كنا نطلع العابنا للحوش ونسوي كانه العابنا رايحة الغابة ونسوي فيها مغامرات ولا مغامرات عدنان ولينا تجي بمستواها..
وحتى كنا نحطي لهم اسامي..
والله فعلا ذكريات.. الى الان ما زلت احتفظ بشخصياتي الرئيسية..

احلى شي اكتشفته من هالموضوع.. اني مب الخبل الوحيد اللي كان يسوي هالحركات..

[Y a z e e d]

H3, a new common character ..

I was an Addictive on these kind of games that I sleep everyday moving them and ruling a wrestle between'em

Emm, I liked that habit of mine

I also was taking them with me when i want to take a bath

I broke so many, bought so many, and till now i see some of them in the playing room of

me little bro ( he kept them)

Emmm in the age of eight i began to (pull) on them and friendshiped books and movies..etc

Ya know ? this is a cool thread ..

I also was keen on Action Man toys :icon6:

See ya around

p.s : i have i weird problem and I cannot write arabic

[asf4ever]

تاريخي مع هالألعاب مب وايد-_-
اللهم مرات كنت ألعب مع أخوي الكبير كنا نجيب كل شيء نشوفه قدامنا (سيارات-بطاريات-حبات الكيرم-أقلام التلوين) وما إلى ذلك ونسوي مدينة ونمشي الربع فيها (كنت خبل مثلكم)
ولكن هذا لم يحدث كثيرا
كنت على ما أذكر أحب ألعب الألعاب إلي تنلعب في حوش البيت (ركيض وهبالة و(الكوك))
ومع ذلك ذاكرتي مشوشة جدا وأنا صغير (في صعوبة في التذكر>.>)
إلي أن جاء وقت الفيديو جيمز وأصبحنا مدمنين...
Can't recall the happy things

[Mista Koo]

Nice Topic Saudi ^_^

اكثر اللي كان عندي هو التركيب Lego كان عندي كثيييير ولا يزال معظمهم http://www.hobmamodelbouw.nl/images/logo/lego-logo.jpg
و الـAction Figures (المجسمات* بمختلف انواعها من الننجا ترتلز وغيره
وانا اصغر من كذا كان عندي تركيب Fisher Price كثيير
http://casadelrecuerdo.com/catalog/i...er%20price.gif

[Da S.O.S]

whooooooooooooooooohooooooooooooooooo....
look who is here again
مستر ترابد... والله عليك شوية ذكريات تفتح النفس..
لا انا كان في العاب نينجا تيرلتز.. كانت ادماااااااااااااان ادمااااااااااااااااان ادمااااااااااااااااااااااان.. انواع الاشكال والشخصيات وتجميع وحالتي حاله كانت.. بس للأسف كلها اندثرت من بعد وفاة ابوي الله يرحمه وانتقالي لبيت جدي..
الليجو اذكر اني طحت فيها لكن مو زي النينجا تيرتلز..
فترة المتوسط طحنا بالبوكيمون طيحه الله لا يوريك اياها
الكروت كانت اكلي وشربي.. وانواع الي كل ويك اند نروح صحارى نبادل مع بشريه
كان عندي كثير العاب بس ما كانت تدور حول محور واحد.. كنت احب العب بالجنود الصغار الخضر..انوااااااع الفله والحروب الي اخترعها
لكن فترة الابتدائي لو اقولك وش كان ادماني ما تصدق..
بالمدرسة كان لازم يوميا حروب ومباريات كورة بالاقلام.. تمثيل طبعا بس ياهي كانت فله وتسليني..
اااااااااااااااااخ ذكرتونا باللزي مضى..
انا خلاص لازم اروح البس علشان الصلاه الحين..
so......
see ya sooooooon man

[الموهوب]

موضوع حلو مثل صاحبه

عمومتا’’

صراحتا صراحتا ماخبري بهالالعاب!<<<طفوله رائعه


ومشكور عالموضوع التحفه,,


’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’

[Angel whisper]

تجميع الـAction Figures مستويه هواية عندي .. انا يوم كنت صغيرة ما كنت العب بأي شي نهائيا .. يمكن لهالسبب بديت حاليا اهتم بهالاشيا ..
مجموعتي الحين تضم:
Lord of the Rings:
Sauron
Saruman
Aragorn
Uruk Hai
Legolas
Ring Wraith

Final Fantasy 8
Squall
Zell
Rinoa

Tekken
Yoshimitsu
Heihachi Mishima

Marvel
Spiderman
Venom
Captain America
Dr.Doom
Cyclops
Wolverine
Storm
Rouge
Gambit
Green Goblin
Dr.Oc

Pokemon
Ash
Pikachu
Mew
Raichu
Poke ball

Zoro

Batman

Power Rangers
Green - Pink - Yellow - Black - Blue

Dynasty Warriors
Lue Bie


وعندنا كولكشين سيارات .. مالت عيسى XD
Toyota Supra
BMW M Roadsrter
BMW X 5
Opel Omega
Porsche Boxter
Mercedes Benz CL 500
Honda S2000
Porsche Carrera 911
- Red Dodge Viper RT/10
Beatle
Porsche 911 Cabriolet
Dodge Viper RT/10 - Blue
Lamborghini Diablo
Rav 4
Lamborghini Murcielago
Ferrari

وللعلم بعض هالاشيا شارينها من برع البلاد ..
مثلا الـAction figures مالت Tekken شارينها من المانيا ..
والسياره المرسيدس من تركيا .. والاوبل بعد ..

وبس XD

[Electro M]

طلعتوا كلكم وراعين
المشكلة انبسطت لما شفت واحد يقول سلاحف الننجا بس بعدين خربها لما قال بوكيمون
المهم انا من جيل الاتاري
من قبل ما ابدا دراستي الابتدائية و انا العب فيه
ذكريات
اول لعبة كرة قدم ظهرت على الاتاري كان تقدر تشوت الكورة على خط الملعب و ترجع لك كانه ملعب مغلق
و الا لعبة سبايدر مان ما غير تتسلق بهالعماير و تبعد عن الشبابيك اللي تنفتح فجاة
ثم جا طبعا صخر و العائلة او NES و جت فترة سلاحف الننيجا الي كانت انواع الادمان

[Lena]

واو موضوع رائع احب الطفوله XD

والله لو اكتب عن العاب الطفوله ماخلص XD

وصدقت اكثر الالعاب نجيبها من

بلاد الالعاب
ودادا باي
كنه نسميه حرامي باي..من غليهXD

وفيه محلات العاب واجد XD

موضوعك مفرفشني من جد XD بس احط هالسمايلي من الوناسه

اصبر ابجلس جلسه اليوقا عشان اتذكر الالعاب
- . -<===مغمضه عيونها يقال


.
.
.
.
.


هممممممم
لعبي المفضله ونمبر ون:
اي شي له علاقه بالامومة والانوثة - -
العاب المطبخ



ومنية حياتي احصل عالمطبخ زي كذا كذا بس ماحصلته




العرايس:


من يومني صغيره بس ابي اكبر عشان اصير ام وزوجه ههه
العابي كلها ادوات مطبخ واكل وعرايس هم عيالي الصغار
الله ذكريات انا وفليرXD
كنا نسوي بيوت وحريم وحالة وقصه كل يوم حنا وعيالنا

والدببه اهم شي بالحية ذاك الوقتXD

اذكر دبي البني الي جابه لي خالي يوم سويت عمليه في رقبتي..
والبببغاء الي يكرر الكلام معاي
والدب الابيض
وعروسه ميني ماوس
انشالله بجيب لكم الصور
مع اكثر العاريس قطتها امي

اذكر العرايس الي كنهم بنات صدقيات كانت اختي الكبيرة تقص علينا تقول ذولي بنات محنطين وصدقناها




لعبي المفضله نمبر تو :
الباربي وما ادرامك مال الباربي @_@

كنا وحنا وبنت حيراننا
ادمان
بس هي مشالله دلعينها هلها وانوع المجموعات
ونجتمع ونسوي المسلسلات المكسيكية وانوع التفنن في صنع البيوت من الاغراض البدائية XD
كنا فنانين نجيب لوحه خشب وترسم عليها طرق ونحط عليها شجر وحجر ونقسمها غرف على اساس انها البيت XD





باقي اللعب

lego
ادماااااااااان نحبها كنا ونسوي قصور واشياء فيها


العاب الدكتور XD
واو كنا نسوي مستشفيات والعاب وحركتاااااااات فيها




والله كان لي تجربه وعشق مؤقت للسيارتوالعابها




وكنا نموت في العاب الالغاز

الي تصير لوحه ونرد ولاعبين
زي منوبولي و كلودو والسلم والثعبان والف مليون غيرها XDاشياء كثيرة خطيرة
طلع لها اشكال عدة مثل لعبه الهمبرجر والمزارع والنينيجا تيرلتلز



هذا الي اذكرة وفيه الكثير^_________^
كثرت من الالعاب لان الطفوله مرحله مرة مهمة في حياتي وامتع فترة وكرفتها كرف الحمدلله


موضوع يجنن شكراXD

[Angel whisper]

ليش كل الناس كانت عندهم العاب وايد وهم صغار الا انا؟ ما كان عندي غير خروفي ..

وانتي لينا ليش كانت عندج باربي؟ انا ولا مرة اشتريت باربي ..

بس دقايق بسير بنتحر وبرد

[MoaeD]

كنت احب التراكيب والسيارات الصغار بس


كان حلمي هو مجموعة الLego.. بس وش نقول عندنا اباء ما يعترفون بالغالي مقابل الوناسة.. شي مره بالسنه على الاقل يكون فرحني بنجاحي لو مره.. مع ان الدنيا ما تسوى...

[Angel whisper]

كنت احب التراكيب والسيارات الصغار بس


كان حلمي هو مجموعة الLego.. بس وش نقول عندنا اباء ما يعترفون بالغالي مقابل الوناسة.. شي مره بالسنه على الاقل يكون فرحني بنجاحي لو مره.. مع ان الدنيا ما تسوى...

هههه والله حاسه فيك مؤيد ..

بس شو نسوي