و الله حالة يا 700...نصب عينيي عينك

[#aNiMaNiA#]

السلام عليكم

بحدثكم اليوم عن شيء صار لي أمس

كنت في أمان الله جالس حالي حال نفسي إلا ويتصل على أخويا من جدة و أبو الشباب فرحان ويقولي : أقول لك مفاجأة....كسبت سيارة همر!!!!

أنا قعدت كذا :shock22: فترة لا بأس بها ماني مستوعب السالفة
وقاعد اكذب فيه ويحلف لي وماني مصدق ويحلف لي غلين ما صدقت

قعدت أستفسر السالفة منه قال لي إنه جات له رسالة على الجوال نصها "مبروك...لقد ربحت سيارة همر...السيارة جاهزة للإستلام غدا...رقم لوحتها....."و أعطوه رقم تلفون عشان يدق عليه عشان ياخذوا منه معلومات خاصة بيه

قلت له خلاص دق عليهم و أرجع دق علي و نشوف إيش آخرتها

وأنا قاعد انتظره كنت طاير من الفرحة و بدأت الأفكار تلعب في راسي..نبيع السيارة وناخذ الفلوس النص بالنص وأفكار غيرها مالها أول ولا آخر

انتظرته 10 دقايق...ربع ساعة ما اتصل

اتصل بي بعد ثلث ساعة وشوفوا إيش قال لي
قال لي : "قاعدين يسألوني أسئلة مالها داعي....عمرك.....تدرس ما تدرس....المغني المفضل...الاغنية المفضلة....الفلم المفضل و كل شوية يعيدوا في الاسئلة فطفشت وقفلت السماعة"
باقي أقول إن الدقيقة كانت ب......10 ريال :shock22: :shock22: :vereymad: :vereymad:

أنا في شيء واحد أبغى أعرفه

هذا صاحب الخدمة كيف يرضى لنفسه إنه ياخذ فلوس الناس بهذي الطريقة

كيف يرضى يأكل عياله مال حرام كسبه عن طريق الغش والخداع

ولا في هذا الزمن ما يمشي غير مبدأ ميكافيللي : "الغاية تبرر الوسيلة"؟

ابغى اعرف رايكم في إللي صار

أنا كتبت هذا الموضوع في منتدى ثاني بنك نيم مختلف

فلا يجي أحد يقول لي منقول أو شي

تحياتي

[Mista Koo]

انا كنت اقول شنسوي لهالاتصالات الحرامية
بس اكتشفت ان كل الدول هيك
مرة وصلتني رسالة ربحت اقامة في فنق بلبنان دق على .... بس الحمدلله نصحوني وما دقيت
ومرة طلبت شعار من خط الـ700 كان بـ4 ريال غير الرسايل اللي كنت ارسلها عشان اتنقل بين الشعارات
منجد ناس ما تخاف ربها

[الموهوب]

او شيء وشو الرقم

لان فيه كثير 700

يمديك تكرش ابوهم اذا كانت هالسالفه صدق’’


وبالنسبه 700 عموما هم نصابين’’





وللشركه ذي حقت الهمر والله المفروض ماتسكتون لو هي صدق ,,,,,,,,,,,هات الرقم

عشان نشوف ذا رقم من?

[#aNiMaNiA#]

او شيء وشو الرقم

لان فيه كثير 700

يمديك تكرش ابوهم اذا كانت هالسالفه صدق’’


وبالنسبه 700 عموما هم نصابين’’





وللشركه ذي حقت الهمر والله المفروض ماتسكتون لو هي صدق ,,,,,,,,,,,هات الرقم

عشان نشوف ذا رقم من?

و الله ما سألت اخوي عن الرقم
بس إذا تبغاه اجيب لك هو

مشكورين على الرد

[الموهوب]

و الله ما سألت اخوي عن الرقم
بس إذا تبغاه اجيب لك هو

مشكورين على الرد

وش ابسوي انا بعدة’’خخخ


لا والله بس بشوف رقم من!!



بس لو انا صارلي كذا لازم اسوي شيء ولاش!

[Angel whisper]

الله يهديكم بس المفروض تطنشونهم هاذيلا ..

يعني انته مثلا يا صاحب الموضوع تدري انك ما اشتركت في اي سحب .. فعلى اي اساس صدقيتهم؟

فان شاء الله بس تتعظ من هاللي استوى وما تدخل عمرك في هالبلاوي ..

ههه مثل وحده مسكينه اعرفها .. متصليلها والله ربحتي وجبه لشخصين .. وعقب سالفة طويلة عريضة طلع المطعم في بوظبي ومن قوم بو رخيص .. وهي خسرت اكثلا من 30 درهم على المسجات ..

بس يالله حصل خير

[megaman]

تبي نصيحة؟

أي رقم 700 لا تدق عليه .... المسألة كلها نصب × نصب

وراعي الرسالة هذي تلاقيه هو راح يشتري لنفسه همر من كثر الفلوس اللي جته من المكالمات

[Electro M]

الشرهة موب عليهم الشرهة عليك انت و خويك اللي صدقتم هالخرط الفاضي

[#aNiMaNiA#]

السلام

يعني انته مثلا يا صاحب الموضوع تدري انك ما اشتركت في اي سحب .. فعلى اي اساس صدقيتهم؟

أنا قلت إن أخويا هو إللي ربح مو انا

وبعدين انا في الخبر وهو في جدة

ما أدري إذا هو خش في سحب أو لا

و بعدين الموضوع جاني على حين غرة فما لحقت أستفسر عن كل التفاصيل

================================================

وراعي الرسالة هذي تلاقيه هو راح يشتري لنفسه همر من كثر الفلوس اللي جته من المكالمات

إيه و الله إنك صادق

ما أقول إلا الله لا يحلها عليه
===============================================

الشرهة موب عليهم الشرهة عليك انت و خويك اللي صدقتم هالخرط الفاضي

الله يسلمك

تحياتي

[Ralf]

700

نصابين

مرة ارسلوا لي رسالة (مبروك لقد ربحت بكاميرا فيديو سوني Handycam ) وغيرها من الخرابيط الفاضية

ما أقول إلا


يازين البلاي ستيشن

[Da S.O.S]

لا هين الفقش عندهم ماشي ملييييييووووووووووون
لا تصدق اي مسج
انا شوي وبيرسلو لي ويقولو مبروك سوف تسافر لبلاد الواق واق
مشي حالك ولا احد يصدق ويدق على عيال النصابين ذولا

[Trapped Inside]

يا رجال ما حولك احد -__- ..


aNiMaNiA اشكرك لتقديرك لـSlam Dunk

[D0WN~T0WN]

طيب الحين عطوكم الهمر والا كيف

وبعدين بالنسبة لخدمة ال700 ذي كانت البلا في فواتير جوالي
اول ماطلعت الجوال ماخليت شركة الا ودقيت عليها وبالاخير الفاتورة ماتنزل عن ال800
والحين يالله تعدي ال300

[Pr.Game]

700 كله نصب بنصب جاتني على الجوال أكثر من 20 رسالة كلها ربحت سيارة ولا فيلا كلام فاضي
يبون فلوس بأي طريقة وبس ,,.

[~ SoKo ~]

أنا أكثر من مرة قالولي ربحت همر :drive: ، مليون ، جوائز أخرى
لاكن كله كذب في كذب ، بس مرة حبيت أتأكد ، ارسلت لهم مسج أقولهم فيه
متى أستلم الجائزة ، لاكن لاحياة لمن تنادي
يسرقون أموال الناس ..