هذي قصيدة للشيخ زايد آل نهيان الله يرحمه
وغناها الفنان خالد عبدالرحمن
ياطـــير وضـبتك بتــدريب ... ابغــي اصــــاوع بك هدادي
لي طارن الربد المهاريب ... لي ذايرات مــن العـــــوادي
القفلهن عســاك مـاتخيب ... واقصد لقايدهن عــــنـــادي
خمه براسه خمــت الذيب ... وعــليك ماظــنــيـــه بـــادي
وخل الهبوب تروح وتييب ... ريش شعيع عقب المصادي
واللي سبج طيره بلاطيـب ... بيتم في حزنــــه يـــنــــادي
عند اخويــانا والمصاحيب ... كلن بـــخـــــبره بايســـادي
ولما ضوى ودوله الـجيب ... تزهـــــاب والطبخه عنادي
صح لسانك والله نذكرك بالخير ونسأل الله يسكنك بالجنه
