the way to return

[sensei]

السلام عليكم ورحمة الله وبركاته

اختكم sensei تحيكم وتقول لكم انها راح تبدأ بمانجا the way to return

بس من الذوق والأدب اني آخذ رايكم في الموضوع

تبونها عربية والا انجليزية؟ ان كانت عربية راح تكون باللهجة العامية (القطرية)

فشوفوا انه رسمتها من اليسار لليمين بس انتوا شو حابين تكون بأي لغة؟؟

وان شاء الله راح احطها قريب اذا المدرسة ما شغلتني

ونسيت اخبركم ان اسماء الشخصيات بالنجليزي

وسلامتكم

سايونارا

[Eevee]

الاخت sensei
شرفني اكون اول من رد عليج
واستنا القصة على احر من الجمر
انجليزي او عربي
انا المانجا مالتية مسويتنها بالانجليزي
ماصرت احب العربي من بدو يخربون الرسوم
و بعدين اللغة العامية لقصة ما عرف لكن ما اتقبلها
ممكن تكون حلوة ؟
المهم كلشي يرجعلج بس هذي ارائي الشخصية استني يمكن حد
عنده راي ثاني

[sensei]

شاورت اختي اللي مشاركتني في الرسم قالت لي اسوي الاثنين

خاصة العامية تطلع احلى الاني ما اقره المانجا العربية لانها فصيحة فاتقززني

وبطلب منج طلب

ابي لنك ماجتج لو سمحتي

[Eevee]

اختي المانجا مالتي ماظن اني بحطها في المنتدى
بس الشخصيات الى في الجالري مالي اللي متكررة مثل الولد بو ذيل هو نفسه اللي يركب سكيت بس يوم اسويه يستعبط او معصب يطلع الذيل
والبنت الي طالعة معا في الصورة
هم ابطالها

[sensei]

بليز حطيها ودي اقراها

بلييييييييييييز

احس انها راح تكون روعة

[---<(_نصور_)==|]

- السلام عليكم ورحمة الله وبركاته

- بس من الذوق والأدب اني آخذ رايكم في الموضوع مانجا
- انجليزي او عربي

-سوي الاثنين
- المهم كلشي يرجعلج
-بلييييييييييييز
-حطيها ودي اقراها
- وان شاء الله راح تكون
- روعة
- واستنا القصة على احر من الجمر
-وسلامتكم

انشاءالله ما طلعت من الموضوع
المانجا حطيها بأي لغة ( على شرط اني أفهم اللغة ( عربي - English ) عادي ما عندي اي مشكله
شرايج باللغة الي يستخدمها الأعضاء بكثره سهله وبسيطه

Eevee
---------
ماصرت احب العربي من بدو يخربون الرسوم
و بعدين اللغة العامية لقصة ما عرف لكن ما اتقبلها

شفتي التناقض ايفي ما تتقبل اللغة العربية
شرايج بحل بسيط الاصوات بالانجليزي و الترجمة عربي
أنا أؤيد رأي أختك
:icon6:
EN+AR
وفي كلتا الحالتين انا فاهمها فاهمها بس بعدين يكتبون نصور لا يراعي الاخرين

[yuki-babe]

السلام ^^

أحييج إختي على حماستج ,

و بصراحة اللغة العربية أفضل بالنسبة لي لأنا إعتدنا على المانجا الانجليزية تارسة النت و السوق

نبي نتعلم نسوي المانجا العربية اللي من إنتاجنا 100%

و فكرة حلوة إستخدام العامية , لأني أستخدمها لبعض مانجاتي ..

أما أسماء الشخصيات في رأيي أفضل لو تكون عربية , لكن ما أنكر إني
غالبا ما أستخدم الإنجليزية لشخصياتي !

^^ المهم إستمري إختي , موفقة انشالله ..

[sensei]

اشكركم اخواني واخواتي على تشجيعكم لي بس انه الحين صار لي 4 ايام مسخنة ويصعب على اسويها بسرعة

حتى تطبيقاتي زفت فيها

والحلوة sawada اللي مشتركة معاي في القصة دايما بيزي وانه ما عندي وقت ارسم الا في حصص الاحتياط (عاد هاي اذا عطونا)

بس تر انه احاول اني اقضي كل وقت فاضي في رسم هالقصة

وان كنت يا اخ yuki-babe تبي الاسماء عربية انت اختارها

والشخصيات تتكلم عن 4 اولاد يعني ان حبيت تختار اسماء بتكون ل4 اولاد

وشكرا مرة ثانية

والله معاكم

[Eevee]

سلاااااااااماات اختي sensei

[sensei]

الله يسلمج حبيبتي

بس حبيت احط لكم اول صورة للشخصية الأساسية

(طبعا ما بكون التلوين كذا لاني مو متفيقة لهاي الدرجة خاصة اني ابي اكملها وما ودي اخليكم تنطرون)

ما بطول عليكم وشوفو الولد

[Rewayah]

السلام ^^

أحييج إختي على حماستج ,

و بصراحة اللغة العربية أفضل بالنسبة لي لأنا إعتدنا على المانجا الانجليزية تارسة النت و السوق

نبي نتعلم نسوي المانجا العربية اللي من إنتاجنا 100%

و فكرة حلوة إستخدام العامية , لأني أستخدمها لبعض مانجاتي ..

أما أسماء الشخصيات في رأيي أفضل لو تكون عربية , لكن ما أنكر إني
غالبا ما أستخدم الإنجليزية لشخصياتي !

^^ المهم إستمري إختي , موفقة انشالله ..

رأيي مع رأي يوكي.


وطبعاً من اليمين لليسار.

أول صفحة بتبتدي على اليسار أيضاً.



كذلك أحب أقول, إنه عنوان القصة وايد عجيب.

فبالتوفيق سينسي.

[sensei]

يا اخي بس انه نزلتها من اليسار

وان كنت تبغا تقراها موجودة في المنتدى باللغتين

واليوم نزلت الجزء الثاني

[عاشقة الدار]

روعة قصة ولله يوفق في كل شي بصراحة روعة....روعة

وانا اعرف الف وعندي قصص مشكلة اني....................

خرطي بالرسم .....................صراحة مااعرف

[sensei]

عادي im ready any time
اذا عندج قصص عطيني وراح اسويها يوم من الايام

تر عندي قصة بسويها بعد ذي بس خل اخلص من هاي

المهم اشكرج لانج قريتيها وعطيتيني ويه