هالف لايف 2... هي اللعبة اللي هزت العالم!!
تعالوا يا أصحاب البلايستيشن (يا حليلكم) وشوفوا قوة الحاسب الشخصيpc . وشوفوا وين وصلت التقنية والتكنلوجيا!!!
اذا لعبتوا لعبة هالف لايف2 راح ترموا جهاز البلايستيشن "الله يعزكم" بالزبالة.
بعد لعبة هالف لايف2 راح تكتشفوا الفرق الشاسع بين البلايستيشن وبين الكمبيوتر الشخصي!!!
(وطبعا مثل ما قلت ما فيه مقارنة بين الثنتين)
لعبة هالف لايف 2 اللي تعتبر أفضل لعبة حتى الان بالمنظور الfirst person لعبة يجب الا تفوت على محترفين في الالعابgamers .
وطبعا مثل ما تعودنا راح أذكر العناصر لهالموضوع (عشان ما تملوا)
1-هل جهازي يشغل هالف لايف 2؟
المواصفات "الدنيا" مذكورة في موقع هالف لايف2 ولكن دائما تكون المواصفات المذكورة هي مواصفات تستطيع من خلالها "تشغيل الجهاز" بالحب والشفاعة...
وحتى المواصفات المذكورة المقترحة لا تعتبر الأفضل.
اذا اردت الأفضل فخذها مني...متى اشتريت جهازك؟
اذا كنت قد اشتريته قبل أكثر من ثلاث سنوات...فاحتمال أن جهازك لا يشغل هالف لايف2 أو على الأقل يشغله بأدنى المواصفات "وبتقطيع".
سأذكر لكم مواصفات جهازي, وجهازي على الرغم من مواصفاته الجيدة فهو "بالحب والشفاعة" يشغل هالف لايف:
2400 mhz p4/ 512 ddr/ 64mb vga ddr geforce4 8x AGP
وش رايكم؟؟؟
لكن....لا تيأسوا!!!
قد يشغل جهازكم هلاف لايف!!!
لأن جهازي فيه نقطتين ضعف هما: كرت الشاشة و اللوحة الرئيسية motherboard
فكرت الشاشة هو 64 ميجا فقط!!
وهو الحد الأدنى المذكور في موقع اللعبة
أما اللوحة الرئيسية فعيبها أن سرعة المعلومات بينها وبين الcpu (وهو عقل الجهاز) هو 4X والأفضل هو 8X...
أذا أردت أن تشتري جهازا جديدا (وستستخدمه للألعاب) فأنا رأيي أن تدفع الف أو الفين زيادة لتحصل على جهاز يشغل اخر الألعاب..
أنا شخصيا راح اشتري جهاز بالمواصفات التالية:
3400mhz 1MB cache 800 bus-speed / 1 GB DDR2/ 250 GB SATA hard disk/ msi motherboard p15 PCI-EXPRESS/ VGA MSI 256 MB DDR3 geforce 6800 ULTRA PCI-EXPRESS
وش رايكم بهالجهاز؟
هذا قد يكون أفضل جهاز راح تحصله بالسوق
أنا حسبت تكلفة الجهاز...تقريبا 5000 ريال...يا بلاش!!!!
ايه صح....نسينا شيء مهم جدا بالكمبيوتر...."""الشاشة"""
وتروا الشاشة تفرق يا أخوان...لا تحسبوا الشاشات زي بعض!
(اذا اردت المزيد من المعلومات عن هذا الموضوع فاقرأ مقالي "أبي أشتري كمبيوتر...بس مدري وش الأفضل والأنسب"
2-هل تستحق اللعبة أن أطور جهازي من أجلها؟
لا, ما تستحق!! اذا تبي الحقيقة ف5000 كثيرة والله على لعبة هالف لايف2, لكن اذا تبي تشتري مجموعة ألعاب "وجديدة" فاشتري قطع جديدة لجهازك,,لأن فيه ألعاب غير هالف لايف2 تستحق هذا الجهاز مثل doom3 , وايضا راح تنزل ألعاب جديدة ذات رسوم صلبة وقوية تحتاج الى مثل هالاجهزة..
3-أنا واحد "مطخطخ" وما يهمني السعر, وابي أفضل شي لكن ما عندي خبرة...وش أسوي؟
أفا عليك بس!!! تحتار وأنا موجود؟
ما عليك الا أن ترسل لي رسالة على ايميلي بنوعية استخدامك للجهاز,(طبعا أقوى الأجهزة هي للمصممين والمحترفين ثم يليهم الجهاز الخاص للألعاب)
أما اللي ما عنده وقت فأنا أذكر لك حسب معرفتي وخبرتي أفضل ما بالسوق...
4000mhz 2MB cache 1066 bus-speed LGA775
2 GB DDR2 (2X1GB DDR2)
350 GB SATA hard disk (150 mbps)
MSI motherboard P25 PCI-EXPRESS
أما بالنسبة لكرت الشاشة فواحدة من الثنتين:
MSI Geforce 6800 256MB DDR3 ULTRA PCI-EXPRESS
أو
Radeon X800 XT PCI-EXPRESS
كل الكرتين ممتازة "فهي الأفضل بالسوق"
على فكرة أنا ما قلت لكم....كرت الشاشة أغلى قطعة بالجهاز!!! (قيمتها حوالي 2000 ريال)
4-وش اللي يميز هالف لايف2 عن غيرها من الألعاب؟
والله يا حبيبي هذا شي لازم تكتشفه بنفسك!!!
لأني اذا قلت لك راح اخرب عليك اللعبة واخرب على كل من قرأ هالموضوع...لكن لا تحتار ولا تتردد...رح اشتريها الان!
5-هالف لايف 2 والا دووم 3؟
هالف لايف 2 ثم هالف لايف 2....دووم 3 حلوة "ولكن" اذا تبي "الجو" والعالم والخيال والتحكم الاكثر من رائع, واذا اردت الالغاز والرررررررررررعععععععععععععععببببببببب!!!!!!!
فاختر هالف لايف 2
أما اذا تبي "صورة خيالية" ورعب فاختر دووم 3
والحق يقال...دووم 3 تحوي على رسومات وتصاميم أفضل بكثيييييييييير من هالف لايف 2
لكن لعبة هالف لايف 2 أفضل!!!
6-انا ما قد سمعت عن لعبة هالف لايف2,,,,وشي ذي؟
بهالحالة انت وحدة من الثنتين اما انك ما انت عايش مع العالم أو انك "أصم" ما تسمع.
7-هل تستحق اللعبة كل الشهرة اللي نالتها؟
نعم, بل تستحق أكثر, أنا راح أقول لكم شيء مهم عن اللعبة يمكن تخليكم تقتنعوا ان اللعبة أكبر من ما سمعتوا عنها, أنا شخصيا أسمي هاللعبة..."اللعبة الفيزيائية"
لأن كل شيء فيها مثل الواقع, بامكانك تكسر أشياء الى قطع صغيرة, وبامكانك تسحب الأشياء الصغيرة بمسدس مغناطيسي, وكل أداة موجودة على الأرض لها وزنها ولها تسارعها,,يعني مثلا بالحياة الواقعية لو جبت صخرة كبيرة و وحجر صغير ورميت كل منهم من سطح مرتفع, وش تلاحظ؟ هل سرعة الحجر مثل سرعة الصخرة؟؟ طبعا لا. لأن العلاقة بين تسارع الكتلة نحو الأرض (في حالة السقوط الحر) تتناسب طردا مع الكتلة, كل هالأشياء انتبهوا لها مصممين اللعبة, فوضعوا لكل "قطعة" كتلة معينة.لذلك وانت تلعب تحس انك تحرك أشياء حقيقة. وهذه أكبر ميزة للعبة والتي جعلت منها شيئا جديدا وغريبا.
)
