*السلام عليكم و رحمه الله و بركاته*

رسائل ربانيه ربما البعض لا يفهم المعنى المراد من العنوان و لكن ببساطه..

رسائل ربانيه هى الرسائل يعطيها رب العالمين لبنى ادم و هذه الرسائل تدعوه الى الصحوه من الغفله

او تدعوه الى طاعه لم يكن يفعلها و هذه الرسائل بالطبع من علامات حب الله للعبد

*مثلا :

*(حدثت معى ) فى رمضان فوجئت باحدى صديقات ثانوى تكلمنى ف التليفون و تقولى ااجى معاها صلاه التهجد انا قبل ما تكلمنى كنت بافكر ازاى هروح و ازاى اتاخر بره البيت و المسجد بعيد و اروح مع مين
يعنى كنت افكر ف كيفيه الذهاب نفسها ..

ثم وجدتها تقول لى انا ذاهبه الى مسجد ...... الساعه ..... و مع ...... و هنفضل ف المسجد حتى الشروق ونمشى ف الصباح يعنى امان تام

و فعلا رحت معاها و ليلتين مش واحده و مره فيهم روحت هى بعد الفجر و انا فضلت للشروق وكمان اخدت معايا اقاربى .

*مثال ااخر (حدث معى)
بصراحه انا مكنتش باصلى اوى و كتير كنت انسى الصلاه
ثم حلمت حلم استيقظت منه و كانى اخدت صفعه قويه تقول لى اصحى من غفلتك فوقىىىىى

الحلم كان فيه بعض من اهوال القيامه او انا فهمت ان ده يوم القيامه و كنت خائفه

و عندما استيقظت حمدت ربى انى مسلمه و حمدته على هذا الحلم الذى كان سبب فى لطاعاتى وواجباتى الدينيه بالشكل الصحيح


طبعا كل واحد فينا بتوصله هذه الرسائل منا من يفهمها و يستوعبها و يفهم الدرس منها
و منا من يغفل و يظل غافل و تظل الرسائل ترسل اليه الى ان تاتى رساله قويه لا جدال فيها


لو فى حد عنده رساله ربانيه افاقته من غفلته او نبهته الى شىء هام فى حياته او دينه
يحكيها لنستفيد

و للعلم ما من مؤمن الا و لديه رساله فى حياته و لكن الفرق هو من سيقرئها و يفهمها و من ستمر عليه كاى حدث فى حياته هنا ياتى الفرق و العبره
اذا كنت لم تقرئها بعد فتدبر حياتك ستجد ما كنت غافل عنه

الرساله ممكن تكون حلم ممكن تكون موت صديق او دعوه لحضور درس دينى او صلاه جماعه و هكذا .....

لكم تحياتى
فى انتظار كل مؤمن فهم الدرس و قرأ الرساله الموجهه اليه