هلا شباب
يمينا بالله ان نواف قلب القصة 180 درجة ..... وعطاكم كم نصبة تمشي 120
اذا تبغون القصة الصدقية .. تعالوا هنا ...
طبعا نواف مسوي لي ازعاج من شهرين كل يوم يقول (ابي اشوف خشتك) .....
وانا جاحده ..الين جاء يوم وقال (تراني عازمك في مكدونالد) .. انا وافقت على طول ..
المهم تتذكرون لما جيته انا وااخوي الصغير وصارت لي المصيبه ...
بس هاذي المره .... اسمعوا ايش صار ..
جرجرت اصدقائي من الاستراحه (كله عشان عيون نواف) >>>>>>>> نصاب عشان مكدونالد
بعدين تراهم اربعة مو جيش مثل ماتقول انت ووجهك ...
وجلسنا ننتظره ....
وسبحان الله اول ماشفته عرفت انه نواف ...
صرخت عليه قبل مايدخل (نوافوه) .. هو اخترش وبغى يصدم البنت اللي قدامه ..
المهم جاء عندي وسلمت عليه وبوستين على الماشي (قصدي سلام رجال وبوسات الرجال)
وصديقي خش في عينه عرض ونزل معاي (تراه مو يوسف .. اسمه ماجد بس كننا نحش في يوسف) ...
ويمينا بالله فاتكم شكل نواف .......... انا ماتوقعته بزر لها الدرجة (شكله طفل برىء) ...
والمشكلة تقول كأنه طالع يقابل بنت .... مقطعة الحياء
اكل اصابعة كلها من الحياء .. انا اقول له انت رجال وراك مستحي (يقول لا انا بس مؤدب) >>> احترني
وقسما بالله العظيم اننا ماحشينا في بعض الناس
بس اول ماشفته جريته مع اذنه وقلت له وراك تقول انك اطول مني في المنتدى وهذاك ماتوصل ركبتي (قسما بالله انه قصير ..اقصر مني بكثير حتى وهو واقف فوق الرصيف)
هو طبعا على طول اشتغل فيني تحطيم (وراك اسمر واخوك ابيض) ... طيب وش تبيني اسوي يا نواف ... امي مسويه تفرقه عنصرية واعطت البياض كله لأخوي .....
بعدين يكون في علمك انى ابيض منك ... بس انت تشوفني اسمر عشانك تقارني باخوي ....
المهم اشتغلت انا واياه تحطيم في بعض ........
وطبعا مانسيت ارزز ساعتي الجيفنشي ......... وكل ماقال شيء اقول له وراك تأخرت نصف ساعة وارز ساعتي في وجهه ....
هذا كله كوم ... والجوال كوم ثاني ... (احب احطمه) .. لأن ماعنده جوال ..
اه نسيت اهم نقطه ...... تصوروا شايب عمره 17 سنة وجاي كأنه بنية مع السواق (قسما بالله مت عليه من الضحك)
المهم صديقي ماقصر وطلع فضايحي كلها عنده (بس الله يجزاك خير يا نواف انك سترت علي) >>>>> عشان كذا ماراح اعلمهم عن فضايحك انت الثاني .....
احسن شيء يوم امزح معه واقول يلا شباب ترى نواف عازمنا كلنا في مكدونالد .... تعالوا شوفوا وجهه
في الأخير اصدقائي جلسوا يلمحون لي .. يبون يمشون ....
انا طقيتها على طول بوجه نواف (يلا اقلب وجهك) .........
بس لاتزعل يا نواف ..اقسم بالله العظيم اني اقولها للناس كلهم ..
ماعمري قلت لأي واحد (مع السلامه) .. دائما اقول (يلا اقلب وجهك) ....
المهم هاذي بعض الملاحظات على نواف \
1_ خكري على خفيف .. او يمكن دلوعة امك
2_ يستحي لآخر درجة
3_ عمره 17 سنة وماعنده شنب
4_اقصر مني بكثير .... ومع كذا مسوي زحمه
5_ بصراحه حلو شوي >>>>>>>>>>>>>>> اقسم بالله هذا كلام واحد من اصدقائي اللي راكبين وراء
6_ انا اكلمه واقول له نواف .. وهو يقول لي سكوال (مع انه عارف اسمي)
7_ طلع يدرس مع ولد >>>>>>>>>> وولد عمي مطلع له الشيب براسه
8_ اذا شاف اي بنت ... تضيع علومه (مثلي يعني)
9_ قعيطي لأخر درجة
10_ دب شوي .............. (لاتنصب وتقول لا)
يلا اقلب وجهك ياولد جيراننا .....
