][ P r o g r a m D a y s ][ :D :D ‍‍‍‍‍!!!

[Macho Man]

.. السلام عليكم ^_____^ ..

.. احوالكم واخباركم ؟ ..

- طبعا الايام تمضي والساعات تمضي والثواني والدقائــق ......... <--------

^^ في فترة مقدارهـا أسبوع واحـد تحصل لنـا امور كثيرة ومواقف لايمكن ان تنسـى ولحظات سعيـدة وغيرهـا من الاحداث اللي تحصل في أسبوع واحـد من السبت الى الجمعـة <------ طيب الزبدة ^^

الزبدة اننا نبي كل واحـد يقول مشوارة في هالاسبوع اللي انتهـاء اليوم واللي بدأ السبت الماضي وبما اني كاتب الموضوع راح أبدأ بنفـسي ^__^ ..

اول شي راح اقولـكـم برنامجي اليومي من السبت الى الثلاثـاء ومن ثم من الاربعاء حتى الجمعـة ..

طبعـا برنامجي اللي من السبت حتى الثلاثـاء متشابهـة نوعـاً مـا لانـة وسط الاسبـوع وراح اذكر تفاصيل الايام الاربعـة على شكل يوم واحـد T__T ‍‍!! ..



- في العـادة الايام الأربعـة (السبت - الثلاثاء) برنامجهـا متشابهة مثل ماذكرت فـ اخرج من المدرسـة الظهـر واحيانـاً انوم لكن اغلب الايام ما انوم فـ احيانـا اشاهد التلفيزون واحيانـا أجلس على الـ Net يعني مافي شي محدد اسوية الظـهـر اذا كان اليوم هو يوم السبت فـما أطلـع كثيـر ودائمـا اكون معصب فيـة بدون سبب ما ادري وش السبب بس يمكن لانة اول يوم بالدراســة .



اما من يوم (الاحـد - الثلاثاء) فتبدأ الفلـة وتبدأ الطلـعـات ولعب الكورة وساعة الصــدر هذا كلـة وقت العصـر اما الظهـر فـ برنامجي فية مكرر في كل ايام الاسبوع ما عدا الخميس والجمعـة المهم مثل ماذكرت العصر اطلـع ونلعب كورة وهو الغالــب يعني اذا كانت الايام من السبت الى الثلاثاء فـ تقريبا 3 ايام العب فيها كورة العصر وقد تزيد وقد تنقص حسب الوقـت وحسب رغبتي في اللعــب ..



اما المغرب فـ اكون تعبان احيانا يتصل علي واحـد من زملائي يبيني اطلـع معـة نتمشى احيانـا اطلـع معة وهو الغالـب واحيانـا ابقى في البيت ارتـاح واسولـف مع الاهــل وأدخـل على الـ Net اما اذا طلـعـت معـة نروح نتمشى ومن شارع لشارع ومن حارة لحارة واحيانـا نكون مجموعـة 3 او 4 في السيارة فتكون طلعتنـا حلوة .. اما الرجعـة فـ ارجـع تقريبا 10 واذا طولت 11 ثم اشوف دروسي شوي ثم انوم ..


هذة برنامجي في الايام (السبت - الثلاثاء) وهو يختلـف كليـا عن برنامجي من يوم( الاربعاء - الجمعـة )

- يوم الاربعـاء من الظهـر الى المغرب نفس باقي الايام السابقـة لكن من العشاء الى الفجر يختلف عنـة فـ بعد صلاة العشاء بـ ساعـة تقريباً يدق علي واحد من اخوياي علشان اطلـع معـة كالعـادة ونروح نتكـي في حارتهم مع اخوانـة واصدقائـة تقريبا عددنــا 7 الى 10 اشخـاص نجلس نسولـف تقريباً نص ساعـة .


احيانـا نكون متواعدين على لعب كورة فنلعب او نباري حارة واحيانـا نكون فاضيـن ونروح حي النهضـة في هناك جلسات حلوة نروح نشوي فيهــا ونقعد نسولـف حتى الساعـة 3 او 4 الفجــر ثم نرجـع لبيوتنـا واذا كان في تفحيــط مثل امس نقعـد نشوفــة واذا مافية نرجـع لبيوتنــا واذا مارحنا للنهضـة نكون يانتابـع مبارة في الـتشامبيون ليـج او نلـعـب بلاي ستيـشـن We 8 في احد بيوت الأشخاص اللي معنــا ... هذا البرنامج تقريبا يتكرر في ايام الخميس والجمعــة .



>< في انتظــــار مشاركاتكـم ><



M A C H O M A N

[Yamato]

نايس توبيق.. ^^

انا بعطيك بالمختصر ايامي من بداية هالفصل.. وخصوصا من وقت اللي جبت فيه البلاستيشن للسكن..
يوم الجمعة.. الليل.. قعدة عالنت.. وشوية مع صاحبي.. واذا في فيلم حلو نسير نطالعه.. المشكلة اليوم عنده مذاكرة لامتحان... وبعدها تبدا سهرتي الصباحية.. اقعد عالنت الف فيها يمين يسار.. بس اكون مركز عالمنتدى اكثر شي.. واحاول اني انزل بعض المانغا..
يوم السبت.. بعدني اكون مكمل من ليلة الجمعة... اول ما اخوي يطلع يمكن اقعد العب عالسوني... واذا تعبان ارقد...
عالظهر اتغدى وبعده قعدة مع ربعي... ويمكن نلعب كورة عالسوني.. ^^ وحاليا في فكرة اقامة دوري..
وبتكون في دخلات عالخفيف للنت علشان اشوف المنتدى... الى ان تدق ساعة نومي البيولوجية... بالطبع علشان استعد لمحاضرتي الوحيدة يوم الاحد.. >.,<
يوم الاحد... نروح المحاضرة.. والقهر انه ساعة وحدة.. بعدها ارد والعب السوني.. واشوف النت.. والظهر اتغدى.. وبعدها قعدة مع الشباب..
يوم الاثنين يكون تقريبا مشابه ليوم السبت.. والثلاثاء مشابه للاحد..
الاربعاء والخميس.. اكون فيهم في البيت.. وهنا اقضي وقتي في تنزيل الانمي اكثر شي مع طلعات للسينما لوحدي.. T_T

هذا جدولنا المعتاد في الشهور اللي طافت تقريبا..

[Trapped Inside]

هلا ولله ماتشو ^_^ ..

تمام اخبارك انت بشرنا عنك ^^ ..


موضوع مره حلو ^_^ ..

خخخخخخخخخخخ على جدولك كل ابوه كورة بكوره ..

شكلك فنان من جد .. لازم يوم اوريك الرجل اليسرى الذهبيه :icon6: ..


بالنسبه لجدولي :

- السبت الى الثلاثاء .. يوم سيء -___- .. الجدول المدرسي الي فيه مخيس .. 5 مواد علميه ورا بعض .. وكلها كتابه وتعب ولازم تنتبه .. بس الكيمياء والفيزياء يمديني انام فيهم ..
اذا رجعت البيت .. اخذ السياره وامر خويي .. ونتغدى بمكدونالدز ^^ .. وبالعاده هذي تكون الوجبه الوحيده الي اكلها .. بعدين ارجع للبيت على اذان العصر .. بعد الصلاة نت .. احيانا اطلع بعد العشاء واحيانا لا .. اذا ما طلعت وقتي يكون ما بين النت والاكس بوكس والافلام ..


-الاربعاء والخميس .. نتكي ببيت واحد We .. انواااااااااع الفله .. امبسط مره اذا لعبت مع خويي زياد .. عصبي لابعد درجه وهو يلعب ونج الفن .. كل ما ضيع هجمه يقعد يصايح ويسبب ويلعن .. وانا افققققققققع ضحك .. من جد حالته العصبيه زفت وهو يلعب -_- .. بس ماشاءلله عليه فنان من جد .. يعرف يسحب .. باليالله اقطع منه الكوره -_-
بس هذا ما يقلل من شان لعبي .. بس يظل هو الافضل ^^ ..

- الجمعه .. تقدر تقول مثل ايام الاسبوع


والف شكر عالموضوع ^___^ .. وكثر من وجودك معنا .. وخل عنك الكورة شوي

[Angel whisper]

السبت - الاثنين :
اقوم 5 ونص .. اطلع من البيت 6 وربع .. اوصل الكليه 8 الا ربع .. اطلع الساعه 4 .. اوصل الساعه 5 .... احل واجباتي .. ادش هني والماسنجر .. وارقد ..

الثلاثاء:
اوصل الساعه 2 الظهر .. اتغدى واشوفلي شوية انمي ..

الاربعاء:
نفس ايام السبت - الاثنين .. بس الفرق اني ارقد الين 8 بالليل .. عقب ادش النت .. وعقب اشوفلي فلم وارقد ..

الخميس:
على حسب ممكن اطلع واذا لا فبيكون يوم كامل مخصص للنت والانمي ..

الجمعه:
اتفيق حق عمري وواجباتي ..

yeah my life is THIS boring -.-

[asf4ever]

السبت للثلاثاء\\\
من المدرسة للبيت أشغل النت والبتورنت وأبدي داونلود ومن قم أتغدي وبعده رقاد وإذا نشينا نقعد على النت أو نشوف مانجا وأنمي
أما إذا كان فيه إمتحان فأسوي مثل هالأشياء بس ماسك الكتاب
الأربعاء والخميس\\\
مثل البقية ولكن في وقت العصر يمكن أطلع مع الربع وما أرجع ليين 11 أو 12 حسب الوناسة ومرات ما أطلع يعني حسب الظروف والمزاج وبعدين أقعد على النت أو أشوف أنمي...
ولكن يوم الخميس يمكن أطول قعدة في البيت لأنه الأهل يتجمعون وقعدة وسوالف
الجمعة\\\
ما يختلف كثيير عن السبت غير إنه الصبح أكون مقظنه برقاد×_×

yeah my life is THIS boring -.-

Then what about me-___-

[Angel whisper]

صدق والله ما عندنا حياه .. الله يعين XD

[Mista Koo]

موزوع حلو ^_^ زي صاحبو

السبت - الثلوث + الجمعة : ارجع من المدرسة (ما عدا الجمعة) اقعد على النت بعدين انام وهكذا يجي اليوم اللي بعده
الربوع : ارجع من المدرسة اطلع مع اخويائي نعبي بطوننا وبعدين يا اما نت (اذا رجعت) او بليستيشن او بلوت (معهم طبعا)
الخميس : احيانا يكون extraordinary زي بقية الايام او يجون اقاربي ونفلها كيوب وملتيبلاير

[moon girl]

السبت الى الثلاثاء/ اول ماأجي اكلم تليفون على حسب ثم امسك النت اقعد عليه حتى الليل ثم احل واجباتي متأخر طبعا (من زود الدفاره ) ثم انوم اذا امتحان لا طبعا اراجع ولا امسك النت

الأربعاء والخميس/ بعض الأحيان نطلع من البيت والا نفس جدول من السبت الى الثلاثاء

الجمعه/ اقوم الساعه 7 خخخخخخ واقعد على النت ويمكن اكلم بالتليفون (كل حياتي تليفون )

ومشكور على الموضوع ^^

[Macho Man]

Yamato

أشوف ان البلاي ستيشن و الـ Net أكثر شي مسيطر على حياتــك مع قليل من الخروج والتجول .. الله يعيـنـك ,,

Trapped Inside

هلا ولله ماتشو ^_^ ..

هلا فيـــــــــك :icon6:

اخبارك انت بشرنا عنك ^^ ..

بخير الحمد لله ولو ان الاخبتبارات بتجيبلي الهـم بس ماعليـة تعودنـا

موضوع مره حلو ^_^ ..

تسلم وهذا من ذوقـك ,,

خخخخخخخخخخخ على جدولك كل ابوه كورة بكوره ..

وش اسوي اصلا لو مافي كورة كان 24 ساعة في البيـت ..

شكلك فنان من جد .. لازم يوم اوريك الرجل اليسرى الذهبيه

R.Carlos ........

السبت الى الثلاثاء .. يوم سيء -___- .. الجدول المدرسي الي فيه مخيس .. 5 مواد علميه ورا بعض .. وكلها كتابه وتعب ولازم تنتبه .. بس الكيمياء والفيزياء يمديني انام فيهم ..

هذة المصيبة اللي اي طالـب داخل علمي تواجهـة "مافي راحـة" الحصص زفـت -----> أسئل مجرب

امبسط مره اذا لعبت مع خويي زياد .. عصبي لابعد درجه وهو يلعب ونج الفن .. كل ما ضيع هجمه يقعد يصايح ويسبب ويلعن .. وانا افققققققققع ضحك .. من جد حالته العصبيه زفت وهو يلعب -_- .. بس ماشاءلله عليه فنان من جد .. يعرف يسحب .. باليالله اقطع منه الكوره -_-
بس هذا ما يقلل من شان لعبي .. بس يظل هو الافضل ^^ ..

ههههههههههههه الله يعينك عليـة .. وشكلــة دب <--------

والف شكر عالموضوع ^___^ .. وكثر من وجودك معنا .. وخل عنك الكورة شوي

..عفواً .. ابشر بس بعد الاختبارات ...


Angel whisper

ما ادري بس احس ان برنامجك مضغوط جـداً ومافية وقت للراحــة او للهــو !!..

asf4ever

برنامـجك مشابهـة لـ برنامج TI ..

صدق والله ما عندنا حياه .. الله يعين XD

AW

وانتي الصادقــة بس وش نسوي هذا شي متعودين عليــة واصبح شي روتيني


Mista Koo

تسلم وانت الاحلـى

او بلوت (معهم طبعا)

تصدق اكرهة شي عندي البلوت من يوم اشوفهـا اكرة نفسـي

moon girl

التليفون يرن روحي كلمــي




اخوكم ماتشو ..

[Master ArNab]

Macho Man
الزبدة اننا نبي كل واحـد يقول مشوارة في هالاسبوع اللي انتهـاء اليوم واللي بدأ السبت الماضي

موضوع ممتاز ..

بالنسبه لي ..

من السبت الى الأربعاء .. دوامٌ ..( أودي اخواني المدرسه بعدين أرجع أفطر وبعدين نستمتع بالزحمة ) .. الدوام من 7:30 الى 2:30 .. فترة العصر بالعادة تضيع علي وحتى وإن خططت لعمل شيء مفيد -_- ..

بين المغرب والعشاء ( إذا ما كان هناك مشاوير أومقاضي للبيت ) .. tea time .. شاي + حليب + صامولي أو كعك أو بسكوت فرنسي .. أحطهم بصينيه وركض للغرفه خخخ .. أتفرجلي على حلقه من داي جانغوم ..وفي العادة أحاول أخلص الـbacklog المتراكم

بعد العشاء .. يعني .. أكمل من هالكتب وأطقطق على الأجهزه .. يمكن أطلع أجيب كم غرض للأهل أو أوديهم لمكانٍ ما ..

في أخر الليل يمكن ألعب سوني .. يمكن لا .. على حسب الوقت .. وأتعشى + حلقه ثانيه من المسلسل الكوري .. حالياً عند الحلقة 15 في الدي في دي الثالث

الأربعاء مخصص للفرفشه ^^.. وبعد 1 الفجر الى صلاة الفجر .. blackhat mode on .. مواهاهاها n8-setup.jpg ويمكن أكمل الى 6 أو 7 الصبح

الخميس .. أفطر وأنام بعد الفجر وأقوم على صلاة الظهر .. غداء .. فرفشه باقي اليوم .. طبعاً بالليل i'll hit the books و خربشه بالشبكه المنزليه بالعادة تطبيق أو تدريب أو تطوير مهاراتي .. proxy , firewalls , honeypots , IDS .. إلخ

الجمعة .. يوم قصييييييييييييييييييييييير بشكل .. المهم أنا بالعاده ما أنام إلا متأخر .. يمكن 3 أو 4 الفجر .. والسبت أصير كذا @_@ من قل النوم .. وهذي مشكلتي الأزليه طوال السنة

Macho Man
في فترة مقدارهـا أسبوع واحـد تحصل لنـا امور كثيرة ومواقف لايمكن ان تنسـى ولحظات سعيـدة وغيرهـا من الاحداث اللي تحصل في أسبوع واحـد من السبت الى الجمعـة

والله .. وأنا رايح للصناعية .. بالغلط دخلت حارة الفيصليه .. ما صدقت خبر أطلع من هالمكان المخيف .. والله كنت خايف على عمري ×_×

ومن الأحداث المفرحة .. وصلت طلبيه أنمي ^_^ ..
هذه بعض الصور: .. group7.jpg .. أتطلع بصراحة ل Mister_Ajikko.jpg .. مائة حلقة .. كوميدي + طبخ .. من إخراج Yasuhiro Imagawa .. الذي ساهم في كتابة السكريبت لـ berserk .. مسلسل رااااائع جداً جداً جداً .. Mister_Ajikko_set.jpg

وأحب أشكر أخي العزيز Yamato على مدحه لياماتو Yamato_Complete.jpg .. وبصراحة (مع أني لم أشاهده من قبل ) أشعر بشعور غريب ودافىء وأنا أشاهده .. Yamato_Complete2.jpg ..
yamato_set.jpg

وشكراً على الموضوع ..