السلام عليكم
هذة قصة قريتها من موقع واعجبتني فقلت تونسكم به
انا شاب سعودي اسمي عبد الله عمري 30 سنه قبل 11 سنه كان عمري 19 و كنت اتمنى اروح
امريكا اولا عشان التدريس عندهم عالي ثايا واعذروني على صراحتي عشان الاختلاط انا طولي 190 و ا
بيض شعري اسود حيل و لون عيوني سود
رموشي كثيفه يعني عيوني مكحله و شنبي و حواجبي سوده و انا جميل جمال عربي
اصيل وصدقوني مو شوفة نفس بس عشان تعرفون شكلي انا طول بعرض كتوفي عريضه
حاولت اقنع اهلي و طبعا ابوي رفض الفكره اساسا رحت لامي و قمت اتحايل عليها لما رضت و
اقنعت ابوي و صرتع بعد سنه بامريكا تحديدا لوس انجولس طبعا سجلت بجامعه كبيره
وكنت اعرف اتكلم انجليزي زين لاني كنت عايش بأمريكا يوم كان عمري 16 الى لما
صار عمري 17 و كنا كل عطله نجي هنا و انا ولله الحمد ذكي افهم بسرعه طبعا بنات
الجامعه منزوع منهم الحياء اذا شافو واحد حلو اظن يحطون صمغ بثيابهم ويجون يلصقون ب
الحلو و ما يتركون والله حتى بالاحلام يجون وصرت ما اشوف الا كوابيس
ع انه هذا كان هدفي لروحة امريكا
المهم تبدى قصيتي لما كنت استنى محمد صديقي سعودي
كنت قاعد على كرسي وطبعا بنات يجون و يسلمون علي و بعضهم يوزعون ابتسامات
انا ما اهتميت لهم بس الفتت نظري وحده معاها ملزمه قاعده تشرب كافي و تخطط
بالملزمه كانت تهبل و الله تطير العقل كل شي فيها حلو
فجاه قطع تفطيري
محمد: هلا و الله
عبد الله: انت ما تعرف تجي باوقات مناسبه كلو تجي باوقات غلط حتى لما شفتك
اول مره كانت ساقط بماده ياخي الله يرحم والديك اعرف متى تجي
محمد: سووووووووري المهم اشوفك تطالع بنوره
عبدالله: مين نوره ؟
محمد وهو ياشر على البنت اللي كنت طيرت عقلي: هذي
عبد الله: وش دراك
محمد: و الله اعرفها سوينا بحث انا وياها طبعا بعد ما حدد الدكتور كل واحد مع مين يسوي بحث
عبد الله: هذا اسم عربي يعني مو امريكيه
محمد: لا وشو امريكيه ذي نجديه مننا
عبد الله: ما دريت انه عندنا هالجمال بس ليش مو متحجبه على الاقل
محمد: و الله ابوهم فري مره و هي محترمه وهذا المهم
عبد الله: اها
محمد: يلا قوم نتمشى شوي
انا الصراحه بذيك الليله ما قدرت انام كنت قاعد افكر فيها طول الوقت
من بكره الساعه 8 ونص لبست جينز و تي شيرت اسود مكتوب عليه رقم 55 بالاحمر
كنت الصراحه جذاب وحلو
وانا في المحاضره كنت افكر بنوره اللي ملكت كل تفكيري بلحضه وحده
فجاه تقطعني نوره و الله نوره ما صدقت نفسي
نوره: (طبعا المحادثه بالانجليزي) ممكن تشيل شنطتك
محمد: (بالعربي) ايه تفضلي اختي
نوره (وهي مصدومه): عربي؟
محمد: سعودي نجدي و انت الصادقه
نوره: اها
قعدت نوره جمبي طبعا عرفت اني بسقط بهالماده لان اذا كانت نوره
جمبي بنسى كل شي وبفكر فيها لوعادو الكلام علي 100 مره مراح افهم مادام هي جمبي
طبعا مرت الاسابيع وانا اراقبها في الجامعه الصراحه ما عمري
توقعت أي بنت تاسرني بس هذي حطمت ابو توقعاتي
مره كنت داخل للاصنصير بروح لشقتي لمحت بنت لما شفتها طلعت نوووووووووره
يا ناس نوره بنفس عمارتي علي حظ ما شاء الله علي المهم جيت بضغط الطابق
الرابع الا لقيت مضغوط عليه يا حلاوووووووووه معاي بعد بنفس الطابق طبعا
نسيت اسلم عليها على طول قلت : السلام عليكم
ابتسمت هي وكانها تقول لا يا شيخ بدري: وعليكم السلام
طبعا انا رقم شقتي 16 و هي 17 ملاحضين جيران بينا جدار و يا رب انا كنت
اعمى والا احد لحس مخي والا ايش يا ناس توني اعرف أنها جارتي و طبعا لازم
نسوي حقوق الجار عاد انا ما عرفت هالاشياء الا الحين الله يهديني بس
المهم دخلت الشقه و كنت مستانس اول مره أشوف الشقة حلوه أنا شقتي
قرنمبع و الله شقق الهنود الزبالين تبع البلديه احسن مني طبعا قلت لابوي
يغير شقتي بس الحين صارت الشقه ولا البيت الأبيض فعلى طول كلمت ابوي وقلت
ما ابي اتعبك و شغل النصب ذاك و قررت اني اقعد هنا
بكره الساعه 9 الصبح كنت متجهز فطرت و تسبحت ولبست وتعطرت
و انا واقف استنى الاصنصير جت نوره طبعا لباسها محترم تنوره طويله سوده
و بلوزه ورديه طبعا الكم طويل كانت حاطه مكياج خفيف مو البنات الي بالجامعه
احس في طبقه فوق وجيهم المهم انا كانت بالنسبه لي نوره كامله لو ايش ما سوت
في الجامعه كانو مجتمعين اصدقائي طبعا اصدقائي كلهم سعوده
انا: هلا والله السلام عليكم
الكل: وعليكم السلام
محمد: وينك يا دب امس استنيناك بس ما جيتنا
عبد الله: كنت اذاكر والله المواد صعبه
محمد: الله نزلت عليك العبقريه كذا فجاه
عبد الله: شفت يلا خل نروح اليوم بنشوف الجثث الله يعينا على الريحه (انا ادرس طب)
و انا في المحاضره و طبعا الدكاتر يتفلسفون علينا كل 7 طلاب و دكتور على جثه و الدكتور
فجاه وهو يشرح لنا طاح علي شي من ورى التفت ولقيت قلبي نوره
شلتها
انا: دكتور وش اسوي
الدكتور بعدم مبالاه : خلها بتقوم الحين و الا بعدين
انا (بالعربي): الله ياخذك ما عندك قلب و رحت وديتها للمستشفى
وقالو لي شي بسيط بتقوم بعد ربع ساعه طبعا ما عرفت اكلم اهلها ولا شي
و انا قاعد اسمع اغاني بالهيد فون اغاني لمحتها فاتحه عيونها
على طول سكرت الاغاني وقلت لها: الحمد لله على السلامه
نوره بنعومه: الله يسلمك (يارب هنا مت انا من رقتها و نعومتها )
انا: لو تعطيني رقم اهلك اكلمهم
نوره: اهلي بالدمام انا
عبد الله (اللي هو انا): اوه طيب اعتبريني انا اهلك
نوره : شكرا
عبد الله : تقول الدكتوره تنامين هنا و بكره اجي اخذك احسن عشان يمكن اذا سقتي يصير لك شي
نوره: لا انا بصرف نفسي مشكور تعبتك معاي
عبد الله : تعبك راحه اختي
وبعد 3 اسابيع بالضبط كنت قاعد اتغدى بمطعم فجاه دخلو 10 بنات تقريبا وكانت نوره معاهم
المهم و انا قاعد اكل جت عيني فجاه عليها ولقيتها تناظرني وتبتسم
تخيلو موقفي هي تبتسم وانا رديت لها الابتسامه بضحكه
بذاك الوقت حسيت انها تحبني ولو شوي
بعد سنوات ما ادري كم سنه مرت كنت انا وياها نسوي بحث و طلع هي عندها دفتر مثل دفتري
انا: يوه دفترك مثل دفتري
نوره: أي لا نتخرط بس
المهم هي راحة للحمام (وانتم بكرامه) و انا رحت ادفع الحساب و اخذت دفتري ومشيت وهي اخذت دفترها
وقدمنا البحث و اخذنا A
و بعدها كانت اجازه و طبعا رحت للسعوديه
و انا قاعد ارتب اغراضي شفت دفتري اللي مثل دفترها فتحت لقت مكتوب عليه
نوره العتيبي
8********
و رقم جوالها ******050
و العنوان البريدي حقها طبعا انا حفظت رقم بيتها وجوالها عندي بالجوال
بعد اسوبع اخذت شهادتي ورجعت للسعوديه
طبعا الكل كان فرحان لي لاني خلصت دراستي
واحنا قاعدين في الصاله دخل علينا ابوي وهو يستسم
انا: يبى خير شو فيك تبتسم
ابوي: لقيت بيت حلو بكمباوند (مجمع سكني)
انا: زين ننقل من هالبيت
ساره(اختي): والله يبى الحمد لله
و بعد 6 شهور احنا بذاك البيت
اخر الاخبار
توظفت بارامكو طبيب طبعا
و انا راجع من الدوام كانت جارتنا لافه وجهها و تنتظر اظن احد يفتح لها الباب و قاعده
تتكلم بالجوال
ياربي هالصوت مو غريب علي يووو لا مو معقوله هذي نوره يارب بيصير صح (افكار بمخي )
دخلت لبيتنا و رحت لغرفتي فوق وانا قاعد اقرا مذكراتها طبعا ما عطيتها اياها
(لاني مااكتشفت الا لما رجعت السعوديه و صعبه اكلمها بالجوال)
وانا نازل تحت للدوام شفت نوره توها طالعه من بيتهم
انا: اختي ممكن شوي
نوره التفتت علي وانصدمت لما شافتني
نوره: نعم
انا: هذا دفترك اختي
نوره وكان روحها انتزعت منها و رجعت لها : ايه شكرا الله يعطيك العافيه
ورجعت للبيت
وانا بالدوام
محمد: هلا والله ما دريت امي قامت تدور لي على عروسه
انا: هههههههههههههه مسكينه البنت اللي بتاخذها
محمد: طختها السعاده والله
انا: أي والله من جد انت ونعم الولد
محمد: تسلم
انا: طيب يلا قوم
محمد: اوكي يلا
و انا ماشي اسمعهم يقولون في متدربه جديده بتجي معانا
محمد: شوف في وحده جديده بتتدرب معانا
انا: أي خي ياشين البنات يحسبون نفسهم قويات و ابصم بالعشر انهم اذا شافو دم بيقعدون يصيحون و
ينقرفون هل خرابيط والمريض بيموت بايدهم
محمد: لا عاد كلش ولا البنات هذا سبب وجودي في الحياه
انا: قم بس قم
و احنا بمطعم ارامكو انا و محمد و ناصر (صديقي بعد)
ناصر: شفتو المتدربه الجديده يا خي تهبل عليها جمال مب صاحي
محمد: احلف وينها خل نشوفها
ناصر: شوف هناك
انا ومحمد التفتنا على طول وشفنا نوره
محمد: هذي كانت تدرس معانا بامريكا و اخينا بالله يحبها (وهو قاعد يناظرني)
ناصر: و الله و عرفت تختار يا عبد الله
محمد: اكيد هذا ابو الذوق كله
انا ما قدرت اتكلم من وناستي نوره جارتي وتشتغل معاي يا وناسه
و انا راجع للشغل شفت نوره قاعده تتكلم مع وحده
طبعا واحنا رايحين نشوف دكتور وهو يسوي عمليه
انا: هلا نوره
نوره: اهلين
وبعدها سكت حسيت اني مالي داعي
بعد اسبوعين
و انا راجع للبيت دق جوال وكان المتصل محمد
انا: وش تبي محمد توني كنت قاعد معاك ابي اشوف اهلي لو ممكن
محمد: مراح اطول عليك بس باركلي امي لقت لي وحده و شافتها طلعت حلوه وبكره بروح اشوفها
انا: احلف الف الف مبروك
محمد: الله يبارك فيك عقبالك
انا: ما اظن والله
محمد: لا انشاء عقبال ما تجتمعون انت وياها ببيت واحد
انا: الله يسمع منك طيب يلا باي
محمد:. باي
بعد اسبوع في ارامكو
محمد: ايه صح تدري اللي خطبتها مين تصير
انا: لا
محمد: اخت نوره
انا: والله ما شاء الله ياحضك
محمد: تراها خطيبتي عيببب
انا: تعرف ليه قلت كذا
محمد: أي و الله بس امزح معاك
بعدها بشهرين تمت الملكه وكان الزواج بعد الملكه بشهرين محمد كان مستعجل لانه
اذا تزوج بيروح بريطانيا بيشتغل هناك عشان ياخذ خبره اكثر
في الراشد كنت انا ومحمد بقهوة ستار بكس
انا: يلا يا محمد بعد اسبوعين زواجك الله يوفقك
محمد : امين انشاء الله يارب تكون عاقله مو تنشب لي كل شوي ابي
اروح لامي بس انا اذا كلمتها و جيت لها للبيت احسها عاقله وراكزه
انا: حتى لو طلبت تشوف امها ترى احنا دائما نطلع مانقعد بالبيت الا شوي فاحنا مش متعلقين
باهلنا كثير بس البنات دائما بالبيت واذا طلعو يطلعون مع امهم غصب يشتاقون لها
اعذرها اذا طلبت منك تشوف امها
محمد: أي والله ما اقدر اقولها لا خاصه اني على طول بعد ما اتزوج باسبوع بنسافر
انا: تعرف احنا بنروح لأسبانيا بعطلة الصيف
محمد: قريب بعد زواجي بشهر عطلة الصيف
انا: ايه عارف
محمد: يلا قوم
انا: ايه يلا انا مت ابي انام
في عطلة الصيف سافرنا لاسبانيا
تعرفت هناك على واحد اسمه عبد العزيز بس بعد 7 ايام من ماعرفته اكتشفت انه جارنا و اخو نوره
انا: و الله صرت جاري وانا ما اعرف
عبد العزيز: شفت عاد
انا: طيب يلا بنرجع للسعوديه و انا ما طلعت مع اهلي
عبد العزيز: والله حتى انا امس ابوي يهزئني ليش ما تجي معانا
انا: أي يالله بروح باي
عبد العزيز: اوكي باي
الحمد لله رجعت للسعوديه بالسلامه
بعد اسبوع تقريبا وانا توني داخل البيت و كنت راجع من الدوام شفت امي قاعده
تحوس بالمطبخ تسوي كيك وحلا و اكل حق يمكن 20 شخص مولنا
انا: هلا يمى
الوالد: هلا ولدي
انا: يمى شتسوين
امي: اليوم بيجونا جارتنا (كل اللي بالمجمع) وخالاتك
انا: اها طيب برووح انام انا تعبان
بليل بعد ما خلصت العزيمه امي رقت لي فوق كنت انا و ابوي قاعدين نشوف التلفزيون
انا: ها يمى وش صار اليوم
امي: والله استانست خالتك شافت نوره جارتنا و عجبتها قالت بتسال عنها و بتخطبها لخالد (ولد خالتي)
هنا انا ما ادري وشلون كان روحي انتزعت مني طبعا ما تكلمت ول
ا كلمه خايف اتكلم واقول احبها لا تزوجونها لخالد واذا خطبتها ترفض و...الخ
سالت خالتي عنهم وطلعو عائليه اصيله من قبيله معروفه في السعوديه
انا ما حبيت اسئل عن الموضوع خلاص ربي ماكتب لي اتزوجها الله يهنيهم
وانا في الشاليه كنت قاعد اكلم محمد
محمد: ها وش صار على موضوع خطبة نوره لولد خالتك
انا: ما ادري ما سئلت
محمد: يالله اللي كاتبه ربي بيصير
انا: هذا اللي اقوله لنفسي
محمد:طيب يلا باي
انا: مع السلامه
على الساعه 4 الفجر كنت قاعد عند البحر اتخيل حياة نوره مع غيري
لدرجة ان نزلت دمعه من عيني ?
بعد ساعتين يمكن قعدت اشوف الساعه كم وتفاجات انها الساعه 10 الصبح بعد
ما كانت 4 الفجر يعني مرت 6 ساعات وانا مو حاس فيها
لهدرجه سوى فيني كذا حب نوره
من بكره حضرت كل اغراضي بنروح انا و محمد و ناصر و خالد و منصور
(صديقي) و احمد (بعد صديقي) و فيصل (اخو محمد) و طلال (ولد خالي)
و بدر (ولد عمي) و عبد العزيز (اخو نوره)
طبعا العود حقي جبته ما تحلى السهره بدونه
طول الوقت انا كنت زعلان طبعا عشان موضوع نوره و اللي تقدم لها
مرتز قدامي والله لو يحللون القتل بس دقيقه لأقتله
محمد: اقول يا عبد الله ما ودك تجيب العنود وتغني لنا
انا: لا لا مالو داعي
محمد: طيب وين مفتاح سيارتك
انا: امسك
محمد الملقوف العنيد ما كانه سمع كلامي وجاب لي العود وقالي يلا بس اعزف وانا بغني
طبعا قمت اعزف وهو قاعد يغني توصي شي
وهو يغني رن الجوال
انا: معليش بروح ارد
رحت بعيد شوي عنهم
بعد امي ما صدعت راسي بالمكالمه اخيرا قالت لي خبر يفرحني :
امي: دريت نوره رفضت بس نسيت اقولك
انا: ايش قولي والله
امي: والله
انا:طيب باي
فمت (انطنط)من كثرة الفرح و اخذت دباب محمد وقمت العب و بعدين
رجعت لهم بعد ما كنت ماد (بوزي) الحين البتسامه ماليه الوجه
محمد: ياليت هالمكالمه جت من زمان يا سبحان الله قد ايش غيرتك
انا: مالك دخل المهم ها وين كنا
محمد: اعزف لنا شي
انا: اوكي
عزفت لهم لا يهمونك لراشد الماجد
طبعا بدى الاستهبال والرقص و خرابيطنا
نسيت اقولكم شي صديقي محمد امه اول ماراح قامت تصيح و كانت مشتاقه له
مووووت لانها فقدته مره لاما راح لامريكا يدرس والحين بتفقده فما تحملت و عشان كذا محمد رجع
في يوم من الايام وانا قاعد بغرفتي على النت كانت قدامي ورقه مكتوب رقم
جوال نوره و رقم البيت وبريدها و الايميل حقها
طبعا اضفتها و هي على طول قبلت الاضافه
The king off dark says: (اللي هو انا)
هلا والله
Miss cuti says: (اللي هو نوره)
هلا مين معاي
The king off dark says:
انا واحد ما تعرفينه بس اسمي عبد الله وانت
Miss cuti says:
انا Miss cuti
The king off dark says:
تشرفنا بس من وين
Miss cuti says:
من السعوديه تحديدا من نجد بس ساكنه بالدمام وانت
The king off dark says:
مثلك
Miss cuti says:
من وين جبت ايميلي
The king off dark says:
من عقلي ليه؟
Miss cuti says:
اسئل
The king off dark says:
من جد ايش اسمك
Miss cuti says:
نوره
و بعدها قمنا نتكلم لمدة شهرين و هي تعلقت فيني وانا زاد حبي لها اكثر
The king off dark says:
نوره عطيني رقم جوالك
Miss cuti says:
لا وشلون والفاتوره
The king off dark says:
لا انا بكلمك
وبعد ساعه من اقناعها قدرت اكلمها
انا: اخيرا عطيتيني الرقم
نوره: بس والله انا خايفه الحين تدخل امي
انا: حولي على اني بنت و كلميني وانا بفهم
نوره: اوكي
واستمرت علاقتنا لين ما جاء الخبر اللي قالت لي اياه
نوره (وهي تصيح): ابوي بيزوجني
انا: ايش من مين
نوره: من ولد صديقه
انا: وشلون وليش
نوره: لانه غني
انا: نوره حرام عليك انا احبك
نوره: وانا بعدي بس ايش اسوي
نوره بعدها كانت تكلمني كل ساعه كانت تعتذر من امها عشان كانها بتشتري
فستان للملكه و تروح للراشد ومن هناك تكلمني بالجوال
بعد اسبوعين بالضبط كان موعد ملكتها
نوره: عبد الله هالمره اخر مره اكلمك
انا: وشو ليه
نوره: عشان زواجي
انا: لا والله مو اخر مره انت تفهميني انا ما اقدر اعيش من دون صوتك
نوره: طيب بروح البس
مر اليوم وانا بس قاعد بغرفتي و ادور فيها
على الساعه 3 الفجر رحت للبحرين وقعدت ادور هناك و الجوال ما سكت نوره بس تكلمني
و انا قاعد ادور مسكت الجوال وقعدت نوره تاكلمني وانا ما ارد عليها
نوره: عبد الله
انا: (ساكت)
نوره: (وهي تصيح)لو سمحت رد علي
انا: نعم وش تبيني اقول وانت على ذمة واحد ما يسوى
نوره: طيب وش ذنبي عبد الله لو سمحت سامحني
انا: على ايش مو ذنبك
نوره: طيب بتكلمني
انا:اكيد لا
نوره: طيب ليه يا عبد الله
انا: نوره مع السلامه عيب علي انا اكلمك وانت على ذمة رجال
سكرت السماعه وحاولت افكر بطرق كثيره عشان اخلص نوره من هالزواج وقررت اصادق عبد
الرجمن (زوج نوره)
كان يزور نوره ببيتهم ولما طلع طلعت انا معاه
انا: السلام عليكم
عبد الرحمن:هلا وعليكم السلام
انا: من اهل البيت (ايقالني ما اعرفهم)
عبد الرحمن: لا مو من اهل البيت انا زوج بنتهم
انا: هلا والله وش اسمك
عبد ارحمن: اسمي عبد الرحمن وانت؟
انا: اسمي عبد الله اووه اذن المغرب تجي نصلي
و بعد الصلاه
انا: تعال بروح مع صديقي لستار بكس تجي ؟
عبد الرحمن: أي اكيد
و انا في ستار بكس
انا: و الله يا محمد عندي بنت عم والله من زمان ما شفتها و اليوم شفتها و
الله يا انها تهبل بس حسافه انا اكره عمي ياانه ثقيل دم ويتلصق واذا
تزوجت بنته بيلصق اكثر بس والله يا عليها جسم و جمال والله تهبل واخلاق
امي تقول و ارسلت لنا اليوم الغدى من ايدها والله انه احسن من المطعم
(شوي وكنت اكتب لها قصيده بس والله انه كل كلمه اقولها صحيحه
و كنت ناوي اخلي عبد الرحمن يغرم بالنوره وخصوصا بعد ما عرفت
من كلامه انه مغصوب عليها و على فكره الكل يقول انه نوره مملوحه
ما فيها جمال زايد وكان عبد الرحمن يددور على الجمال وخليت بنت عمي هي كل كلامي عشان يحبها)
انا تلصقت ببنت عمي كثير بس كنت اعتبرها اختي لا اكثر ولا اقل
مره كانت تبيني اوديها للراشد وكان عبد الرحمن بيروح للراشد فقلت له نتقابل
عند بوابه رقم واحد و طبعا بنت عمي متحجبه (يبين وجهها) فأكيد بيشوفها
في بوابه رقم واحد بالراشد
عبد الرحمن كان يستناني و بنت عمي كانت جمبي وطبعا شافها عبد الرجمن
انا: يلا لمى (بنت عمي) روحي فوق انا بقعد مع صديقي
لمى: انشاء الله
عند عبد الرحمن
عبد الرحمن: عبد الله مين هذي اللي معاك
انا: بنت عمي حلوه صح
عبد الرحمن: تموت ذي مو بس حلوه
مع اني ما احب احد يشوف بنات عمي ولا خواتي ويقول عنهم حلوات بس هالمره استاست بس عشان نوره
عبد الرحمن بعد ما شافها اغرم فيها كل شوي يتحرى اني اسولف عن لمى و كل ما اتكلم عنها يسكت
ولا يحب احد يكمه وطبعا انا مستانس
و انا قاعد بغرفتي بليل دقت علي نوره
نوره: عبد الله بارك لي عبد الرحمن طلقني
انا: والله الحمد لله
نوره: ها متى بتخطبني
انا: لسه يا نوره شوي
اللي ما تعرفونه ان ابو نوره معقد وعنده عيب البنت تتطلق و طبعا بنته تطلقت وصارت
عار عليه هو حبسها بالغرفه و سحب منها الجوال و التليفون اللي بغرفتها وحتى الكمبيوتر و كل شي
و بعد اقل من شهر تزوجت نوره وانقلت لبيت زوجها اللي هو ولد عمها
و انا قاعد بييتنا دق علي واحد
انا: الو
عبدالرحمن : هلا
انا: هلا عبد الرحمن
عبد الرحمن: عبد الله تعرف وين بيت عمك الصراحه بخطب بنت عمك
انا: ايه و شرحت له (حرام اخرب عليه واجه وما ازوجه من اللي يبيها وخاصه انه ما فيه عيب )
طبعا انا ما رضيت اتزوج بعد نوره ما تزوجت وكرست حياتي لشغلي
مره وانا راجع من شغلي لقيت بالبيت اللي جمبنا (بيت نوره ) طفل قاعده تلعبه شغالته
انا استغربت خصوصا ان نوره بالرياض من اول ما تزوجت نوره وهي ماجت هنا يعني مين بكون.؟
انا : هذا ولد مين؟
الشغاله: هدا ولد ماما نوره
انا: ليه ماما نوره جت هنا هدي 5 سنه مافي اجي
الشغاله: هي زعل مع زوج حق هي و بعدين هي ارجع هنا
انا: طيب مع السلامه
دخلت لبيتنا بس هالمره دخلت وانا مبتسم احس اني اول مره بعد 5 سنين ابتسمت وعرفت الفرح
دخلت على امي
انا: السلام عليكم
امي وابوي : وعليكم السلام
انا: يمى ... يبى ابي اتزوج
امي: هذي الساعه المباركه مين تبي تتزوج والا ادور لك
انا: لا ابي اتزوج نوره
امي: بس نوره متزوجه
انا: لا تطلقت توها الشاغله وولدها كانو بره
امي: طيب ذي كانت متزوجه وتطلقت مرتين
انا: مالي شغل ابيها يعني ابيها
امي طيب الشكوى لله بكره نروح لهم
و الحين انا عمري مثل ما قلت لكم 30 سنه متزوج من نوره و عندي طفلين
محمد عمره 5 سنوات (اللي هو من زوج نوره اليل اول واعتبره مثل ولدي واكثر)
و بدر عمره سنه
