Video Games Memories

[Trapped Inside]

السلام عليكم ^_^ ..

كثير ما اكتب عن ايام الطفوله .. ووش كنا نسوي فيها .. احب هنا اننا نتلكم عن وش كنا نلعب Video Games ^^ ..

توقع ان الموضوع يكون قد انكتب قبل .. بس ما اشوف فيه شي لو نعيد هذي الذكريات ويشاركونا جدد ^_^ ..

Me

- بدايتي كانت مع السيجا ساتورن ( اعتقد هذا اسمه ) .. الاسود وفيه زرين زرق .. كثار يعرفونه بالتاكيد .. فيه التحفه الرائعه سونيك .. MasterPiece لن انساها ابدا .. ادمان لدرجه فظيعه .. للاسف ما اذكر غير هذي اللعبه الي كنت العبها على سيجا الساترون ..

واذكر كانت فيه اجهزه كثير تنباع بـ200 ريال او 400 .. ومره كنت بملاهي انا واختي وابوي .. وشفت وحده من هذي الاجهزه .. كان بـ200 .. وموجود عليه 50 لعبه الظاهر بنفس الجهاز .. صجيت ابوي وجابلي اياه ..
هههههههههه بس من كل الالعاب ما كنا نلعب الا وحده .. كانت عباره عن انك تكون مهرج .. وتسوي Tricks وخرابيط مثل كذا .. بس كانت مره حلوه .. واغلب المهمات تكون بهلوانيه :icon6: ..


- بعد السيجا .. جا دور احلى جهاز من الجيل السابق .. الي كنا نسميه Super Nintendo .. ( الظاهر هو NES ) .. اول لعبه كانت لعبه الكوره الشهيره .. Super Delux Soccer .. احلى لعبة كوره لعبتها .. تجيب هدف من نص الملعب .. وتجيب قوول من الركنيه .. وتخلي الحكم كلب ! ( بكلمة سريه ) .. من جد لعبه جدا رائعه .. دايم انا وعيال خوالي كنا ادمان عليها .. وتنافس جدا حار بيننا ^^ ..

وطبعا افضل لعبة بلاتفورم بالعالم كله Marioooooooooooooooooooooooooo .. كانت له اجزاء كثير على السوبر ننتندو .. بس انا ما لعبت الا واحد .. الي فيه تقدر تاخذ ريشه وتطير .. الظاهر انه ماريو والجزر السبع " اعتقد " .. احلى لعبة لعبتها جماعيا مع ناس .. كل ما واحد يخسر يعطي الثاني .. بس للاسف ما عمري خلصتها .. كانت صعبه علي -___- ..

اذكر كانت فيه لعبة لـGoofy .. كنا نلعبها Multiplayer .. انا ولد خالي حموده .. انوااااااع الفله .. اغلب اللعبه كانت الغاز .. انواع التفحيط كنا عشان نعدي المرحله -_______- .. بس فعلا كانت لعبة ولا اروع .. وساعدت على تنمية عقولنا ..

ننجا ترتلزززززززززززززززززززززززز .. بالله مين ما ادمن على هذي اللعبه ؟ No Bodyyyyyyyy .. اقل مره قعدنا نلعب فيها يمكن 3 ساعات وهذا اقل شي .. ابداع لا بعده ابداع .. انا كنت احب ابو سيف ( الازرق الظاهر -_- ) .. ومحمد يختار بو خناجر " اعتقد الاحمر " .. وانواع التوصيل ..

و جتنا فتره ادمنا على لعبة Power Rangers .. يوه هذي من جد كانت حلوه .. انا كنت الاسود " الياباني XD ' محمد كان الاحمر " القائد " .. واذكر على ذيك الفتره كنا نتابع المسلسل على قناة Fun Channel بـاوربت .. كنا نموت فيهم .. ونجمع العابهم بعد .. اذكر يوم شفت الفلم حقهم انهبلت XD ..


- ياتي الان دور PlayStation .. للاسف كنت اكره هذا الجهاز .. كل ما دخلت بيت شفته -__- .. ما كنت العبه كثير .. واللعبه الوحيده الي استمعت فيها عليه اكيد Crash .. انا وعيال عمي خلصنا الجزء الثاني .. سهرات حلوه ^_^ ..


- ثاني اعظم جهاااااااااز الـNintendoooooooooooooooooooo 64 .. يا اني اموت بننتندو ولله ^______^ ..
تحفه البلاتفورم كانت عليه Mario 64 .. تحفة الار بي جي كانت عليه Zelda Ocrenia Of Time .. وغيرها الكثير ..

اكثر شي كنا نلعبه هي العاب ماريو الرياضيه .. Mario Tennis .. Mario Golf .. Mario Kart .. وكلها كنت العبها انا وعيال وبنات عماني ^____^ .. كنت افنن واحد .. وكانوا زلايب .. اي واحد يكون بفريقي يفوز -___- .. انواع الهواش علي :icon6: ..

وما انسى اكثر لعبه ادمنتها بحياتي .. Poooooooookemon .. عشقي الطفولي ^_^ .. كانت اللعبه عباره عن مثل المربعات الملونه .. ولازم تجمعها جمب بعض .. واذا جمعتها مع بعض .. راح يطيح جدار على مربعات خويك وتاخره بتخليص لعبته ..وهذا كانت اكثر لعبه ادمنتها بحياتي .. كل ما اروح اشوفها بكل مكان .. من كثر ما العبها ..
واذا شفت اي مربع باي مكان اتخيل ان احركه والعب اللعبه T___T ..

وما انسى طبعا Pokemon Staduim & 2 .. احلى شي كانت الـMini Games .. ادمان مب صاحي ..
وبعد Pokemon Snap " اللعبه الي تصور فيها البوكيمونات " .. اذكر اني انهبلت عليها .. وخلصته باول يوم شريتها فيه .. من جد عجبتني XD ..

والعاب المصارعه .. كنت دايم اخذ هولك هوجن .. انواع الطقاق وحنا نلعب .. وكل ما خلصنا من اللعب .. نتحمس ونلعب مصارعه جد -_- .. اذكر انواع التكفيخ .. والرجال الي ما يصيح .. خخخخخخخخخ .. بس كل واحد فينا شوي والدمعه تنزل من عينه

ولعبة كوره .. الظاهر انها نفس الي على السوبر ننتندو .. بس النسخه المطوره على الـ64 .. كنا نموت فيها انا ومحمد ..خخخخخخخخخخ محمد كانت تزق معه بسرعه .. اذا انا جبت اول هدف .. على طول يعيد المباراه -_______- .. وياما سوينها .. انواع الطفش .. كنت اخليه يجيب القول الاول عشان ما يقلقني ..



للاسف هنا انتهت طفولتي مع الفديو جيمز .. مع احلى ايام مع الـ64 .. ايام صدق ما تنسى .. يا كثر ما صحنا اذا ضيعنا الممري .. وياما فرحنا اذا عدينا مرحله .. وياما تهاوشنا على من يلعب اول .. اخ بس

احب في النهايه اني اقول اني Nintendo Fan Boy ^_^ .. ومن كل قلبي ودي اشكرهم .. احلى ايام طفولتي كانت منهم ^_^ ..

Sooo What About U :icon6:

JaNe ^_^

[ODIN]

ههههههه محبوس ياحليلك كل مواضيعك ذكريات .. الي يقول انك شايب عمرك خمسين ارحم نفسك هههه


انا بداياتي كان مع بداية العاب الفيديو جيمز بالضبط .. احس اني محظوظ جدا لاني من اخر الاجيال الي لحقت عليها ..


كان عندنا كمبيوتر صخر وجهاز اتاري ذاك الاسود الي يد تحكمه عصى وفيها زر فوق وزر تحت بالقاعده


ياللله اذكر لعبة البطريق على الصخر .. كانو اخواني معاناة يبون يخلصونها واخرتها خلصتها اختي .. و كانت لها نهايتين ..


نهاية انك تحلق على الاميرة وتتزوجها . والنهاية السيئة والي طلعتلنا ان في بطريق غيرك يسبقك و يتزوج الاميرة .. ويجلس حزين البطل ..

ههههه بس والله فلسفتهم رهيبه .. حتى بالواقع كذا .. الدنيا سباق ولحق ما تلحق .. حتى بالحب فيه سباق .. والبنت هي خط النهاية ... الاسرع و ( المحظوظ ) اكثر هو الي يوصل للخط ..

يالله يعور القلب بصيح وانا جالس اكتب ههه



وبعد اذكر لعبة باك مان بالاتاري كانت ذكريات لها ..


واذكر قمة نشاطي وحبي للفيديو جيمز كانت بالسوبر نتندو .. سوبر ماريو ولعبة الكورة الي تتكلم عنها


ههه اذكر كانت فيه زاوية عند منطقه الجزاء اذا ضغط y فيها غصب تدخل هدف لو فيه مليون مدافع هههه

كان فيها غباء شوي



وفيه بعد سونيك يحليله بالسيجا ...


والنتندو 64 ... يعني لو بوصفه بقول ايام الصفاء والطهارة .. قلت من قبل .. كنا نتجمع مع عيال وبنات الجيران ونلعب ماريو بارتي وانواع الحماس والصراخ ..

الحين سبحان الله .. كل واحد كبر وكل من شاف طريقة .. ولا احد يدري عن الثاني .. البنات مو مشكله طبيعي كذا .. بس العيال ليش كذا .. الي طاح بالدخان والي طاح بالشاليهات والخرابيط هذي ..

دنيا من جد


والله ذكريات حلوة .. مشكور ويعطيك العافيه يا محبوس

[Mista Koo]

ههههههه موزوعون جميلون طرابط ^_^ كمشور

انا بديت حياتي على الصخر كان فيه اتاري بس كان عهده خلص ما اتذكر الا لعبة بوباي تجمع قلوب من اوليف اول (زيتونة ×_×) وكان فيه شريط السنافر و ET بس ما كنت العبهم

بعد كذا الصخر كان في لعبة castle الظاهر او prince مو متأكد كانت العيلة ادمان عليها كبيرهم وصغيرهم كانت ادفنشر والغاز لازم تفتح الخريطة كلها عشان تفوز
وفي بعد البطريق اللي يدف بيضة يوصلها للبيت كانت حلوة بعد وكان عندي شريط غبي عن الاشكال والارقام كمان كان حلو بس كانوا خواتي يعيبون علي وانا العب فيه >_< لأنهم كلهم كبار

بعد كذا جا السيجا جنسس ميجا درايف طبعا كل أجزاء سونك وننجا ترتلز وميكي ماوس وستريتس اوف ريج وتيني تونز وكواكشوت هذي احلى العاب

بعد كذا الننتندوز للأسف ما اقتنيت شي قبل الكيوب -_- بس كنت العبه كثير عند اقاربي طبعا كل اجزاء ماريو والكورة الهبلة وتايني تونز كمان و كان في لعبة طباخ خيالية ^_^ تلعب بطباخ يضارب بحقة العجين
وكزلك الـ64 كنا نلعب ماريو تنس و بارتي و سماش

بعد هزا كله تجي البلايستيشن كراش طبعا من اول الالعاب وبعده تكن ادمااااان وبس أشهر شي طلع في البدايات وللملتي بلاير كنا نلعب وورمز ارماقدون رهييييييييييييييييييبة ودرايفر (مع انه ما كان مرة حلو)

بعدين البليستيشن 2 كنا ادمان مصارعة و جي تي اي

بعدين الكيوب كله العاب ملتي بلاير عشان الجمعة والوناسة ^_^

بعدين الدي اس سوبر ماريو 64 بس حاليا

بعد كذا يجي الريفلوشن ..................
بس بعدني ما اشتريته استناهم يسوونه اول 0_×

[Trapped Inside]

Odin

هلاع ^_^ ..

ههههههه محبوس ياحليلك كل مواضيعك ذكريات .. الي يقول انك شايب عمرك خمسين ارحم نفسك هههه

لوووووووووول من جد كثير يقلقوني .. " كل مواضيعك دكريات " .. خويي يطنز علي يقول ما ودك تكتب وش سويت امس ؟ .. وش اكلت ؟ .. لووووووووول .. الظاهر اللقب حقي لازم يكون Memories Guy او Lost In Memories :icon6:

بس اعتقد السبب .. هو اني من جد مشتاق لذيك الايام .. مشاكلها مب زي مشاكل الحين .. الله يرجع الفرح الي بذيك الايام ان شاءلله لنا جميع ^_^ ..


الصخر والاتاري ما كنت العبهم كثير .. بس اذكر كنت اشوف الصخر عند ولد عمي .. ما كنا نلعب الا سنيك بس ..

الحين سبحان الله .. كل واحد كبر وكل من شاف طريقة .. ولا احد يدري عن الثاني .. البنات مو مشكله طبيعي كذا .. بس العيال ليش كذا .. الي طاح بالدخان والي طاح بالشاليهات والخرابيط هذي ..

اي ولله .. يا رجال ولله عيشه غريبه .. نشوف انا وش بيصير لي .. .. الله يعين ..

والله ذكريات حلوة .. مشكور ويعطيك العافيه يا محبوس

تسلم وانت احلى ^^ .. العفو خيو والله يعافيك والف شكر على ردك الجميل ^^ ..


Mista Koo

ههههههه موزوعون جميلون طرابط ^_^ كمشور

انت اجمل ^^ .. العفو ^^ ..

مشكور لمشاكرتك ذكرياتك ^_^ .. يوه قهر ما شريت شي من ننتندو .. ولله فاتك نص عمرك -___-

[شتاينر]

حلو هالموضوع ..
انا بدايتي كمان مع كمبيوتر صخر والاتاري الأسود .. كنت العب على صخر لعبة كاراتيه مش متذكر شو اسمها ولعبة طيارات تحارب فيها .. كنت مدمن عليها .. بعدها جبت الأتاري فاميلي , وكنت اجلس على ماريو مليون ساعة , كمان لعبة كابتن ماجد ونينجا تيرتلز .. بعدين إنقطاع طويييل لحتى وصلت عند بلاي ستيشن وتعرفت على الأسطورة فاينال فانتاسي .. هاي كانت My Games Life ...
تشكر على الموضوع أخوي

[N E O]

موضوع جميل ويستحق المشاركة فيه

اذكر وانا عمري 4 سنوات كنا في بلد أجنبي مستقرين هناك واشترينا جهاز صخر لكن ما كنت أعرف ألعب بس اخواني الكبار كانو يحتكرونه :vereymad: لكن بعده بشهر اشترينا الفاملي وكان في البلد الأجنبي يسمونه Dendy المهم وكنا نشتري كل اسبوع 5 أشرطة"كنت مليونير " واللي نختمها كنا نرجعها وناخذ ألعاب بدالها وبعد رجعنا الإمارات شفت الناس يتكلمون عن سيجا ميجا درايف وكنت أعرفه لكن ما كنت مهتم فيه, المهم شفت لعبة سونيك وانبهرت فيها ولليوم ألعبها وما أمل منها واشترته وألعاب كثير وكان الشريط بــ70 درهم و80 درهم وسلاحف الننينجا كانت خطيييييرة وأختمها في اليوم مرتين :icon6: .
وبعدها اشتريت جيم بوي مب ملون وكنت ألعب بوكيمون بدون ألوان وبعد طلع الملون بعت الأول ب120 درهم :shock22: واشتريت الملون وكان عندي حالة ادمان في البوكيمون وحطمت الرقم االقياسي وختمتها في 9 ساعات وكنت كل يوم ألعب وألعب ولا أمل منها لمدة سنتين حتى ختمتها 1230 مرة .
وبعدها جاء عصر ألعاب المحاكيات على الكمبيوتر وكنت كل يوم أنزل لعبتين سوبر ننتدو من الإنترنت مثل فاينل فانتسي"من هنا بدأ عصر الأربي جي" وكان لعبة سوبر ماريو اللي يركب دايناصور خطيييرة وفن وبعدها بفترة قصيرة اشتريت البلاي ستيشن ويم سرت السوق كانت الساعة 7 المغرب وبعد رجعت البيت لعبت فيه إلين الساعة 9 الصبح ولعبت ويننج إليفن "الدوري الياباني 4" وكنت أموت فيها وأصمم عيال حارتنا وألعب فيهم وأجمل جهاز أقتنيته في حياتي وبعدها كان البلاي ستيشن2 لكن بدأت اهتماماتي تقل وتقل إلا بعد ما اشتريت ديسجايا "أحب اشكر الأخت Angel whisper اللي ساعدتني فيها كثير" وكانت أجمل لعبة على البلاي ستيشن 2 والبطل حاط صورته في التوقيع وللحين مدمن عليها...............

Thats my story

[Master ArNab]

السلام عليكم ^^ .. موضوع نوستلجي أوي أوي

ياخي حرام عليكم .. ليش التعذيب هذا !

والله ذكريات .. ( اللحين بدت تجيني فلاش باكس .. كله منكم T_T )

أيضاً بدايتي كانت بالاتاري و صخر .. ومثل ماقال الإخوان ..

بعض من ألعاب أتاري اللي أتذكر :
باك مان .. الضفدع .. صيد السمك ( فيه سمك قرش ياكل سمك) .. ملاكمه ..

أما صخر .. مثل الاخوان ..

لعبة الأهرامات T_T الرائعه ..

البطريق ( طلعت النهايتين . وأتذكر تطيح بحفره معينه ويجيك شايب مدري وش يبي ) ..




لعبة القصر .. أكاد أتذكر لحنها .. ( رجعت فضولي الشديد لإنهاءها .. )




فيه لعبة مثل جموارو .. رجل ألي يتحول لطياره ..

و أتذكر لعبة الكونفو .. تتذكرون أبو عصى وأبو شعر طويل والبنت الحمراء اللي ترمي سكاكين وإلا ذاك الأسمر اللي يطير خخخخ ...

هذا الغلاف اللي عندي .. أذكر إننا كنا نشتري الألعاب(على شكل كارتريج) من محل في الشعله (الرياض)


وكرة القدم .. أنواع التحدي

و و و و و


وبعدين .. إنتقلت لجهاز الجولدستار 3DO .. كانت هناك ألعاب ممتازه وتصويب وأذكر ماد دوق وكم لعبة عصابات ومخدرات ورش أور وغيرها كثير ..

بعدين شرينا PlayStation وكانت الألعاب روعة .. مثل كراش الأول (كذا ألعاب البلاتفورم والا بلاش)..
لعبة الدبابات المائيه (أنواع الصراخ )..
تويستيد ميتال الأول والثاني( تحديات مع أخواني)..
ومين ما يعرف لوديد الدمويه .. وبعدين طحت بالrpgs ..
وايلد أرمز التووحفه
وبريف فينسير موساشي T_T وزينوساجا .. وباراسايت إيف ..و جرانديا أأأأأه ..وينك يا جستن .. أبيك ترجع صورتك للشخصيه المرحه (أبو شعر برتقالي) .. ولا ننسى فاينل فانتسي تاكتيكس T_T
ولونار وغيرهم كثيرٌ .. كثيرٌ

[Kubaj]

لاااااا البطريق ههههه.. ذكريات يا الله.. اذكر تدعس على شي يطيرك في الفضاء وخربطة..

فيه البطريق الثاني اللي تدف بيضة.. هذا ما يمديني انزل الا وتنكسر البيضة..

ولعبة رحلة الى مكة على صخر.. وكابتن ماجد على العائلة 3>

وكونترا.. ولعبة جزيرة الكنز.. مدري وش كانت بس جابت لي الكآبة..

مافيه اقوى من ماكس بوينت اللي انت حاط صورتها.. ولا الكلمة السرية العظيمة حقتها..

(ماكس بوينت ) <<< على بالهم تويست عظيم..

في عهد السيجا.. كانت هناك العاب قوية.. مثل روبو كب.. و

اللعبة الضاربة وقتها.. Mortal Combat

وكل ماقال فينيش هيم.. جلست اضرب فيه بشكل عشوائي.. -__-

وطبعاً.. ماننسى لعبة الكورة في السوبر ننتندو.. وزي ماقال بدر..

فيه نقطة من القوس تقريباً كل سددت فيها دخلت بشكل مزري..

هذا غير ان الحراس يغسلون رجولهم من الحراسة اذا لعبت في وقت ممطر..

اذكر مرة اخوي من زمان شوي ويصيح عشان لاعب برازيلي اسمه فونتانا كان قصير..

وكان فعلاً Upset .. طبعاً غير النهائي الشهير امام الأرجنتين يومها سحق الكمبيوتر اخوي

بأربعة اهداف.. وكنا وقتها نحسب البطولات لكل واحد.. ف بعد المباراة امي جتني تقول ليش تطق فهد ؟

واللبيب بالإشارة يفهم

[Yamato]

هالموضوع كنت برد عليه اول ما نزلته يالمحبوس.. لكن النت علق..
والرد كان جاهز.. علشان كذا بحطه مثل ما هو مع اضافة صغيرة.. ^^
----------------------------------------------------------------------------------

يا حلو مواضيعك يالمحبوس.. ويا كثرها كمان.. ^^
الله يزيد ويبارك.. ^^

المهم.. بالنسبة لي مع الالعاب.. هممم
======================
البداية مع الصخر... وبس كان عندنا لعبتين على حسب ما اتذكر.. وصورهم موجودة في الردود اللي فوق.. الاولى لعبة الكونغ فو... يا كثر صعوبة اللعبة هذي.. والثاني اللي في رد فتى الارانب.. اخر صورتين الصورة اللي عاليمين.. عشرين الف مرة حاولنا فيها وما قدرنا نخلصها.. >.,<
======================

فالسالفة تبدا مع الاتاري.. الجهاز العريق.. كان عندنا نوعين بس ما عارف شو كانت اساميهم.. هذا اذا لهم اسامي غير اتاري.. لوول
واحلى الالعاب عليها كانت باك مان يا كثر ما كنا نلعبها انا واخواني..
ذكرياتي عنها قليلة.. -___-
ياتي بعده الفاميلي.. واتذكر انه زوجة خالي وهم جايين من البحرين اشتروها لنا.. كانت بداية الفعلية في عالم الالعاب بصراحة..
ويا محلا لعبة الكونترا عليه.. يمكن خلصناها فوق المئة مرة.. ما كنا نمل منها ابدا ^^
وعلى ذكر الالعاب البهلوانية كانت في لعبة اسمها سيركس او ما شابه.. احلى ما فيها كانت لعبة القفز من حبل لحبل.. والقفز في دائرة من النار وانت تركض.. كانت وناسة.. بس ما قدرنا نخلصها ابدا.. هذا اذا لها نهاية اصلا.. -___-
وكان فيها ايضا سوبر ماريو.. وناسة حقيقية.. يعني تحس كانها غير عن باقي الالعاب.. واحلى شي لما نحصل الفطر اللي يخليك كبير.. ^^

وكان في غيرهم من الالعاب اللممتعة ايضا... بس الميموري ما يساعدني حاليا.. ^^

وبعدها كانت سيجا.. ومعه بدا عصر شراء الالعاب الاصلية.. والابتزاز من اخواني الكبار T_T
كانوا يقولون لي ما في تلعب الا اذا شريت لعبة.. لا واصلية كمان T_T

والننجا ترتلز كانت وناسة فيها..
وعلى ذكر هالعصابة فخلني اذكرلك اسمائهم يا فالح لانك ما عرفت اساميهم..
ابو سيف.. ليوناردو.. حبيبي هذا دايما العب به...
مايكل انجلو.. ابو الشوكتين.. ^^ ويا حبه للبيتزا.. من طقتك يعني.. ^^
ابو العصا.. دوناتيلو.. I hate him.. >.,<
رافييل.. اخ.. مب متذكر شو كان سلاحه.. T_T

وعلى ذكر الكورة.. Super Delux Soccer
اظني اللي كانت عندنا هي نفس هذي.. وفعلا وناسة.. احلى شي لما سوينا قانون انه ممنوع حد يجيب جوول من الزاوية.. يعني وانت تهجم من الجناح.. كان الهدف اكيد فاخواني منعوه.. لكن هم يضربون بالقانون عرض الحيطة.. >.<
وياما استوت مشاكل بسبة الكورة.. وللحين بعد >.<
اعتبر الكورة مفرق الجماعات والاخوان الصراحة.. T_T

ناتي بعده للسوني ون.. اول شي ما خلوني العب.. بس بعدين بداو يلعبوني.. وكنا نلعب اكثر شي كورة .. الفيفا قبل ظهور الاسطورة ويننغ اليفن ثرييي.. ^^
وايضا ما انسى بدايتي مع الاربيجي مع لعبة فف 8.. T_T والله بالموت الى ان غلبت الزعيم الاخير.. وهذا وانا ما كنت اعرف شي عن حركات اللعبة حتى.. >.<
بالطبع بعدها جاء الكثير من الالعاب الرائعة.. اييييه كانت ايام والله.. T_T

هالكلام كله لاول ما دخلت الجامعة.. بعدها بدا واستمر للان عصر السوني تو.... ^^

بالطبع ما انسى ونيسي في الرحلات.. العاب الننتيندو المحمولة.. ^^


يا فتى والله ان مواضيعك ترد لنا ذكريات حلوة بجد...
وراك ما تستوي مؤرخ.. @@!

سلام يا فتى المحبس والدبلة والخطوبة والزواج والعيال والاحفاد.. ^^

[Rory]

Noooo wayy ..
أنا أكثر شي أتذكره البطرييييييييييق .. !
كيف يا ماستر أرنب قدرت تحصله ها الصور؟ XD
ما نقدر بعد ننزله ..؟ >__>'
والله خاطري ألعبه .. .. تعذيب مسويلنا في ها التذكير
هههههههه وهذا مال الكونغ فو .. و لحنه عجييييب

أتذكر بعد كانت في لعبة مب متأكدة في أي جهاز يمكن الكمبيوتر أو صخر .. المهم أذكر كنا نلعبها في المدرسة يوم كنا صف أول/ثالث
وكان هذا إلي يشبه سندباد يغامر في مكان كله حفر يشبه السجن وكل مره تقفزه من مكان لثاني وإذا طاح أذكر تكون في أشواك ويطلع الدم منه ويموت

طبعا بعد عهد ماريو وسونيك واللعبه مال tiny toon كنت أحبها
وبعد تعرفنا عالـ rpg أول لعبه خلصتها كانت جرانديا إلي على الـ Dream Cast :icon6:



...
موضوع unique as always من Trapped Inside

[Angel whisper]

هههههههههههههههههه يحليلك والله
اذكر كنت العب لعبة على الاتاري .. اونه ضفدع يصيد ذباب @@
اذكر كنت نادر ما العبها .. وعقب بديت العب شوي عالفاميلي .. ماريو وهالخربطان ..
بعدين مريت على الـSaturn ..
كنت العب فيها ستريت فايتر و كينج اوف فايترز XD
عقب اشترو اخواني الـPS1 .. ومنها بديت القيمينق على اصوله .. خاصة الار بي جي .. اول ار بي جي جربتها كانت Thousand Arms .. ومن عقبها FF7 .. وبدا الادمان XD
عقب خذت الـNightmare Cast ولعبت عليها العاب وايد ..
Street Fighter - Dead or Alive 2 - Plasma Sword - Marvel vs. Capcom 2 - Rival Schools - Tech Romancer ..
وعقب ما نزلت فاينال 10 الاوروبيه اشتريت FFX وكملت الادمان ..
عقب جربت الجيم بوي كلر وحاليا الـ SP ويا زيلدا اللي معذبتني في حبها
مشكور ياخي مواضيعك تونس XD

[Mista Koo]

احس في غبار طالع من المنتدى ^_^

بنجوين ادفنشر صراحة ما لحقتت عليها بس خواتي كانوا يحبونها
كاسل هذي اللي ادمنا عليها صح
حتى الكونغ فو اتذكرها كمان كان في واحد يطلع نار من حلقه
والبطريق اللي يدف البيضة
ورحلة الى مكة

والله ذكريات ^_^ ايا ليت الشباب يعود يوما

[Trapped Inside]

ردود جدا رائعه ^^ ..

اشكركم عليها من كل قلبي ^^ ..

[Lucky guy]

ههههههههه ذكريات من جد ..

عن نفسي لعبت بكل الاجهزة الا جهاز سيجا المحمول كان عندنا واحد بالفصل كان دايماً يجيب معه ذا الجهاز وهاك لعب وانا ما غير اتفرج ..

بس احد منكم يتذكر الجزء الاول من سلاحف النينجا اللي على جهاز العائله -_____- يا انها صعبه ..

وفي لعبه على صخر اللي لونه اسود ..

تلعب بفارس جوا قصر وتضيع فيه وتجمع لك كتب سحر واغراض تساعدك واسلحه وحاله ما خلصتها لانها صعبه بعد يا انها تدوخ الواحد ..

البلشه اجهزة اول ما تخزن فيها تنطق قدام الجهاز اكثر من ساعة -_____- لين تخلص اللعبه او تعيد من اول ..

[D0WN~T0WN]

ايييه يازمن

بداياتي مع العاب الفيديو كانت كمشاهد
اخبر يوم كنا ساكنين بالطايف كانو اخواني الكبار يعزون لعبة التنس على الاتاري وعندك ذاك المحقق اللي يلاحق الحرامي بالدرج (السلالم)

ولايهون صخر خاصة لعبة مكة هههههه اللي تجاوب اسئلة اللين ماتوصل للمطار ولاعمري شفت شكل المطار
والبطريق يالله ذا اللعبة مووووت
وعندك الكورة رهيبة في كل مكان لها لون
اذا طلعت برا تصير زرقا واذا دخلت بالمرمى تنقلب حمرا

وفيه جهاز غريب كان عند خالي يقاله توربو غرافيكس اشرطته جايه على شكل كروت
ياهو كان يذل والديني عشان العب فيه
بس والله تستاهل المذلة
فيه شريط كورة خطير بس اتفل بوجهي ان جبت فيه هدف

طبعا ماخليت جهاز ماشريته باستثناء النيوجيو لان الشريط الواحد اغلى من الجهاز
والساترن نزل بوقت غلط وعطيته اشكل

الاجهزة اللي شريتها بالترتيب وبالسنة

1-صخر (على اخر الثمانينات)
2-العائلة (1992)
3-سيجا ميجادرايف(1993)
4-سيجا ملتي سيستم(1993)
5-سوبر ننتندو(1994)
6-جيم بوي (1994)
7-باناسونيك(1995)
8-بلاي ستيشين(1996)
9-ننتندو64 (1998)
10-دريم كاست(2000)
11-جيم بوي الملون (2000)
12-بلاي ستيشين2(2001)
13-اكس بوكس (2002)
14-جيم كيوب (2003)

ولازالت الاسطورة حية...