حاولت تصور نحلة من قريب جدا جدا؟؟!! انا صورتها صور رهيبه.

[the tri devil]

السلام عليكم اخواني اعضاء و زورار المنتدى



رجعت لكم مرة ثانية و معي مفاجأة اقدمها لكم اخواني اعضاء المنتدى

وهي عبارة عن صور اخذوا مني وقت و جهد كبير حتى طلعت بنتيحة مرضيه

كانت فكرتي اني اصور نحلات, وعلى هذا الاساس بديت ابحث و اتابع و اصور, حتى في النهاية كانت النتيجة:

ثلاث صور من افضل الصور اللي قمت بتصويرها و كنت راضي عن نتيجة التصوير

كانت التصوير عن طريق عدسة الماكرو

التصوير عن طريق عدسة الماكرو حساس لو تقرب او تبعد عن الهدف مليمترات قليلة بعد تثبيت الفوكس راح تخرب عليك الصورة

لكن ما كانت مشكلتي هنا, المشكلة في النحلات الي ما تثبت حتى اثبت الفوكس, تطير من زهرة لزهرة و تفتر على نفسها ,عذبوني النحلات ما يثبتوا خمس ثواني على الاقل, لا و المشكلة الاكبر الريح كل شوي يهب و يحرك الزهرة.

اقول لـ الريح "زين انتظر شوي حتى اصور" يقول لي " "



لكن في النهاية نتيجة جيدة اقدمها هدية لكم اخواني اعضاء المنتدى

ملاحظة: نفس الصور راح اضيف لهم attachment لو ما فتحوا معكم.



الصورة الاولى: الصورة عجبني وضوحها رغم ان النحلة مو عاطيتني وجة بس انا المحتاج .

[the tri devil]

الصور الثانية: لا هذي المرة النحلة شكلها فاطره عدل ذاك اليوم و عطيتني وجه, صارت هي المحتاجة .

[the tri devil]

لصورة الثالثة: هذي الصورة جننتني, وضوح ما بعده, على اقصى zoom , التقطت لها ثلاث قبل ما تهرب, وحدة كانت اوضحهم اللي هي هذي.



و سلمتكم اخواني اتمنى تعجبكم الصور

اخوكم the tri devil

المرفقات لنفس الصورة:

[q8tya]

:shock22: :shock22: مـــــــــــــــــــا شــــــــــــــاء الله .. صور رهييبه ولا الاخييره حدهاا خطيرره ما شاء الله ..

[the tri devil]

مشكور اخوي q8tya على مرورك الطيب و اتمنى اكون دايم عند حسن طنك
بصراحة انا مثلك رغم اني انا اللي التقطت الصورة إلا انها الى الان مبهرتني
اخوك the tri devil

[3mary]

امتنع عن الكلام ورايي معرووف يالحبييب

[the tri devil]

اسعدني مرورك الكريم اخوي عماري و اتمنى لك التوفيق و لجميع اعضاء المنتدى

اخوك the tri devil

[Mr.WaSiM]

أوووووووه مية المية اخوي ..

والله شي روعة والله

مشكور وجزاك الله خير


تحيتي

[جــنــي]

مشكور اخوي على الصور

وجزاك الله الف خير,,,,,,,. :icon6:

[o0ism0o]

ماشااااااااء الله

سبحان الله

مشكور اخوي على الصور

صدق لله في خلقة شؤون

[skull SHoOoP]

سبحان الله
يا أخوي لا تخلين أعطيك عين
بس على فكرة إيش أنواع الكاميرات ذي

[the tri devil]

مشكور اخوي الـــقـــوي على اطرائك الجميل
اتمنى ما نفقد ردودك في المنتدى و بالتوفيق
شكرا مرة ثانية عزيزي

هلا فيك اخوي جني
شكرا على مرورك الطيف و اتمنى اكون عند حسن ظنك
و انا سعيد لان الصور عجبتك عزيزي
شكرا اخوي جني و بالتوفيق ان شاء الله

سبحان الخالق
مشكور عزيزي o0ism0o على مرورك الجميل
و تذكيرك لنا بعظمة الخالق سبحانه
اشكرك على مرورك الطيب عزيزي

مرة وحدة عين كثير, كان قلت ثلاث عيون لا تصير بخيل اخوي skull SHoOoP
شكرا عزيز على مرورك اللطيف و داعابتك الحلوة
اتمنى ما افقد ردودك عزيزي skull SHoOoP
بخصوص الكاميرا اخوي, كوداك DX6490