مغامراتي في المدرســة . متوسط & ثانوي.

[Scorpion KING-911]

سلام

كيف الحال شباب وبنات طيبين ان شا الله.

هذا اول موضوع لي من اكثر من سنة ان شا الله يحوز على رضاكم .




ايا م الدراسة اكيد اغلبنا اذا ما كان كلنا كنا ندج ونلج ونبهذل مدرسين (خصوصاً اذا كنا في مدارس خاصة )


انا درست في مدارس خاصة وحكومية ( تعرفون لازم اجرب انواع المدارس كلها )


اولاً المتوسطة: طبعاً ما راح اذكر لكم سنة كم كنت لاني ما اذكر


1_ كان عندنا مدرس رياضيات من مصر الشقيقة كان مبهذلنا (يا حليلة يبنا نفهم بالقوة) وكان يضرب الفرجار الكبير حق السبورة المهم ممشينا ( أ) .
مره قررنا نبهذله واحد من العيال جاب لنا علك( لبان للي ما يفهم ) وقمنا نمضغة يمكن عددنا 9 او 10 طلاب
المهم : دخل المدرس علينا وبدا يكتب زي العادة عالسبورة وبدوا العيال يرمون اللبان جنبه وهو مطنش.
يوم جا دوري ارمي اللبانة وهو يلتفت علي
سويت نفسي اتمغط
اشر لي بصباعة السبابة يقولي تعاااااااااااال تعاااااااااااااال .
يوم جيته وهو ياخذ لبانه من اللي عالجدار ويلصقها بشعري
والطلاااااااااااااااب : انواع الضحك

2_ كان عندنا مدرس دين سوداني (طيب للغاية) <<<<مسوي فيها وصفة طبية
هذا المدرس كان يمشي بين الصفوف في الفصل , يمشي للأخير وبعدين يرجع ريوس
مرة وهو راجع ريوس من جهة صفي واحط وراه شنطة سيمسونايت حقت خويي
الزول الضعيف تعرقل وسقط ارضاً grin:
قام وصفقني تصفيق وشرشحني شرحة ومسطني بسلك المسجل اللي يشغل فية القران
بس والله ندمت على هالمنكح لان المدرس مرة طيب مو زي الثاني حق الرياضيات ودليل انه طيب ما كلم الادارة ولا سوى شي غير الضرب

3_ اما مدرس العلوم( يا انا قديم علوم ) فحدث ولا حرج بهذلنا بهذله الضعيف
هو من مصر الشقيق وفيه شوي نجاسة بس على مين يا حلو.
مرة كنت مسوي حرة انا واثنين من اخوياي مقطعين ورق قطع صغيرة وحاطينها على رموشنا .
قام مدرسنا العزيز نزلنا للمدير على حالتنا . وعينك ما تشوف الا فرش من المدير .
حرشنا عيا الفصل علية يااااااا الله ياااااااااا الله استجابوا (الرخوم يقولون شديد )
بعد ما استجاب الطلاب سوينا فيه مقالب خلينا ما عاد يطب السعودية لا شغل ولا حج ولا عمره

المقلب الاول: بين الحصتين ردينا الباب شوية وثبتنا الزبالة (وانتوا بكرامة) على حافة الباب من فوق وحطينا فيها انواع البيبسي والعصيرات والجمبري واللبان و......و.......الخ المهم صار MIX
المهم الضعيف دخل : وياااااااااليته ما دخل
الضعيف طاحت الزبالة بالخلطة باللي فيها علية

المقلب الثاني : قبل ما يدخل علينا في الفصل قلبنا الماصات والكراسي وخلينا السبورة في ظهرنا .
دخل وقام يكلمنا وزي ماهو ما احد رد عليه (الا طالب واحد اسمة مصطفى كان هو اللي مخرب القروب)
المهم طلع المدرس ويومين ما جانا ووسايط وحب خشوم الين قرر يرجع
رجع وقام يتفلسف ويسب خليناه وقعدنا عاقلين الييييين الحصة اللي بعدها سوينا فيه مقلب عمر امه ما ينسااااه







اقولكم عالمقلب الجاي ومقالب الثانوية في الرد القادم باذان الله لان عندي كلية ها الحين

سلام

[Dark Matey]

الللللللللله وش ذا يا بو الشباب كنتوا ( حلوة كنتوا ذي اخت كنتاكي ) مطلعين ريحة مدرسينكم (يعني مهبلين فيهم بقوة للي ما يعرف) .......


قابلني لو سويت اي مقلب للدكتور في الكلية


سلام ومشكووور :6147:

[TEDUSE 1=BAGGIO]

و عليكم السلام .

هلا حبيبي ولكم باك .

حياك الله بينا من جديد اشتقنا لك .

مقالب حلوة الله يعين المدرسين منا نحن الطلاب .

المهم راح اقول لك بعض المقالب الي نحن نسويها بالمدرسين .

كان عندنا مدرس علوم قبل اربع سنوات كان طيب مرررة و ضعيف شخصية المهم نحن كنا نزعجه كثيييييييير ففي يوم من الايام عصب و طلع من الصف و جاب لنا الوكيل و الوكيل هذا انسان عصبي مررررره الحبيب دخل الصف ( تتقدمه عصايته ) دخل الصف و قال كلكم اطلعوا الساحة طلعنا و قال كل واحد يفتح ايده و ضربنا كل واحد 20 ضربة لين الحين اذكر ذاك اليوم انا و الشلة قلنا لازم ننتقم قمنا فكرنا و قررنا انه و هو يشرح نرمي عليه شلق ( ألعاب نارية ) بس نحن قلنا اذا رميناه بصفنا راح يعاقبونا فقررنا ننفذها بوقت لاحق كان عندنا حصة رياضة و شفنا الاستاذ داخل احد الفصول عنده حصة و الفصل عنده نافذة مفتوحة نطرنا لين نصف الحصة و رحنا رمينا ( الشلق ) بالصف ( كان من نوع 7 انفجارات ) قام راح لزاوية الصف و حط ايده على راسه و قال ( الحقيني يا ماما ) و المدير ما اكتشف الخطة و صار لقب المدرس ( الحقيني يا ماما ) و كانت هذي اول و آخر سنة له بالامارات .

ضحيتنا التالية استاذ التاريخ من مصر الشقيقة 43 سنة متزوج و لديه ولدان لقبه ( بو نقافة ) كان يخلينا نحفظ 200 سؤال و انسمع الاسئلة و الي ما يجاوب يستدعي ولي امره و هذا الاستاذ نسوي عليه مقالب الى يومنا هذا .

المقلب الاول : كان الجو حار كالعادة في دولة الامارات و مكيف صفناما عنده غطاء يعني ما عنده موجهات فقمنا جبنا طباشير و طحناها و حطيناها مع اوراق صغيرة في الفتحة و حطينا فوق المروحة طباشير مطحونة قام الاستاذ دخل و قال الجو حار قلنا له شغل المروحة شغلها و لا غبار الطباشير انتشر بالصف قال ( انتوا ناس زبالة ) اشغل المكيف احسن لي قام شغل المكيف و الطباشير و الاوراق كلها طارت على ملابسه ( كانت الطباشير ملونة ) قلب من مدرس الى مهرج :icon6: قام جاب الوكيل و كالعادة افتحوا اياديكم و استلموا العيدية .


المقلب الثاني : المدرس يلبس تحت ثوبه ( الكندورة ) شورت ( شرعي ابيض ) ( سروال قصير ) قمنا شرينا واحد من السوق و رشينا عليه حليب شوكولاته و علقناه فوق السبورة و كتبنا جنبه ( شورت بو نقافه ) دخل الصف شاف الشورت ( بكى ) و حلف انه ما يدخل الصف مرة ثانية ( الصراحة زعلت كثير ) قاموا جابوا لنا استاذ جديد .


المقلب الثالث : الاستاذ لين الحين يدرس بس ما يدرسني طبعا لاني بالقسم العلمي المهم طلاب الادبي يكرهون الاستاذ و كل يوم يسوون فيه مقلب الاستاذ يكره لقب ( ابو نقافة ) قام كل ولد في الصف كتب على 100 ورقة ( ابو نقافة ) و حطوها في صندوق كبير و غلفوه بورق هدايا و كتبوا عليه ( هدية لحبيبنا استاذ التاريخ ) فتح الصندوق و انصدم و طلع من الصف و أخذ اسبوع اجازة , اليوم الثاني المدير جا الصف و قال لهم ان الاستاذ طلع فيه سكر و ضغط و السبه انتم و احتمال تجيه نوبة قلبية بسبب ازعاجكم و هو الحين ماخذ فترة نقاهة .


المقالب عليه كثيرة بس انا اختصرتها .


الضحية الثالثة : استاذ القرآن هذا الاستاذ من عادته يتركنا نتكلم و هو ينام و نحن فرحانين و مبسوطين يوم من الايام صارت مشكلة بالمدرسة و شهد ضدنا نحن طلاب حلقته ( كل شيخ يحفظ 5 طلاب في حلقه ) فبعد ثلاث ايام كالعادة نام في الحصة قمنا صورناه بالجوال ( الله يخلي جوال 3650 :icon6: ) و ودينا مشهد الفيديو لمدير المدرسة و قلنا له ان الشيخ ينام في كل حصة و ما يحفظنا قام ناداه و وراه المشهد و خصم عليه معاش 15 يوم و نقله علشان يدرس طلاب ثانيين .


للحديث بقية قريبا .......


حياك الله حبيبي مرة ثانية .

[الوردة السوداء]

السلام عليكم
شكراً على الذكرايات
كمل عن الثانوية
والكلية

[خرير المياه]

هههههههههههههههههههههههه


يازين الحياة اللي زي كذا .. مقالب وحركات ..

مشكووورة اخوي ......

--

اخوكم محمد ..

[Scorpion KING-911]

الأخ Dark Matey : ايه هين بالكلية نبهذل المدرسين لان الوضع يختلف 10000% (والشي الثاني ما فية ناس يحمسونك كل واحد يقول نفسي نفسي )

الأخTEDUSE 1=BAGGIO: مشكور حبيب البي عالترحيب . لا بعد مانتوب سهلين والله مقالبكم حلوة (هذا وانا احسب عيال الامارات عاقلين طلعتوا ادج منا )
مشكور اخوي مرة ثانية على مشاركتك في الموضوع وننتظر البقية منك

الاخت الوردة السوداء : العفو اخوي . اما في الكلية ازهلها نهبل فيهم الحلقة الاخيرة 3 ثانوي

الاخ خرير المياه : شي اكيد المقالب والضحك والوناسة شي جداً رائع .
وبعدين ايش هذي العبارة (مشكووورة اخوي ......) لذا الدرجة الفتيات غزوا الترفيهي؟

[orochimaru-sama]

و عليكم السلام .

راح لزاوية الصف و حط ايده على راسه و قال ( الحقيني يا ماما ) و المدير ما اكتشف الخطة و صار لقب المدرس ( الحقيني يا ماما ) و كانت هذي اول و آخر سنة له بالامارات .

.

ههههههه الله يرجكم هذا احلى مقلب

[خرير المياه]

وبعدين ايش هذي العبارة (مشكووورة اخوي ......) لذا الدرجة الفتيات غزوا الترفيهي؟

خطأ مطبعي ...

[THE KILLER]

أذكر يوم كنا في أول متوسط كان عندنا مدرس عربي أردني غثيييث و دايم نفسه في خشمه عاد كان كل واحد في الفصل يعبي درجه صواريخ ورق و طباشير وكل مايلتفت المدرس للسبورة يبي يشرح يجي على راسه أنواع الطلقات لدرجة إنه راح للمدير و طلب بأنه ما يصير مدرس لفصلنا عاد غيروه و جابو لنا و احد مصري عمره 1000 سنة و وزنه 1000 طن بس حليل و لا يبخل في الدرجات و لا في التغشيش في الإختبارات يعني بإختصار مدرس فلة

[مصرقع اس اس]

ههههههههههههههههههه >>> يحلفون انه انطرد اسبوع من المدرسه علشانه فلق مدرس الفيزياء

بصراحة موضوعن رهيبون ويدل على دلاخت اللي كاتبه >>> بدينا بالذب

في انتظار الثنوية لاتطول علينا انت وخشتك >>> مطيح الميانه

[MMJ_EVIL]

واععععععععععععععععععععععععععععععا
اصلا اللي ما يسوي ذي الحركات تصير المدرسة مالها طعم ....
يعني عندك واحد سوى مصايب في المدرسين :icon6:
و اذا تبا اكمل الثانوية ترا عندي الين تشبع ...
واععععععععععععععععععععععععععا
بس اهم شي تحطه في الثانوية التهبيق ...
واععععععععععععععععععععععععععععا
يلا سلام ..

[Scorpion KING-911]

الأخ خرير المياه : كنك شلت هم على الغلط المطبعي ترا عادي على قولتهم FREE
الأخ THE KILLER : اجل الاردني ماعاد يبيكم مشكور على اضافتك الجميلة.
الأخ العزيز مصرقع اس اس : خخخخخخخ وش دعوة فلقت المدرس؟؟
وترى كلنا في الدلاخة سوا

في انتظار الثنوية لاتطول علينا انت وخشتك >>> مطيح الميانه

ما عليك هالحين ابا احط الجزء الثاني و تمون يا مصرقعوه الدوب

[Scorpion KING-911]

الجزء الثاني والاخير..


وين وصلنا<<<<يا دلخ انزل لاخر الصفحة شف الرد احم

مدرس العلوم وفي المقلب الثالث والاخير عليه

سبق وذكرت انه بعد ان قرر الرجوع بداأ بالفلسفة والسب وسوى انه مهجدنا <<<مسوي فصحة انت وخشتك

المهم بين الحصتين حطينا له ضب او ظب (مدري وش الصح )
المهم ذاك الزاحف اللي نلقاه بالبر وماهوب صغير كبير الظب وحطيناه في الدرج حق المدرس دخل ونافخن صدرة
حط اغراضة في الدرج وهو مدخل يدة حس بشي ما يدري وشو سحبة ااااااااااااااه وهي السحبة


حط رجلة من الفصل ويهو يصرخ يقول ياااااااااااااااااااااا لاهوووووووووووووووي تمساااااااااح صوغير
عقبها ما شفنا خشتة مررررررررررررة ولو شاف واحد مننا في الاسياب او الحوش يصد عنه


فيه مقلب بالمتوسطة سنه ثالث بمدرس سوداني حق انجليزي
يلف عمة طولها 9 متر وثوب يكفينا كلنا + نص الفصل اللي جنبنا

ويلبس جزمة جلد نمر (وانتوا بكرامة)
هذا الزول الضعيف دايم نبهذله وهو يقول وااااللهي ما تينجحوا
ومرة كان عندنا هو الحصة السابعة اللي بعد الصلاة .
نزلنا للصلاة ولقيتة الضعيف يتسنن ( يصلي السنة للي ما يفهم) واجيك وازرف له الجزمة النمر (ازرف = اسرق)
ورحت رميتها بالزبالةوانتو بكرامة

قضينا من الصلاة ورحنا للفصل والمدرس تأخر (الضعيف يدور عالجزمة) وقلت لاخوياي عاللي سويته قعدوا يضحكوون
وشوي جا المدرس لابس زنوبة خضرا حقت الحمام ( ام ريالين )
قعدنا نضحك عليه ربع ساعة او اكثر . وهو يقول واللهي ما تنجحو واللهي ما تينجهو , اخر شي قال والله لو ما يجيني واحد يقولي مين سرق الحيزاء(الحذاء) لا ارسبنكم كولولكم . ويروح له مصطفى الدافور الله لا يعافي بليسه ويقوله ياسر اللي اخذها (اللي هو انا )
وجاك الزول ثاني يوم جلدني جلد مسطني بالسلك حق المسجل (طبعاً هو مسجل واحد للمدرسين حق القران والانجليزي شارينة قطة ) جلدني وهو يقول فين وديتاهو فين وديتاهو ووداني للمدير وبغيت انفصل

الين اتفقنا على اني اجيبله غيرها ثاني واقول ما ادري من وين خذ فلوس واشتر وهو يقول لالالا ماني شحاط انا (شحات) قلت طيب اجيبله يا استاذ ولا تزعل (اكلم المدير) طمر الزول وقال مقاس 47 :


مقالب الثانوية

اولى ثانوي قعدت ي نفس المدرسة اللي انا فيها بالمتوسط (خاصة)


1_ كان عندنا مدرس رياضة سوري شايفن نفسة وكل ما نقولة نبي نلعب قدم يقو لا يد والا سلة والا طائرة
مرة على نهاية التيرم لعبنا يد وهو ما عمرة لعبنا قدم , واشوفة واقف مطينا ظهرة يسولف مع مدرس ثاني وانقفه بكورة اليد ابها في ظهرة والا رجله انها بالغلط الا هي تبنط بصلعتة . رجنا ولاك وما ولاك يا زلمي وليش قلت له بالغلط ما بالغلط وبس يغربله كل مرة احضر وانا احسن واحد العب الفصل وما عمري جيت الا لابس (فنيلة اليوفي ) وعطاني 30 من 50


كشفني المدير ادخن داخل المدرس بس نقفوني ظفر من المدرسة واروح لمدرسة حكومية بعد ما وافقولي اكمل السنة بالمدرسة الخاصة بالطقاق


2_ في المدرسة الحكومية تعرفت على شباب جدد واغلبهم مرفعين وبعد مرور الايام اكتشفت مدرس احياء متعبنا مرة وما فيه الا واجبات ورسمات وكان المدرس قصير ودايم يمشي راسة على فوق (كتوفه غريبة) المهم كان عندنا
جبت ورقة كتبت عليها ( يالزلابة لا تناظر فوق ) بقلم بوية وخط كبير وواضح .
حطيت كرسي فوق الماصة وطلعت عليه ولصقت الورقة بالقف .
دخل المدرس وشافها سوا انه ما انتبه لها



3_ نفس المدرس في الفسحة لقيناه جاي عند مدرسين الاحياء في غرفتهم مسوين فطور . دخل وفسخ جزمتة
لفتت نظري صغيرة الزمة على قدة بس وجتني فكرة .
انا دايم استري بطاطس و يعطنا معة كتشب واخذ الكتشب افكة وانطله جوا الجزمة .
طلعنا جهة فصلنا من الدور الثاني نتفرج علية انا وكم واحد من العيال (طبعاً المدرسة نظام اسياب مفتحة عالحوش)
المهم جا واحد اسمة الهوسا خوينا هوساوي طوله ما شا الله مترين وعليها وعرضة ازود شوي قل ايش بكم؟
قلت تفرج وانت ساكت .
طلع المدرس شكله مستعجل بس انبه للكتشب !! ما لبس الجزمة
فكينا عليه ضحك طلع علينا وما لقط الا خوينا الطحش الهوسا . عطينا كلنا ونادى المدري هوسااااااااااااااااوي تعال يااااااااااااكلب
الضعيف بذلوه الهوسا وهو ما يدري وش السالفة . بس انه رجال مهوب مثل الدلخ مصطفى اللي بالخاصة ما قل انه انا اللي حاط الكتشب



قعد بالحكومية 3 سنين عجزت انجح من سنة ثاني ثنوي لا انا وخشتي بعد كل سنة اكمل طبيعي(علمي)
قالي الوالد يا وليدي حول لمدرسة خاصة (الشاوي) وحول قسمك شرعي ( ادبي) قعدت افكر الين وافقت .

واروح للشاوي ذي واتعرف على ناس داجين مرة بالادبي انا كنت اصغر واحد الورور حقهم
وبس عينك ما تشوف الا هبال


4_ جبت معي قنبلة ( طرطيعة القنبلة) قلت شباب انا مانيب راميها واحد غيري يرميها جاني واحد دااااااااااااااااج اسمة ابو حبيبة قال انا ارميها .
وبس جت الفسحة وفطرنا وقبينا زقايرنا وقظينا . قام ابو حبيبة وولع القنبلة ونطلها ورا المراقب اللي مسوي فيها انه يكفش دخان و

بوووووووووووووووووووووووووووووووووووووووووووووووووووووووووووووووووووووووووووووووووووووووووووووووووم

على طول المراقب درى لانه احنا ادج ناس ومسك ابو حبيبة وضربة وحنا فزعنا لابو حبيبة وجلدنا المدرس.

واستدعانا بيري (عبد الباري) راعي المدرسة وقال مين ما مين ما احد اعترف وكتبنا تعهدات انه انا لو ادري مين وما قلت انفصل .
المهم جا واحد من حقون الطبيعي قال اللي رماها ابو حبيبة وفصلوووووووووووووه

سوينا اضراب ماعاد داومنا اسبوعين ويدق علينا مدرس العربي المصري ( هو اللي ممشي المدرسة ) يدق ويقول يا عرر ارقعوا داومو فيه موقه قاي اليومن دول ( فيه موجه يبي يجي وما يبون يتفشلون ما يحضر الا طالب واحد كويتي اسمة مشاري) قلنا ما احناب راجعين الا اذا رديتوا ابو حبيبة
بس ردوة بوسايط بعد ما كلمت ام ابو حبيبة المدير وشغلة ورجعنا للدوام


5_ ولد عبد الباري راعي المدرسة اسمة حمزة كننا نكرهه وكان كل ما مر من قدام فصلنا نقول آآآآآآه يا حمزة آآآآه يا حمزة ومدرسنا يضحك وذا الحمزة يدخل كل شوي ويقول خير خير ياس وابو حبيبة والله ما تنجحوا

6_ سنة ثالث طبعاً بديت اعقل عشان اجيب نسبة انا وخشتي فصرت ما ابهذل المدرسين مثل سنة ثاني
التيرم الاول جبت نسبة 69 % المدير قل لابوي خله يداوم ويلتزم واعدل له الدرجات
المهم داومت اول يوم وما احد جا مررررررررررة حتى مشاري ما بعد جا من الكويت . واقول للمدير ابا امشي يا ابن الحلال يقول لالالالا اقعد استفيد قلت انا اورية .
جا مدرسس الانجليزي مصري جديد يبي يشرح لي لحالي .
الضعيف قام يشرح ويراجع معي قاعدة Biger then و smallerthen والمبني للمجهول ومنهمك الضعيف
انا اتشت معي وصرت اطلع صوت من فمي اممممممممممممممم امممممممممم كركركركرك

قال ايبني مالك انتا مقنون والا ايه؟
قلت يا استاذ والله العظيم مو انا
قال ايه حتستعبط والا ايه هي من اولها ولسى ما حضرشيش الا طالب واحد وكلم المدير وقال كذا كذا كذا.

جاني المدير قالي اقولك اقلب وشك اول شهر ما فيه دراسة



7_ اخيراً
ايام اختبارات الوزارة جا يوم اختبار الادب وطبعاً مانيب حافظ شي وقمت ابرشم . كتبت 7 قطع في ورقة وحدة صغيرة
وكشفني المراقب ( اللي لزخناه يوم القنبله) قالي ايه دا ايه دا هات هات هات قلت وش اسوي وش اسوي .
وابلع البرشام عشان ما يمسكه علي

قال والله انك خروف







ان شا الله تكون المقالب عجبتكم
واسف عالاطالة
ولكم تحيات سكوربيون كينج 911

[The Captive]

خخخخخخخخخخخخخخخخ

والله انها تموت من الضحك ..

[Scorpion KING-911]

هلاهلا سايلنت دارك
وتسلم على مرورك الرائع واطرائك الجميل