عــــضـــــة أســـد و لا نـــظـــــرة حــســـد
أخواني وأخواتي الأحباءكلنا عارفيين ان الحسد موجود و مذكور في القرآن الكريم لكن انه يتأكد لنا فعلا في الحقيقه بارتباطه بشخص معين .... ده بصراحه صــعــب مووووت ....أسيبكم مع القصه ........ويا رب تعجبكم
فتحت الستارة
صوصو صوصوصو........... جرس الباب بيرن
الأم :- أفتح الباب يا از مي
از مي:- أنا معايا تليفون يا مااااما
الأم :- الله يقطع التليفون وسنيين التليفون يا شيخ
ابقي خليها تنفعك اللي بتكلمك دي لما نشوف إيه آخرتها مع العالم اللي ما اتربتش دول
از مي :- يا ماااااما
الأم :- ما تسمع هو أنا هاخاف
طيب قووم يا بوسون افتح الباب
بوسون :- هو يعني انا الحيطه المايله بتاعة البيت ده ولا ايه... انا بلعب اندر جراوند مع واحد صاحبي على النت
الأم :- الله يخرب بيت النت وسنين النت ..............واللي جالنا من ورا النت
بوسون : وبعدين ده الواد مدورابو عين وحشه صاحب از مي انا سامع كلاكس عربيته وتلاقيه هو
الأم :- عيب كده يا ولد
از مي :- سيبيه سيبيه أنا اللي هاعرف أربيه
بوسون :- ههههههههههه وكمان ههههههههههه
اتمنظر يا خويا اتمنظر قدام اللي بتكلمها
از مي :- صبرك عليا انا هاعرف اوريلك المنظره على حق في وشك ان شاء الله
بوسون :- ياماااااماااا باترعش و ركبي بتخبط على الجيران
صوصوصوصو.......... طق طق طق
الأم :- يا سااااااااتر عليكم .... امري لله أنا اللي هافتح ......حاضر حاضر ياللي بتخبط
فتحت الأم ما لقيتش حد واقف ........
الأم :- انت ياللي رنيت الجرس و مشيت
از مي:- من جوه في التليفون الأول ...... جوست ساكند سويتي
ركزي في الأرض يا ماااما علشان هو قصير وقله حبتين
الأم :- وهي مذهوووووووله ..... يااااا لهوووي ..... ايه ده ؟؟؟؟؟
مدور :- معلشخديتكياحاجهصباحالخير
الأم :- نعم ........ بتقول ايه يا بني؟؟؟
از مي :- يا ماما بيقولك ..... معلش خديتك يا حاجه ...... صباح الخير
اتفضل يااااا مدور
الأم :- حسبي الله ونعم الوكيل في ولادي وبلاويهم ... ربنا يكون في عوني
از مي :- أي هاف تو جو هني ... أي ويل كول يو لاتر(لاتشر)ميسينج يوو
احم احم ..........اهلا يا مان اتفضل
بس الأول بقولك ايه خد حط جاك الكيبورد ده في بؤك ودوس على السبيس بعد كل كلمه علشان افهم يا بو الشباب
مدور :- اوكي ........ طك ..........كويس كده ؟؟؟
از مي :- فل الفل وفي الأوكيه
مدور :-هي أمك مش طايقاني ليه يا از مي ؟؟
از مي :- دي امي يا جدع .... عايزني اعمل ايه يعني ؟؟
وبعدين ما حدش عارف قيمتك قدي يا عبقري يا متمكن انت
مدور :- اوكي اوكي ذاتس ايناف انا عارف انك نازل تشتري حاجات بالفلوس اللي اديهالك اونكل بمناسبه نجاحك في السيمستر الأول ومش ها عطلك :shock22:
از مي :- يا سلام عليك انت يا مدور يا أمريكان بوي .......اديني ........ يعني ايه بقى سيميستر ؟؟؟
مدور :- يعني ترم
از مي :- عفارم عليك أنا كل شويه بحفظ الكام كلمه اللي انت بتقولهوملي دول علشان اقولهم لصاحبتي
ديه البت بتتوهم بيا فعلا ...:icon6:
مدور : ماشيه معاك يا باشا و اللي اداك يدينا يا معلم ... اما انا بقى البنات تشوفني تتكهرب
از مي :- ابدااا انت بس اللي محتاج نيو لوك
تررررررن ترررن ........... التليفون بيرن
از مي :- الووووو ...... هااااي
البنت :- الحقني يا از مي ... بابا كان سامع كل المكالمة اللي فاتت وضربني وشال التليفون وأنا بكلمك دلوقتي من موبيل جارتي ...... اتصرف لازم تجيله النهارده علشان تخطبني ....
از مي :- سويتي مش هاينفع أبداااا
لا بابا ولا ماما هايرضوا قبل ما اخلص السيمستر التاني على الأقل
البنت :- سيمستر ايه و زفت ايه يا خاين يا غشاش يا كداب ... يا رب ما تشوف نجاح في حياتك ... وها تشوف أنا ها عمل فيك ايه .... :vereymad:
طـــك .... رزعت السماعه في وشه
از مي : مي تو ... باي
مدور : ها يا مان ... قالت لك ايه لما قلتلها سيمستر ؟؟؟
از مي :- كانت مبسوطه قوي ... طارت من الفرحه ... طاااااااارت
مدور : قشطه يا ماان
انا هاسيبك بقى دلوقتي علشان تروح تجيب الحاجه وكيب ان تاتش
طخ طيخ طوخ بوم ...... حاجات بتنكسر
الاتنين جريوا على بره
از مي :- ايه يا ماما ده ؟؟؟
الأم :- والله يا بني ما انا عارفه أنا لقيت الصينييه والشاي بيقعوا لوحدهم
بوسون :- ياااا ساتر ....... يااا ساتر ... الله أكبر
فداكي يا ماما
مدور : ايه ده انت هنا يا بوسون
بوسون : لأ لأ مش أنا ..... ده العفريت بتاعي omyg:
مدور : هههههه بقى دمك خفيف قوي من ساعة ما عرفتني
بوسون : هههههههه وكمان هههههههه لأ وانت الصادق ده ها يتصفى خلاص
مدور:- يا عسل يا عسل ما تجيب معلقه
بوسون : يا بصل يا بصل ..... عيني دمعت خلاص ..... اووووووف
يتبع
ههههههههههههههاي 
المشاركة الأصلية كتبت بواسطة فريسكا
