بعض المواقف الغريبة التي تمثل مشكلة

[HIROSHI_11]

السلام عليكم ورحمة الله وبركاته

هذا أول موضوع لي هنا في المنتدى العام لمنتديات الألعاب، واتمنى انه ينال اعجابكم ، سأعرض عليكم بعض المواقف الغريبة والطريفة التي تمثل أحيانا مشكلة ما قد تحدث في حياتنا أو لا تحدث والمطلوب هنا هو التفكير في كيفية مواجهة هذه المواقف بأكثر من طريقة (أكبر عدد ممكن من الطرق) متبعين في ذلك مبادئ وقواعد العصف الذهني...



1- افترض أن كل فرد منا استيقظ في الصباح فاكتشف أن طوله أصبح ضعف ما كان عليه فما هي المشكلات التي سنواجهها؟:shock22:



تعامل مع هذه المشكلة:

دخل أحد العاملين في شركة تحتل مبنى ضخما إلى المصعد في الطابق الأول ثم غادره في الطابق العاشر وبعد ذلك صعد إلى الطابق الخامس عشر سيرا على قدميه حتى دخل مكتبه ... وبعد انتهاء العمل استخدم نفس العامل المصعد من الطابق الخامس عشر وغادره في الطابق الأول.

والسؤال... لماذا صعد خمسة أدوار على قدميه وعند وصوله صباحا ولم يفعل ذلك عند مغادرته العمل؟!

اكتب اكبر عدد ممكن من الأفكار التي تشرح السبب الذي دفع هذا الشخص بأن يصعد هذه الأدوار الخمسة على قدميه حتى يصل إلى مكتبه ولم يتكرر منه نفس السلوك عند مغادرته العمل.



ارجو من الأعضاء التفاعل في الموضوع، واذا رأيت انه لقى نجاحا سأحاول ان أتي بالمزيد. واذا كان عند اي احد منكم اية ملاحظات فارجو ان يكتبها .



يللا شباب اريد اشوف افكاركم الجهنمية:vereymad: الي تطلع من nowhere فجأة.





أختكم في الله

[شتاينر]

مممممممم .. الموضوع غريب نوعا ما بس حلو ..
طيب أتوقع إنه مثلا فيه بالطوابق من 10 إلى 15 موظفات حلوات فما حب يضيع عليه فرصة النظر إليهم ههههههههههه , تفكير غبي صح ؟؟
هذا اللي خاطر على بالي بالوقت الحاي , لو طلع شيء جديد بكتبه

[ash2001]

أضن انه يسوي رياضه عالصبح .. واذا هو مخلص الدوام يكون تعبان ومب فايج لأي شي !!

[HIROSHI_11]

مممممممم .. الموضوع غريب نوعا ما بس حلو ..
طيب أتوقع إنه مثلا فيه بالطوابق من 10 إلى 15 موظفات حلوات فما حب يضيع عليه فرصة النظر إليهم ههههههههههه , تفكير غبي صح ؟؟
هذا اللي خاطر على بالي بالوقت الحاي , لو طلع شيء جديد بكتبه

مرحبا

كيف الحال أخوي شتاينر؟

مشكوور على الرد يعني انت تفكيرك كذي كله تفكير في الحسناوات . كشفتك.

وليش كل هالعتاب على نفسك نحن هني عسب نحل مشاكل بعض يعني الي عندك قول ومحد راح يسوي فيك شئ.

انطر ردك الثاني



ومشكور مرة ثانية على المرور

[HIROSHI_11]

أضن انه يسوي رياضه عالصبح .. واذا هو مخلص الدوام يكون تعبان ومب فايج لأي شي !!

مرحبا نورت الموضوع بوجودك ash2001 لا تزعل شتاينر انت حتى منور . مشكوور اخوي على الرد وتفكيرك سليم.



باي

[Mista Koo]

هممممممم يمكن عشان الآلة اللي يحطون فيها الكروت حقت الحضور بالدور العاشر بس لما يخلص الدوام ياخذها من الدور الاول <<<<< باختصار ممكن الشركة تكون معوقة

كمشور هيرشي 0_× على الموضوع الحلو

[JOE BUDDEN]

فيه عدة اسباب :

1 يمكن انه مبسبس.
2 او يمكن انه مبسبس.

3 او يمكن انه مبسبس
















لا امزح..

انا اتوقع انه الليله اللي قبلها كان يحلم كيف يطلع مكتبه .. وتذكر انه له موعد مع واحد في الطابق العاشر لانه يبيه في شغله..

بس..

وخلصت القصة..

Regards

[sul911]

بالغلط ضغط زر الدور العاشر =-= ويوم طلع من المصعد استدرك انه في الدور العاشر ( توه قايم من النوم ^^) و تعاجز ينتظر المصعد فقال وسع صدرك ومغط رجولك

[Yamato]

افترض أن كل فرد منا استيقظ في الصباح فاكتشف أن طوله أصبح ضعف ما كان عليه فما هي المشكلات التي سنواجهها؟

اولا راح استانس.. يعني على هالطول اللي عندي راح ازداد طولا.. ^^
بس المشاكل بتكون مع لبسي.. وانا اكره لما ملابسي تكون صغيرة علي..

تعامل مع هذه المشكلة:

دخل أحد العاملين في شركة تحتل مبنى ضخما إلى المصعد في الطابق الأول ثم غادره في الطابق العاشر وبعد ذلك صعد إلى الطابق الخامس عشر سيرا على قدميه حتى دخل مكتبه ... وبعد انتهاء العمل استخدم نفس العامل المصعد من الطابق الخامس عشر وغادره في الطابق الأول.

والسؤال... لماذا صعد خمسة أدوار على قدميه وعند وصوله صباحا ولم يفعل ذلك عند مغادرته العمل؟!

اول فكرة انه يمكن مستلف الحبيب والشخص هذا موجود في هالطوابق العشر الاولى.. اضافة الى انه يطلع بعده في الدوام..
ثاني فكرة.. مثل ما قال شتاينر.. الرجال مغازلجي.. والمبنى من الطابق العاشر لمكتبه مليان شيكز..
ثالث فكرة.. شغله ينحصر في هالطوابق (من عشر ل خمسطعش)
رابع فكرة.. يمكن المصعد مليان حريم للطابق العاشر فقط.. <<<بلانا كله حريم بس.. كله من شتاينر >.<
خامس شي.. الرجال سريع النسيان.. ينسى انه مكتبه في الخمسطعش.. ويظن انه في العاشر..
سادس شي.. عنده ملفات في الطابق العاشر لازم ياخذهم..
سابع شي.. المصعد يشتغل للعاشر فقط..
ثامن شي.. يسير الطابق العاشر علشان يشوف حرمته اللي تشتغل هناك.. اضافة الى انها تطلع قبله للدوام.. <<< الرجال كسول مثلي..
تاسع شي.. يروح يشربله شاي ولا نسكافه لانه الكافتيريا هناك في الطابق العاشر..
عاشر شي.. طلعنا من المصعد..
حدعش شي.. الرجال منافق.. عنده مصلحة مع شخص في الطابق العاشر.. ويريد يبين له انه انسان رياضي..
ثنعش شي.. في روضة لابناء الموظفين في الطابق العاشر..
ثلاتعش شي.. الرجال مدخن.. والمكان الوحيد اللي مخصص للمدخنين موجود في العاشر.. والمسكين يريد يبطل سجاير.. علشان كذا ياخذها رياضة لمكتبه.. <<< اخرتها بينجلط..
اربعتش شي.. الرجال مهنته فراش.. لازم ينظف الطابق العاشر قبل ما يرجع لمكتبه اللي عبارة عن مطبخ المدير العام..
خمستعش شي.. اخيرا وصل مكتبه...

قسم بالله دربه طويل لين ما يوصل مكتبه.. حشا مب مكتب هذا.. سفرة لليابان ذي..

[HIROSHI_11]

هلا بـ Mista koo

مشكوور أخوي على المرور وفكرتك سليمة.
العفو. حاضرين للطيبين


بالمناسبة انا بنت

باي

هممممممم يمكن عشان الآلة اللي يحطون فيها الكروت حقت الحضور بالدور العاشر بس لما يخلص الدوام ياخذها من الدور الاول <<<<< باختصار ممكن الشركة تكون معوقة

كمشور هيرشي 0_× على الموضوع الحلو

[HIROSHI_11]

فيه عدة اسباب :

1 يمكن انه مبسبس.
2 او يمكن انه مبسبس.

3 او يمكن انه مبسبس






لا امزح..

انا اتوقع انه الليله اللي قبلها كان يحلم كيف يطلع مكتبه .. وتذكر انه له موعد مع واحد في الطابق العاشر لانه يبيه في شغله..

بس..

وخلصت القصة..

Regards

مرحبا أخوي

تفكيرك فيه منطقية . ومشكور اخوي على المرور الكريم.

ملاحظة: شنو يعني مبسبس هذي أول مرة اسمعها.



باي

[HIROSHI_11]

بالغلط ضغط زر الدور العاشر =-= ويوم طلع من المصعد استدرك انه في الدور العاشر ( توه قايم من النوم ^^) و تعاجز ينتظر المصعد فقال وسع صدرك ومغط رجولك

loooooooooooooool very funny
هلا بـ sul911

كيفك اخوي؟

ههههه بطنييي حلوة منك. ومشكوور على الرد.



باي

[HIROSHI_11]

اولا راح استانس.. يعني على هالطول اللي عندي راح ازداد طولا.. ^^
بس المشاكل بتكون مع لبسي.. وانا اكره لما ملابسي تكون صغيرة علي..
loooooooooooooool

اول فكرة انه يمكن مستلف الحبيب والشخص هذا موجود في هالطوابق العشر الاولى.. اضافة الى انه يطلع بعده في الدوام..
هذي ما فهمتها

ثاني فكرة.. مثل ما قال شتاينر.. الرجال مغازلجي.. والمبنى من الطابق العاشر لمكتبه مليان شيكز..

ما شاء الله على شباب هالأيام ما يفكرون الا في الحسناوات

رابع فكرة.. يمكن المصعد مليان حريم للطابق العاشر فقط.. <<<بلانا كله حريم بس.. كله من شتاينر >.<
يعني هو يخيل (يستحي)

خامس شي.. الرجال سريع النسيان.. ينسى انه مكتبه في الخمسطعش.. ويظن انه في العاشر..

هذا اخبل مب ناسي اكيد هو ما شبع نوم

سادس شي.. عنده ملفات في الطابق العاشر لازم ياخذهم..
وبعدبن ليش كمل بالدرج وما استخدم المصعد؟
سابع شي.. المصعد يشتغل للعاشر فقط..



حدعش شي.. الرجال منافق.. عنده مصلحة مع شخص في الطابق العاشر.. ويريد يبين له انه انسان رياضي..
that's cool i hope that u r like him


ثلاتعش شي.. الرجال مدخن.. والمكان الوحيد اللي مخصص للمدخنين موجود في العاشر.. والمسكين يريد يبطل سجاير.. علشان كذا ياخذها رياضة لمكتبه.. <<< اخرتها بينجلط..
ما شاء الله على الأفكار
اربعتش شي.. الرجال مهنته فراش.. لازم ينظف الطابق العاشر قبل ما يرجع لمكتبه اللي عبارة عن مطبخ المدير العام..

انت يوعان

قسم بالله دربه طويل لين ما يوصل مكتبه.. حشا مب مكتب هذا.. سفرة لليابان ذي..
وليش اليابان مب اي دولة ثانية ياماتو يبيلك تجاوب على اسألتي

عالعموم مشكوور اخوي على الرد. و اشكر كل الأعضاء اللي ردوا في الموضوع.

باي

[JOE BUDDEN]

مرحبا أخوي

تفكيرك فيه منطقية . ومشكور اخوي على المرور الكريم.

ملاحظة: شنو يعني مبسبس هذي أول مرة اسمعها.



باي

مبسبس يا اختي الكريمة في قاموس اللونق مان ديكشينوري يعني واحد خبل غبي .. مهوي.. رايح في ستين داهية ما يدري وين الله حاطه..

وتصريف الاسم هو البسبسة >>>> اخت البسبوسة

[Angel whisper]

اممم ما قريت الردود عشان ما اخرب على عمري..

1- ممكن يحب يريض عالصبح!! يعني الخمس طوابق اللي باقيه يكملها مشي على شكل رياضه .. لانه يوم بيرد البيت عقب بيكون تعبان وماله مزاج مشي هالكثر ..

2- يمكن يكون قصير؟ ما توصل يده لزر ال15 .. يعني اعلى شي يوصل للعشره .. وهو نازل طبيعي يضغط على طول عال1 ..

مادري ما اعرف اكثر -.-