لكل من معه بيجو

[mja]

ابغى اعرف اهم عيوب البيجو وبالاخص 407

*وسمعت انها تسخن هل هذا صحيح






وشكرا

[skillman]

اذا باقي ما اخذت السياره انصحك لا تاخذها انا كان عندي موديل 99 والله الحراره مرتفعة مرررررره

وبعدين قطع غيارها نار وما يجي الا الأصلي

[Underground2]

البيجو لم تصمم للأسواق الخليجية..والأهم من ذلك إن وكيلها بالبيد أكبر حرامي

[محمود ش س]

انه عندي بيجو 206cc بس توني ما خذها


والحراره دايما عند النص ..



...

[Pr0f]

مالا يعرفه الكثيرين عن سيارات بيجو


وكيلها السئ السمعه و التعامل .. فواتير الصيانه من 700 وانته طالع


بالبيد " الله لا يسامحه "


الحذر يا اخوان .. البعد عنه غنيمه و اقسم لكم بذلك


<<< اسألو مجرب ..


لاي سؤال انا جاهز على الخاص

[ya7y007]

أخوي أنا وياي بيجو 505 .... الحرارة توصل للنصف بالصيف و ترتفع لما تشغل المكيف ... و بالفعل قطع غيارها وايد مرتفعة بالكويت .. بس والله سيارة كفاءة و موتورها وايد زين و عزمه قوي ...

نصيحة أخوي لا تشتري بيجو إلا إذا كنت مصري (مثلي) و تبي تنزلها مصر ..إهني راح ترتاح وايد ..كل البيجو القديم (505 . 504 .405) قطع غياره بالجمعيات ..أما الجديد 206 و 307 في مصر بدأ ينتشر بسرعة و المصريين يحبونه .. بس وا لله يا أخي حرام تييب بيجو ...

خلك ويا الأمريكي ترتاح حق الخليج ...لا تجيب ياباني :P ترى صغير و مو كشخة .... أمريكي بس ...

و الله يوفقك ,,,,

[Mercedes-Benz]

إذا كان دخلك المادي حلو فانصحك بالألماني وخاصة المرسيدس الجديد بجميع أنواعه أما المستعمل فنادرا ما تجد سيارة بحالة ممتازة وخاصة المكيف والحرارة

أما الأمريكي فابعد عنه لأنه عطله واجد وأنا جربته شخصيا وكان معي كابرس LTZ موديل 2002 وأكثر أعطاله هو القير كان يبيه برمجة
فما أنصحك إلا بالياباني وأنت تعرف أن السيارات اليابانية وصلت إلى مستوى رفاهية كبيرة وبأسعار مناسبة وإذا ركبتها بالصيف ودرجة الحرارة 50 ما تهكل هم لأن ميزتها حرارة المحرك طبيعية والمكيف جبار.

[Dark Watch]

موضوع للطلبات العامة ضع طلبك هنا

http://montada.com/showthread.php?t=364869

الموضوع مغلق

وانا اسف