في ذاك اليوم المشؤم علمت من أهلي بأن السواق بيسافر بعد نص شهر وأنا إلي بأصير أودي العيلة و أجييبهم ولو جينا بنقدم على واحد ثاني يبغالنا أقل شيء 3 شهور عاد نطة في راسي فكرة شيطانية
أنا: يبة وش رأيك لو أسافر أندونيسيا وأجيب سواق ثاني بدل إلي بيروح؟
أبوي: ليش تبي تسافر أندونيسيا يالداشر؟
أنا: قلت لك يبة عشان أجيب سواق ثاني بدل إلي بيروح
أبوي: مايحتاج سفر نروح على مكتب إستقدام و نقدم على واحد ثاني
أنا: بس كذا أصير أنا إلي أودي العيلة و أجيبهم وأنا مابي كذا
أبوي: وش فيها لو قعدت تودي العيلة وتجيبهم كم يوم لين يجي السواق الجديد بعدين ذا أزين من الدشارة في الشوارع بدون فايدة
أنا: بس...
أبوي:لا يكثر مافي سفرة
>وقعدت أتناقش مع أبوي كم يوم لين وافق<
أبو: أنا وافقت لك بس بشرط ما تسافر لحالك
أنا: لا ماعليك في ألف واحد يبي يسافر معي
أبوي لالالا مب ألف, واحد بس يكفي
أنا: طيب
طيط طيط طيط >>> قاعد أدق رقم دارك ميتي
أنا: ألو
دارك ميتي: هلا
أنا: تجي تسافر معي
دارك ميتي: وين؟
أنا: أندونيسيا
دارك ميتي: عطني مهلة أفكر
أنا: يا دب قلي إيه و لا خلني أشوف غيرك
دارك ميتي: طيب بروح معك بس بشرط
أنا: طرار ويتشرط >>> ما كني أنا إلي عازمه
دارك ميتي: خلاص خلاص مايحتاج شروط بروح معك وبس
أنا: جهزك شناطك
(*) وفي أندونيسيا (*)
أنا:الله وش ها البلد ولا الرياض كلها! >>> أول مرة يطلع برا المملكة
أنا:وش رايك يا ميتي لو نقعد في هالبلد كم شهر قبل لا نرجع الرياض
دارك ميتي: إيه
أنا:إمش طيب خلنا نروح الفندق
دارك ميتي: مشينا
***** وفي الفندق *****
دارك ميتي: وين غرفتنا يالحبيب
راعي الإستقبال:آي كانت أندر ستاند>>> ما أفهم وش تقول يادلخ (حتى راعي الرسشن يقوله دلخ)
- ترى بخلي كلام الأندونوسيين عربي بس بطريقتهم-
^^^المهم قدرنا نتفاهم معاهم و نروح غرفتنا^^^
أول مادخلنا الغرفة
أنا: خخخخخخخخخخخخخخخخخخخخخخخخخ >>> صوت شخير مزعج
دارك ميتي: خخخخخخخخخخخخخخخخخخخخخخخخخ >>> صوت شخير مزعج
&&& في اليوم الثاني &&&
قمنا على تسونامي إلى دخلت لغرفنا و سبحتنا
أنا: وش ذا يا ميتي كل ذا سعابيل
دارك ميتي: يمكن ذي مواسير خربانة
أنا: وش ذا المهزلة لازم أروح أشتكي لإدارة الفندق عن سوء المعاملة ذي
أنا: ميتي اليوم في إجازة لكل الموظفين ولا أنا مخطي
دارك ميتي: لا مافيه إجازة ولا شيء
أنا: أجل ليش كل شوارع الفندق فاضية >>> اسمها ممرات يا دلخ
دارك ميتي: مدري خلنا نطلع ونشوف
()*&^%$#@! ويوم طلعنا !@#$%^&*()
)))أنا و دارك ميتي قاعدين نمشي على شاطئ البحر لأن الفندق على البحر(((
دارك ميتي: كل المكان فاضي
أنا: شف ذا إلي يأشر من بعيد
-_-_- دارك ميتي قاعد يتمشى وأنا قاعد أتواصل مع إلي قاعد يأشر-_-_-
أنا: وش فيه ذا قاعد يقولي طالع ورا
(^ وأقوم أنا أطالع ورا وأشوف ذيك الموجة الكبيرة^)
أنا: ميتي إنحش!
دارك ميتي: ...
=+-_=+-_= إعـــلانـــات =+-_=+-_=
بقالة حارتنا تجد عندها كل ما تريد حلاو مصاص- بيبسي- قطع أراضي – فلل – تذاكر سفر – سيارات وكل ما يخطر على بالك
معجون السوسة الخفية يريحكم من أسنانكم إلى الأبد!
حمدون الرجل البرتقالي دروس خصوصية و جماعية وفردية و فصلية ومكتبية وكل أنواع الدروس لتعليم البلامة و السطالة
فيلم قراصنة الكاريبي أحسن فيلم قراصنة بتشوفه في حياتك
=+-_=+-_= إنتهت الإعـــلانـــات =+-_=+-_=
(* دارك ميتي قاعد متجمد و أنا قاعد أركض*)
أنا: إنحش يا ميتي
دارك ميتي (توه يصحى): يماااااااااا
%^%^%^ وبعد ما إنحشنا ^%^%^%
أنا: -هه هه هه هه- >>> قاعد ألهث من التعب
أنا: يادلخ وراك ما إنحشت على طول – هه هه هه هه-
دارك ميتي: - هه هه هه هه- من الخوف – هه هه هه هه – ما قدرت أركض
#$# جا مصورين من التلفزيون يوم دروا بقصتنا بيسون معنا مقابلة #$#
المذيع: إنت إيش شعور يوم إنت في قدام تسونامي؟ >>> وش كان شعورك يوم كنت قدام تسونامي؟
أنا: أول ما شفتها حسيت بشوية خوف عاد ركضت عشان أنحاش منها
دارك ميتي: حسيت كني نملة يصبون عليها جيك موية
$#$ بعد ما قضت المقابلة $#$
أنا: وش رايك ألحين نروح ندشر يا ميتي >>> ولا كأني كنت بأموت قبل شوي
دارك ميتي: لاااا توبة ما عاد أطلع برة السعودية مرة ثانية خلنا نتصل بأهلنا و نرجع الرياض
أنا: وشفيك خفت تونا أول يوم ولا رحنا ولا مكان ولا شفنا شيء طيب على الأقل خلنا نشوف سواق
دارك ميتي: طيب بس نجيب سواق و نرجع الرياض
أنا: أوكي
&^*&*^ قعدنا ندور لين لقينا واحد شكله يصلح يكون سواق ^
*&^*&
أنا: تبي تشتغل سواق عندنا
الأندونوسي: فين هادا مكان شغل>>> وين مكان الشغل
أنا: في السعودية
الأندونوسي: لالالا كلي هادا تسونامي كلاس بئدين أنا في روه سئوديا أسان أنا ألهين ما يقدر خلي ئيلة هقي أنا ورو سفر>>> لالالا ما أقدر أخلي عيلتي و أسافر السعودية لين تقضى تسونامي
@@@ لقينا ثاني وثالث و رابع و ألف لكن كلهم يقولون نفس الكلام @@@
دارك ميتي: يأخي خلنا نتصل بأهلنا نطمنهم علينا على الأقل لا يكونون يحسبونا متنا
أنا: إي والله و خلنا نرجع الرياض بعد لا نموت صدق فيذا
وهكذا رجعنا الرياض بدون سواق وبدون لا نرتاح ولا نستجم في أندونيسيا ولا شيء وزود كذا أبوي مب جايب سواق إلا بعد سنتين على الأقل
ما بستفاد:
1- لا تأخذ قصص ذا كيلر على محمل الجد لأنها كلها فقش
2- نم بدري وإصحى قبل لا تدخل تسونامي لغرفتك و شف الصحة شلون بتغدي
3- دارك ميتي واحد منسم
هذا البرنامج برعاية:
بقالة حارتنا
معجون السوسة الخفية
فبلم قراصنة الكاريبي
حمدون الرجل البرتقالي
)
مشاركة: أنا...السواق...تسونامي
المشاركة الأصلية كتبت بواسطة THE KILLER
