مشكلة تواجه اغلبية شباب المنتدى

[HAcker Inside]

السلام عليكم

و هي مشكلة تواجه الكثير و قد تشكل الاغلبية من شباب و شابات المنتدى و هي أنه لا يشارك العضو الا اذا سبقه أحد في المشاركة فمثلا موضوع فيه اربع مشاركات ترى المشاركات تزيد بمرور الأيام و أما موضوع الردود عليه صفر حتى لو الموضوع يهمك ما تشترك لقلة المشتركين أرجو أن نعالج هذه المشكلة

[Tomoko]

انا معك في هذي المسأله

يعني تحصل عدد المشاهدات توصل لأكثر من 200 و الردود لا تتجاوز 10 ردود

[orochimaru-sama]

صحيح كلامك اخوي لكن لاتنسى ان عدد الزوار ضعف عدد الاعضاء 10 مرات وممكن اللي يزورون هم الزوار وليس الاعضاء

[Tomoko]

صحيح كلامك اخوي لكن لاتنسى ان عدد الزوار ضعف عدد الاعضاء 10 مرات وممكن اللي يزورون هم الزوار وليس الاعضاء

كلامك صحيح أخوي أورو

[المدهش]

السلام عليكم

اممممممم
يعني شنسوي نطق الاعضاء على يدهم ولا نعاقبهم عشان يردون بالغصب على المواضيع
يعني ماشاءالله المنتدى فيه اعضاء وايد ان مارد الاول برد العضو الثاني عنه
ولا تستغرب من قلة الردود تر في مواضيع مافيها ولا رد ولا احد يعطيها ويه
يمكن لانها مكرره او البعض مايعرفون الحل حق المشكله او ماعندهم اي فكرة عن الوضوع او يعتقدون انها مخالفة , وهلون يعني


انا عن نفسي احاول ارد على الي اقدر عليه من المواضيع ومع ذالك احس اني مقصر في حق الكثير من المواضيع
وسلامتكم^.^

[Tokimeki]

مو دايما تكون المسأله جذي ...بالعكس مرات لما اتشوف الموضوع فيه صفحات وايد و ردود وايد ما ودك تكتب شيء يمكن علشان ما تابعت الموضوع من اول و احساس انك ضايع بالطوشه

او لانك تتوقع ان اغلب الاسأله و الاجوبه انطرحت فماله داعي تزيد و تكتب

اولا المسأله مسأله * اهتمام * يعني لازم يكون الموضوع شيق و يشد الانتباه و يخليك غصب تكتب و الشيء الثاني الي يلعب دور مهم هو مسأله " المزاج " مرات صج مالك خلق تكتب اي شيء يعني حدك مو بالMood و ثالث شيء هم مسأله مهمة و هو الوقت مرات ما يكون عندك وقت و يالله يمديك اتشوف اخر التطورات و المواضيع و تقول بعدين ارد ...و المصيبة لما تنسي و ما ترد

[L.Z.N.Y.S]

انا وياكم في هاذي النقطة بس ممكن يكون احد الحلول اقفال المنتدى او على الاقل قسم الانمي من الزور"فري ويزا"

لأنهم يطالعون المواضيع وينزلون الييبون بدون thanx او شي على الاقل بيصير للموضوع مشاهدة واحدة ورد واحد جدي ما بتموت قهر ولو ان المشاركين في الانمي كثيرون بس ما يبينون هالجم يوم