Virtual Gaming

[Doel]

قبل امتحاني بربع ساعه -الحين يعني- حصلت مقال في موقع سي ان ان عن تسجيل سوني لبراءة اختراع جهاز يبث الصور، الروائح و الأصوات إلى المخ..

طبعا هذا خبر رائع و مخيف في نفس الوقت ... رائع في أنه اذا استخدم في الألعاب مثلا فستصدر لنا ألعاب نعيش داخلها و نحس بكل مافيها -حتى الألم عندما تتلقى ضربه من وحش مثلا- و بنعيش عصر الـ Virtual Gaming مثل ما يقول العنوان

لكن في مخاوف من هذي التقنيه و هي سوء استخدامها .... بيكون عندنا شي مثل Jenova في فاينل 7 تزع أفكارو ذكريات في راسك و انت ما تدري ... و أيضا يمكن أين يكون هناك من يستخدم هذا الشيئ لأغراض اخرى

على العموم أترككم مع المقال و أطلع انا للإمتحان ... ادعولي

http://www.cnn.com/2005/TECH/fun.gam...eut/index.html

Doel

[Mista Koo]

واو شكله رهيب ^_^
مالي خلق اقرى -_-
بس اذا استخدم في الفيديو جيمز شرح تسوي بالشم؟؟؟ تعرف المجرم من ريحته 0_×

كمشور دول

[Kubaj]

اهم شي سايلنت هيل ماتنزل لعبة بهالخاصية.. واذا حصل.. اضمن لك سكتة قلبية لواحد من كل خمسة يلعبونها

[ثريول]

غريب فعلاً , ومرعب في الوقت نفسه .. لأنني أتوقع أن استخدامه بيكون مثل إستخدام القنابل, قنابل تنفع -للبناء / الهدم - وقنابل للقتل , والأخيرة هي المستعملة في الغالب الأعم!.قد تكون أدارة لغسيل المخ, تشويش الأفكار, زعزعة الثوابت, رزع يقينيات كاذبة في الطفل أو حتى الراشد.. الخ! .

لكن من الناحية الترفيهية, بالتأكيد بيكون شيء رائع غير مسبوق, وإختراع له "حجم" في سلم إختراعات البشرية, لأنه ثورة هائلة في هذا المجال.

[asf4ever]

أذكر قريت عنه في جريدة البيان من كمن يوم
وبحاولون يستخدمونه للعميان والصم فيوصلون الصوت أو الصورة للمخ
شيء رهييب ويخوف بنفس الوقت
أتمنى نسمع المزيد بخصوص هذا الإختراع
والسلام عليكم...

[Kubaj]

والله زعزعة الثوابت الصورة اللي بتوقيعك.. يا ثريول.. -_____- مدري شلون بنام..

[Trapped Inside]

الـVirtual Gaming لو ما طلعت الحين بتطلع بعدين .. كلها مساله وقت ..

اغلبكم قال انها راح تكون خطيره وكذا .. همممم .. ما تتوقعون انهم فكروا فيها .. واذا كان كلامكم صدق ما راح يسوونها ..

ثانكس دويل ^^ ..

[Tidus]

مصيبه, ما خلو شي...

يعني الحين ممكن الشخص يعيش بعالم متكامل وهمي, لو جذي يبيلها دراسة "لغة الحس" بالجسم @@ >>> مدري شلون طلع معاي هالصطلح بس اقرب ماله

اقصد يبيلهم يدرسون شلون يتعاملون مع الجسم و حساسيته... مو مجرد نزل الاختراع اللي يسوي مجال و يرسل ذبذبات و خلاص... شلون يلمس و يشوف و يشم... فيه اشياء ممكن تصير ما تطري على بال المبرمجين حتى, يبيلها يبيلها وقت احس =_=""

بس و الله من الفله لو نزلت صج بنقلب زا واردو على غفله عاد مو ناقصين ناس عقد بلياها, الله العالم لو نزلت شيطلع بعد...

[croove]

والله شيء حلو بس بعد في مخاوف منه
و أعتقد إن بتكون في صعوبة من تقبل الناس لهذا الأختراع في البداية بس بيوصل اليوم الي بنفكر بتجربته و العيش معه إذا بقينا عايشين .....

مشكوووور على الخبر و المقال يا Doel
و بالتوفيق في الإمتحان

[ثريول]

والله زعزعة الثوابت الصورة اللي بتوقيعك.. يا ثريول.. -_____- مدري شلون بنام..

ههههههههههههههههههه .. ( ) .. هو أصلاً حق تالي الليل وانا أخوك, لاعاد تخيل عبدالعزيز, أنت منسدح في الفراش في الليل, وتلقا الطفلة البريئة "تتمقّل" في وجهك .

[NsaN]

Bring It On

[Yamato]

نقدر نقول من الحين.. هذا البلايستيشن الرابع...

الاختراع هذا ممتاز فعلا... يعني الاعمى والاصم بيقدرو يشوفو ويسمعو...
اتذكر اني كنت قاري من قبل مقال.. او يمكن شفته في التلفاز.. عن محاولات لايصال نبضات للمخ لمساعدة المقعدين عالحركة.. يعني من هالقبيل...

اضافة الى انه يا دويل بيكون صعب انه يستخدم مثل هالجهاز في التحكم بالناس او زرع اشياء في عقل الشخص... المقال قال انه بعده صعب يخلو التاثير مركز في اماكن معينة...

هم بداوا فيه.. ولسه امامهم درب علشان يخلصونه..

[~ SoKo ~]

فكرة حلوة ..
تلعب GTA وبعد ماتخلص تلقى اهلك كلهم مقتولين ..
اختراع عجيب .. لاكن أعتقد أن آثاره السلبية بتكون كبيرة ..
خلنا على هذا الاختراع و ما نبغي مشاكل .. خل أول شي الغرب يجربونه
وبعد خمس سنين نحن بنجربه بعد ما نشوف شو استوابهم .................هذا رايي


- ان شاء الله تتوفق في الامتحان ....

SuIkOdEn

[gr8_man]

يعني اذا كنت العب يالدوري الياباني وجاء واحد وكسر اللاعب هل راح انكسر بالحقيقة

اذا كانت كذا فراح تكون مصيبة

[Rory]

يعني تدخل جو اللعبه غصبن عنك! @_@
بس والله عادي يعني .. ما أبغي أدخل جو سايلنت هيل ورزيدينت إيفل .. >_>'
جميل .. بس أكيد لها الشي مضار مع نوافعه ..