ساعدوني توهقت >_<

[Mr.X]

شباب
انا مشارك بمنتدى حق هكر وهالشغلات والغرض مو اني اكون هكر .. انا بس اشترك فيه علشان اعرف كيف كل طرق الوقايه والحمايه من الهكرزه ,, لكن المشكله انه فيه صديق لي نصحني اني ما اشترك فيه لأنه على حسب كلامه يقول انه هالمنتدى يسرقون ايميلات المشتركين فيه
وانا طبعاً ما صدقته الى ان جا هاليوم رساله لي من صاحب المنتدى ويهدد فيها من دون اي سبب ان ايميلي قد ( إخترق للتأديب هالمره ) على حد قوله !
وقال المره الجايه بينسرق ايميلي
وانا الصراحه ما ابغى اي مشاكل سواءً لي او لغيري وابغى الغي عضويتي بالمنتدى لكن المشكله ما اعرف وشلون الغيها وحتى لو كان فيه طريقه للأغائها فالظاهر اني ما اقدر لأن الرساله على ما اظن جاتني من ادارة المنتدى

تكفون اذا اي احد يعرف طريقه علشان الغي عضويتي بالمنتدى فيا ليت يقولها لي واذا فيه اي طريقه لمساعدتي او اي اسئله فأنا مستعد اجاوب على كل الاسئله سواءً هنا او بالخاص

اخوكم Mr.X

[ماجد بن سواد]

السلام عليكم و رحمة الله و بركاته ..

أولا بخصوص اختراق الإيميل ، فتستطيع تأمينه بحيث لا يستطيع مرسل الرسالة و لا عشرة من أمثاله اختراقه ،، و لا تخف أخي من كلامه فالظاهر إنه ترهيب فقط ،، فقط ضع كلمة سر معقدة و طويلة ( حروف صغيرة و كبيرة و رموز و غيرها ) و صدقني ما راح يقدر أبداً الدخول عليه ،، طبعا لا تنسى السؤال التذكيري لا تنساه بعد ..

عموما .. و للفائدة كثير من المخترقين للأجهزة و للإيميلات خاصة يستغلون اهمال الناس بوضع كلمات سر معقدة ،، فيدخلون من هذا الجانب ، و لا تتوقع أنهم عندهم اختراع يكشف لهم كلمات السر ،، فقط يستخدمون برامج و هي تجرب آلاف الاحتمالات من كلمات شائعة حتى يصلون إلى الكلمة المطلوبة ..

أما بخصوص إلغاء عضويتك ،، فتستطيع أخي سحب نفسك ببطء و مع السلامة .. و هم ما هم بحاسين فيك ..


أعانك الله

[J O K E R]

أخي ماجد بن سواد أهم شي اذا اجاك أي اميل منهم لاتفتحه( خوفا من الصفحات المزيفة) وانسا انك مشترك معهم

[Mr.X]

اولاً مشكورين على الردود
ثانياً من ناحية اني اغير الباسوورد حقي فأنا اغيره بين فتره وفتره لكن هالمره انا خليته مكون من 13 حرف ومن بينها ارقام طبعاً
وما ادري هل هذا يكفي او لا ؟؟ خصوصاً اني مسوي لأيميلي حمايه من الباسبورت لكن المشكله انه مره انسرق من دون ما ادري وهالسالفه قريبه لأنه فيه واحد قال لي يا تعطيني فلوس علشان اسرق ايميل فلان او ترا بأسرق ايميلك ,, وانا من ذاك اليوم حطيت عليه بلوك بالماسنجر وما اقدر احط عليه ديليت لأنه اكيد بيعرف اني حطيت عليه ديليت وبيحقد علي (( وهو للمعلوميه خبير شبكات )) وانا من بعد ذاك اليوم دخلت على الاوبشنز حقة ايميلي علشان اغير الباسوورد والسيكرت انسر علشان اعزز ايميلي واحميه بكثرة تغيير الباسوورد .. لكن انا اندهشت واستغربت يوم دخلت على الباسبورت لأني لقيت ايميل ثاني مكتوب فيه غير الايميل الثاني اللي انا كتبته فيه ,, وهذا إن كان يدل على شي فهو يدل على انه قدر يدخل لأيميلي ويغير حساب الباسبورت

وعلى فكره انا عندي 3 ايميلات وهو يعرف ايميلين منها وانا دخلت على الباسبورت فيها ولقيت ان الايميل المكتوب فيها هو نفس الايميل اللي كتبها بالباسبورت حق ايميلي الاول
يعني بالعربي هو قدر انه يدخل ايميلي
وخصوصاً اني كنت مره بالليل فاتح ماسنجري وشوي الا طلع لي مكتوب تحت عند علامة الماسنجر ( انت تحاول الدخول على الماسنجر من جهاز آخر ) !!!
يعني فيه شخص عارف الباسوورد حق ايميلي ويحاول يدخل على ماسنجري بنفس الوقت اللي انا كنت فيه فاتحه !!
ارجو المساعده قدر الامكان
اخوكم Mr.X

[عطشان صرقعه]

طبيت الله يعينك
وش ذا الطبة
اقول اذا بتلغي اشتراكك
افتح رسالة سابقة وصلتك على الايميل من نفس المنتدى
تلقا اخر شي اذا اردت الغاء الاشتراك وحيعطيك رابط ان شاء تقدر تنفك من الشر
ثانيا
ارسلي رابط الموقع ((المنتدى)) على الخاص ان كان زين كملنا وان كان شين دمرناه
انا عندي شلة هكرزية 100% حقين فزعات