مسلسل جديد MAR

[alamal13]

السلام عليكم

تخيلوا شباب انكم حلمتوا حلم مرة ومرتين وثلاث ...حلم حلو عن بلد غريب فيه وحوش وانتوا الابطال ماسكين سيوف وتقتلون بهالوحوش وتنقذون اميرة حلوة وبعدين تصحون على صوت المنبه علشان تروحون المدرسة ...

هذي قصة Ginta حلم 103 مرات وراء بعض بأرض خضراء جميلة تحيطها الجبال والانهار وفيها ناس غريبي الشكل وسحره وحيوانات غريبة..ولكن في كل مرة يصحى من الحلم يلاقي نفسه بالصف والاستاذ صاير وجهه بطيخه من الغضب وطبعا كل الشباب في الصف ما يقصرون معاه بالضرب والمطنزه وخلافه..

طيب واذا قلنا ان حلمك تحقق!!!!:shock22:

مستحيل صح ولكن ليس مع جينتا اللي لقى نفسه امام بوابة توديه لعالمه الخيالي العالم اللي كان يشوفه في الاحلام العالم اللي يتحول فيه لفارس شجاع وليس ولدا ضعيفا..

ما اطول عليكم وكل هذي الاحداث بتشوفونها في المسلسل الجديد جدااا 2005

Marchen Awakens Romance او MAR

نوعها: اكشن - فانتسي - كوميدي

مانجا تحولت من مده قريبة الى انمي وظهرت لنا الحلقة الاولى بترجمة العديد من الجروبات ..ولتنزيل الحلقة الاولى يرجي الضغط هنـــــــــــــــا ( ترجمة Ani-Kraze & F-B )

المانجا طولها 9 فاليوم بس ما ادري اذا كانت خلصت او لا

كاتب المانجا هذي هو نفسه كاتب Flame of Ricca

مواقع للمسلسل

http://marheaven.com/

http://www.tv-tokyo.co.jp/anime/MAR/

واخيرا مشاهده طيبة اتمناها لكم

[DMC]

تسلمي اختي امل على هاذا التقرير المتميز وافضل مين رائع :shock22:
ممكن سؤال بسيط يعني الفليوم الواحد كام حلقة
النهاية

[King Sarab]

مشكوره على التقرير الرائع والصراحه ريحتيني لاني من كم ساعه ميت ابي شي انزله بس مب لاقي XD

[finaldream]

شكورة وشكله حيكون مسلسل روعة

[Kaze]

اشكرك اختي alamal13 على هذا التقرير المتواضع الصراحة شدي التقرير الى متابعة هذا المسلسل .

واتمنى لكي دوام الصحة والعافية .

بيييس

[makubex]

مشكوره أختي عل التقرير الحلو
و أنا أتمنى انج تعطينا الحلقات اليداد لما ينزلن

[ahmadkb]

مشكوره أختي الأمل على التقرير الجميل

مثل ما اتوقعة 26 حلقه=9 فوليوم تقريباً

MAR من المسلسلات التي تستحق المتابعه هذه السنه مع Tsubasa Chronicle

[Super Shadow]

تخيلوا شباب انكم حلمتوا حلم مرة ومرتين وثلاث ...

أوف



لا تذكريني بالأحلام

كافي اني حالم أن المدرس الانجليزي يضربني بالخيزرانة ألين ما .........



خلنا من هذا

شكلني اندمجت بالسالفة

عموما

شكل المسلسل هذا وايد رهييييييييييييب

مشكورة أختي الكريمة أمل على الموضوع الرائع و بارك الله فيك

[alamal13]

الحمدلله ان التقرير البسيط عجبكم وانا ان شاء الله بحط الحلقات الجديدة هني كل اسبوع وشكلي بعد بنزل
Tsubasa Chronicle شكله حلو وايد..

[Martial artist]

تسلمي اختي امل على هاذا التقرير المتميز وافضل مين رائع :shock22:
ممكن سؤال بسيط يعني الفليوم الواحد كام حلقة
النهاية

ترجم منها الى الان تقريبا خمس او ست فوليوم من موقع www.snoopycool.com لكنه للأسف مصر انه ما ينزل الباقي

انا قريت شوي من المانجا وشفت الحلقة للأسف الانمي طفولي بزيادة مع ان رسمه يحمس لكنه ماراح يوصل لflame of recca

بس انا قريت انه راح تكون عدد حلقاته كثيرة و متوقع يمكن فوق 40+ حسب ما قريت

[HIME-SAMA]

السلااام عليكم جميعا
واااااو alamal13 الصراااحة شديتيني لمشاهدة هالانمي عفيه عليج
سلام وشكرااا

[FinalFantasy9]

وعليكم السلام ورحمة الله وبركاته ..

شكراً على التقرير اختي .. الانمي انا حاطه ببالي اول ماشفته بموضوع توكي .. وقبل كم يوم نزلت الحلقه الاولى له بس ماشفته لاني بنتظر يمكن فريق محترم بترجمه محترمه يبدأ يترجم الانمي علشان نمشي معاه ,,

MAR من المسلسلات التي تستحق المتابعه هذه السنه مع Tsubasa Chronicle

وهذا بعد نزلت حلقتين منه .. بس للحين ماشفتهم ,,<< عنده اكثر من 20 جيجا من الانميات للحين ماشافهم

شكراً لك مره ثانيه على الموضوع الحلو وتذكيرنا بهذا الانمي اللي باين انه بيكون حلو .

وشــــــــــــــــــــــكراً

[QaHir]

روعة .. حلو .. ممتاز .. الموضوع اكثر من رائع وليس لأبداع الامل حدود >.>

الانمي شكله حلو اول شي لانه من نفس كاتب فليم اوف ريجا وثانيا من قصته وثالثا لانج كتبتي عنه ^_^

الحمدلله ان التقرير البسيط عجبكم وانا ان شاء الله بحط الحلقات الجديدة هني كل اسبوع وشكلي بعد بنزل

الانمي عجبني وخاصة المقاطع الغنائية الي فيه روووووووعة ×_×

مشكوره على التقرير الرائع والصراحه ريحتيني لاني من كم ساعه ميت ابي شي انزله بس مب لاقي XD

ماقلت لي >< ميت تبي شي تنزله !! -_-

والف شكر على الموضوع

[ahmadkb]

لاني بنتظر يمكن فريق محترم بترجمه محترمه يبدأ يترجم الانمي علشان نمشي معاه ,,

أنصحك بمتابعه قروب anime-kraze فهم قروب رائع

انا قريت شوي من المانجا وشفت الحلقة للأسف الانمي طفولي بزيادة مع ان رسمه يحمس لكنه ماراح يوصل لflame of recca

شي أكيد بأنه لن يصل للأنمي الجميل flame of recca ولكن سيكون ممتاز لكي أمضي الوقت به

[Yamato]

والله شكله حلو.. بنزله بس من دون ما اطالعه حاليا.. لاني عندي غيره اللي يشدني اكثر منه..

تسلمين اختي الامل عالموضوع..