لكل شخص يحمّل أفلام من مواقع ويقطع التحميل في نصه الدون لود ( هنا الحل ) !!

[Mercury]

السلام عليكم ورحمة الله وبركاته

الساعه الحين 5 ونص الصبح .. توني خلصت من دراسة الكيميا

وقلت اشوي ادخل النت واشوف لي شو اخر التطورات ويا الانمي ..

فقررت اني انزل موضوع هديه لأخواني الي يحملون حلقاتهم على سيرفراتهم ( للدون لود الدايركت )

على سبيل المثال اخوي سايق الخير ( مع فلم ناروتو الي ماراضي ينزل مع حد )

وغيره من الي يحملون على سيرفراتهم ..

نفس الغالين قروب د.جيكل ..

ففي مواضيع اخوي الغالي سايق الخير .. الكل يتشكى من قطع التحميل وعدم إكتمال الملف ..

وهاذي المواضيع :

http://www.montada.com/showthread.php?t=369611

http://www.montada.com/showthread.php?t=370028

<----------------- أولهم أنا ..

إلى أن ( صدت ) الحل وبطلعة الروح .. وكاني نزلت حلقات "فل ميتل الكيمست" و " فلم ناروتو" من موقعه ..

وكل شي معاي الحين OK وعال العااااااااااااااااااااال



:: وإليكم الحل ::


أول شي .. بشكل عام .. الغلط في التحميل مب من موقع اخوي سايق او مواقع اخوانا ..

بل الغلط دايماً يحدث من السيرفرات نفسها .. يعني لحد يلومهم ..

لان لما الجهاز يحمّل من النت ( اي برنامج بشكل عام مساحته كبيرة شوي .. دايماً يفصل )

لكن الحمدلله .. في وايد برامج ( تساعد ) على عدم فصل التحميل ..

وواحد من هالبرامج هو Sharaza .. الي ساعدني في تحميل فلم ناروتو وحلقات فل ميتل

وغيره من الحلقات والأفلام الي تكون ( دايركت داون لود .. بدون التورنت )

وتقدرون تحملون هالبرنامج من هالسايت :

http://prdownloads.sourceforge.net/s..._mirror=puzzle

وبعد ماتحملون البرنامج ( سووله Setup عادي بالجهاز .. واتبعوا الطريقة التاليه )

::

أول شي نروح على زر تحميل الحلقه ونضغط عليه بالزر اليمين ونختار اخر كلمة ( بروبرتيز ) ..



وبعدها ننسخ اللنك الي بيطلع لنا



وعقب ماننسخ اللنك .. نروح نفتح برنامج الشيرازا ونختار من فوق كلش Transfers



وعقب نضغط على Add Download/Torrnet كما هو موضح بالصورة



وعقب نحط الرابط الي نسخناه مساعه ( لفلم ناروتو على سبيل المثال )



وبعدها بنلاحظ ان الفلم قاعد ينزل عاااااااااادي وبسرعه فوق الممتازة .. بدون أن يقطع إن شاء الله

::

وعقب مايحمل كامل .. راح تحصلونه عادي في ملف الـ Download في ملف الشيرازا نفسه ..

سواء كان على امتداد rar او avi .. لاني جربت انزل كل شي من المواقع على هالطريقة ..

مهما كان الملف مساحته كبيرة .. فمثلاً نزلت فلم ناروتو .. وحلقات اخوي سايق الخير

والحمدلله كل شي اوكي وشغال عندي ..


ويالله يالي نطرتوا فلم ناروتو .. انطلقوووووووووووووووواااااااااا على سايق الخير وحملوا الفلم بهالطريقة

<--------- حشى قرنقعوه مب فلم ناروتو هههههههههههههه ..

وكل واحد يقول له :

شوووووووووووووووووووووووووووكرن

ههههههههههههههه ..

وإن شاء الله الخير فالكم


===================================

ملاحظة خارجه عن الموضوع : في برنامج الشيرازا .. اذا رحتوا فوق كلش على كلمة View

واخترتوا Power Mode

بيتغير شكل البرنامج شوي .. فبتطلع فوق كلش كلمة Network على سبيل المثال ..

فإذا رحتوا عليها وشغلتوا السيرفرات الثلاثه ( كما هو موضح بالصورة )



راح تزيد قوة الدون لود عندكم ( إن شاء الله ) لان هالشي قالولي ياه ربعي .. وانا مجربه اوكي


==============================


ملاحظة اخيره :

يارب يكون هالموضوع دافع لكل الاخوان الي يترجمون لنا و( الي اقل مايقال عنهم رائعين )

مثل سايق الخير .. ومثل القروب الرائع د.جيكل .. وانمي كليب ..

ويكون لهم تشجيع في طرح المزيد والتوسع بمسلسلاتهم وأفلامهم ..

وعسانا ماننحرم من هالجهود الحلوة . ومن افضل إلى أفضل يا اخواني ^_^ ..




احترامي وتقديري وآسف على الإطالة ( والتقصير ) ..




فيصل

<----------- بيروح يشرب ماي .. ريجه نشف

[سايق الخير]

مشكور على الشرح أخوي
ويعطيك العافيه إن شاء الله





شووووووووووووووووووووووكرن

[بوثامر]

مشكور على الشرح أخوي
وان شاء الله باقوم بالتجربه

[Mercury]

مشكور على الشرح أخوي
ويعطيك العافيه إن شاء الله





شووووووووووووووووووووووكرن

العفو اخوي ويزاك الله خير عالمرور


احترامي

[Mercury]

مشكور على الشرح أخوي
وان شاء الله باقوم بالتجربه

العفو وألف شكر على الرد والتعقيب ..


تقديري ..

[ahmadkb]

مشكور أخي Mercury على الشرح

من الصور التي وضعتها تبين لي بأن البرنامج يستطيع تحميل ملفات البتورنت أيضاً

[King Sarab]

السلام عليكم
مشكور اخوي وماقصرت على الشرح الرائع ^_^

من الصور التي وضعتها تبين لي بأن البرنامج يستطيع تحميل ملفات البتورنت أيضاً

اي يحمل دايركت وتورنت واعتقد بعد فيه شيرنج مثل الكازا 3 في 1 <<<< هيد اند شولدرز اليديد XD

[Mercury]

مشكور أخي Mercury على الشرح

من الصور التي وضعتها تبين لي بأن البرنامج يستطيع تحميل ملفات البتورنت أيضاً

العفو اخوي

ايييييييييييييييييه .. برنامج الشيرازا من افضل البرامج ..

يحمل لنكات عاديه ..

ويحمل ملفات التورنت ..

وفيه Serch حاله حال الكازا .. وللعلم : الكازا وايد صار بطيئ

لان كل الي فيه هدوا هالبرنامج وانتقلوا للشيرازا ..


احترامي

[Mercury]

السلام عليكم
مشكور اخوي وماقصرت على الشرح الرائع ^_^
اي يحمل دايركت وتورنت واعتقد بعد فيه شيرنج مثل الكازا 3 في 1 <<<< هيد اند شولدرز اليديد XD

هههههههههههههههههههههه يسلمووووووو عالمرور

[Baka Boy]

جربت نفس الطريقة ومابدا يحمل للحين

[(animation)]

مشكوور اخوي
بس ابي اسأل هل في مواقع للتورنت حجمها قليل للديل اب؟؟؟

[باريس]

اهلين اخوي ممكن تشرح بالعربي لان الشيراز اللي عندي عربي
حاجه ثانيه برامج المشاركه مو تنقل فايروسات او عن طريقها يقدر الهكرز يدخل على الجهاز
لاني اذكر اني عانيت من احد برامج المشاركه بس مو ذاكره اسمه

[Mercury]

جربت نفس الطريقة ومابدا يحمل للحين

لي الحين ؟؟

[Mercury]

مشكوور اخوي
بس ابي اسأل هل في مواقع للتورنت حجمها قليل للديل اب؟؟؟

ممممممم والله هو هدف التورنت الاول والأخير ( تحميل الحلقات الكبيرة )

فأول مره اسمع عن ملفات تورنت للدايل اب ..

اسف لو ماقدرت اساعدك بس ان حصلت بتكون انت اول واحد يدري ..

والف شكر على مرورك اخوي


احترامي

[Mercury]

اهلين اخوي ممكن تشرح بالعربي لان الشيراز اللي عندي عربي
حاجه ثانيه برامج المشاركه مو تنقل فايروسات او عن طريقها يقدر الهكرز يدخل على الجهاز
لاني اذكر اني عانيت من احد برامج المشاركه بس مو ذاكره اسمه

- تقدر اخوي تبدل اللغه .. اول شي اختار كلمة أدوات فوق كلش بتحصلها

وبعدها اختار رابع اختيار وهو ( اختيار لغة ) .. وتقدر تسويه English بعدها ..

بالنسبه لسؤالك الثاني :

بصراحة انا سمعت نفس كلامك عن برنامج الكازا .. وبالفعل كانت اتيني منه وايد فايروسات

لكن الشيرازا .. وكلمة الحق تنقال .. عمري ماشفت منه اي شر ..

بالعكس .. سريع .. ونظيف .. وملفاته نظيفه .. ( بس عيبهم ان عندهم وايد افلام ماترضي رب العالمين في السيرج وتطلع لكل واحد على اي كلمة يكتبها .. )

بس الي عارف ان رب العباد فوقه .. يكون متحصن ..



الف شكر مره ثانيه وعساك عالقوة اخوي


احترامي