رسالة خكرية

[الرازم الميتة]

السلام عليكم

اول شي اعذروني علعنوان

لا خكرية ولا شي بس حبيت الفت انتباهكم

اهي بالاصح من اعماق قلبي واتمنى انكم تحسون بصدق احاسيسي فيها واتمنى انها توصل لقلوبكم

مع انه الموضوع مايناسبه منتدى الصرقعة

بس الي بديت منه انتهي له



بذمته الي يدخل يقرا للاخر هذا اخر طلب لي ومارح اضايقكم بعدها الى ان يحكم ربي ثم ازمي

اماااااااااااااااااااااانة بذمتكم واحلفكم بالله العلي العظيم تقروا للاخير

ادري انه الموضوع طويل ويوجع الراس بس ارجوكم امانة باعناقكم بليز ذي المرة تكفون لا تكسفوني

طبعا انا الرازم = al_RAZM

ووصلني خبر طردي عبر ازمي

اولا : والله اني زعلت بس مو علي انا في الحقيقة زعلت على ازمي الانسان الوحيد الي ماحدن فهمه مثلي مو ادافع عنه لانه واقف بصفي او موقفه مثل موقفي بس ولانه انظلم بسببي وتعاقب على جريمة ما ارتكبها حتى لو كان اهو نفذها علمي انا ان الراس المدبرة اهي الي تتعاقب اكثر وغالبا زعيم العصابة اهو الي يحصل على اشد عقوبة

وثانيا : انا زعلت لاني سبت اقصد انطردت من اول واخر منتدى اشتركت فيه ، بصراحة انا من طبعي كسولة وكلاسيكية جدا ، كسولة لاني كنت مشتركة بمنتديات كثيرة بس ما كنت اكتب الا بالمنتدى ، وكلاسيكية لدرجة اني تعودت علمنتدى لدرجة اني مو متخيلة اني بدخل غيره ومستصعبة الحين اشلون رح اتركه بهالسهولة

مع انه المنتديات العربية على قفا من يشيل

ولان المنتدى اهو بالنسبة لذوقي كان الافضل في اساليب اعضاءه وتعاملهم ولاحظت انه في احترام كبير بين الاعضاء وعشان مواضيعه حلوة ومرحة

في صح منتدى دفش مثله بس انا اخترت المنتدى بسبب شي اني اخذت بريد عضو بارز بالمنتدى والي هو مصرقع وعضو بارز من المنتدى الاخر

وكلمتهم عشان اخذ انطباع

بالاول كلمت انا والعضو الاخر الي من المنتدى الثاني واستفزيته بصراحة بس بعد ما انكرت اسلوبه بس انا متاكدة انه محدن رح يصدق انني مو انا الي بديت استفزه

واكيد محدن يقدر الحين ينكر اني مستفزة للغاية ومدمرة بعد

فقام حظرني وسوى لي دليت من بريده بعد

وكان بصراحة يتكلم باسلوب عصبي واستغربت انه رغم التحشيش واسلوبه الحلو بمنتداه الا انه كان ينفخ علي وقالب وجهه

وبعدين كلمت مصرقع و كان عكسه تماما

تكلم معاي بمنتهى الطيبة والاخلاق وعرض علي انضم لشلة الصرقعة لاني كنت اكلمه بوقت يوم حط موضوعه

وقال لي اول ما تدخلين اطلبي انك تبين تنضمين وانا بقبلك على طول وفعلا سواها

صح مصرقع مجامل بنات بس المهم انه تعامل بطيب اصله وما اعتقد انه كان مجبر يضيفني والا يعرض علي

بس زيادة ذوق تقولون ايش؟

المهم كان هو اكثر واحد شجعني لدخول المنتدى واثبت لي من جد انهم فعلا يحترموا بعض للغاية لانه احترمني وعاملني بمنتهى الادب

وبعدين كتبت موضوعي الاول عن انواع الشباب >>> رح تقولون الحين ذي تسرد قصة حياتها مدري تسوي دعاية لنفسها

لا والله خلاص انا قررت اني اروح وين ما راح ازمي انا معاه مثل ما ضحى عشاني والله ما اخسره

( اذا انت اكرمت الكريم ملكته )>>> احم احم ذا الكلام علي

<<<<<<<< عشان لحدن يقول اني مهددته بشي والا ذلته بشي كل ما في الامر ان الي بينا صداقة واخوه مش اكثر منها ...............

بس في ذا الزمن شوي الي تلقاه يفهمك ويحترمك وذا الي لقيته عند ازمي بالرغم من الي يشيعه على نفسه انه مغرور ومتكبر

المهم وكثرت منها اتذكر انه اكثر موضوع ردوا علي فيه وهو اول مواضيعي وفكرة تنزيله كانت بسبب حروب الترفيهي بين الشباب والبنات

وحسيت انه الكل طيوب وذوق لان اجاثا شجعتني وسوات رد علي بموضوع عن انواع البنات واتذكر اني اختلفت انا ورد دراجون على موضوع عن انواع البنات واعلن استسلامه بموضوع من مواضيعه انه ما رح يرد علي لانه ماله خلق

الله يذكرهم بالخير جميعا بصراحة هذا المنتدى مليان ناس الواحد ما يقدر يفارقهم

صح وش اخبار سوات ؟ سلموا لي عليه

وبعدين استمريت بالرغم من اني كنت مطنشة مهمشة هيروغليفية عبرية مع اني كنت اكتب بالعربي عن ترجمة هندية بحروف صينية

الي صار

انا الحين محبطة بالرغم من اني انطردت يفترض اني وبكل وقاحة ازعل واعصب واكره المنتدى لكن والله قلبي مو مطاوعني افارقه خصوصا انه في ناس ذهب ما يقدر الواحد يفرط فيهم

مثل انذر ون والله والنعم فيه بالرغم من انه كان يطنشني وما يرد على وكان ما يعبرني بس والله مثل قلبه ما شفت سامحني بسرعة وزعل على موتي مع اني انا وازمي مرة سوينا فيه مقلب بااااااااااااايخ في الماسنجر وقررنا اننا نزل موضوع مؤذي عن مقالب في الاعضاء وبدائنا بانذر ومع ذلك سامح

وام ام جي صح مطنش بس طيب حتى اتذكر كمان اهو مرة دخلت الماسنجر ورفعت له الضغط وكرهته حياته لدرجة انه لقاني قبل يومين بالماسنجر وطلع وطنش وما قال حتى السلام عليكم الظاهر ما كان يبي يرفع ضغطه بس مقبولة منه

واجاثا <<< ماتزعلين مني كنت احسها تشجعني بمجاملة المهم انها ما كنت تبيني اتحطم او احبط مع انها دايم كانت تقول لي جبتي العيد جبتي العيد وذي الكلمة كانت تزعلني بس مو مشكلة كانت منها مثل العسل عالاقل كانت تعبرني وترد ولو مجاملة

وشبسايا مع اني ما اعرفها عدل بس والله البنت هذي تنحب وتدخل القلب من غير استاذان وربي فيها حلاوة طبع ما شفتها لسه باحد
وايفل قارا المزعج الي حتى بعزاي ذكر انه انتصر علي
لا انتصر ولا شي ذا الدب ابثبت له هذا

واكس اكس لارج: اشكرك من اعماق قلبي لانك كنت السبب في تعريفي على ازمي



انا اسفة على الي سويته واعذروني ان كنت آلمت باحد بس خلاص ماعاد يفيد الندم



انا عن نفسي مو زعلانة من احد اول شي لاني غلطانة واستاهل الي يجرى لي وغلطت واستحق العقوبة وانا معترفة بغلطتي وموافقة علعقاب

بس بصراحة الكل كان مجامل

مرة ساندر اتذكر انه مرة رد علي بموضوع منقول قبل قرار منع النقل وسبب رده مو عشان حلاوة الموضوع بل لاني رديت عليه بموضوعه ان كنت فلا خير فيك

وعجبه اسلوب ردي فرد اما قبلها ما كان يرد وذا الي مزعلني

غالبا كانوا المراقبين ما يمرون على مواضيعي (يردون) بس هذا حظي وما كان لي اكثر من منه



الي قاهرني انه الاغلبية كانوا يتعمدوا تطنيشي حتى مصرقع الطيب الخلوق ما كان يفضى يرد على مواضيعي مع اني طلبت منه انه يدخل يعلق عليها بمنتهى القساوة ( وهذي بالنسبة لي احلى وظيفة )

لان النقد يحسن الاسلوب بس ما رد ولا رفض ولا مدري والله ايش قصتي لذي الدرجة انا ثقيلة

مع اني واكيد الي رديت عليهم لاحظوا اني ارد واما اجامل وافصفص الموضوع واطلع البلى على جثته واعلق على كل كلمة مو لاني حاقدة بل لاني احب اقول الي في نفسي واسالوا ساندر الي غير رايه وتنازل يرد على موضوعي لانه حس فعلا لما ارد ارد لاني احب اعلق وذا المفروض وهذا اكبر دليل على اني قريت الموضوع مو ارد عشان ازود ردودي واقول مشكور حتى لو الواحد يشتمني بين كل سطر وسطر كاني ايقونة

وحتى لما رد رد على موضوع منقول

اخيرا الي ما ذكرته يسامحني وما يعتب علي واتمنى انه محدن حامل علي بقلبه بعد الي سويته

وبصراحة انا الي سويته مو بس حجة شهرة وبس وقلت منها اجس نبض بسبب الزعل وردة الفعل اتجاه الموت

وبعدين بالاخير حطيت التصويت عشان اشوف ابقدر اطبق حرية راي والا الملكي رح يظل ملكي والكل رح يكون تحت راي وقرار المشرفين وبس

وكنت اتمنى انه التصويت يعطي فرصة انه الواحد يقول رايه في العضو بمنتهى الحرية وبصورة حلوة وديمقراطية ويعبر عن رايه وكانت الحركة الي سويناها انسب حركة والموضوع مستفز وجريء للغاية فاكيد العضو رح يقول رايه بصراحة

بس اتضح لي انه حرية الراي كانت في كل الي يبي ينزل غضبه او حبه ( ترا هذي بس معدلة بعد ما قريت رد اكس اكس لارج ) عنا يقول ويشتم ويعبر بمنتهى الحرية كننا بضاعة يحرجوا فيها بسوق

وكانكم تلهون الجماعة

لان الكل صب جام غضبه والكل زعل على كرامته وانه انخدع والكل زعل على نفسه وما فكر انه ذا صح والا في اشياء ممكن ينزعل عليها مثل اللعب في الموت لانه شي ما ينمزح فيه

وهذا العذر بس كان عذر المشرفين

وعلى كلا انا ما اعتبره عذر بس كلا يشوف من منظاره

ويمكن الي يقرا للاخير ويشوف رايي انا الشخصي اتجاه الموت يغير رايه شوي

يمكن؟

اتنازلوا وحاولوا رح تلاقون الكلام بالموضوع تحت



المهم هذا قرار راجع كان ومن البداية للمشرفين وادري انه ما كان في شي بيتغير وموت عضو مثل ترك عضو في المنتدى كلها غياب وكلها تستوي

لان الواحد بعد مايتركم هو مجهول عنكم واخباره مجهولة عنكم كذا والا كذا والي يموت كمان اخباره مجهولة يعني مافي فرق

بس الي يقهر انكم زعلااااااااااانييييييييييييين ومكبرينها بزيادة

اساسا احنا العرب اموات

أي نتنفس وناكل ونشرب ونستهلك بالاصح ونصرف على اسلحة الغرب الي يضربونا فيها ونمشي ونجري ونسوي كل الوظائف الحيوية الي يسويها الحي بس احنا ما لنا قيمة ونكاد ما نكون موجودين

بل صفر على الشمال ونص الكرة الارضية ماتدري عنا احنا دول العالم الثالث

ذا من جهة و

من جهة اصلا الموت علينا حق وش ذا الي مروووووووووع

الموت مروع للي ما سوى شي بدنياه اما المؤمن الواثق الموت ماهو مروع له

اشلون ارتعتوا

احد جاته من الخبر سكتة قلبية؟

والا احد دوخ؟

احد تشلل؟

والا احد مات؟

مو منتظرة انه يصير كذا بس اقصى شي صار انه البعض بكى

خير البكى لتذكر الموت وخشية عقاب الله حلو وفيه اجر

وفي ما معنى الحديث لا تدخل النار عين بكت من خشية الله( الي حافظ نص الحديث يكتبه)

الي اعتقده انه كل احد تذكر الموت والموت جلاء للقلوب الصدئة

والكل تذكر انه الموت لا يعرف صغير ولا كبير والموت قريب منا كلنا والموت مصيرنا كلنا

الحين صار ذا الحق مرووووع لا حول ولا قوة الا بالله العلي العظيم

انا ما ابرر بس

انا صحيت مثلي مثلكم تمام بعد ذا المقلب وحتى اني كنت اطلع للشارع وانا اتشهد واتعوذ من الشيطان لاني خفت من جد انه ربي يعاقبني ويصير لي الي قدمته على نفسي



يعني اهو مقلب تافه وسخيف وحقير بس علاقل صحى فيكم شي

وبعدين وش صار من ذي الرازم الي ماتت عسى الله

الاف العراقيين كل يوم يموتوت الفلسطينيين لهم اكثر من 55 سنة ينذبحون وقفت علي وصار الميت الي هو انا له اهمية

والا انا عشان معروفة زعلتوا علي

لا معروفة ولا شي حتى الي كان يعرفني كان يطنشني

اذا انا طز ومو مهمة ولا شي

يعني انا كذا كذا ميتة ومالي قيمة

عشان كذا انا لما اقول اني مو زعلانة على نفسي

اساسا مافي شي ازعل عليه وما في شي في حياتي سويته يستحق الزعل بس انا زعلانة على ازمي ازمي الي ضحى عشان وحدة ماتستحق التضحية

لذا انا ما الوم تهميشي لان حتى الي يعمل لي قيمة مثل ازمي مثلا ما ينوبه غير المصايب مني

اذا انا حكيم الي يطنشني ويبعد عني

هذا الي كان في نفسي وقلته

وما ابي اقول رايي باي حد مع اني كنت ابي اتكلم عن مشرفي الترفيهي بس حسيت انه الموضوع طويل ومحدن رح يستحمل يقرا اكثر من كذا

ومشكورين على تحمل غثتي



مشكور اكس اكس لارج

هاه وش رايك؟

عجبتك مواضيعي يعني ما قلت رايك فيها؟

بس القرار الي يقول عليه ازمي اهو الي بيمشي اذا يبي نستمر استمرينا مع بعض ما يبي اهو حر بس انا ماصرت حرة لانه مالي عين اكتب بمنتدى تسببت بطرد عضو فيه ومو اي عضو اقرب عضو لي بالمنتدى

الي لولاه ما كنت استمريت بس اهو كان يشجعني

هاه وهذا انا استمريت وهو انطرد لا والله ما اسويها واقعد بمنتهى الوقاحة

وش ذا حتى انها قلة ذوق

والي يقول عليه ازمي ساري علي

قرار ازمي اهو قراري وما لي كلمة ثانية وياريت تقدر موقفي

وحط نفسك ولو ثانية بمحلي

صح ازمي او بالاصح والله العظيم لا غصبت عليه ولا شي وكل الي بينا مثل ما قلت احترام وبس

بس انا قلت لك انا وحدة مالها وجود اصلا لكن انا خربت كل الي عمله ازمي وسويت له سمعة وطلعت انه اهبل

مع ان الي سويناه

ماهو غبى ادري انه سخف بس مو غبى ولا هبالة

كل ما في الامر اننا مغامرين ونحب نجرب الجديد وبزيادة المغامرة والشجاعة عندنا وهذا مصير الي يجن ويسوي حركات قرعة بلحظة تسرع

اما عن موقفي فهو مكتوب بالموضوع

انا ما اخاف الموت والله وذا شي ماهو جديد ولا مستحدث علي واذا مات احد الله يرحمه ويغشاه بمغفرته

وما بزعل والله مابزعل مو ابرر موقفي بس

حتى لو انا ظهرت مستغلة وانضحك علي بموضوع

فمش معنى هذا اني غبية وانه الي عمل المقلب غبي

والله على ما اقول شهيد ويحاسبني على كل كلمة اقولها



ملاحظة:/ ساندر كلامي ذا كله كان قبل ردودك الاخيرة وما قلته على حقد وبرجع اكرر مع انه اللعب باسم الله حرام بس حاسة انه الحل الوحيد اني استشهد الله في كلامي عشان يتصدق

اني قلت رايي بصراحة وكتبت هذا الموضوع وانا حاطة في بالي انه الاخير لاني لسة ما كلمت ازمي وعرفت وش قراره الاخير ؟

وبرجع اقول احنا العرب اخر ناس تتكلم في الحياة والموت

وبس مافي داعي ندخل بالسياسة بس عن

جد شي يضحك

وانا والله كل ما ادخل اقرا اضحك واقول على شو مكبرين السالفة لا انا اول ميتة والا انا اخر من يموت

وكانكم خالدين مخلدين بذي الارض

كلنا ميتين

وبطلوا الحجج الواهية عن الموت واللعب فيه

وخلهوها على ربكم ياجماعة

ترا شوي وبنفجر من كثر قهري على ازمي

واكرر حتى لو كان ذا الشي ما يهم حد

القرار الاخير لازمي والي يبيه يصير وعلى عيني

مع السلاااااااااااااااااااااامة

ومشكورين على تحملكم ثقل دمي

[THE KILLER]

السلام عليكم و رحمة الله و بركاته

أنا حررت الرد حقي بعد ما قريت كل الرسالة أول شيء كنت أحسب إن الموضوع إستهبال مثل مواضيعك السابقة لكن بعد ما قريت الموضوع إختلف منظوري لكني لا زلت على موقفي السابق بخصوص الإيقاف و هو إنكم (إنتي و إزمي) ما تستحقونه بل العقاب فقط على مزحتكم السخيفة و أظن إن ازمي بيسجل مرة ثانية و بيعتذر أيضاً

والسلام خير ختام

[از مي]

وش اللي مصيرك في المنتدى بكلمة من از مي

لا لا مايصير

هذاني رديت للمنتدى يعني انتي بتظلين معنا ومافيها كلام

لي رجعة للموضوع وراح اعطيه حقه من الرد

==================================

بالنسبة للبقية

اعتذاري لكم راح يكون بموضوع

على فكرة هذا انا is me واعتقد واضح من الاسم

سجلت من اجل الرازم

ولأن لابد لي ان اعتذر من الجميع

انتظروا موضوع الاعتذار مني

سلام

[Dark Matey]

السلام عليكم ورحمة الله وبركاته

انا قريت الموضوع وخلصته


الصراحة فكرة الطرد انا ما عجبتني ........ لكن وش نسوي ما باليد حيلة


انا حاس فيكي ........وانا متوقع انك زعلانة وانت تكتبين هذا الموضوع مع اني قريت عنك بالسيرة
الي كتبه ازمه الله يذكره بالخير ......... انك نادرا ما تزعليين ..... لكن مهما كان نادرا فكل واحد يزعل


ما عندي شي ثاني اكتبه ....


بس عندي طلب ....... سلمي لي على ازمه ( مع اني متوقع انه ما يعرفني لكني قد سألته كم سؤال يوم سوو مقابلة معاه )


وفي مطلب ثاني ....... حاولوا ترجعون للمنتدى بأي طريقة



سلام :icon6:

[black goast]

السلام عليكم ورحمة الله

اختي الرازم : بقول راي بصراحة وانتي ما بتزعلي مثل أزمي إذا قلت رايي

شوفي انا من جهتي ولحد الان أعتبر الموت لا ينلعب فيه وانا اٌول وأطلع اشاعة أنك ميتة هذا شيء لا يجووز اعرف انه الموت والحياة بيد الله ولكن الواحد لما يموت ويخلص عمره خبر موته يطلع ومو قبل 50 سنة مثلا يقول انا ميت وبعديني قول الموت والحياة بيد الله انتي لا تعرفي متى الله سيأخذ أمانته الواحد لازم ما يسيء الكلام عن نفسه ويقول انا ميت أو انا بموت او الله يلعني مثلا ما يصيرررررررر

أفهماو يا جماعة وبصراحة وانا بقول رأيي بالمقلب هو بااااااااااااااااااااااااااااااااااااااايخ وبقوة كمان

شوفي هذا رأيي وبصراحة اتمنى أنك ما تزعلي مثل ما زعل أزمي

والعقوبة انتما تستحقها صراحة لكي تكونا عبرة لغيركما

يعني مثلا الحين عضوين بيشوفوا وش صار لكم فبيقولوا خلص ما نبي نطلع بالمنتدى فما يعملوا مقالب مثل هذي يعني العقاب مالكم عااااادل وما فيه اي شي

ولو كان العقاب غير شديد ما رح يكون رادع للي يبي يعمل مثل هذي المقالب

أرجوكم لا تفهموني غلط يا جماعة

انا أتكلم لمصلحة المنتدى ولمصلحة الجميع

أنتوا اقروا كلمي وفكروا فيه وأن شاء الله تعرفوا أني على صواب \

هدنا الله وإياكم إل اما يحبه ويرضاه

[raof2000]

الحقيقة شايف إستياء كبير من قبلكم على الطاقم الادارية وخصوصا إدارة الترفيهي

رغم اني كررت وكتبت رد في مجلس الشورى ان إحنا بشر نغلط بعض الاحيان وايضا نعاقب

والدين النصيحة وايضا لازم يكون في تقويم للادارة اذا شفتوا إعوجاج او خطأ لاننا بشر مثلنا مثلكم

وصدقوني قرار الطرد ابدا ما كان سهل علينا ووالله اللي يعرف إيش صار بيننا ما حيقول ان المراقبين دكتاتوريين ولاكن الله كفيل بتوضيح الامور لاني حتى لو اتكلمت حتضنوا إني جالس فقط اراضيكم ولاكن رضاء الناس غاية لاتدرك

ولاكن احد وسائل محبة الناس لك ورضائهم عنك رضاء الله وانا بأحاول اعدل في كل شيء وحتى بأحاول ادخلكم في كل امر نتخذه والدليل عمري ما اغلقت الخاص ومجلس الشورى موجود صحيح انا ما ارد فيه ولاكن اشوف كل رد فيه

الحقيقة القرار صحيح كان قاسي ولاكن انا اضن كلمت إز مي في الماسنجر وقلت له هذا القانون وعدم تطبيقه يعتبر إخلال في وظيفتنا وظلم لكم وظلم للمسؤوليا اللي علينا والمسؤولية اللي علينا لسنا مسؤولين من الادارة فحسب بل إننا ايضا مسؤولين من الله عز وجل

وان المسؤولية التي نتحملها قد يظن البعض ان المسؤولية سهلة ولاكن الحقيقة انها صعبة جدا لاننا ولينا على امر من امور المسلمين ويقول الرسول صلى الله عليه وسلم : ((ما من رجل يسترعيه الله على رعية يموت يوم يموت وهو غاش لرعيته إلا حرم الله عليه الجنة)) يا إخوان القضية ليست بسهلة

وانا الحقيقة ارجوا منك اختي ان تقولي رأيك فينا نحن المراقبين وبكل صراحة لان النقاش البناء يرفع لا يهبط من مستوى الشخص واشكرك كثيرا على الموضوع الحساس الذي شعرت انه كان من القلب للقلب

وشكرا لكِ واعتذر على الاطالة

[فريـــســـكـــا]

أختي الرازم و أخي الغالي ازمى

رأيي انا قلته خلاص في موضوع اكس لكني أحب أن أضيف اضافه صغيره وهي أن الله خلقنا جميعا مختلفوون في طباعنا ،،،،
ومنا من يحكم قلبه ومنا من يحكم عقله ومنا من يحكم الأثنين ومنا من يكون مندفع وراء اهواؤه بدون تفكير واذا كنتم انتم الاثنان اندفعتوا وراء فكرة مجنونه بدون تفكير أو تحكيم عقل وقلب
ونتج عنها أذى مشاعر للكثيرون
فيجب على كل مننا أن يسير وراء طبعه في مسامحتكم بمعنى ان

*من يحكم عقله يجب أن يفكر أنكما معترفيين بخطئكم و معتذرين عنه
**ومن يحكم قلبه لابد أن يتذكر مشاركاتكم وردودكم وتواجدكم ووووو
***ومن يحكم الأثنان معا لابد وحتما أن يسامح

لأن التسامح من شيم المسلمين

يعني الزبدة على قولة ساندر

ان التسامح لابد وأن يتواجد بيننا جميعا لأننا كلنا اخوان وفي دائرة واحدة والحياة فعلا مش مستاهلة ويكفينا ما عندنا من مشاكل

وانا بصراحة لا اتخيل المنتدى بدون تباا بتاعة ازمى

وفقكم الله وازاح هذة الغمة سريعاا ان شاء الله وخفف كلامكم هول المشكلة وتقبل المراقبون والإداريون اعتذاركم ان شاء الله

[TRY NO RACE]

... أنا من جهتي والله من أول ماقريت إعتذارك السابق وأنا مسامحك أنتي وأزمه , يعني عادي ما بقلبي شئ والله , بــس العقاب لازم ( تخفيض ..إيقاف مؤقت ) واللي بيتنفذ عليكم بيتنفذ على الكـل.
صحيح إن المزحة كان دمها خفيــــــــــــــف جدا بس تستحق الإيقاف .
بما أن القرار تم إتخاذه وانتهى الموضوع فأنا من رأيي إنكم تكتبون بعضوياتكم الجديده مؤقتا . ........حتى الأعضاء بعد ما يعترضون ويقولون ليش حلال على ناس وحرام على ناس

يووووووووه طولتها صح
الخلاصة
مسامحكم وأتمنـــى من الكل يصفون قلوبهم شوي .
كلنا بالنهاية بنموت وما تبقى من الذكريات غير الحلوه..


اللي ظل زعلان معناته إنه هو حاقد والحاقد مريض

by Exodia

ما أحسن النفس الراضية التي تحب الخير وتعفو عن الخطأ وتتجاوز عن الزلة... وتتناسى الإساءة...

وما أظلم النفس التي:

تحقد على الغير. وتحفظ الخطأ... ولم تعفُ عن المخطئ عليها.. وتسجل الغل..

إنها نفس مريضة شافى الله صاحبها..

لا يحمل الحقد من تعلو به الرتب

ولا ينال العُلا من طبعه الغضب

طيــــب الرازم وإزمي اخطأوا ......وبعديـــــن !!! انتهى العالم يعني ................؟
المسامح كريم

[Sander]

الرازم,, أنا ماعندي شي ضدك او ضد أز مي,, انما الي عملتوه يستحق عقوبة برأي الأغلبية,, مش أنا الي قررت و نفذت,,, انا مثلي مثل أي عضو آخر,, ابديت رأيي وبس,,,

بس لوضح لك:

"مرة ساندر اتذكر انه مرة رد علي بموضوع منقول قبل قرار منع النقل وسبب رده مو عشان حلاوة الموضوع بل لاني رديت عليه بموضوعه ان كنت فلا خير فيك

وعجبه اسلوب ردي فرد اما قبلها ما كان يرد وذا الي مزعلني

غالبا كانوا المراقبين ما يمرون على مواضيعي (يردون) بس هذا حظي وما كان لي اكثر من منه"

أنتي مواضيعك أساسا صعبة! يعني زين إذا فهمت ورديت عليك,,

ثاني شي, مزبوط! انا ما كنت اعرفك,, ماعرفتك الا لما شفت ردك على موضوعي,, وغيرك كثير!
وهذي مشكلتي ومولاقي لها حل,, مو بس انتي الي تعتبين وتقولين: "مطنش مواضيعي",,,,
هو لو عندي وقت كنت رديت على كل المواضيع سواء مجاملة او احترام او الي بتسميه,,,
بس ماعندي وقت ومو اي موضوع افهم مغزاه,,
< مثل ما قلت لك: مشكلتي ومولاقي لها حل‘‘

مع اني واكيد الي رديت عليهم لاحظوا اني ارد واما اجامل وافصفص الموضوع واطلع البلى على جثته واعلق على كل كلمة مو لاني حاقدة بل لاني احب اقول الي في نفسي واسالوا ساندر الي غير رايه وتنازل يرد على موضوعي لانه حس فعلا لما ارد ارد لاني احب اعلق وذا المفروض وهذا اكبر دليل على اني قريت الموضوع مو ارد عشان ازود ردودي واقول مشكور حتى لو الواحد يشتمني بين كل سطر وسطر كاني ايقونة

وحتى لما رد رد على موضوع منقول

ههه انتي واثقه من نفسك كثير,, انا رديت عليك مثل ما ارد على غيرك,, انما ما التفتت لك الا من بعد ماشفت مشاركتك بالقسم!
وبطبيعتي مو اي شخص احتك فيه,, خصوصا الشباب الي عليهم مواضيع معقدة وكلامهم مصرقع ومو مفهوم.. "لي أسبابي" ولعلمك كنت فاكرك شاب,,
حتى وانا اكتب الرد عليك مش عارف انتي بنت ولا ولد,, كل شوي ارجع أتأكد ,, فلا تفسري الامور على كيفك,,,

صحيح ما انكر ان ردودك حلوة و تعطين الموضوع حقه! بس كمان ماانتبهت لك الا من بعد الرد ذا,,,
والمنقول كان مسموح ومافيه مانع نرد عليه,, عادي انا ارد عالمنقول من قبل ومن بعد الرقابة,,,,

هذا غير أني رديت عليك من قبل الرقابة اصلا,,, يعني ماكنت مشرف وقتها ولا شي,,
- وكان اول رد لي عليك- وجاء بعد موضوع "ان لم تكن",, وانتي ردك علي جاء قبل الرقابة,,,,,,,

يعني حكاية مشرف ومطنشك هذي ماتعنيني في شي,,

وهذا العذر بس كان عذر المشرفين

وعلى كلا انا ما اعتبره عذر بس كلا يشوف من منظاره

مشكلتك انك مقتنعه برأيك ورافضه تقبلين الواقع,, قلت لك الرأي مش رأي مشرفين وبس,, هذا رأي الأغلبية,,
انتي بكيفك تبين تصدقين يااهلا فيك ماتبين براحتك,, ماراح اجبرك,,

بس الي يقهر انكم زعلااااااااااانييييييييييييين ومكبرينها بزيادة

غريبة! ماتبينا نزعل؟ مومنطق,,, كيف مانزعل وانتي داعمه المقلب بموضوع السيرة عشان الي ماصدق يصدق,,
كيف ما نزعل وانتي مالقيتي تنزلين الخبر الا بعد ماعرفناك وصارت لك مكانتك بالقسم!؟
هذا خبر مووووووت! مو لعبة! فيه ناس زعلت بحق لما سمعت الخبر,,,
وانا ثبتت الموضوع 3 أيام من بعدها جاء موضوع السيرة,, الي كنت على وشك تثبيته! بس اكتفيت بإضافته لمميز الأسبوع,, بأنه يستحق الزيارة,,

إكرام للذكراك و كرمالـ أزمي,,
خبر التكذيب لما شفته انصدمت! رديت على طول من فوري!!
- واقولها ولو انها ضدي: كنت على وشك ارسل لـ أزمي واطلب منه ان يحذف الموضوع لانه ضده!! عارف ان الكل بيزعل منه!! - بس لا كذه بصير افرق بالمعامله بين الاعضاء,, وهذا مو من صفاتي,,,,,,
وكمان بكون عم اشارك بالمقلب تبعكم,,

يعني اهو مقلب تافه وسخيف وحقير بس علاقل صحى فيكم شي

على حساب أشياء,,,,,,,

وبعدين وش صار من ذي الرازم الي ماتت عسى الله

لما تسمع خبر وفاة شخص تعرفه بيكون وقعه أقوى,, بيأثر فيك أكثر,,

والا انا عشان معروفة زعلتوا علي
لا معروفة ولا شي حتى الي كان يعرفني كان يطنشني
اذا انا طز ومو مهمة ولا شي
يعني انا كذا كذا ميتة ومالي قيمة
عشان كذا انا لما اقول اني مو زعلانة على نفسي

انتي متضايقه عشان زعلنا عليك!؟
ولا مو مصدقه اننا زعلنا عليك..؟

اكبر دليل ان موضوعك يهم و ان نحن مهتمين هو عقوبتك,, انتي افهميها

وما ابي اقول رايي باي حد مع اني كنت ابي اتكلم عن مشرفي الترفيهي بس حسيت انه الموضوع طويل ومحدن رح يستحمل يقرا اكثر من كذا

اعملي أستفتاء,, اعملي بحث,, نقاش! أسألي فيه الأعضاء,, شوفي وش يقولون لك عن قضيتك انتي بالذات,,
شوفي كم عضو تناقشت معه انا شخصيا و اخذت رأيه بخصوص موضوعكم,,
شوفي ليه فيه موضوع تصويت بشأن العقوبة المستحقة؟ وليه ما تم إغلاقة بوقته؟ وليه انسمح لكم تكملوا موضوع التكذيب اساسا؟!
وليه انا عم ناقشك بموضوعك ذا!؟ ببساطة اقدر اغلق الموضوع او احذفه وانساه,, وبكذه اقفل موضوعك انتي و ازمي وماعاد افتح سيره,, ليه ما اعمل كذه و اخلص نفسي؟
محد راح يعارضني لو سويتها,, ولو حد عارضني أقدر اقنعه بأني عملت الصح,,,,,,,,

كل ما في الامر اننا مغامرين ونحب نجرب الجديد وبزيادة المغامرة والشجاعة عندنا وهذا مصير الي يجن ويسوي حركات قرعة بلحظة تسرع

طيب,, غيرك قال نفس الكلام وعمل نفس حكايتك,, يعني والحل!؟

يعني غلطتي هي اني اعطيتك إهتمام وكان المفروض ما اهتم؟ مشكلتي اني صدقت و انخدعت؟ غلطتي اني زعلان انكم ضحكتوا علي!؟
مني فاهم,, انتي وش تبين تثبتين بالضبط!؟ انكم ماغلطتوا ولا انكم ماتستاهلون عقوبة!؟ ولا ان المشرفين ظالمينكم؟؟
إنتي زعلانه على أزمي.. انا زعلان من وعلى أز مي,,
وبعرف انه غلط وانه لازم يتحمل نتيجة غلطته,,

,,,,,,,,,,,

[X.X.Large]

فريسكا المرسكة

والله طلعتي حكيمة ونحن ما ندري

ترى ابغاكي تعطي دروس خصوصية لولدي

اسمه افلاطون >>> بس اسم على غير مسمى

جزاكي الله خيرا ونسف عزيمة عدوك

=========================

صهيب

كلامك سليم تماما وقيم

والدين النصيحة

وجزاك الله خيرا ونسف عزيمة عدوك

=========================

ساندر

طلعت سنايدي وانا عمك

اشوفك ما شاء الله كاتب رد طويل يفلق الصخر

انت تكتب بيدك ولا تبربر والمنتدى ينقل بانيابة عنك

نسف الله من عزيمة عدوك وجزاك خيرا

=========================

السفاح

موقف نبيل

خلك مواظب على احترام الآخرين

والله يجزاك خير ويخلي عدوك يخنق في اكله

=========================

دارك معاطي

لا تتفلسف فوق راسنا الله يخليك

خخخخخخخخخ لا تزعل

موقف نبيل

خلك مواظب على احترام الآخرين

وجزاك الله خيرا وجعل عدوك منكسر مهزوم

=========================

Try no race

اسكتنا جميعا وما صار لنا وجه نتكلم

جزاك الله خير وألغى عزيمة عدوك

==========================

رؤوف

نفس الشي

وردك طويل ما شاء الله

اقول وش البرنامج اللي تستخدمه انت ووسام عشان تطلعوا الردود المروقة دي

والله يجزاك خير ويلغي عزيمة عدوك

==========================

[X.X.Large]

ازمي
بداية أقول لك مبروك العضوية الجديدة
وقرار رجعتك للمنتدى دليل على اثباتك لحسن نواياك
وبانتظار موضوعك
===============
الرازم
أخجلتيني بالكلام حقيقة
وجهي صار زي البطيخة
وبعدين زدت احراج وتطورت لمرحلة برتقالة
والاحراج مستمر وتطورت الى مرحلة زي الليمونة
واي احراج اكثر من كدا ما بلاقي نفسي موجود
والحمد لله انك عرفتي حسن النية

هاه وش رايك؟

عجبتك مواضيعي يعني ما قلت رايك فيها؟

اي شفتها كلها
مواضيع حدها مصرقعة
كان نفسي ارد عليها
بس ساندر ورؤوف منتظرين يمسكون اقل غلط عالأعضاء
مافي اطيب من حامان نتمصلح معاه

واكرر حتى لو كان ذا الشي ما يهم حد

القرار الاخير لازمي والي يبيه يصير وعلى عيني

و ازمي رجع
الدور الرسمي عليكي
واعتقد انك رجعتي وكان ما كان
وشكرا لكل كلمة كتبتيها في حقي
والسلاااااااااااام

[TEDUSE 1=BAGGIO]

هلا أختي .


الصراحة اختي الموقف كان بايخ و سخيف لأبعد الحدود ( انتي تبغين الصراحة ) .

و سبب عدم رد بعض الاعضاء في مواضيعك انهى غريبة و ما تنفهم و انا واحد من هذيل الاعضاء .

و قرار ايقاف از مي جاء مني و كنت راح اطرده بس المشرف العام سبقني و انا ما اوقفت از مي لكرهي له او لاني متغايض بسبب شي سواه لي بالعكس انا كنت و ما زلت اكن معزة خاصة لهذا العضو بس المقلب بايخ و ما توقعته منه و المراقب لازم ما يفرق بالمعاملة بين الاعضاء لان المراقب الي يفرق بين الاعضاء ما يستاهل يكون مراقب لهذا جاء قرار ايقافي له .

و مو لازم اذا احد ما رد في موضوعك يعني ما يعرف عنك شي او انه مطنشك يمكن أخذ وقته في القراءة و اخذ وقته بالفهم بس ما عنده وقت بالرد بس .

على العموم تتحججين بانك اردتي لفت انتباهنا للموت طيب مدام كذه مو كان افضل لك لو انك نزلتي موضوع عن الموت او موضوع عن عذاب القبر او موضوع عن يوم القيامة كل هذي مواضيع تذكرنا بالموت و تخلينا نفكر فيه .

أنا الصراحة عايشت كثير من الاعضاء و حبيتهم و بعدين انصدمت بخبر وفاتهم و حتى اذا قرأت ان عضو في قسم اخر و ما اعرفه توفى ازعل فما بالك بعضوة بالترفيهي عضوة كانت قاعدة بينا تغايض ذاك و تقرض هذا و تمزح مع ذيك و فجأة ينزل علينا خبر موتها و نزعل ما ادري عن شعور الاعضاء بس انا زعلت كثييييييير و بالنهاية يطلع الخبر كذب و لعب بمشاعرنا .

انتي مشكلتك مو راضية تصدقي ان از مي يستاهل العقوبة لانك تقولي انك الراس المدبر و انك خليتيه يسويها زين خذي مثال لما اثنين يقتلون واحد الشرطة تمسكهم واحد فيهم الي قتل و الثاني الي خطط راح يسجنون الاثنين يعني ما راح يقولون للي قتل روح البيت انت بريء انت بس سمعت كلام الراس المدبر و ما تستاهل عقوبة .

ما بطول السالفة و هي قصيرة .

قرار از مي نهائي لا رجعة فيه لاننا ما نقدر نرجعه بكذا راح تجينا مشاكل نحن بغنى عنها .

و اذا تبغين ترجعين للمنتدى بهذي العضوية او عضوية اخرى يا هلا فيج انتي و ازمي .

1 + 1 = 2 انتهى .

وما ابي اقول رايي باي حد مع اني كنت ابي اتكلم عن مشرفي الترفيهي بس حسيت انه الموضوع طويل ومحدن رح يستحمل يقرا اكثر من كذا

راح نستحمل ما ورانا شي .

تشاو .

[*همس الورد*]

اهليييييييييييين اختي الرازم ليه هيك تفولي على نفسك
وليه تخرعينا عليكي
مع اني كنت حاسه بجد انو الموضوع في شوية تريك<<خدعه
بس شفت ازمي غاب قلت فعلا زعلان عليها والموضوع طول فكمان قلت لو انو خدعه يومين ورح تنكشف
بس عرفتو تحبكوها كويس
زتاني شي يااختي الرازم منو قال لك انو احنا مطنشين او اي حدا
لوتعرفي انو اسلوبك مميز والكل يعرفك
وخلاص احنا مسامحينك بس هاااااااااا لا تعودينها

[MiSs.ChiPs]

والله ماقريتها كلها
الله يهدك متى لحقتي تكتبينه

أوطالب بإيقافك


لا أمزح باااس مافيال أقرا الكلام كثير المهم
أنا مسامحتكم الأثنين وأحبكم ومافي شي في قلبي عليكم<<<والله مش عارفه أ،تي عايزة دا الكلام ولا عندك شي ثاني

يلا سلامووووووووووو^^

وأهلن بعودتكما^^

[Misho0o]

انا عندي سؤال لك يا از مي

الحين لو الرازم قالت لك ارمي نفسك من البحر ،، ترمي نفسك ؟

طيب ليش كتبت الموضوع ،، وش استفدت ؟