السلام عليكملاحظت شوية تخبط نسبي بالمعلومات عن هذي اللعبة بحيث اللي يبي يسأل عنها ما يلقى المعلومة اللي تفيده، هذي شوية طلبات صغيرة من المشاركين والمشرفين:
1- اولا واهم شي رجاء ما ابي مشاركات شكر وودي تكون كل مشاركة لها معنى وانا شخصيا اعتبر قراءتك للموضوع شكر يكفي ويزيد لي
2- بالنسبة للأسئلة ياريت لو تحاولون تجمعون اكبر عدد من الاسئلة في مشاركة وحدة علشان اقدر اركز بالردود
اولا: معلومات عامة عن اللعبة:
اللعبة هذي من العاب الاونلاين اللي ما تنلعب الا عن طريق الانترنت وبالتالي هالشي يمنع كونها نفس الالعاب العادية من حيث النسخ الغير قانوني لها، يعني باختصار ما تنلعب الا اصلية ولو ان هذي شغلة تضيق الخلق شوي لكن اللعبة تستاهل من قلب
وعلشان تلعب اللعبة بعد ما تشتريها تحتاج تدفع شهريا 15 دولار واذا كنت تبي تدفع مقدما ل3 اشهر يخصمون دولار من كل شهر فيكون الناتج 42 دولار بدل 45 واذا تبي لستة اشهر خصم دولارين من كل شهر يعني الناتج 78 دولار بدل 90 دولار
ثانيا: ماهية اللعبة:
قد يسأل سائل: كيف هي اللعبة وكيف طريقتها؟
اللعبة عبارة عن عالم كامل يسمى Azeroth وانت تكون شخصية واحدة ومهمتك ترفع مستواك وتحارب اللي ضدك، ولك انك تختار بين الجيشين الرئيسيين:
1- The Alliance:
او بالعربي التحالف، وهو عبارة عن تحالف لقوى اقرب للخير منها للشر ولكنها لاتخلو من الشر، وينقسمون لأربع اجناس، والميزات التي بالاخضر هي شغلات شغالة على طول ولا تحتاج تشغيل من اللاعب:
أ) Humans:
أو البشر، اشكالهم بشر نفسنا ولله الحمد غير قبيحين بالمرة، ولديهم مميزات تميزهم عن غيرهم:
1- Human Spirit: وهذي الميزة ترفع Spirit عند شخصيتك عن باقي الاجناس بنسبة 5% والSpirit يأثر بمعدل سرعة زيادة الmana (طاقة السحر) و الhealth (طاقة الشخصية)
2- Sword and mace Specialization: وهي ترفع مهارتهم في استخدام السيوف والعصي الثقيلة بمقدار 5 نقاط عن غيرهم
3- Diplomacy: تزيد معدل ازدياد السمعة من خلال المهمات بنسبة 10%
4- Perception: بالعربي الحذر، تزيد المدى اللي تقدر تشوف فيه الناس المختفين بنسبة معينة لمدة 20 ثانية والوقت اللازم لإعادة الاستعمال دقيقتين
ب) Night Elves:
وهالجنس متخصص نسبيا بقوى الطبيعة وحركاتهم المميزة كالآتي:
1- Shadowmeld: او التخفي، هذي اذا ضغطتها تختفي بمكانك بشرط انك ما تتحرك لكن طبعا اذا قرب منك وحش او شخص يشوفك على حسب فرق اللفل
2- Nature resistance: هذي الميزة تمنحك مقاومة قليلة ضد اسحار الطبيعة اللي تكون ضدك ومن اشهرها انواع الـPoisons و Disease
3- Quickness: تزيد نسبة تفادي الضربات بنسبة 1%
4- Wisp Spirit: هذي الميزة تبين اذا مت حيث تتحول على Wisp وتمشي اسرع للوصول لجثتك لتعود للحياة
ج) Dwarves:
أو الاقزام واللي ما يعرفهم يشوف شخصية Gimli اللي في Lord of the rings (القزم بو لحية اللي عنده فأس)، وهذي ميزاتهم:
1- Frost Resistance: الاقزام بحكم عملهم في المناجم في جبال الثلج لديهم مقاومة نسبية لأسحار الثلج.
2- Stoneform: هذي من اهم المميزات للأقزام وهي تشغلها لمدة 20 ثانية وخلال هالفترة قوتك الدفاعية تزيد 5% وسرعتك تقل 20% لكن تكون محصن ضد جميع انواع السموم والامراض.
3- Gun Specialization: هذي الميزة ترفع مهارتك باستخدام البنادق ب5 نقاط
4- Treasure hunting: وهذي تشغلها علشان تبين صناديق الكنوز على الخريطة المصغرة في اعلى يمين الشاشة.
د) Gnomes:
اقزام اقصر من الـDwarves ويتميزون بالذكاء الخارق وحبهم للهندسة ومميزاتهم الآتي:
1- Escape Artist: بما ان الاقزام صغيرين في الحجم فإن لديهم الخبرة في الافلات من الاسحار التي تثبتهم في الارض ولك انك تستخدمها مرة كل دقيقة على الاكثر.
2- Arcane Resistance: هذي تعطي الاقزام مقاومة نسبية لأسحار النور او الضوء
3- Expansive mind: بما انهم اذكياء فهالميزة ترفع نسبة الذكاء عندهم 5% عن غيرهم
4- Engineer Specialist: هالميزة ترفع مهارة الهندسة عند الاقزام ب15 نقطة عن غيرهم
2) The Horde:
ما لقيت لها ترجمة حرفية تنفع لكنهم تحالف آخر من اجناس اخرى ضد التحالف، وفيهم هذي الاجناس
أ) Orcs:
او كما يسميهم البعض الوحوش، قوة جسدية قوية نسبيا على حساب الـSpirit و الـAgility ويتميزون بالتالي:
1- Axe Specialization: وهذي الميزة تزيد مهارة الوحوش بالفؤوس ب5 نقاط عن غيرهم.
2-Blood Fury: هذي الميزة تشغلها علشان تزيد قوة الضربة عندك بنسبة 25% لمدة 20 ثانية لكن راح تقل بعدها قوة الضربة بنسبة 50% لمدة 40 ثانية (حلوة للهوشات القصيرة)
3- Command: هذي ميزة تبين فقط في الـWarlock والـHunter حيث تزيد قوة ضربة الحيوان او الوحش اللي تحت ايدك بنسبة 5% عن الاساس.
4- Hardiness: بما ان الشخصية تتميز بقوة جسدية نسبيا فعندها مقاومة للضربات المخدرة او الـKnockback بنسبة 25%.
ب) Tauren
وهم مخلوقات شبيهة بالثيران تتميز بالنبل وحبهم للطبيعة مثل الـNight Elves ولهم هذه المميزات:
1- Warstomp: هذه الحركة تستعملها لتخدير كل من حولك لمدة ثانيتين وهي مرة كل دقيقتين
2- Nature Resistance: مثل النايت الف تماما مقاومة نسبية للطبيعة عن غيرهم من الاجناس
3- Herbalism skill: يتميز الثيران بخبرتهم في مجال الاعشاب والادوية وهذي الميزة تمنحهم +15 لمهارة جمع الاعشاب
4- Endurance: وهي قوة التحمل وتزيد مقدار طاقة اللاعب بنسبة 5% عن غيره
ج) Trolls
شخصيات مرحة نسبيا ولهجتها الانجليزية تقدر تقول جامايكية، طوال القامة والاذنين ايضا ومميزاتهم كالاتي:
1- Berserk: هذي الحركة تشغلها فقط اذا اكلت ضربة قاضية وهي ترفع سرعة الهجوم واداء الاسحار عندك بنسبة 25% (تقدر تقول شخصيتك عصبت بعد هالضربة
2- Regeneration: وهذي الميزة تزيد نسبة زيادة الطاقة بعد القتال بنسبة 10%، و10% من زيادة الطاقة يظل شغال وقت القتال.
3- Throwing Skill: هذي الميزة تزيد مهارتك بالخناجر والفؤوس الصغيرة التي تحذف على الخصم ب5 نقاط
4- Beast Slaying: هذي تزيد قوتك ضد الحيوانات اللي تقاتلها بنسبة 5%
د) Undead
هم عبارة عن جثث من الـHumans اعيدت للحياة ولكن تختلف بشكل كلي عن الـHumans ومميزاتها كالتالي:
1- Will of the Forsaken: هذه الميزة تشغلها لتكون محصن ضد جميع اسحار الخوف او النوم او الـCharm لمدة 20 ثانية
2- Shadow Resistance: هذي الميزة تزيد مقاومتك لأسحار الظلام عن غيرك لأنك انت اساس الظلام
3- اكل الجثث: اذا طاقتك قليلة وكانت جدامك جثة Humanoid or Undead تقدر تاكل جثته لزيادة طاقتك (تلوع الجبد بس عادي :P)
4- Underwater Breathing: بما انك اساسا جثة وميت فالمفروض ما تتنفس تحت الماي لكن لزوم التوازن بين اللاعبين خلو الundead يقدرون يغوصون تحت الماي لمدة ثلاث اضعاف الاجناس الاخرى
والتكملة ان شاء الله عن الـClasses في الرد القادم
ملاحظة: اتمنى الا يكون هناك ردود حتى اكمال الموضوع
)
) ومنها Curse of Tongues التي تجعل اسحار الخصم تأخذ +50% وقت حتى تكتمل وحين التخصص باللعنات تحصل على لعنة اسمها Siphon health وهذي تنقل كمية قليلة من طاقة الوحش لك كل ثانية غير طبعا Drain Life و Drain Mana
