كشتت عزاب
مرة كنت "أنا" و "دارك ميتي" و "أو واي يو(oyu)" و "الدب لارج" قاعدين في عزبتنا
لارج: ما ودكم نروح "لكواتم" و لا "لعمو لارج"؟
أو واي يو: وش نسوي فيذاك؟
لارج: بالله هذا سؤال؟ يعني وش بنسوي أكيد بنتغدى
أنا: أوووووووف يا دب أمداك تجوع؟
أو واي يو: إي والله تونا مفطرين أمداك على الجوع؟
لارج: وش تونا مفطرين ترى لنا نص ساعة مفطرين يعني مب تونا مفطرين
دارك ميتي: وألحين نص ساعة كثيرة؟ نص ساعة يالله يمدينا نغسل يدينا فيها
لارج: يعني أنتوا ماودكم تتغدون؟ أجل بأروح بلحالي
أنا: لالالا خلك معنا يادب بعدين وشوله تروح المطعم المطبخ أقرب
أو واي يو: إي صح عليه بعدين المطعم بعيد و الدنيا حر و أنت جايع ولا يميدك تنتظر لين توصل المطعم و تقعد تنتظر الطلب و يكون قبلك 60 واحد
لارج: إي والله إنكم صادقين أجل خلني أروح المطبخ و أكبس لي كبسة لذيذة
دارك ميتي: أصلاً ما في شيء في المطبخ أنت مخلصة كله نسيت إن اليوم جمعة و أنت تقضي على كل إلي في الثلاجة يوم الجمعة
أنا: إي صح ترى كل إلي فلوسنا تروح في بطنك
أو واي يو: والله إنكم صادقين أجل ذي حالة كل أسبوع نروح نقضي للبيت كأننا نقضي لمطعم مب لعزبة 4 أنفار
دارك ميتي: ما ودك تنقص وزنك يا دب؟
لارج: أنا مرة فكرت بأني أسوي ربط معدة أو شفط دهون لكن فلوسي ما تكفي قمت إشتركت في نادي صحي لكني تعبت ولا قدرت أكمل أكثر من أسبوع وتذكرون مرة أنا إشترك في دايت سنتر حق الرجيم لكني كنت آكل الأكل حق اليوم كله في الفطور و أجوع وبعد ما قدرت أستحمل إني أشوفكم تاكلون الأكل الزين و أنا آكل أكل الرجيم و...
أنا: طيب فكنا يا شيخ ترى ما ودنا نسمع قصة حياتك
دارك ميتي: في أحد فيكم فاضي؟
أنا و أو واي يو و لارج: كلنا فاضين
دارك ميتي: طيب ما ودكم نروح مكان؟
أنا: وين نروح كل الأماكن صارت عوايل فقط؟
لارج: زين إن المطاعم فيها قسم عوايل و قسم عزاب ولا كان حطوها عوايل فقط
أو واي يو: طيب ليش ما يحطون في الأسواق قسم عزاب<<< فكرة خطير
أنا: الله يذكر أيام أول بالخير يوم كانوا يكتبون في كل مكان "ممنوع دخلو النساء بدون محرم" مب ألحين قاعدين يكتبون " ممنوع دخول الرجال بدون حرمة"<<< وش تطلع ذي؟
دارك ميتي: طيب فكروا في مكان نروح له
لارج: ما فيه إلا المطاعم
دارك ميتي: أقول إسكت أنت و وجهك ما عندك إلا خلونا نروح المطاعم و بس
أو واي يو: طيب أجل خلونا نسافر
دارك ميتي: لا السفر يبيله تكاليف ما نقدر عليها
أنا: طيب ما ودكم نكشت؟
دارك ميتي: إي والله ما ودكم لو نكشت ترى صار لنا مدة ما كشتنا
أو واي يو: وين أنت وياه شلون نكشت و إنا بس 4
أنا: وش فيها يعني إذا كنا 4
أو واي يو: المفروض يعني نكون أقل شيء7 هذا أقل حد عشان تطلع الكشتة مضبوطة
أنا: ليش يعني؟ إذا كان قصدك عشان المهام فيمدينا نسويها و إذا كان قصدك على الفلوس ففلوسنا تكفي و عندنا سيارة و كل المستلزمات
أو واي يو: لا مب عشان كذا بس فيه أسباب ثانية
أنا: وش تطلع ذا الأسباب؟
أو واي يو: يعني خذ عندك....مأدري بس إن في أسباب أكيد
أنا: إذا كنت مصر أقدر أوفر لك4 ثانيين وبكذا بنغدي 8 مب 70
أو واي يو: من يطلعون ذا الأربعة؟
أنا: الشلة الزاحفة
=+-_=+-_= إعـــلانـــات =+-_=+-_=
الرماية لمستلزمات الكشتات: لدينا كل مستلزمات الكشتات من النبيطة إلى غازات شكمان معلبة وعند شرائك بـ80 ريال تحصل مجاناً على كتاب "أفضل 1000 وسيلة للإيقاع بالضب"
كواتم: تذوقوا كبستنا الجديدة كبسة البيبروني أفضل من بيتزا البيبروني بـ1000 مرة
((((((((((((((((((((كواتم فن الكبسة))))))))))))))))))))
حمدون الرجل البرتقالي
=+-_=+-_= إنتهت الإعـــلانـــات =+-_=+-_=
لارج:لاااااااااااااا إلا ذول أنا ما أدانيهم ولا أطيقهم
دارك ميتي: الخلاصة تبون تكشتون ولا لا؟
لارج: أنا ودي إننا نكشت بس بدون ذا الأربعة<<< يعني الشلة الزاحفة
أو واي يو: طيب بنروح نكشت إنا الأربعة بس<<< يعني عزبتنا
أنا: هذا الكلام الصح طيب متى ودكم نكشت؟
دارك ميتي: وش رايكم بكرة<<< مستعجل عشانه خايف يغيرون رايهم
أنا و أو واي يو و لارج: موافقين<<< من الفضاوة إلي ذابحتنا نبي نسوي أي شيء
دارك ميتي: وين ودكم تكشتون؟
لارج: في بر اليابان<<< سامعها في طاش ما طاش و صدق
دارك ميتي: وييييييييين أي بر يابان يا أبو الشباب<<< ما تلاحظون إن دارك ميتي دايم يقولها؟
أنا: وش رايكم في الصمان؟
دارك ميتي: وييييين شايفنا رايحين نطعس
أو واي يو: وش رايكم في الربع الخالي؟
دارك ميتي: إي والله إنك جبتها
)
المشاركة الأصلية كتبت بواسطة دارك ذكي
................و عسى الله يوفقك في مواضيعك القادمة 
