مساعدة..الطب..وهندسة معدات طبية::لاهل الخبرة..ضروري

[THE KINGS]

بسم الله الرحمن الرحيم

كيف الحال شباب ...هاذي اوائل المشاركات لي...بس الصراحة ابي منكم نصيحة وفايدة

وش اخش .....

انا عندي خيارين فقط ...

الطب

وهندسة معدات طبية....
ارجوا المساعدة في من يدرس هذة الدراسات من ناحية الصعوبة والمواد

وخصوصا....هندسة معدات طبية....المواد غير الرياضيات والمواد الصعبة..

رجاء خاص ارجوا المساعدة

ولكم جزيل الشكر وخالص التقدير

[THE KINGS]

وش دعوه شباب ...على العموم مشكورين على المرور....

لاني صراحة في مفترق طرق ودراسة راح تكون خارج المملكة.. ابي نصيحة واحدة ....تكفوا شباب

[majidd]

احب أنصحك كأخ ..


انا شخصياً ادرس في كلية الهندسة .. قسم تشييد و بناء (( هندسة مدنية ))

..
و انصحك تدرس كلية طب اسنان

طب الأسنان .. تدرس 5 سنين بعدها تاخد سنة تدريب (( امتياز )) و تشتغل ..

اما الطب البشري .. تدرس 6 سنين .. بعدها تاخد سنة تدريب (( امتياز )) .. ثم تدرس سنتين او ثلاث سنين تخصص .. يعني بتكمل عشر سنين دراسة ..


..
بالنهاية القرار يرجعلك ..

[THE KINGS]

مشكور الف شكر اخوي على الرد والنصيحة...

بس طب اسنان مادري كيف احس انة مو مضمون المهم

اخوي انت وش المواد الي تدرسها.. ويوم تتخرج وش الوضيفة الي راح تزاولها

يعني وش بتشتغل...وما عندك فكرة عن هندسة معدات طبية ووش المواد الي يدرس

فيها الطالب.....اتمنى من اي احد الرد....رجاء ومشكورين

[--AnOsA--]

السلام عليكم ...

انا طالب طب بشري سنة ثانية يعني حديث العهد ....

والصراحة اولا اللي يبي اي تخصص ويتفوق فيه لااااااااااااازم يدرس ....

بغض النظر عن مستوى الصعوبة او السهولة ....

لكن في الاول والاخير القرار والميول منك انت ....

لكن براي انا الشخصي ....

الطب هو اصعب تخصص السبب انه يهتم بمعالجة مشاكل البشر ...

والبشر من ارواح والارواح يجب ان تحفظ ولا تزهق ...

فهذا التخصص ليس بالتخصص الهين ...

ويجب المراعاة في الدراسة والحفظ الجيد ...

اما بالنسبة لهندسة المعدات الطبية وهو تخصص اخوي...

فاول سنة تسمى سنة اعدادية ...

حيث ياخذ الطالب المواد الاساسية مثل رياضيات وفيزياء وكيمياء وديناميكا واستاتيكا وبالطبع لغة انجليزية ...

اما السنوات التالية الاربع ...

ففيها الشغل الحقيقي حيث ياخذ الطالب اساسيات في الكهرباء والكومبيوتر والطب ايضا من مواد تشريح وعلم وظائف الاعضاء ولا يزال الطالب ستقدم في تلك المواد وياخذ الجديد ويستزيد عليها ...

وبعد التخرج يبدا الطالب بمعرفة الاجهزة الجديدة والقديمة وكيفية تشغيلها وكيف تعمل ومم تتركب ويقوم الطالب بالتركيب وتعلم تركيبها وابسط مثال هو جهاز الاشعة ما فوق الصوتية ...

طالب الطب البشري مواده صعبة وطويلة ... لا اريد احباطك لكن الحقيقة تقااااااااااااااال ....

الطب علم جمييييييييييييييييييييييييييييل

هذا ليس كل ما لدي لكن يوم تقرا هذا الرد اعلمني لكي ازيدك اكثر .....

تحياتي
Dr.AnOsA