ورق الحائط

[Khalidksa]

ممكن احد يعطيني عناوين المحلات المتخصصة في ورق الحائط.....اللي في الرياض بس

ووووشكرا

[فيلسوفة زمانها]

نسيج ------>غالي

ما عمري شريت بس إذا رحنا هناك أشغل نفسي في تصفح كتب ورق الحائط ... عندهم حاجات حلوة بس غالي

[Khalidksa]

يعني كم
ومن فيه غير نسيج
طيب الدرج وش احسن شي له غير الرخام....اقصد ارضيات الدرج
ابي شرح بالتفصيل مع الاسعار وياليت تدفوننا باقتراحات...انتم الخبرة
مشكورين

[فيلسوفة زمانها]

أمممم , فيه شي شفته في أحد التصاميم الأمريكية ... تكون العتبة العلوية من خشب بني . و أساساتها من خشب مطلي أبيض بس لو بتسويها هنا بالرياض أو بالمملكة و المدن المجاورة أنصحك . تخلي أساساتها أسمنت لأن الخشب بسخرب عليك و يبيله عناية أما للعبتة العلوية فمعالجتها أسهل و لو صار فيها مشكلة معالجتها أسهل بكثير . و تتفاوت أسعار الخشي مثاً عندك أجياد الرياض على التخصصي إذا ما نت غلطانة أتوقع وحدة من أنواع الخشب إلي سألت عنها كان مترها بـ 45 ريال . مدري يمكن أكثر هذا الكلام من حول 4 -6 شهور

فيه سراميك على شكل خشب هل يومين شكله حلو بس لو بتختار شي للدرج أنصح ما يكون أملس عشان ما تزلق . المتر يجي حول 35-55 ريال حسب المحل و موقعة و لو بتأخذ منه تأكد ما يعطونك مكسر . و له طريقة خاصة بالتركيب .

هو الصراحة أفخم شي الرخام . و يواجه أكثر مشكلته الموية لو حت عليه تخربه .. زي أي مادة ثانية بس المشكلة لو ما مسحته بسرعة تصير فيه بقع زي الصدى ما تروح و مشكلته غالي ما ألومك أنت ما تبيه

فيه ناس يحطون موكيت بس أنصحك تجنب ألون فاتحة و خصوصاً لو كان درج رأيسي . لأنه بيسود بسرعة . بس عموما الموكيت لو جاه شي صعب تنظيفه . و للموكيت أنواع فيه إلي يصير زي الخيوط الملتفة ما أعرف أسمه كأن واحد ماخذ خيط و مسوي فيه حلقة فوق الموكيت و خشن و مب مرتفع ولا شي , هذا رخيص مررررررررررررررررررررررررررررررررررررررة , و في شي يجي كأنه وبر عادي مب مرتفع سعره شوي معقول . و شي يجي ناعم أغلى شوي على ما أعتقد و كل ما زاد الإرتفاع و النعومة زاد السعر و ترى الأمريكي أحسن شي . و أهم شي في الموكيت عدد الغرز في سم المربع الواحد و كل ما كان مرصوص كل ما كان أحسن و كل ما كان أنعم كل ما كان أحسن و مع كل هذي الأشياء كل ما زادت زاد السعر .

فيه ناس يحطون لباد بس ما أنصح فيه لأن الحافي بتلزق رجله فيه ,, لو أنكب شي زي عصير ولا شي مدري أنا شفته عند وحدة أحس انه مب عملي بعدين لو في شي عند الدرج زي نبات أصيص عمود زينة لما تغير مكانه بعدين راح يبين انه كان هناك بكون المكان شوي مرصوص عن غيره .

هذا إلي أعرفه ...

بالنسبة للأسعار أنا آسفة لسببين أني صعبة أطلع , بعدين عندي أمتحانات ولا كن سألت أحد يروح يسألي ...

وشكراً