بعد مشاهدتي لعرض Fatal Frame 3 من gs .. اقدر اقول أروع و أرعب لعبة رعب شفتها " !!!
Fatal Frame 3 : The Tormented
السلام عليكم ، الكل طبعا يحب العاب الرعب للقصة أو الشخصيات أو الرعب ، وانا شخصيا احب العاب الرعب للقصة والرعب بس ! المهم حبيت اول شيء اشكر الأخت ( "روجينا " على كل ما قدمته من مواضيع مثيرة حول الأطار القاتل 3 ) ، وطبعا آخرها عرض للعبة . العرض اللي في gamespot هو نفس العرض الموجود في موضوع الأخت . بس يختلف شوي لأن العرض اللي في gamespot
مدته 5 دقائق اما العرض الموجود في في موضوع روجينا 3 دقائق ..... في فرق ..
نفس العرض بس أطول وفي مقاطع جديدة مع ترجمة انجليزية + تعليق رهيب = في النهاية العنوان للعبة !! يعني نصيحة انسى موضوع روجينا وشوف العرض هذا احسن >>>> امزح ترى
المهم انا اليوم الصبح شفته ، بصراحة ما اقدر اوصف لكم كيف دخلت في فلم مرعب من الطراز الأول ، العرض مرعب و خيالي صراحة .
طبعا في بداية العرض تطلع علامة شركة Tecmo وبعدين يبدأ الفلم المرعب .. يا اخي رعب حقيقي . القصة راح تكون top وراح تكون من افضل القصص في العاب الرعب .. بالنسبة للرعب لك عليه . هذي راح تكون أرعب لعبة حتى انها أرعب من الجزء الأول و الثاني ^^
ندخل في العرض : -
راح تشوف البطلة REI وهي تحمض الصور. اسمحوا لي ما عندي خلفية عن القصة . هذي البداية بس .. بعدين راح تشوفوها مستغربة وهي جنب النافذة مع هطول المطر .. وفجأة ندخل في حلمها وأول شيء راح يشد انتباهك هو ان الكميرا الموجودة بالجزء الثاني راح تكون موجودة بالجزء هذا هذا اللي فهمته من العرض وهو يقول THE CAMERA Obscura . فجأة تبتدي الأشباح بالظهور وراح يكون أول شبح أمرأة و REI في هذا الوقت ما عندها كميرا ، ووقت هجوم الشبح خلاص ينتهي الحلم وتجلس REI من نومها !!! ... وفجـأة +_______+ .
ما ابي اخرب عليكم ^^ . لأن اللعبة راح تكون مدمرة هذي المرة.
اصلا العرض خليط بين فلم THE RING وفلم THE GRUDGE ...... تخيلوا !!!!!
وهو أقرب الى فلم THE GRUDGE
عندي بعض الملاحضات : -
1- الأشباح راح يكونوا موجودين في احلام REI و منزل REI في الواقع . ( مثل SH4 تقريبا ) .
2- الوشم راح يطلع لما تشوف REI الشبح الأزرق . هذا ما لاحضته من العرض .
3 - اسم اللعبة بالأنجليزي Fatal Frame 3 The Tormented
واسمها بالياباني ZERO 3 : VOICE OF THE TATTOO
4- الجزء هذا راح يكون أرعب جزء للسلسلة تقريبا " استنتاج من العرض "
5- بطلة الجزء الأول Miku راح تكون موجودة في الجزء الثالث ^___^ .
على العموم ما بقى الا شهرين بس ^^ وتصير اللعبة في يدي
باي
