نهائيات بطولة GT4 للشرق الأوسط ..

[msm]

التصفيات انتهت في دول الخليج وتأهل 12 فائز إلى النهائيات التي ستقام في دبي في سوق ابن بطوطة يوم الجمعة القادم الساعة السادسة والنصف مساءاً ..لتحقيقهم أفضل تجارب سرعة بسيارة Nissan 350Z Gran Turismo 4 Limited Edition (Z33) ’05 على مضمار Suzuka Circuit East Course ..



شارك في التصفيات أكثر من 7 آلاف مشترك من 9 مدن في الخليج .. المتأهلون الـ 12 للنهائيات هم :


عبدالرزاق عبدالملك / الرياض


أصيل الصفياني / جدة


حسين التاروتي / الخبر


معمر القبيسي / أبو ظبي


بسام الجاجه / أبو ظبي


فادي تمور / دبي
(أعتقد أنه أكبر المتسابقين 27 سنة)


أرنولد فارجيس / دبي


حمد العمري / الكويت


أحمد العزمي / الكويت


رشاد غازي / البحرين


عبدالله الخاطر / قطر


كاميرون شيزرايت / عمان
(أصغر المتسابقين 11 سنة - بريطاني)

ملاحظة :
قد تكون هناك أخطاء في أسماء المتأهلين ..فعذراً ..

الفائز بالبطولة سيحصل على سيارة Nissan 350Z بالإضافة إلى التأهل للبطولة العالمية التي ستقام في فرنسا في لي مانز الشهر القادم ..



الموقع الرسمي للبطولة :
http://www.sony-mea.com/vac/gt4/html/default.html

مواضيع ذات صلة :
شارك ببطولة العالم لقراند توريزمو واربح سيارة رياضية قيمتها $$$$

[Squall 9]

what the

والله يحظه الي راح يكسب o_O

لو كنت اعرف انها راح تصير عليها مسابقات .. كنت تدربت عليها من قبل كم سنه لكن ما اعرف GT مرره

مشكور msm على الخبر وعلى صور الفائزين

يلا عقبالك تشترك وتفوز وترفع راس المنتدى

[الهروب العظيم]

فلة في فايز اسمه بسام بس تراه موب انا
توقعت انك بتشترك يا محمد فعشان كذا بطلت ما نقدر ننافس

عموما مبروك للمتأهلين
ومبروك لصاحب السياراة من الحين
ومشكور ام اس ام ^^

[The Last Fantasy]

والله جي تي يبغالها واحد راسة فاضي .. لأنه لازم يكون عارف قطع السيارة زين .. وأحسن الشركات المصنعة للمحركاته وغيرها ... فاضي أنا بس ما شاء الله عليهم ناس تفهم والله مو مثلنا

مشكور ام اس ام ^^ توقعت انك بتشارك فيها

.ســ.ــلــ.ــمــ.ــلــ.ــم.

[thaer89]

مشكور اخوي كثير

[msm]

هههه أنا صحيح أعشق السلسلة ..بس مو محترف فيها ..

النهائي مثل ماكتبت راح يكون غداً الجمعة ..اللي شايف نفسه فاضي (من أهل دبي) ممكن يحضرها بنفسه ..

ومتشكرين للجميع ..

[Terry_88]

msm شكرا حبيبنا علي الموضوع و فعلا عندهم اشياء ما نتمتع بيها احنا يردون واحد فاشي جدا و صراحة امر صعب بس نحنا كمان نلعب المهم تسلم ..

[Electro M]

أشوى اني ما اشتركت لان عندي اختبار نهائي يوم السبت و ما كنت بحضر النهائيات
تخيل تعبي كله يروح على الفاضي <<== مصدق انه بيتأهل

[Azerothian]

ههههههههههه أنا اشتركت فيها ويا فرحتي فرق بيني وبين معمر القبيسي 5 ثواني هو 54 ثانيه وانا 59
تبون الصراحه أرتبكت يوم لعبت فيها (أحس ان العالم كلهم يطالعوني لا وواحد قاعد على راسي وانا العب عشان يسجل الوقت) <------- كان ودي اظربه هههههههههه
بس يوم رجعت البيت جربت من جديد ويبت 56 ثانيه
لا وازيدكم من الشعر بيت شريت GT4 يوم الخميس بالليل ورحت اتسابق يوم الجمعه، ما مداني اتعود عليها

ان شاء الله نشترك في الجي تي 5 للبي اس 3 ههههههههههههه

سلاااااااااااام

[croove]

أنا أشتركت في المسابقة بس طردوني
اللجنة المنظمة قالت لي إني محترف زيادة عن اللزوووم <<<<<< خخخخخخخخخخخ
أمزح (مستوى لعبي وسط)


ما شاء الله عليهم
يا حظه كاميرون إذا حصل الـ Z
بالتوفيق لهم جميعاً

و تسلم msm على الخبر


بس أقول
أحد منكم يعرف من فاز بالبطولة ؟؟؟؟ <<<<< اليوم الجمعة ....

[Key.Rey]

السلام عليكم يا اخي العزيز تسلام علي هده الموضوع الجميلا
السلام عليكم
:vereymad: key rey :vereymad:

[Deadly Spot]

كان ودي اشترك في البطوله لكن للاسف ماقدرت

مشكور على الموضوع

[أبو الغضب]

الاول كان رقمه 55,4 ثواني تقريبا
اما انا فكنت 56.7 ثواني (( على فكره أنا كنت المركز الثالث في قطر ))


لو اني مجتهد شوي كان زادت فرصتي اني اكون الاول ولا الثاني على الاقل
بس بعد .... الصراحه شعور رائع انك تكون عارف نفسك انك ثالث اسرع واحد في هالعبه في كل انحاء قطر وانه مافيه إلا 2 فقط اسرع منك

[JAK]

هذا كان عندنا فاللاند مارك يالله عاد شد حيلك اخوي msm و ان شاء الله تشارك فبطولة جران تريزمو 5

[أبو الغضب]

هذا كان عندنا فاللاند مارك يالله عاد شد حيلك اخوي msm و ان شاء الله تشارك فبطولة جران تريزمو 5

انا كنت موجود يوم كان يقدم التحدي .... انت لو تشوفه شلون يسووووق ... ماشالله عليه انا ماعمري شفت اسرع منه في هالعبه ... حتى انا مش قادر عليه .. يعني فرق 1.5 ثانيه تقريبا كبيره جدا وصعب انك تقللها