جلست استرجع الذكرى على ما شفت من حسرات
من أيـام الطفولـة عقلـي الباطـن يقاسيهـا
أحا و ل أزرع البسمـه بثغـر ٍ يلفـظ الونـات
على آمال ٍ بقلبي قـد توفـت مـع أمـا نيهـا
زرعتك في شفاه ٍ ناشفـه مـن قلـة البسمـات
لأجل تحيـا عـروق ٍ ميـت ٍ إحساسهـا فيهـا
دفنت آمالي بصدري بعـد مـا ماتـت بلحظـات
ووا سيت ا لمشاعـر مرسـل ٍ فكـري يعزيهـا
أغالط نفسي بنفسي وأقـول إن الأمـل مامـات
ولي عشرين عـام ٍ صدْمتـه مازلـت أعانيهـا
رسمتـك واجهـة مستقبـل ٍ إغتالتـه طعنـات
جحود ك .. والهجر خصلـة بطبعـك ماأدانيهـا
ترى شعلة لهيب البعد في وسط الحشا شمعـات
أخذ تي نورهـن والنـار فـي قلبـي تركتيهـا
تناسيت الجروح وقلت أبفتـح للأمـل صفحـات
ولكـن سيـرة الفرقـا مـع افكـاري تباريهـا
ولو إن الفرح ما قد تكرّم فـي العمـر ساعـات
ولكن قلت أبا أصنـع فرحـة ٍ لعيونـك أهديهـا
وأ نا ما أ ملك دليل اللـي تسوينـه ولا إثبـات
سوى قلب ٍ يعزك .. والشهـادة جاحـد ٍ فيهـا
