+-----{{ السلام عليكم }}-----+
من عنوان الموضوع بتسائل أي تربيه اللي اقصدها بالتربية الخاطئة
كلنا الأعضاء من غير المتزوجين نعيش مع أهلنا. . . وتربينا علي أيديهم
تربيه صالحه الحمد الله بس. . . اللي كان ودي أقوله ونتناقش فيه هو. . .
علي أي أساس اهلك حاطين قوانين البيت؟ وهل كانت صالحه لتربيتنا التربية الصحيحة؟
في بعض البيوت يكون الأبوين مهملين وايد وفي بعض البيوت يكونون متشددين وايد
فأي من النوعين تربية عليه؟ . . .
+------------------------------------+
طبعا َ هني بنتكلم عن التربية الخاطئة و شو اللي يترتب عليه
وبعد أتمني انه كل واحد يعطيني رأيه صغار وكبار أحب اسمع أراء كل الأعمار
+------------------------------------+
وأنا الحين بتكلم عن وجهة نظري . . .
طبعا َ نحن غصبا َ عنا نسمع لكلام أبوينا ونمشي عليه وعلي القوانين اللي حاطينها لنا
لكنا بعد ما نكبر نكتشف انه في قوانين خاطئة وأكيد تكون مب حرام حرموك اهلك منها
أعطيكم أمثله عليها:
+ عدم الخروج من البيت بحجه انه غلط الواحد يطلع بعد غروب الشمس وفي الصباح يكون دوام ويوم الخميس والجمعة الضيوف ما يقصرون +
+ عدم مشاهده الأفلام بأنواعها والقصص الاجنبيه +
+ لبس الشيله في البيت و خاصة ً أمام الأب! +
+ عدم شرب المشروبات الغازية*Pepsi* بالاخص ;-q
+ قفل المطبخ الظهر إلا وقت العشاء ;-q
+ ممنوع وضع المكياج و العطور *ماعدا مزيل العرق* داخل المنزل بالأخص الدخون والعود +
+ عدم التحدث علي التلفون أكثر من 10 دقائق وفي المواضيع المهمة فقط +
+ الإطلاع علي الأغراض الشخصية من قبل لام +
+ وضع المكيف لدرجه 25-23 فقط ( بلادنا حارة )+
+ عدم زيارة الصديقة حتى لو كانت مريضه +
+ التفرقة بين الولد والبنت +
+ الانترنت أكيد معدوم ;-q
+ ممنوع إشعال المصباح وقت النوم*الاباجوره* +
+ عدم غلق باب الغرفة حتى لو كان للضرورة +
وقوانين غيرها غريبة ومضحكه في نفس الوقت . . . وصدق أنا ما أبالغ بالعكس في بيوت
عندها قوانين أشد عن هذه
والمشكلة انك لو اعترضت علي شئ أو قلت للأبوين ليش
يقولون لك هذه هو الصح!!
وعلى هذه كله يترتب أشياء سلبية للشخص مثل
+ يصير هذه الشخص عدواني وما يحب يخالط الناس والأصدقاء ( انطوائي) +
+ يحس بالإكتئاب والضيق من قبل الأهل +
+ وفي أحيان كثيره يبحث الشخص عن أشياء ترفهه خارج البيت واغلبها خاطئه مثل:
+ التدخين ( للولد ) +
+ تدني مستوى الولد +
+ النظر إلي مناظر جنسيه ( صور أو فيديو ) +
+ البنت تسوي علاقة مع شاب +
+ لغتهم الإنجليزية تصير ضعيفة وايد بسبب عدم الاهتمام والقراءه +
وأشياء سلبية وايد هذه من غير ضرب الأهل أولادهم وأمام الخدامة!!
وبالأخص الشخص يبدأ يسوى أشياء غلط عشان يملي النقص اللي عنده..
ما بطول عليكم بالكلام والحين اترك الموضوع للنقاش
<< أتمني انه كل واحد ما يخجل ويكتب اللي يريده ويعطينا رأيه >>
من اللي بيخترعها خخخ
المشاركة الأصلية كتبت بواسطة shjoonal3in
وبالخفاء بعد حتى قايلين للهندي حق البقالة ما يوصل للبيت بيبسي عاد هو مسكين على قد عقلة نقوله جيب كوكاكولا ويجيب يحسب الكولا يفرق كثير عن البيبسي في الطعم(بس الحمدالله ما اشرب البيبسي والكولا الا متى ما اشتهيت)
.
الا الاهل الي عيالهم(بنات-اولاد)سمان بزيادة.
الام معاها حق بس مو 10 دقايق ما يمديك تسلمين الا وخلصت العشر دقايق.
والولدproud5: هذي لازم تكون في اغلب العائلات بس الحمدالله مو عندنا لان اهلي خلاص ماعاد تفرق عندهم البنت عن الولد مع اننا ( 6 بنات وولد واحد بس)هو زاد علينا بالسيارة بس لان البنات ما يسوقون عندنا بس عندنا سواق يعني عادي.