((GYM))

[ODIN]

سلام


كثر الحديث باغلب المواضيع حول رياضة الحديد .. واغلب الشباب وحتى البنات ناوين يستغلون الصيف بالرياضه هذي






الموضوع هذا راح يكون اغلبه نقاش مركز حول الرياضه هذي .. ملاحظ انا اغلب الاعضاء ودهم يتكلمون ويتناقشون فيها بشكل مستطرد كثير ..


يعني بنقاشنا مع بعض راح نحاول نعرف ايش الحلو الرياضه هذي وايش العوائق الي ممكن تخلي الواحد يتردد بدخول عالمها



- اول شي .. ماهي هذه الرياضه ومالمميز بها ؟

عبارة عن رفع اوزان بمرات قليلة وبجلسات متقطعه ومتتابعه .. وفيه لكل عضلة تدريبها الخاص طبعا ..


الرياضه هذه تعتبر من اسرع الطرق لتنسيق الجسم سواء للرجال او النساء ..



في المراحل الأولية لنتائج هذه الرياضه ... تنسيق الجسم ثم تجي مرحلة تفصيل العضلات .. تكون كل عضلة بارزة قليلا و منفصله عن الاخرى بشكل واضح ..

ثم تجي مرحله تضخم العضلات ..


ولكل شخص برنامجه الخاص ..


عشان كذا ضروري لما تنوي تسجل بنادي ضروري تشوف ايش نظام المدربين عنده .. وهل يعطونك جدول بمراحل مختلفه كل شهر او كل اسبوعين ؟ او الشغله على البركه اعمل التمارين الي تبي وخلاص



فيه كثير نوادي حاطين لك الات ويله تدرب وبس والمدرب اذا تحتاجه ناديه .. هذي بصراحه سيئه جدا ونصيحه اجلس مثل ما انت ولا تدخل و تضيع نفسك ...


حتى تلقى بعد شهر كتف اكبر من كتف ويد اصغر من الثانيه ويطلع الجسم معوق بسم الله علينا


اعيد مرة ثانيه انه ضروري يكون فيه جدول متابعه من المدربين ... قياس عضلاتك بشكل دوري وتغيير التمارين بشكل دوري على حسب مستواك ..




ميزة الرياضه هذي انها تقوي الجسم كله بكل عضلاته !


الرياضات الاخرى تركز على عضلات معينه بالجسم فقط ..


-


نصائح متفرقه /


- الرياضه هذه فرصه رائعه جدا للضعاف .. تأثيرها عليهم بيكون اسرع من السمينين .. السمين لازم يضعف نفسه ويوصل لمرحله مقبوله وبعدين يبدأ يشيل حديد .. لأ الضعيف يبدى على طول بس في البدايه تمارين لياقه عاديه كم يوم ثم يبدأ بالحديد



- الرياضه هذي يبيلها همه كبيرة جدا جدا جدا ... بالنسبة لي انا شخصيا اشوف انها مملة ولو ان اخوي القعقاع رأيه مختلف .. يعني الشغله خاضعه لوجهات نظر


في البدايه راح تتعب كثير كثير بشكل ما تتصوره ... ترجع من التمرين عادي .. تنام تقوم ثاني يوم وعضلات جسمك كلها تألمك ولا تقدر تحركها من الألم .. تقريبا الحاله هذي تستمر من اسبوع الى اسبوعين وبعدين خلاص تتعود ويصير كل شي طبيعي ..


عشان كذا كثير ناس ما يكملون ويقولون وش اللله حادنا ؟!

اذا انت عندك همة راح تكمل ان شالله لان النتيجه تسوى تسوى التعب كله


- لا تستعجل ابد بالنتائج .. ونصيحه انساها .. كمل التدريب شهر شهرين ثلاث شهور .. ومتى ما حسيت بفرق تمام .. ومتى ما حسيت كمل بعد ..

كل شخص وله تكوينه الجسماني الخاص فيه .. مافي موعد محدد تطلع فيه النتائج ..


فيه ناس يبين عليهم بشهرين بس .. وفيه بثلاث شهور وفيه باربعه ..


لا تستعجل




- اهم نصيحه وتقريبا تعتبر الشق الثاني من عملية تقوية الجسم وهي الأكل !


خاصه للضعاف .. لازم لازم تزيد عدد وجباتك .. ثلاث وجبات ابد ما تسوي شي .. وبصراحه اذا انت من النوع الي ياكل وجبتين وخلاص .. انصحك لا تدخل لانك راح تتعب نفسك على الفاضي بدون ما تلقى نتايج


حاول تكثر من الاكل الي فيه بروتين لانه هو الوقود تقريبا ... مثل الدجاج واللحم والفول والبيض


ونصيحه لا تزيد حجم وجباتك عن طاقتك اكل بشكل معتدل .. لكن زيد عدد الوجبات .. 5 وجبات او سته تعتبر جيده وكافيه


طبعا الكلام هذا للشباب الضعاف الي يبون يزيدون حجم جسمهم وعضلاتهم



ايضا فيه البروتين البودره او غيره من مزيدات الوزن ... تعتبر مناسبه للي جسمهم ضعيف بزياده .. على الاقل في البدايه بس الى ما يتحسن الوضع ..


- كل كلامي الي فوق يعتبر ملاحظات وخبره شخصيه فقط .. ممكن يكون فيه قصور او اخطاء .. الي يشوف ان فيه معلومات خاطئه او مبالغ فيها يتفضل ويقولنا .. والي عنده ملاحظات او نصائح اخرى يقولنا ايضا ..

[ODIN]

فيه ناس طبعا تاخذ الهرمونات .. الي تأدي على تضخم غير طبيعي مثل خوينا هذا





ومعروف ان لها اثار جانبيه خطيره جدا .. انسوها



احسن شي الغذاء الصحي والمتواصل حتى يطلعلك الجسم الي تتمناه وتحلم فيه


- حاول تكون بدايتك في الصيف .. البدايه دائما متعبه مثل ما ذكرنا .. لكن عند نهاية الصيف تكون تقريبا تعودت وصار جزء من حياتك .. كمل الى ما بعد الدراسه حتى تشوف النتائج الجيده ..


- اختار صديق يكون معاك يشجعك وتشجعه بالتدريب .. لكن احرص لا يكون هذره ويروح الوقت كله سواليف .. احرص انك تختار شخص جاد


-

[ODIN]

تجربتي الشخصية /


- صارلي ثلاث شهور والحين بالشهر الرابع .. --> حمل صار

- في أول اسبوع لي بديت اعمل تمارين سويديه لمدة ثلاث ايام .. صراحه كان لها اثر كبيير انها تخفف من الم العضلات الي في البدايه ...


بديت ببرنامج الحديد بعد السويدي على طول .. واستمر معاي الم بكل جسمي اسبوع وبعدين بدى يروح تدريجيا ..

الماء الحار احسن علاج له يرخي العضلات كثير ..


- اول كنت ضعيف .. لكن وزني مازاد كثير الحين .. والسبب اني ما اكل وجبات كثيرة .. ثلاث وجبات بس على النظام الطبيعي يعني .. وهذا مب زين للي يبي نتائج سريعه ..

وبسبب كذا وزني ما زاد كثير .


عن نفسي انا متعمد كذا لانه فيه شكل متصوره حاطه في بالي ابي اوصله .. بس مجرد تفصيل للجسم وعرض مناسب .


وانت عاد وراحتك اذا تبي جسم ضخم لازم تزيد من عدد وجباتك المغذيه ..



- أثر الاكل ضروري جدا .. نصيحه اليوم الي ما تتغذى فيه زين لا تروح للتدريب .. واذا رحت لا تثقل على عمرك العب على خفيف .. لان الاكل مثل الوقود .. تخيل سيارة تمشي بدون وقود ..
انا الاحظ هذا بشكل كبير جدا على نفسي ..

مثلا بتدريب عضلات الظهر Back.. في اليوم الي ما اتغذى فيه زين اشيل 60 باوند بس واتعب بعد .. اما اليوم الي اتغذى فيه زين اقدر اشيل 80 و 90 باوند حتى وبتعب اقل !


دائما حط الغذاء شي اساسي بالتدريب ..



- الحديد ماراح يعطيك ذيك اللياقه الي متوقعها ... اللياقه الي تحصلها بالسويدي افضل بكثير .. الحديد قوة بس اما اللياقه تحصلها بنسبة خفيفه منه ..

يعني الي يبي لياقه يركز على الجري او السيكل او السويدي افضل شي

[Yamato]

يا حلوه وهو محطي شعار السوبر مان على كتفه.. -__-

ياخي والله انها رياضة متعبة مثل ما قلت... انا حتى تمارين ضغط حاولت اني امشي عمري فيها في الجامعة وما قدرت.. وحتى رياضة المشي... فما بالك اسير صالة واتدرب بالساعات..

انا اخوي ما شاء الله عليه صار له الحين سنين يتدرب بس مشكلته مع البروتينات اللي ياخذه.. واحيانا يمزح ويقول بيضرب ابر... احنا في البيت شي يستوي فينا بس ما اظن يسويها.. ان شاء الله..

هو مشكلته انه اذا ما تمرن بيزداد وزنه مع الاكل العادي حتى.. اما انا فشو ما اكل اتم على نفس الهيئة...

وعندي احد اصحابي.. من سنة قرر يضعف عمره ويتدرب حديد... وهو كان متين وعنده كرشة حلوة...
بدا اول شي بتخفيف الاكل.. وياكل اي شي فيها سعرات حرارية قليلة.. حتى الدجاج كان ياخذه وينظفه بالكلينكس... وكان يسير يركض... وبعد سنة تقريبا كان ما شاء الله وزنه اخف عن وزني.. والحين قام يسير الصالة... صحيح عنده بعض الترهلات من الزمن القديم.. بس قامت تختفي الحين مع الاستمرار في التدريب...

ياخي بالنسبة لي لو كان التدريب مثل النوم لكنت الحين بطل العالم

موضوع ممتاز والله... وينه القعقاع يمدنا بخبراته

[ODIN]

نجي الحين للمتان ..



نصيحة ذهبيه لتخفيف الوزن /


- اكل كل شي وخذ راحتك بأي طعام تشتهيه .. اكل لحم واكل دجاج واكل ستيك بالشحم حقه لكن شغلتين ابتعد عنهم ..


هي السكر والنشويات ( الرز + الخبز + المكرونه وغيره )


اخوي مشى على هذا النظام شهر ونزل اربعه كيلو بدون لا يسوي رياضه ..!


ما يعتبر رجيم ولا شي .. لانك تقدر تاكل كل شي لكن بدون خبز وسكر ( وش بقى طيب )


السكر استعيض عنه بالسكر المحلى ذاك حق الرجيم ..



اوه ولو تلعب سويدي بعد .. خلاص راح تنسى السمنه باذن الله

[ODIN]

اهلين ياماتو


عادي في البدايه ما يحتاج ساعات ولا وقت طويل .. راح يكون برنامج شد بس .. تقريبا كل يوم ساعه او ساعه ونص بالكثير .. يعني ماياخذ وقت كثير ان شالله



شد حيلك بس وادخل بالصيف .. ترى الرياضه حتى النوم تساعدك بالسيطره عليه النوم ماراح يصير ثقيل ..



وشكرا لمشاركتك


هذا ما عندي تقريبا .. وننتظر الاستاذ القعقاع يفيدنا بخبرته بعد

[Kubaj]

فعلاً.. اللي يستخدمون الsteroids مالهم داعي.. ويصير جسمه زي اللي حطيته
بس آخرتها موب قادر يجيب عيااال.. تدري وش احسن شي
انا اعتبره صراحة.. اللي هو تقريباً.. حسب رأيي افضل جسم لأي شاب..
مايكون مبالغ فيه مرة.. ولا مرة معصقل كأنه السيكورتي اللي في البنك الأمريكي

هو هذا.. أفضل جسم في العالم.. - الوصلة للشباب فقط -

http://img.photobucket.com/albums/v319/Kubaj/mwap8.jpg

ممثل بريطاني.. كريستيان بايل.. في فلم امريكان سايكو.. طبعاً.. بعد كم فلم.. نحف ثلاثين كيلو



صورة من فلم الميكانيكي.. عام 2004

شوفو الفقر بس.. الدايت حقه كان علبة تونة وتفاحة بس يومياً..

وصار كأنه توه طالع من مجاعة.. يوم قالوا له فلم باتمان يا بطل.. رجع جسمه وبكل بساطة

[Yamato]

برايي انه اللي عندهم احسن الاجسام هم لاعبي الجمباز... جسم مفصل ما شاء الله... ومن صغرهم متعودين عالتدريب...

اودين.. تكفى لا تقولي انت كمان اني اروح الصالة.. اغلب ربعي يقولون: قم خلنا نسير نتدرب في صالة... الصراحة طفشت.. وانا اقولهم لما اشتغل وافضى.. -__-

[hussien-11]

مشكور أخوي على الموضوع

فيه كثير معلومات جديدة علي ...

الألم كنت ألاحظه على صاحبي و الله .. خصوصا في البداية مثل ما انت قلت .. لكن كل شي صار تمام بعدين .. كنت مفكر أتدرب بالصيف .. لكن بديت أغير رأيي .. ليه ما بعرف .. خلني على كرة القدم

[القــعـقـاع]

موضوع في الصميم ما شاء الله نصائح جميلة تشكر عليها...

عبارة عن رفع اوزان بمرات قليلة وبجلسات متقطعه ومتتابعه

هذا احد جوانب الرياضة... يعتبر تكنيك من عدة تكنيكات

في المراحل الأولية لنتائج هذه الرياضه ... تنسيق الجسم ثم تجي مرحلة تفصيل العضلات .. تكون كل عضلة بارزة قليلا و منفصله عن الاخرى بشكل واضح ..

صحيح... لكن تقدر تقول ان التفصيل و التضخيم تعتبر متداخلة.... حتى فيه ناس ما تتنسق اجسامها الا بعد التضخيم فالمسالة نسبية...

اما بالنسبة للمدربين فاوافقك تماما... و الاخطر من ان "كتف يطلع اكبر من كتف" ان المبتدئ تجيه اصابة و خصوصا في اسفل الظهر و الاكتاف... كل ما شفت مبتدئ يتدرب لوحده و تدريب غلط و من دون ما يسال احد اكون جالس انتظر "تك" بعدين صراخ بس الحمدلله الى الحين ما صارت

النصائح كلها تمام

يا اخي كيف مملة... الرياضة دائما متغيرة..كل فترة و الثانية تغير التمارين..كل فترة و الثانية تتغير الاوزان...و تغييرات ثانية كثيرة..بالعكس يعني
و بالنسبة للالم حبيت ابين بس ان الالم جزء طبيعي من العملية و خصوصا ان الهدف من التمرين هو انزال اكثر ضرر بالعضلة..و الالم يشترك فيه المبتدئ و حتى المتقدم اللي قطع التمارين فترة معينة و رجع... لكن المفروض ان البداية ما يكون فيها الم.. اذا حسيت بالم فالبرنامج حقك فيه شدة زايدة عن اللزوم

نجي الحين للمتان ..

اها..هنا مجال تخصص

بالنسبة للاكل..الدهون.البروتين.النشويات:كلها مهمة و لازم تشملها في اكلك
استخدم الدهون غير المشبعة unstaturated fats و استخدم النشويات المعقدة(الرز او البطاطس المسلوقين مثلا) و حاول تنوع في بروتينك:حليب-بيض-لحم ابيض-لحم احمر-فول-صويا..

و اخيرا: المفترض ان التمارين ما تزيد عن ساعة-ساعة و10 و اترك الهذرة اللي ما لها داعي..اما النحاف فاعتقد ان اوقات الراحة عندهم تكون اكبر من حقت السمان

ODIN: اي شي ما ذكرته هنا, انا و اياك عليه

و نصيحة ثانية: لا تشوف فلان يشيل كذا كيلو او فلان يلعب التمرين الفلاني و عطاه نتايج جيده تقوم انت و تسوي مثل اللي سواه اكبر غلط كل انسان يشتغل على حسب امكانياته.. و شكرا لك اودن و لكم ايضا

خوباج: و الله لو اجلس عشر سنين ما وصلت نحافته يخخخخ

[Angel whisper]

واهم شي خلو الوجبات السريعه والمشروبات الغازية بعيده عنكم ..
هاذي بروحها نقصتني كيلوين يوم تركتها
موضوع مفيد ومميز اودن ..
نشيط اونه مستوي الحين XD

[Da S.O.S]

لا ان شاء الله انا اوووووووول شئ ناوي عليه هالصيفيه اروح نادي زي الناس.. ويكون في مدربين تماما..
وبرنامج علشان يتزبط الجسم..
مشكلتي من النوع النحيف -__-..
وبصراحه موب ذيك القوة ابد.. يعني اي شئ بنكسر على طول X_x
وبصراحه موضوع رااااااااااااااااايق منجد.. وبوقته!
ثانكس بدر ..
ليتك بالرياض.. كان سجلت معاك D:

[ODIN]

خوباج .. ايش هذا !! كيف ضعف نفسه كذا مب صاحي


والله شكله ولا مجاعه افريقيا .. وشوف كيف صار شكله ..


صراحه صادق هذا احلى شكل للشباب ..قبيح اذا جاك ضخم جدا والا عضلات متراكمه ومب منسقه

احب كذا انا معضل وبنفس الوقت محافظ على مظهر رشاقته


حسين / شكرا لمشاركتك


القعقاع / مثل ما توقعت ردك مثير للاهتمام


تقول ان فيه تكنيكات ثانيه غير الطريقة هذي .. حلو معلومه جديده توني ادري عنها .. قولي ايش التكنيكات الثانيه الي تعرفها ؟


وبالنسبة للمراحل الي ذكرتها انا .. صادق انا صراحه قستها على نفسي وعلى كم واحد مب شيء عام يعني .. مثل ما قلت انت نسبية

ومشكور لمشاركتك نورت الموضوع والله



انجل /


اهلين انجول .. الفاست فود صراحه يغث ويسمن على الفاضي .. حتى اللحم او الدجاج الي فيه احس انه فاضي مايفيد .. فرق عن لما اكل شي من البيت


حياك الله ونورتي الموضوع



Da S.O.S/


تمام فرصه حلوة لك اجل انك تدخل بنادي . .. واذا انت ضعيف كثير روح لأي صيدليه واسأل الصيدلي عن شي يزيد الوزن .. وشوف ايش يشور عليك مع العلم ان الشغلات هذي امنه ولا فيها ضرر .. عبارة عن وجبه زايده بس


وصراحه روعه كذا لو كل اعضاء المنتدى بمدينه وحده ويوروحون ويجون مع بعض ههه

حياك الله

[S-Python]

صراحة موضوع شيّق ..
من زمان والفكرة في بالي ..
وحمستونا أكثر ..

طيب ..
أظن اختيار المركز والمدرب المناسب.. مهم جداً ..
وشلون أبميّز بينهم .. وهل فيه مواصفات لازم تكون موجودة ؟

والي ناوينها في الصيف .. هل بيكون لها تأثير على الدراسة في الصيف مثلاً؟

وحبذا لو كان فيه تفصيل بنظام التغذية ..

...
أودين: أنت حاقة خورافية ..

[ssaa]

موضوع حلو زي عوايدك اودين احسن جسم الي حطه خوباج جسم متناسق الا اقول اودين شخبار الكون فو XD