مواقف مدرسيه

[إيرما]

السلام عليكم و رحمه الله و بركاته .........

شحالكم شخباركم شو علومكم .........
بما أن المدرسة خلصة فقررت أفتح موضوع عن المواقف المضحكه إلي أستوت في المدرسة و الإمتحانات <<<<<< المدرسة ورانا ورانا خخخخ ..هذا الموضوع حق كل حد ما عادا إلي في الثانوية العامة (ياله سيروا جابلوا الكتب :vereymad: ) وراكم نسب تاخذونها
ما أدري إذا الموضوع مكرر لأني يوم سرت خاصية البحث قالوالي أنها محذوفه
فياله كل حد يدش الموضوع يكتب موقف <<<هذا أمر
{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}{}
ببدأ فموقف أستوالنا في الإمتحانات
كان يا مكان في قديم الزمان .....كان في بنت حلو<<<سوري أندمجت ....و نرجع لمحور حديثنا
في أحد الأيام الإمتحانية إلي تلوع الجبد وكان آخر إمتحان إمتحان الرياضيات <<<ختامه مسك
فأول ما بدينا الإمتحان حصل إلي كان غير متوقع , بند علينا المكيف يعني نمتحن ثلاث ساعات بدون مكيف و في الصيف , إتخيلوا كان شكلنا يضحك عرقانين ولايعه جبدنا من الإمتحان الصعب و كانت الأبلوات يلفن علينا و في إيدينهم قلاصات ماي بارد و يقولولنا أصبرو أصبر وأحنا نطالع الماي ولا مسويلنا سالفة
وبعد إنقضاء نصف الوقت كنا ما نقدر نركز ومحرجين:vereymad: ودخلت علينا الفراشة ومعاها قلاصات ماء مثلجة و لو تجوفون ويهنا يوم يعطونا القلاصات جنه يعطونا ماس كنا نيود القلاص في إيد و القلم في إيد نمسح ويهنا بالقلاص و فرحانين و بعد طول الصبر يت الوكيله قالت لنا تعالوا غيرو القاعة ... و احنا طالعين من القاعة ميودين أوراق الإمتحانات و الأبلوات يقولولنا اطاعوا تحت لأن المدرسة كلها طالعة ما عاده أحنا لأن الإمتحان ثلاث ساعات و البنات يطاعونا و يضحكون على شكلنا و بعضهم يقولون تبون نغششكم و احنا نطالعم بعيون اتزيغ وحليلم زاغوا و شردوا من جدام القاعة و ذهبنا بعد ذلك إلي قاعة بارد فرحانين وكملنا الإمتحان و طلعنا وروحنا البيت محرجين:vereymad:
و توته تونه خلصة الحتوته حلوه ولا فت فوته.....
و الحين نسمع مواقفكم ....

[Freaky Angel]

مشكورة ايرما ( كم مرة قريتي مجلة { فتيات } )

والله موقف صار

انا مرة سألت ااستاذ عن سؤال >>>>>>>>> يعني بتسأله عن ايش

قلت له اش معنا { طبعا امتحان عربي }

فقام جزاه الله خير جاوبلي اياه


وهدية مجانية

جاوب الاسئلة الي بعدها كلها


مع الاعلم انا السؤال الي وقفت عليه كان اول سؤال { بداية موفقة }

مشكورة ايرما

[..{ شيخة بمعانيها }..]

هههههههههههههههههههههههههه ياحليلكم اتخيل اشكالكم ....^^
انا يا حليلي كان اخر يوم اخيس يوم وكان علينا تربية وطنية ...><

اللي استوى وياي يتنا المديرة في الامتحان وادور (اتلف)علينا
قالت المديرة منو مخالف ايقول ولا ايي افتش عليكم
ولبنات اكيد محد قال والمديرة يت وعصبت علينا وهي
يت اتفتش وانا كنت اخر وحده يالسة ومنزله راسي اونه
عاد أحل الامتحان بس ياحليلي يت وقفت عندي
قالتلي اشوف عينج قلت شو وانا منزله راسي
قالت اشوووووووووووف عينج :vereymad::vereymad:
خيبة والله خفت يوم اتصرخ صوتها يطلع برع المدرسة
قالت ليش حاطه كحل قلت اونه عيني الصبح اتحجني (اتحكني)قالت تعالي يوم اتخلصين الامتحان الادارة قلتلها
انا ما سويت شي قالتلي اسمعي الكلام وتعالي اوني عاد
قلتلها حاضر بيي والمديرة الخايسة ما خلتني احل لازم تبى اتوقع على ورقة الامتحان يوم و قعت كنت بنفجر من الصياح
و قالت فوق هذا خمس درجات ناقضة في السلوك ...
ويوم رحت الادارة قالت اكتبي تعهد قلتلها شو في اخر ايام
قالت هيييييي
قلتلها اوكيــــــه كتبت وطلعت
شوفتوا كيف انا مظلومة البنات حاطين كحل وما وقفت الا عندي ........



مشكـــــــــ ايرما ــــــــــورة على الموضوع ....^^

[-رجل المستحيل-]

ايرما : الله يكون في عونج

والله حالة

زين انج عرفتي اتحليل

إحنا ما في أمل

تشوفينا نسوي فوضى في الصف بس علشان المكيف مب شغال

طبعا إلى جانبه الغش

خخخخخخخخخخخخخخخخخخخخخخخخخخ

Chris Van Dam : إن شاء الله يا رب احصل دكتور مثلك

مع انه وايد صعبه

عاشقة كرورو : صج انج سهلة

إلى هالدرجة تسوين اللي يقولون لج وما تدافعين عن حقج

والله انا مكانج سويت هيلة بالقاعة (هيلة = فوضى)

وبالنسبة لي أنا

إلى الحين ما قدمت اي امتحان

اول امتحان بابدي تاريخ 15/6

وباخلص تاريخ 15/6

والله يوفقني إن شاء الله

هذي آخر سنة لي بالجامعة اللي لاعت جبدي منها

دعواتكم لي بالتوفيق

وتسلمووووووووووووووووو

[..{ شيخة بمعانيها }..]

عاشقة كرورو : صج انج سهلة

إلى هالدرجة تسوين اللي يقولون لج وما تدافعين عن حقج

والله انا مكانج سويت هيلة بالقاعة (هيلة = فوضى)

وبالنسبة لي أنا

إلى الحين ما قدمت اي امتحان

اول امتحان بابدي تاريخ 15/6

وباخلص تاريخ 15/6

والله يوفقني إن شاء الله

هذي آخر سنة لي بالجامعة اللي لاعت جبدي منها

دعواتكم لي بالتوفيق

وتسلمووووووووووووووووو

اصلا المديرة اول ما ننطق حرف تعطينا تعهد كيف تباني ادافع بس شو اسوي
اخر ايام لو ما سمعت كلامها جان حطتني صفر في الامتحان انا ما ابى ارسب
سبة كحل .......
بس الحمدالله طلعت من المدرسة فرحانه ....^^

بالتوفيق ان شاء الله في الامتحان

[اكبر دوب]

ه حلو الموضوع وقلب عليا المواجع هههههههه

الي صار والله مني عارف من فين ابدأ..

اوكيه في اخر اسبوع في المدارس سنة 3 ثانوي كانو يعملو مراجعات ..

الفصل في غياب عدد كبير من الطلاب,,

المدرس يجمعنا حولية ويشرح على دفتر بدل ما يشرح على السبورة . خليكم متخيلين المنظر..(( مررة رومنسي..

كانت حصة كيمياء ههههه مررة تضحك كنا تقريبا 6 المهم وعملنا دائرة انا جالس في وجة المدرس وحولينو الباقين يعني في على يمينو واحد وعلى يسارو واحد..

وانا معايا قرورة موية,,, وكان نصها مليان وكنت بأمزح مع صاحبي الي في وجهي على يمين المدرس..

بأعمل نفسي بأرشو بالموية ههههههههه

ومررة واتنين وتلاتة ... أخر مرة اتفكت في وجه المدررررررررررررررررررررررررررس

والله المدرس مرررررررررة :vereymad: وانا قمت اضحك مررررررررررة زي المجانين فكيت ضحك مرة

وقمت في اخر الفصل واضحك وانا داير وجهي والمدري يقول ْْxxxxxxx XXx x xxxxxx

بعدها معد دخلت حصة كيمياء يعني يومين بس.. الحمد لله نجحت واعتذرت من المدرس بعدها بإسبوع

اصلووو مرررة كان مولع,:vereymad: ..

وبس خلصت,,,

[Hajime no_ ippo]

السلام عليكم...


هههههههههه ذكرتيني بأروع موقف مر عليه أقصد بأخيس موقف


بسم الله نبدأ


كان علينا أمتحان كيميا (كابوس حياتي )
وأنا ما أحب أغش بس من كثر ما أنا متروع
من الأمتحان ومن الرسوب قررت أني أغش
أصلا كل الشباب كانوا يغشون وماقصر ربيعي
غششني وباقي السؤال الأخير ولا يمسكني المراقب (الأخصائي)
وما شاف ألا انا بينهم كلهم 500 طالب وحولني على الأدارة
ولجنة خاصة بل أرتكبت جريمة قتل وأنا ما أدري ويالله يالله
خلاني أكمل الأمتحان بعد التوسل والتأسف الشديد (مذلة)
وبعد الدوام رحت لسيارته وقطعة توايرها هذا غضب الانتقام



وألى الأمام بأذن الله

[إيرما]

هههههههه صدقنكم مصرقعين حتى في المدارس

Chris Van Dam : هههههه , كل الأعداد من واحد لين 22 و الباقي مخزنتنهم حق الإجازة , تصدق حتى أنا استوالي هذا الموقف كانت الأبلة تشرح مسأله في الإمتحان و بالغلط حطت القانون و قالت عوضوا عنه و المراقبة فاطسة من الضحك عليها لأنه ما عرفت أنها حلت المسأله و الحمدلله انه المراقبة ما أشتكت لأنها أبلتنا و مصرقعه بعد خخخخخخخ
عاشقة كرورو: شو سالفة المدارس ويا الجحال إلي نحطة يقول ميكب كامل في مدرستنا 24 ساعة هزاب واحنا مب معبرينها أفففففففف متى بيفكونا , بس الحمدلله أنا علمي محد من الإدارة يقرب صوبنا لأننا أونه طلاب علم ما يخطنا بهذي السوالف <<<< ما يدرون عنا أحنى أخس هههههه
-رجل المستحيل- : يا حضك أخر سنه يالله ورايي عشر طعش سنه لين ما أخلص بس السنه الياية بخلص المدرسة و بفتك وبسير الجامعه المهم أطلع من لوعة المدرسات و الزي إلي يقول في الجيش أو السجن لابسي موحد , و بالتوفيق
اكبر دوب: لو كان عصير أحس بس ليش تسير تعتذر يولي ما دام كيميا
Hajime no_ ippo : زين سويت فيه عشان يتعلم ما يهزب حد من منتدى الصرقعة
و يالله البقية وين المواقف ....

[Nnoshah]

السلام عليكم
أنا بخبركم بشي غير شوي عن المدرسه
بس يعني هو هالشي من ظمن المدرسه
إنه
( راعي باصنا )
شو اقولكم عنه واحد دبدوب وهو يمني يسوق الباص بسرعة يوم تيي المطبه
يكسر جسمنا
عاد أنا ايلس آخر الباص
فأتخيلو يوم تيي المطبه شوي راسي وبيوصل اول الباص
عااااااد انا اقوله حجي شوي شوي بلاك انت مستعيل على زوجتك
ماشي وقت يعني
جان يسويللي طااااف
وبعدين في يوم الثاني ركبت الباص ومثل الحاله تستوي يوميا
وأنا حالي جي اتكون >>>> طبعا من العور ( الالم ) كل يوم اتكسر
وفي يوم من الايام وانا راكبه الباص عسب نرد للبيت
شفت واحد ثاني يسوق الباص
جان اسأله وين راعي الباص ؟؟
جان يقول لي مات
قلتله شو
مسكين الله يرحمه
وبعدين وانا يالسه في الباص قاعده اسأله مرة ثانيه
راعي باصناااااا مات صج ؟؟؟؟
ويعطيني طاف >>>> ما اقص عليكم شفقت على راعي باصنا ذاك اليوم
جان اسأله مرة ثانيه مااااااااات ولا لا
يسوييلي طاااف بعد
وبعدين يوم وصل لبيتنا قلتله يالطوفه راعي باصنا مااااااااااااات ولا شو ؟؟؟؟
واخيرا جان يرد ويقول لي ((( ليش انتي زوجه مال هو يعني )))
قلتله مالت على ويهك وعلى اشكالك الواحد يسأل يعني حرام
ونزلت من الباص المعفن
وفي يوم الثاني اشوف راعي باصنا الاولي
وقلت هذوه مب ميت الحمدالله
بس الله يعيني على سواقته
==============================
بس
مشكــــــــــــورة ايرما عالموضوع الحلو

[princess sakura]

السلام عليكم

الموقف هذا صار مع إختي هي اللحين تمتحن امتحانات الثانوية العامة الله يعانها

الموقف استوى قريب في امتحاناتها
انهم نسوها في المدرسة و اليوم الثاني كان عندها امتحان جولوجياو هو صعب لأنهم يمتحنون الكورس الأول و الثاني في يوم واحد
أولا أبوي كان دوام فقال حج أخوي الكبير يسير و ياخذها من المدرسة أخوي شو سوى كان بعده ناش من الرقاد و ما غسل ويهه سار لين حجرتنا و أنا كنت راقدة في سريرها فحسب إنها إختي و أنها يمكن يت ويا وحده من ريفيجاتها فسار يكمل رقاده و مرت ساعة ونص و إختي يالسه في المدرسة وحدها و على فكرة إختي من النوعية المتشدد في الوقت يعني ما تضيع وقتها أبد عكسي أنا تماما فأنا ماصدق أشو ف حد عسب أسولف وياه خاصة في أيام الامتحانات لأني ماأقدر امسك الكتاب ساعة كاملة لازم أشغل نفسي بشيء سوري نرجع لمحور حديثنا المهم إن كل اللي في البيت راقدين و لا حد عنده خبر
إن أختي يالسه لوحده في المدرسة مجابل الناطور مال المدرسة و ناطره أخوي أخر شيء أخوي الثاني
كان يدور على أختي يحسب إنها في البيت و طبعًا استوت حشرة في البيت وسالفة كل واحد يقول إنت السبب و أخوي الثاني ماعنده ليسن و ماصدق أونه بيسير إيبه من المدرسة و ياخذ السيارة و في نص الطريق أبوي اتصله و حرج عليه ليش ياخذ السيارة و هو ماعنده رخصة و رد البيت و مايابها و اختي واحليلها بعدها يالسه و تنطر و طبعا كانت محرجها وايد و بعدين أخوي الكبير سار ييبه و لأن المدرسة مب وايد بعيده من البيت ردت البيت مشي تحت الشمس الحارة خاصتا إنها الساعة 12 الظهر و ردت وهي تصيح بتموت من الصياح و ويها أحمر وفي النهاية خلوني انا السبب في كل اللي حصل .
آآآآآآآآآآآآآآآآآآآآآسفة وايد طولت يالسة أقول قصة حياتي .....

[-رجل المستحيل-]

للأسف طلعتي وايد سهلة

مع العلم بأني في بداية الكورس

تشاجرت مع رئيسة قسمنا وعميد الكلية ورئيسة الجامعة

هذا كلة بس علشان اضيف مقرر واحد

ولا نفع معاهم

بس في النهاية عرفوني عدل

ومستحيل ينسوني

وخاصة عميد الكلية

لأني هددته قبل لا أطلع

والمشكلة بأنه أعصابي باردة

بس ما ادري ليش رفعت صوتي عليه

وبعد ما تشاجرت معاه

طلعت برع المكتب وأنا راد الباب بالقوة

واللي فاجأني إنه ما سوا لي شي

بس عادي

ولا حتى اهتم فيهم

وللعلم

هذا آخر فصل لي بالجامعة

واللي فيه خير

خله يسوي مشكلة

بيروح فيها مني

بس خسارة

فوتي على روحج مغامرة ما راح تتكرر

بس يالله

خيرها في غيرها

[Another_One]

خخخخخ

الحمد لله اتخلصنا من ايام المدرسة المغبرة

مشكورة على الموضوع

[-رجل المستحيل-]

princess sakura

خخخخخخخخخخخخخخخخخخخخخخ

صج انج ساس البلا

شكلها اختج حرمت عليج تنامين في سريرها مرة ثانية

والله يكون في عونها

اكيد لما رجعت كان وجهها مثل الكاتشب

ومشكورة على القصة الحلوة

[وائل]

انا ما تعلمت للان

اذا طلعت من مغارة علي بابا اقولكم بعدين لما ادرس واتعلم

لي سنين وذا المغارة مقفله علي

بس كويس ركبوا انترنت استانسنا شوي <== كذاب