من ترشح لان يكون بطل كاس رئيس الدولة؟العين-الوحدة-الاهلي-الوصل؟؟

[!!!!!]

السلااام عليكم

قبل البدء بالموضوع ابارك للسعودية الفوز بثلاثية نظيفة جميلة تفتح النفس واتريح الاعصاب
الف مبروك للتاهل وعقبال الازرق الكويتي.والاحمر البحريني..
-----------------------------------------------

من ترشح لان يكون بطل الكاس؟غدا الخميس تبدا مباريات نصف النهائي

العين X الوصل.......الخميس الساعة السابعة و 55 دقيقة بتوقيت الامارات.." مب متاكدة من الوقت"
الوحدة x الاهلي ....... الجمعة الساعة السابعة و55 دقيقة بتوقيت الامارات.

ومباراة النهائية يوم الخميس 16 -يوليو.. الساعة 5 و35 دقيقة بتوقيت الامارات..

انتظر توقعاتكم
والسلاام

[DMC]

في مبارة الوحدة ضد لاهلي بقول الوحدة
وفي مبارة الثانية العين ضد الوصل بقول العين اشوفه اقوى
سلام
النهاية

[!!!!!]

في مبارة الوحدة ضد لاهلي بقول الوحدة
وفي مبارة الثانية العين ضد الوصل بقول العين اشوفه اقوى
سلام
النهاية

كل التوقعات ترشح للمباراة النهائية العين والوحدة والله يستر كيف بتكون المباراة حماسية ..والجمهور ...
لكن يمكن اتكون مفاجأة ويفوز الاهلي على الوحدة "لا سمح الله"
او الوصل يفوز على العين و هذا الاحتمال الاضعف..اسمحولي ادري ان في اعضاء وصلاويين لكن هذا الواقع..لكن الوصل قدها ان شاء الله بس اعتقد انه المفروض يتجنب الاخطاء القريبة من منطقة الجزاء لانها سلاح من اسلحة العين..

شكرا اخي على المرور وردك ^^

[The Captive]

الوصـــل ..

[الوصلاوي]

شباب انتهت المباراتين بفوز العين و الوحدة

من قبل لا تبدأ مباراة العين و الوصل أو الأهلي و الوحدة .. انا مرشح العين للقب ..و هذا الي اتوقعه ... و هارد لك للوصل و الأهلي

العين : 2 - 0 : الوصل
الوحدة : 3 - 2 : الأهلي
و بالفعل .. نهائي قوي جداً جداً .. و أتوقع ما لا يقل عن 60 ألف متفرج راح يكونون في المباراة النهائية .. و يعين اعصاب الجماهير العيناوية و الوحداوية

[DMC]

وحداوي وحداوي بشيل الكأس في المبارة الذهاب فوز الوحدة على العين 2-1
ولاياب في الدوري نفس النتيجة بس الفايز كان العين 2-1 يعني تعادل في النتائج
لكن هاذي بتكون الحاسمة مين بيكون لاقوى الوحدة والعين قطبين لامارات
الي يحب المباريات القوية انصحه يتابع المبارة وبخصوص الجماهير بتكون 80 الف او اكثر
وماتنسى اخوي وصلاوي الوحدة هاذا الموسم غير في اداء والعب الممتع
النهاية

[الوصلاوي]

وبخصوص الجماهير بتكون 80 الف او اكثر

أخوي DMC .. مدينة زايد الرياضية (( أقصد ملعب مدينة زايد )) يشيل 65 ألف متفرج !! .. فكيف راح تخلي الجمهور أكثر عن 80 ألف !!

و بالفعل الوحدة هذي السنة غير ... و العين بعد ما راح يتنازل عن آخر ألقاب الموسم الإماراتي

بالفعل موقعة كبيرة .. و أنصح جماهير الخليج كلها بمتابعة المباراة .. لأنها أكيد بتكون قمة الإثارة

[DMC]

أخوي DMC .. مدينة زايد الرياضية (( أقصد ملعب مدينة زايد )) يشيل 65 ألف متفرج !! .. فكيف راح تخلي الجمهور أكثر عن 80 ألف !!

تصدق اخوي وصلاوي اذكر مبارة الوحدة والعين في الموسم الي فأت
كان لاستاد ال نهيان اظن سعته مادري في حدود 40 الف لكن استوا الفين زيادة لانهم قعدوا في اماكن سلالم
يعني استوا المكان زحمة اخد اكبر مين سعته
اظن بيكون الكلام هاذي المرة تنطبق في مبارة العين والوحدة في استاد مدينة زايد الرياضية
لان اكبر جماهير في لامارات هم الوحدة والعين
ومبارايات الفريقين دليل على كلامي
النهاية

[الوصلاوي]

لاستاد ال نهيان اظن سعته مادري في حدود 40 الف

ستاد آل نهيان سعته 15 ألف فقط .. و إن شاء الله نشوف الجمهور بقوة في المباراة النهائية

[DMC]

ستاد آل نهيان سعته 15 ألف فقط .. و إن شاء الله نشوف الجمهور بقوة في المباراة النهائية

تسلم على المعلومة اخوي ممكن نسيت سعته شكرا على تذكير
اي كلام صح نتمنى نشوف جماهير كثيرة في الملعب
النهاية

[مشجع العين]

أنا عيناوي
يعني أرشح العين

[نواف الشمري1]

انا اقول الكأس حق بطلها ومنو بطلها بطلها العين وبس

وبس انا ماراح اشوف النهائي لاني راح اكون قاعد مع ولد خالي بمسشتفى اقعد معاة وما راح اقولكم منو هو

وبعدين راح تعرفون

وانشالله بطلها العين وبس والباقي

وشكرا